SJ WorldNews - шаблон joomla Авто

သေသော်မှတည့် သြော် ကောင်း၏

Wednesday, 31 July 2019 10:08 Written by  font size decrease font size decrease font size increase font size increase font size

ယမန်နေ့မှအဆက်

ကျေးရွာသားတို့ကလည်း ဆွေဆက်တို့နှင့် သဘောကြိုက်ညီကြ၏။ တစ်မြေတည်း တစ်ရေတည်းသားချင်း၊ တစ်လှေတည်းစီး၍ ခရီးသွားကြရသကဲ့သို့ ငါတို့လှေငါတို့ဖာမည်။ မည်သူ့နေရာက ပေါက်ပေါက် ငါတို့ဝိုင်းထေးရမည်။ တလိုင်းနေရာက ပေါက်၍ ကြည့်နေလျှင်လည်း သည်လှေစုံးစုံးနစ်မည်။ ဗမာနေရာကပေါက်၍ ကြည့်နေလျှင်လည်း  သည်လှေစုံးစုံးနစ်မည်ဟု အားပါးတရ ပြောကြ၏။ သို့သော်...ပဲခူးမြို့နေ တလိုင်းတို့ကမူ ထိုသို့အားပါးတရမရှိ။

ယင်းသို့လူသူရုံးစု သွေးညှိဆဲ ၁၂၁၄ ခု  နယုန်လပြည့်နေ့ ကုလားဖြူသက္ကရာဇ် ၁၈၅၂ ခု ဇွန် ၃ ရက်၌ ပဲခူးကို ကုလားဖြူတို့ လာတိုက်သည်။

ကုလားဖြူတို့ အမြောက်ဆွဲမြင်းကြီးများ ငြောင့်ကျင်းထဲသို့ကျ၏။ သုတ်ကိုင်းများ၊ ဂျမ်းများထိသောကြောင့် ကုလားဖြူအများသေ၏။ ရှေ့သို့မတိုးဝံ့မတက်ဝံ့အောင် ကြောက်ရွံ့ကုန်ကြ၏။ အတန်းလိုက်၊ အတန်းလိုက်စီ၍ တက်လာသော ကုလားဖြူတို့အတွက် အဆင့်ဆင့် ပြုလုပ်ထားသော  ထောင်ချောက်များ၊   ဂျမ်းများ၊ ငြောင့်ကျင်းများသည် အလွန်ခရီးရောက်၏။ စစ်ကို အဆုံးအဖြတ် ပေးတော့မည်ကဲ့သို့ပင် ဖြစ်လာ၏။ ကျားများ၊ ဆင်များကိုပင် လဲနိုင်စွမ်း၊ ဖမ်းနိုင်စွမ်းရှိသော ဤဂျမ်းများ၊ ထောင်ချောက်များသည် ကုလားဖြူတို့ကိုလည်း ဒုက္ခပေးနိုင်စွမ်း၏။ ထိုမျှမကသေး ပဲခူးချောင်းအတွင်းသို့ ဝင်လာသည့်ကုလားဖြူသင်္ဘော ဖရိုဇီကို ဆွေဆက်၏ ရဲမက်များနှင့် ဗိုလ်မှူးမင်းရဲမင်းခေါင်ကျော်၏ သွေးသောက်ကြီး မင်းထင်ရဲခေါင်တို့ အစုက လက်ရဖမ်းမိလိုက်ကြ၏။ ထို့ကြောင့် ထိုနေ့ကုလားဖြူတို့ ဆုတ်ခွာသွားကြသည့် သင်္ဘောပါ အမြောက်တို့ကို သွေးသောက်ကြီး မင်းထင်ရဲခေါင်တို့က ယူကြ၏။ သေနတ်လက်နက် အနည်းငယ်ကိုသာ ဆွေဆက်တို့က ရလိုက်ကြသည်။

 ဆွေဆက်အနေနှင့် မိမိဦးစီး တိုက်ခိုက်သည်ကို မိမိ၏ အစီအမံအောက်မှ လာရောက်ကူညီပြီး ယခုကဲ့သို့ယူဆောင်သွားခြင်းကို မကျေနပ်၊ မိမိ၏ သဘောအတိုင်းသာ ဗိုလ်မှူး မင်းရဲမင်းခေါင်ကျော် အထံသို ပေးဆက်လို၏။

သို့သော် ...သွေးသောက်ကြီးနှင့်မိမိမတူ...

