SJ WorldNews - шаблон joomla Авто

သေသော်မှတည့် သြော်ကောင်း၏

Tuesday, 30 July 2019 10:08 Written by  font size decrease font size decrease font size increase font size increase font size

ယမန်နေ့မှအဆက်

ထို့ကြောင့် နေပြည်တော်မှ တပယင်းမြို့ဝန် သတိုးမင်းကြီး မဟာမင်းခေါင်သီဟသူ တစ်တပ်...

အဝမြို့ဝန် မဟာမင်းခေါင်ရာဇာတစ်တပ်...

စစ်ကိုင်းမြို့ဝန် မဟာမင်းခေါင်မင်းထင်တစ်တပ်...

ရဲဘက်မြင်းတပ်ဗိုလ် တုရင်မင်းလှမင်းခေါင်ကျော်တစ်တပ်...

ကသည်းမြင်းတပ်ဗိုလ် မဟာသီဟဓမ္မရတ်အုပ်စုနှင့် မြင်းတစ်တပ်...

ရွှေလှံအစုနှင့် ရွှေလှံဗိုလ်တစ်တပ်...

ဆင်ဝန်ထောက် မင်းလှဥဒိန်ရာဇာတစ်တပ်...

မြင်းစုကြီး အမှုထမ်းတို့နှင့်မြင်းစာရေးကြီး မဟာမင်းလှ မင်းထင်ကျော် တစ်တပ်...

ဒိုင်းစာရေးနေမျိုးသီဟရန်နိုင်နှင့် စို့လေးဆယ်ဒိုင်း အမှုထမ်းတို့က တစ်တပ်...

ယွန်းစုစာရေး နေမျိုးစည်သူရာဇာတစ်တပ်...

ကောင်ဟန်စာရေး နေမျိုးသီဟရန်အောင်တစ်တပ်...

အလုံဝန်ကြီး အမှုထမ်းဟောင်း အဆောင်မြဲနှင့် သူရဲလူတစ်ရာကျော် စုစုပေါင်း ၁၁ တပ်၊ တပ်ပါ အမှုထမ်း ၄၈ဝဝ ကျော်၊ တိုက်ဆင် ၅ဝ၊ မြင်း ၁ဝဝဝ၊ အမြောက် ၁ဝဝ၊ စိန် ၅ဝဝ၊ ဆေး၊ ခဲယမ်းမီးကျောက်တပ် ကိရိယာအစုံ...

ထိုသည်တို့ကို သုံးဆယ်မြို့စားဝန်ကြီး သတိုးမင်းကြီး မဟာမင်းခေါင်ရာဇာကို ဗိုလ်မှူးအဖြစ် ခန့်အပ်လျက် ချီတက်စေ၏။

အထက် ဟံသာဝတီကြောင်းချီ  လက်ရှိ ရန်ကုန်မြို့ဝန်မင်းကြီး သတိုးမင်းကြီး မဟာမင်းလှမင်းခေါင်ကျော်နှင့် ရွေးလက်ျာဗိုလ် မဟာမင်းလှကျော်ရာဇာတို့ စစ်ကဲခန့်၊ မဟာမင်းခေါင်ကျော်ထင်၊ မဟာမင်းကျော်တို့ကို နာခံခန့်စာရေးကြီး၊ မဟာမင်းလှမင်းထင်ကျော်၊  မဟာမင်းလှကျော်ထင်တို့ကို တပ်ရေးခန့်ဟု အမိန့်စာချွန်နှင့် တကွ စေလွှတ်၏။

ထိုတပ်သည် ၁၂၁၄ ခု၊ နယုန်လဆန်း ၆ ရက် ကုလားဖြူသက္ကရာဇ် ၁၈၅၂ ခု မေ ၂၅ ရက်နေ့မှစ၍ နေပြည်တော်က ထွက်ခွာလာခဲ့ကြသော်လည်း ဟံသာဝတီ ရန်ကုန်မြို့နယ်သို့ ချဉ်းနင်း ဝင်ရောက်မိသောအခါ ကုလားဖြူတို့က ပဲခူးအနီးသို့ အလုံးအရင်းဖြင့် ရောက်နှင့်နေကြလေပြီ..

ထိုတပ်မတော်ကြီးနှင့် အတူ ဦးမြတ်ထွန်း၊ ဦးရွှေပန်း၊ ဆွေဆက်တို့ လွှတ်လိုက်ကြသော မြင်းစေကျော်များ ပါလာကြ၏။ မြရွက်ကိုမူ မတွေ့ရတော့...

