SJ WorldNews - шаблон joomla Авто

သေသော်မှတည့် သြော်ကောင်း၏

Sunday, 28 July 2019 14:51 Written by  font size decrease font size decrease font size increase font size increase font size

ယခုအရေးတကြီး  လိုအပ်သည်ကား  ဟံသာဝတီ ရန်ကုန်မြို့အနီးကျေးရွာတို့ကို ဖြန့်ချထားသော မိမိနှင့် အတူပါလာသည့်...

နတ်စုလက်ဝဲဗိုလ် မင်းလှမင်းခေါင်၏ထောင်တပ်...

နတ်စုလက်ျာဗိုလ် မင်းလှမင်းခေါင်၏ငါးရာတပ်... 

ရွေးလက်ျာဗိုလ် မဟာမင်းလှမင်းခေါင်ကျော်ရာဇာ၏ ထောင်တပ်...

ရွှေပြည်မှန်ကင်းဗိုလ် မဟာမင်းထင်ရာဇာ၏ ထောင်တပ်တို့ကို ပြန်ခေါ်စုစည်းထားမှ ဖြစ်မည်ဟု တွေး၏။

သို့သော် ဟံသာဝတီ ရန်ကုန်သို့ အတိအလင်းခေါ် ယူထား၍ မဖြစ်သေး၊ ကုလားဖြူတို့မြင်လျှင် သိလိမ့်မည်။ ထို့ကြောင့် ဟံသာဝတီ ရန်ကုန်နှင့်မနီးမဝေး တောတောင်  အတွင်း၌ တိတ်တဆိတ်တပ်စွဲ ချထားစေလျှင် သင့်လျော် မည်ဟု ဤအတိုင်းစီရင်၏။

သို့စီရင်ချမှတ်ပြီးစေကာမှ ဟံသာဝတီရန်ကုန်မြို့ဝန် မင်းကြီးအဖို့ ပို၍ဆိုးရွားသော အကြောင်းသတင်းတစ်ခု ကြားလာရ၏။

မြို့ဝန်မင်းကြီးသည် လူဆိုး၊ ဓားပြတို့မွေးမြူ၍ အင်္ဂလိပ် ကုန်သည်များနှင့်တကွ  ဗမာကုန်သည်တို့ကို  လုယက် ဖျက်ဆီးစေသည်ဟု လင်းဘတ်ခေါင်းဆောင်သော ကုလားဖြူတို့က စွပ်စွဲရာ၌...

ဟံသာဝတီရန်ကုန်မြို့တော်ရှိ   ကုလားဖြူတို့နှင့် ပေါင်းသင်းအရောင်းအဝယ် ပြုနေကြသည့် ဗမာကုန်သည်တို့က ဟုတ်ပေသည်၊ မှန်ပေသည်ဟု ကုလားဖြူတို့ စွပ်စွဲခြင်းကို ချီးကျူးထောက်ခံခဲ့ကြ၏။

ယင်းသို့   ဗမာကုန်သည်အချို့  ကုလားဖြူတို့ကို ထောက်ခံခြင်းကြောင့် ဘဝရှင်မင်းတရားကြီး၏ အမြောက် သေနတ်တပ် အမှုထမ်းတို့က  မွေးဖွားသော  ဗမာပြည်ပေါက်ဟာရှင်၊ မာမက်ရူသွတ်၊ မူလာအီဗြန်ဟင်တို့ မခံမရပ်နိုင်ရှိကြသဖြင့်  ဟံသာဝတီရန်ကုန်  ''ပွဲစားလှည်းတန်း''ရပ်၌ အချင်းများကြ၊  ရိုက်နှက်ကြ၏။ ခိုက်ရန်ဖြစ်ပွားလျက် လွှတ်ရုံးသို့ရောက်ခဲ့ကြရ၏။

ယင်းသည့်ကိစ္စ၌လည်း ဗမာကုန်သည်တို့က မောက်မောက်မာမာ ရိုင်းပျစွာပြောဆို အစစ်ခံ၏။ လွှတ်ရုံးကို မလေးမစားပြု၏။ ဗမာဖြစ်လျက် မိမိတစ်အိုးတစ်အိမ် ထောင်စီးပွားချမ်းသာ အကျိုးကို ရှေးရှု၍ကုလားဖြူတို့ကို အထင်ကြီးစွာ ကုလားဖြူတို့၏ ကျေးကျွန်လုပ်လိုသော အသုံးအနှုန်းအပြုအမူတို့ကို တွေ့ရသောကြောင့် လွှတ်ရုံးက ယင်းတို့ကို ဒဏ်ထားတရားစီရင်ခဲ့၏။

ဤသည်တို့ကို မကျေနပ်ရှိနေကြသော ဗမာကုန်သည်  ကြေးရတတ်တို့က ဟံသာဝတီရန်ကုန်မြို့ဝန်၏ ဗမာ ရဲမက်တို့သည်  ယခုဟံသာဝတီ  ရန်ကုန်ဝန်းကျင်၌ တိတ်တဆိတ် ချရပ်တပ်စွဲလာကြပြီဟု သိကြသောအခါ ထိုဗမာ ရဲမက်တို့သည် မိမိတို့အား လုယက်ဖျက်ဆီးရန် ရောက်လာကြခြင်း ဖြစ်ဟန်ရှိသည်ဟု ကုလားဖြူသင်္ဘော ကုန်သည် ''ရှက်ပက်''နှင့်''လူးဝစ်''တို့ကို အားကိုးတစ်ခု ပြုကြလျက် သွားရောက်အကြောင်းကြားကြ၏။ အရပ်ထဲသို့လည်း သတင်းများ ဖြန့်ချိပြောဆိုကြ၏။

