SJ WorldNews - шаблон joomla Авто

သေသော်မှတည့် သြော်ကောင်း၏

Sunday, 04 August 2019 10:50 Written by  font size decrease font size decrease font size increase font size increase font size

ယမန်နေ့မှအဆက်

ထိုအချိန်နှင့်မရှေးမနှောင်း နောက်မှလိုက်လာသည့် ကုလားဖြူ သင်္ဘောတို့သည် ချောင်းကျဉ်း၌ တင်နေကြ

တော့မည်ဖြစ်ရာ ချက်ချင်းလိုပင် အသင့်ပြုလုပ်ထားသော  မီးဖောင်ကြီးတို့က ပြင်းစွာ လောင်မြိုက်သည့် မီးတောက် မီးလျှံကြီးများနှင့် ချောင်းလုံးပိတ်၍  မျောလာကြတော့ မည်ဖြစ်၏။

မီးဖောင်တို့မှမီးသည် တင်နေသည့် ကုလားဖြူ သင်္ဘော တို့အား ဝိုင်းပတ်စွဲလောင်သည်နှင့် သင်္ဘောမှထွက်လာ

သည့်ကုလားဖြူတို့ကို ဗမာရဲမက်တို့က  တိုက်ကြရမည်။

ကွင်းမီးလောင်ရာ၌ ထွက်ပြေးလာကြသောကြွက်ငယ်၊ ဖားငယ်တို့ကို သိမ်းစွန်ရဲသည် ကောင်းကင်မှစောင့်၍

သုတ်ယူဘိသို့...

ကုန်းပြန့်၌ဖြစ်စေ၊ ချောင်းဘေး၌ဖြစ်စေ၊ ဤနည်း နှင်နှင် တိုက်ကြရမည်ဖြစ်ရာ   သစ်တပ်နှင့် ကုန်းဘက် တစ်ခွင် တစ်ပြင်၌ ဦးမြတ်ထွန်း၏ရဲမက်များက နေရာ အသေထား၍ အင်အားကြီးစွာဖြင့်တာဝန်ယူ... ချောင်းအကျဉ်းဆုံး၊ ရေအတိမ်ဆုံး၊ မီးရှို့ရန် အသင့် ပြုလုပ်ထားသော မီးစာဖောင်များနှင့် နှစ်မြှုပ်ထားသည့် လှေကြီးများ ရှိရာ၌ ဦးရွှေပန်း၏ ရဲမက်များက နေရာ အသေရပ်၍ အင်အားကြီးစွာဖြင့်တာဝန်ယူ... ကုန်းတစ်ခွင်တစ်ပြင်၌လည်းကောင်း၊ ချောင်းရိုး တစ်လျှောက်၌လည်းကောင်း၊ တစ်နေရာမှတစ်နေရာသို့ ရွေ့လျားတိုက်ခိုက်ရမည့်တာဝန်မှန်သမျှကို ဆွေဆက်၏ မြင်းစီးရဲမက်များကတာဝန်ယူ...

ခေါင်းဆောင်သုံးယောက်တို့သည်    ဤအတိုင်း အစီအစဉ်ပြု၍ တာဝန်ခွဲယူကြ၏။ အစီအမံနှင့်လက်တွေ့ ဆောင်ရွက်ရချက်တို့သည် ဆွေဆက်၏ရဲမက်များအဖို့ နာရီအခြားမရှိ၊ ယင်းသည်နေ့ကုလားစက်၊ ကိုးနာရီခန့်

ကပင် စတင်တိုက်ခိုက်ကြရ၏။

ကုလားဖြူသင်္ဘောရှစ်စင်းတို့သည် ပန်းတနော်ချောင်း အတွင်းမှ  တက်လာခဲ့ကြသည်။   ချောင်းကျယ်ရာ၌

သင်္ဘောတစ်စင်းနှင့်တစ်စင်း ၁၆ တာခန့်ကွာ၍ ခုတ် မောင်းလာကြသော်လည်း တဖြည်းဖြည်းချောင်းကျဉ်းသို့

ရောက်သည့်အခါ သင်္ဘောတစ်စင်းနှင့်တစ်စင်း ရှစ်တာ ခန့်သာကွာ၏။   သို့ပါလျက်   ရှေ့ဆုံးမှသင်္ဘောနှင့်