သွေးသောက်ကြီးကား ဘဝရှင်မင်းတရားကြီး၏ အမိန့်တော်မြတ်အတိုင်း ဖွဲ့စည်းအပ်သော တပ်မတော်မှ သွေးသောက်ကြီးဖြစ်၏။ မိမိကား ကုလားဖြူတို့ရှေ့၌ အပြစ်ပေးခံရပြီးနောက် မိမိကို ရန်ကုန်မြို့ဝန်မင်းကြီးအိမ်၌ နောက်တစ်ကြိမ် ကုလားဖြူတို့က မမြင်မတွေ့စေရန် လူသူလှည့်လည် စည်းရုံးစေခဲ့ရာ ထိုလူသူတို့ကို မြို့ဝန်မင်းကြီးက တပ်ဖွဲ့ရန် အတွက် အခြားတပ်ဗိုလ်၊ တပ်မှူးတို့လက်သို့လည်း အပ်နှံပေးရန် အချိန်မရလိုက်သောကြောင့် မိမိကအုပ်ချုပ်နေရသည့် ဗိုလ်ဖြစ်၏။

ထို့ကြောင့်လည်း သွေးသောက်ကြီးက မိမိအား အနိုင်ကျင့်ရဲခြင်းဖြစ်၏။ ဆွေဆက်သည် မပြောသာဘဲ မကျေမချမ်း ငြိမ်သက်နေရ၏။

ထိုမျှမကသေး သွေးသောက်ကြီးသည် ဤပဲခူးချောင်းဘက်မှ မိမိတို့သည်သာ ဦးဆောင်တိုက်ခိုက်မည်ဟု နေရာယူလာ၏။ ထို့ပြင် ဗိုလ်မှူး မင်းရဲမင်းခေါင်ကျော်၏ သဘောတူညီချက်ကို တောင်းယူလျက် မိမိတို့ကုလားဖြူ သင်္ဘောကိုပင် ဖမ်းဆီးရယူနိုင်ကြောင်း ဘဝရှင်မင်းတရားကြီး ရှိရာသို့ပင် သွားရောက် လျှောက်ထားလိုက်သေး၏။

ဘဝရှင်မင်းတရားကြီးက ပေးသနားလိုက်သည့် ဆုလာဘ်တွေ ယူလာလိုက်သေး၏။

ဆွေဆက်သည် ရန်သူကို အတူတွန်းလှန်နေကြရာ၌ စိတ်ဝမ်းမကွဲလိုသောကြောင့် မိမိတပ်အားလုံးကိုရွှေ့လျက် ရွှေမော်ဓောဘုရားရင်ပြင်၏ ဝန်းကျင်၌  တပ်စွဲချရပ်၏။

ကတုတ်၊ ရင်တား၊ ဆင်ခလုတ်၊ မြင်းခလုတ် အထူအပြော စိုက်၏။

ထိုအချိန်သွေးသောက်ကြီးတို့ အောင်ပွဲရတပ်များသည် ပဲခူးချောင်းအနီးအပါးသို့ တလွှားလွှား သွားကြ၏။ အနည်းအပါး ကျေးရွာလူသူတို့ကိုလည်း မောက်မာရိုင်းပျစွာ ဆက်ဆံ၏။ ရန်သူ့အတွက် ဆွေဆက်တို့ ထောင်ထားခဲ့သည့် ငြောင့်ကျင်း၊ ဂျမ်း စသည်တို့၌လည်း မကြာမကြာ ထိပါးမိကြ၏။ ထိုအခါ အနီးအပါးကျေးရွာတို့မှ တလိုင်း မုဆိုးတို့ကို ဆင့်ခေါ်၍ မိမိရဲမက်များအား မကြာခဏ ထိပါးသေကျေသည့် ငြောင့်ကျင်းများ၊ ထောင်ချောက်များ၊ ဂျမ်းစသည်တို့ကို တစ်ခုမကျန် ဖြုတ်ခိုင်း၏။