''ဗမာမြို့ဝန်သည် ရန်ကုန်တစ်မြို့လုံးကို ပိတ်ဆို့လျက် ကုလားဖြူတို့ကို   တိုက်ခိုက်မောင်းထုတ်တော့မည်။

ကုလားဖြူတို့၏ ကုန်စည်များနှင့်တကွ  မိမိတို့ကုန်စည်များကိုလည်း   အတင်းတိုက်ခိုက် သိမ်းယူတော့မည့် ကုလားဖြူတို့ကို အပြီးအပိုင်တစ်ခါတည်း  မောင်းထုတ်တော့မည် ဖြစ်သောကြောင့်  နောက်နောင် မိမိတို့သည် ကုလားဖြူတိုင်းဖြစ်  ကုန်စည်ပစ္စည်းတို့ကို  ရောင်းဝယ်ဖောက်ကားနိုင်ခြင်း၊   သုံးစွဲနိုင်ခြင်းရှိလိမ့်မည် မဟုတ်တော့...''

ဤသတင်းမျိုး ဖြစ်လာသောကြောင့် ကုလားဖြူကုန် စည်များချက်ချင်း ဈေးတက်သွားကြရ၏။ ယခင်က ကုလားဖြူဖျင်ချောနှစ်တောင်ကို  ပဲတစ်တင်းဈေးရှိရာ၊ ယခုကုလားဖြူဖျင်ချောနှစ်တောင်ကို ပဲရှစ်တင်းနှင့် လဲမှရ၏။

ရန်ကုန်မြို့ဝန်အဖို့ ဤသို့ဘေးကျပ်နံကျပ်ဖြစ်နေဆဲ ဆွေဆက်ရောက်လာပြန်သည်။

ဆွေဆက်သည်  မိမိရလာသည့်  သတင်းဆိုးကိုလျှောက်၏။

ထိုသတင်းကား...၁၂၁၄ ခု ကဆုန်လပြည့်ကျော် ၁ ရက် ကုလားဖြူ သက္ကရာဇ် ၁၂၅၂ ခု မေလ ၅ ရက်နေ့ က မုတ္တမကျဆုံးရသည်ဟူသော သတင်းဖြစ်၏။ ထို့ကြောင့် ဂျင်နရယ်ဂေါ်ဒွင်၏ခြေလျင် မြင်းစီးတပ်များနှင့်တကွ ပရိုစာပိုင်း Proserpine၊ မိုဇူဖား Mozuffer၊ ဖရိုဇီ Feroze၊ ဆေးဆော့ထရစ် Sesostris၊ လေဂယုံ Phle-gethon၊ မဟာနဒီ Maha nuddy၊ အမည်ရှိသော အမြောက်တင် တိုက်သင်္ဘောကြီးများနှင့်တကွ သင်္ဘောအများအပြားတို့ ချီတက်လာကြပြီဖြစ်ကြောင်း လျှောက်ထား၏။

''မောင်...ငါတို့တာဝန်ထမ်းဆောင်နေသူတို့အဖို့ ရွှေနန်းတော်ကြီးက  ကျလာမည့်အမိန့်ကို  မစောင့်ဘဲ ယခုကဲ့သို့ တိုင်းပြည်တစ်ခုနှင့်တစ်ခု ဆက်ဆံကြရသည့် အရေးတွင် ကိုယ့်သဘောအလျောက် ပြုလုပ်ဆောင်ရွက်၍မဖြစ်၊ သင်းတို့က စမတိုက်ဘဲ ငါတို့က ဘာမျှမပြင် မဆင်သာလေ...''

ဆွေဆက်သည် စိတ်မချမ်းမြေ့စွာနှင့် မြို့ဝန်မင်းအပါးမှ ခွာခဲ့၏။ ဆွေဆက်အဖို့ခက်နေသည်ကား...ဦးမြတ် ထွန်းနှင့်ဦးရွှေပန်းတို့၏ တပ်ဖွဲ့များကို တိုက်တွန်းစေခိုင်း၍ မရခြင်းဖြစ်၏။

ဦးမြတ်ထွန်းနှင့် ဦးရွှေပန်းတို့၏ အမိန့်မရဘဲ မိမိတို့သည် ဤနေရာမှ ဘယ်မှမရွေ့နိုင်။ ဘယ်သူ့ကိုမျှလည်း မတိုက်ဟု တွင်တွင်သာ ငြင်းဆန်နေကြ၏။ ထိုသူတို့သည် ယင်းတို့ခေါင်းဆောင်များ အမိန့်မရလျှင် သည်နေရာမှ ကုတ်ဖြင့် ကော်ထုတ်၍ ရမည်မထင်...

ရန်ကုန်ဘဆွေ

Read 78 times
Rate this item
(0 votes)

Latest from ကေတု