နောက်ဆုံးမှ သင်္ဘော၏ အကွာအဝေးသည် သုံးဥသဘ ကျော်ကျော် အကွာအဝေးရှိနေရာ   ကုလားဖြူတို့၏ စစ်မျက်နှာနှင့်  စစ်ထုထည်သည်  အတော်ကြီးထူကဲ သည်ဟု ဆိုနိုင်၏။

သို့သော် ကုလားဖြူတို့သည် မိမိတို့မျှော်လင့်မထားသည့် တိုက်ပွဲနှင့် ရင်ဆိုင်တိုးနေရ၏။ ချောင်းကမ်း ဘေးတစ်လျှောက်လုံး၌ သစ်ပင်ချုံပုတ်များ ထူထပ်လျက် ချောင်းကလည်း တဖြည်းဖြည်းကျဉ်း၍ ကျဉ်း၍လာ၏။

ကုလားဖြူစစ်ဗိုလ် ကပ္ပီတန်လောက်ဒ်အုပ်ချုပ်လာ သော စစ်သင်္ဘောတပ်၌ ဆွေဆက်တို့၏မီးရှို့ဖျက်ဆီး ခြင်းကို ခံလိုက်ကြရသည့် ရွာတို့မှ မြန်မာတွေအများအပြား ပါလာကြ၏။

ထိုမြန်မာတို့သည် ကုလားဖြူများကို မျက်နှာချိုသွေး နိုင်ကြသောကြောင့်   ထိုအရပ်ရှိ  လူမနေတော့သည့် အဖျက်အဆီးခံ ကျေးရွာတို့အတွက်   ပူပူ နွေးနွေးသူကြီး အဖြစ် ခန့်အပ်ထားခြင်းကိုလည်း ခံကြရ၏။ ထို့ပြင်

ယင်းဖြစ်သစ်စသူကြီးတို့     ဆန္ဒရှိနေကြသည့်အတိုင်း ဧရာဝတီမြစ်ရိုးတစ်လျှောက်ကို မီးတိုက်သွားကြသည့် ဆွေဆက်တို့အား ကိုယ်တိုင်ကိုယ်ကျလက်စားချေရန်အတွက်လည်း ကုလားဖြူစစ်တပ်နှင့်အတူ လိုက်ပါခွင့်

ရလာကြ၏။

သင်းတို့သည် ဦးမြတ်ထွန်း၏သစ်တပ်စခန်းရှိရာ ကျိုက္ကစင်းရွာနှင့်ထိုအရပ်ထိုနယ်မြေ ရေလမ်းကုန်းလမ်း တို့ကို ကျွမ်းကျင်စွာသိကြ၏။ ထို့ကြောင့်လည်း ဓနုဖြူ ဆိပ်ကမ်းဘက်သို့ အာရုံပြုနေဟန်ရှိသော ဦးမြတ်ထွန်း တို့အား ဓနုဖြူဆိပ်ကမ်းဘက်မှ တက်မလိုက်စေဘဲ အမှတ်တမဲ့ခပ်ပေါ့ပေါ့ထားလိမ့်မည်ဖြစ်သော ပန်းတနော် ချောင်းရိုးထဲမှ အနီးကပ်တက်ရောက်တိုက်ခိုက်နိုင်ရန် ကုလားဖြူတို့ကို  လမ်းပြခေါ်ဆောင်လာနိုင်ကြခြင်းဖြစ်

၏။

ကုလားဖြူတို့အဖို့ သူတို့အားပြုလာသော ဤသင်္ဘော တွေဖြင့် ဦးမြတ်ထွန်းတို့ကို တိုက်ခိုက်ရန်အတွက် ယခု ထက်ကောင်းသောလမ်းသည် မည်သည့်ဘက်ကမျှ မရှိ လေတော့...။

သို့ပါလျက် ကပ္ပီတန်လောက်ဒ်သည် ပန်းတနော် ချောင်းတွင်းသို့   သင်္ဘောများအတော်ကလေးဝင်လာမိ သည်နှင့် မိမိခန့်အပ်ခေါ်ဆောင်လာခဲ့သော မြန်မာသူကြီး လတ်လတ် ဆတ်ဆတ် တွေကို    မယုံ သင်္ကာဖြစ်လာ၏။

ဒီမြန်မာတွေ သူပုန်မြတ်ထွန်း၏လူတွေဖြစ်လေရော့လား ဟု တွေး၏။ မိမိတို့ကို ချောင်ပိတ်တိုက်ရန် တမင်လှည့် ပတ်ခေါ်ဆောင်လာကြခြင်းဖြစ်ဟန်တူသည်ဟု ထင်မှတ် လာ၏။