ယင်းသည့်နောက် ကုလားဖြူဗိုလ် ဂျင်နရယ်ဂေါ်ဒွင် ၏ ၈၁ဝဝ ပါသော မြင်းစီးခြေလျင်တပ်များ၊ ရေတပ်ဗိုလ် ကွန်မင်ဒိုလင်းဘတ်၏ ၂၅ဝဝ ပါသော ကမ်းတပ် ရေတပ်သားများသည် အားလုံးလိုလို စုပေါင်းလျက် စစ်သုံးကြောင်းဖြန့်၍ ပဲခူးကို ချီတက်တိုက်ခိုက်၏။

မြန်မာများဘက်မှ ရှေးဦးစွာ ပဲခူးချောင်းနှင့် အနီးကပ်ဆုံးသော သွေးသောက်ကြီးတို့ တပ်များပြိုလျက် နောက်သို့ဆုတ်လာရ၏။ နောက်ဆုံး ဆွေဆက်တို့ရှိသော ရွှေမော်ဓော၌ အားလုံးပေါင်းလျက် ခံတပ်အကြီးအကျယ် ဆောက်လုပ်၍ ခုခံတိုက်ခိုက်ကြရ၏။ ဗမာတို့က အားလုံးစုစည်းမိကြလျက် အပြိုင်အဆိုင် ထွက်၍ထွက်၍ တိုက်ကြသောကြောင့် ကုလားဖြူတို့ အနီးမကပ်နိုင်ဘဲရှိကြ၏။

ချရပ်ထားသည့် တပ်တို့ကို ဗမာရဲမက်များ အတင်းဝင်ရောက် ခုတ်ထစ်သောကြောင့် ကုလားဖြူတို့ အထွေးအထွေး ကျ၏။ ထိုအတွင်း ကျေးရွာသား ပဲခူးတလိုင်းတို့ကလည်း ကုလားဖြူတပ်တို့ကို လစ်လျှင်လစ်သလို ဓားစာကျွေးကြ၏။

ကုလားဖြူတို့ ဤသို့ အကျပ်အတည်းတွေ့ဆဲ၊ ကုလားဖြူကုန်း တပ်ဗိုလ်ချုပ် ဂျင်နရယ်ဂေါ်ဒွင်က ဗမာတွေကို တိုက်၍နိုင်လျှင် ပဲခူးအားတလိုင်းတို့ လက်ထဲအပ်မည်ဟု ပြော၏။

ထိုအခါ မှူးမတ်မျိုးရိုး တလိုင်းတို့နှင့် ကြေးရတက် ကုန်သည်တလိုင်းတို့က ဗမာတွေသည် ယခင်ကလည်း အချင်းချင်း  ငါတို့ကိုအနိုင်ကျင့်ကြ၊ တိုက်ခိုက်ကြသည်။

ယခုလည်း သင်းတို့နိုင်လျှင် ဘာမျှအကြောင်းထူးမည် မဟုတ်၊ ငါတို့ကို တိုက်ခိုက်ကြ၊ အနိုင်ကျင့်ကြမည်သာ ဖြစ်လိမ့်မည်ဟုဆိုလျက် ကုလားဖြူတို့နှင့် ပူးတွဲတိုက်ခိုက်ကြ၏။ ကုလားဖြူတို့ အနီးမကပ်နိုင်အောင် စိုက်ထူထားသည့် ဆင်ခလုတ်၊ မြင်းခလုတ်၊ ငရဲသစ်ငုတ်၊ ရင်တားစသည် တို့ကို နုတ်ပယ်ပေးကြ၏။ ထို့ကြောင့် အမြောက်များကို အနီးသို့ဆွဲယူလာပြီး ပစ်နိုင်သောကြောင့် ရွှေမော်ဓော ခံတပ်ကျခဲ့ရ၏။ ကုလားဖြူတို့က ပြောသည့်အတိုင်း ပဲခူးကိုတလိုင်းတို့ လက်သို့အပ်၍ တလိုင်းတို့ကို အုပ်ချုပ်ခိုင်း၏။

  ဆက်လက်ဖော်ပြပါမည်။

Read 82 times
Rate this item
(1 Vote)
Last modified on Wednesday, 31 July 2019 10:09