ဦးမြတ်ထွန်း ပြောကြားချက်အရ နေပြည်တော်၌လည်း နန်းတွင်းအရေး ရှုပ်ထွေးလှသည်။ ရွှေနန်းရှင် ညီတော်နောင်တော်တို့၏ အကြား၌ တစ်ယောက်ချမ်းသာ ကိုယ်ကျိုးရှာနေကြသည့် မင်းမြှောင်ကပ်ပါးများ ဖြစ်ကြသော တောင်ဓဝယ်ဗိုလ် ငတုတ်နှင့် ပုဏ္ဏားဝန် ငကုလားတို့ အသိုက်အဝန်းကြောင့် ရွှေနန်းတော်ကြီးအတွင်း အစိတ်စိတ် ကွဲရန်မြင်သည်။ နောက်ထပ် တပ်တော် စေလွှတ်နိုင်ရန် မမြင်။

ထို့ကြောင့် ကုလားဖြူတို့ တက်လာမည့် လမ်းကိုဆီးဆို့ တိုက်ခိုက်ရန် မိမိတို့နေရာ ရွေးရချေမည်။ ကတုတ်ခံတပ် အခိုင်အဖြီးပြုရမည်ဟုဆို၏။

ဆွေဆက်သည် ဦးမြတ်ထွန်းနှင့် လိုက်ပါသွားလိုသော်လည်း မုတ္တမမှ ဆုတ်ခွာလာရသည့် လက်ျာဝင်းမှူးကြီးနှင့် ပဲခူး၌တွေ့နေသောကြောင့် လက်ျာဝင်းမှူးကြီးက မိမိတို့အား ကူညီပါရန် အတင်းဆွဲထား၏။ ရွှေဖဝါးတော် အောက်မှ မုတ္တမသို့ ချီရန်ပါလာသည့် တောင်တွင်းကြီး မြို့စား ဗိုလ်မှူးမင်းရဲမင်းခေါင်ကျော်တို့ကလည်း လက်ျာဝင်းမှူးကြီး ပြောပြချက်အရ ဆွေဆက်ကို ဝိုင်းတား၏။

ထို့ကြောင့် ကုလားဖြူတို့ စက်အမြောက် ရှစ်လက်၊ ကုလားဖြူတို့ ကျည်ထိုးသေနတ် ၅ဝဝ ကျော်မျှ ပိုင်ဆိုင်ထားသော ဆွေဆက်သည် ဦးမြတ်ထွန်းတို့နှင့် အတူ မလိုက်ပါနိုင်ခဲ့...

ဦးမြတ်ထွန်းနှင့် ဆွေဆက်တို့ လူချင်းခွဲလိုက်ကြရသော်လည်း ဆွေဆက်သည် ဘဝင်မကျနိုင်ဖြစ်နေရ၏။ မြရွက် ဘယ်မှာကျန်ရစ်ခဲ့သည်ကို မေးလို၏။ သို့သော် မြရွက်၏ ဘကြီးတော်တစ်ယောက်လုံး ဖြစ်နေသောကြောင့် မလေးခန့်ရာ ရောက်မည်စိုးသဖြင့် မေးလိုပါလျက် အောင့်နေရ၏။ ဤသို့ဖြင့် ဘာမျှမမေးလိုက် မသိလိုက်ရဘဲ တအုံနွေးနွေး မျိုသိပ်နေရ၏။ ပို၍ မကျေနပ်ဖွယ်ကောင်းသည်ကား မိမိအထံမှ လိုက်ပါသွားသူတို့ကိုပါ မေးမရခြင်းဖြစ်၏။

''အကျွန်ုပ်တို့ မေးလည်း မေးမကြည့်မိပါ။ နေပြည်တော်သို့ရောက်မှ တစ်ခါမျှလည်း မတွေ့ရပါ''ဟူသည့် အဖြေတစ်မျိုးတည်းကိုသာ ဖြေဆိုနေကြ၏။

''အေးကွယ်...မောင်တို့နှယ်နေစိမ့်ကြရန်ကော၊ ဘကြီး ဦးမြတ်ထွန်းတို့နှင့် တွေ့ကာမှ  တစ်နည်းနည်း သိရန်လုပ်ရမည်ပ...''

ဆွေဆက်က ဝမ်းထဲမှ ကြိမ်းဝါးရင်း မိမိတို့မြန်မြန် တိုက်ပွဲပြီးလျှင် မြန်မြန် ဦးမြတ်ထွန်းရှိရာသို့ ကူးနိုင်ရန်သာ စိတ်စောနေ၏။ ဦးမြတ်ထွန်းတို့ တပ်စခန်းချမည့် နေရာကို သိရန်လည်း ရဲမက်ခြေမြန် ၂ဝ ကျော် ထည့်လိုက်သေး၏။

ထို့နောက် စစ်ကဲလက်ျာဝင်းမှူးနှင့် ဗိုလ်မှူးမင်းရဲမင်းခေါင်ကျော်ကို တိုင်ပင်လျက် ပဲခူးပတ်ပတ်လည်၌ ရှိသော ကျေးရွာသား တလိုင်းများကို ကြိုတင်စည်းကြပ်ထား၏။ ရိက္ခာ၊ ရေ သွားလမ်း၊ လာလမ်းတို့ကို မပြဘဲ ကုလားဖြူတို့ တက်လာလျှင်   အတွေ့မခံ တိမ်းရှောင်နေကြရန် ပြောကြား၏။

  ဆက်လက်ဖော်ပြပါမည်။

Read 82 times
Rate this item
(0 votes)
Last modified on Tuesday, 30 July 2019 10:09