ဤသူတို့သည် ဆွေဆက်နှင့်ဦးမြတ်ထွန်းတို့ကို အစိမ်း စားချင်ကြသည်။ မိမိတို့ရွာများ အိမ်များကို သင်းတို့က မီးတိုက်ကြသလို သင်းတို့ကိုလည်း အရှင်လတ်လတ်စုပြုံ မီးတိုက်ပြချင်ပါလှသည်။ သင်းတို့ကိုသာ အရှင်လတ်လတ် ဖမ်းမိစမ်းပါစေဟု ပြောကြ၏။ ကပ္ပီတန်လောက်ဒ်က

''သည်သူပုန်တွေရှိရာနေရာသို့ အလွယ်ရောက်နိုင်အောင် လမ်းသာပြပေးပါတော့၊ တောဝက်တစ်ကောင်ကို အရှင် မိအောင် ပစ်မဖမ်းနိုင်သော်လည်း သူပုန်တွေကို အရှင် မိအောင်ဖမ်းပြမည်''ဟု ဆို၏။ သို့ဖြင့် အရှင်လတ်လတ် သူပုန်တွေကို မီးတိုက်သတ်ပြမည့် ကုလားဖြူခန့် မြန်မာ သူကြီးများနှင့်သူပုန်တွေကို   အရှင် လတ်လတ်လက်ရ ဖမ်းပြမည့်ကပ္ပီတန်လောက်ဒ်တို့  အတူလာခဲ့ကြခြင်းဖြစ် ၏။

မိမိကိုယ်တိုင် တိုက်သင်္ဘောရှစ်စင်းနှင့်လိုက်လာခဲ့ သောအခါ ချောင်း၏တစ်ဖက်တစ်ချက်၌ ထူထပ်သည့် သစ်ပင်ချုံပုတ်တွေကိုသာ တွေ့ရ၏။

ချောင်းကလည်း ကျဉ်းလှသည်။ လူနေအိမ်ခြေကို လည်း မတွေ့ရ။   လူသံသူသံကိုလည်း မကြားရ၊ တော အလုံးတိတ်ဆိတ်နေကြ၏။   တစ်ခါတစ်ရံအဝေးမှ အော်မြည်ကြသော ရေကြက်ကတော်သံ တောကြက်တွန် သံနှင့်ဘုတ်အီသံတို့ကို ခပ်သဲ့သဲ့ကြားရ၏။

ချောင်းကမ်းပါးတစ်လျှောက်လုံး စိမ်းစို ထူပိတ်သော ချုံပုတ်များ သစ်ပင်ကြီးများက ဆီးကြို၏။ ဆင်းမိလျှင် လူတစ်ကိုယ် လုံးမြုပ်အောင် နစ်ကျွံမည့် လတာပြင်ကြီး များက ပြက်ရယ်ပြု၏။ လတာစပ်၌ မိုးမိုး မတ်မတ်ပေါက် နေကြသော  'ငဒန်ပြိန်း'ပင်တို့က  အန်တုဟန်ရပ်နေကြ ၏။

ကပ္ပီတန်လောက်ဒ်သည် သက်ရှိသတ္တဝါကင်းမဲ့နေဟန် ရှိသော ကမ်းတစ်ဖက်တစ်ချက်ကိုကြည့်လျက် အလွန် ငြီးငွေ့စွာလိုက်ပါလာစဉ် ချောင်းကျဉ်း၏ကွေ့တစ်နေရာ သို့ရောက်သည်နှင့် ကမ်းနှစ်ဖက်ရှိ ထူထဲသောသစ်ချုံပုတ် တို့အထဲမှ သေနတ်သံတွေတစ်ပြိုင်နက်တည်း ထွက်လာ ၏။ သေနတ်သံတွေကြားလိုက်ရသည်နှင့် ရှေ့ဆုံးက ခုတ်မောင်းသွားကြသည့်သင်္ဘောသုံးစင်းမှ စစ်ဗိုလ်စစ်သား အများအပြားကျကုန်ကြရသည်။ မမျှော်လင့်ဘဲ အတိုက် ခံလိုက်ကြရခြင်းဖြစ်၏။

ဆက်လက်ဖော်ပြပါမည်။

ရန်ကုန်ဘဆွေ

Read 48 times
Rate this item
(0 votes)