Print this page

နော်ရင်မွှေး

Wednesday, 15 January 2020 10:32 Written by  font size decrease font size decrease font size increase font size increase font size

''ရှောင်နေတော့လည်း တွေ့ချင်တဲ့သူက လိုက်လာရတာပေါ့ အစ်မရယ်။ ခင်ဗျားက ကျွန်တော်ပြန်လာတာတောင် နှုတ်ဆက်ဖော်မရဘူး''

''သြော်...ဒေါက်တာ၊ ကျွန်မမအားလို့ပါ။ ရောက်နေတာတော့ ကြားပါတယ်။ နော်လူပလေးတို့၊ နော်ဖဲလူတို့ရော နေကောင်းလားဟင်''

ဒေါက်တာဟန်ကြည်က ပလတ်စတစ်နှင့် ထုပ်ထားသော သစ်ခွပန်းထုပ်ကြီးကို စားပွဲပေါ်တင်ရင်းက နော်ရင်မွှေးကို ပြုံးပြုံးကြီးကြည့်ရင်း''ကျွန်တော့်ကိုတော့ မမေးဘူးလား''

''အို...ဒေါက်တာ့ကို ခုတွေ့ရပြီပဲ။ မမြင်တဲ့လူကို မေးတာပေါ့''

သဘောကျစွာရယ်ပြုံးရင်း  မိမိစားပွဲရှေ့က ခုံမှာထိုင်ချလိုက်သည်။

''တစ်ရွာလုံးကောင်းပါတယ်။   အစ်မကိုတောင် မေးနေသေးတယ်။ အစ်မသွားပြီး ဒီအပြင်ရွာက လူငါးဦးထပ်ရောက် လာသေးတယ်။ ဒါကြောင့် တော်တော်ကြာသွားတာ''

''ရှစ်ရက်တောင် ကြာသွားတာပဲ''

''ဟုတ်တယ် နော်လူပလေးနဲ့နော်ဖဲလူက အစ်မမရှိလို့ ဆိုပြီး အတင်းပြန်မယ်လုပ်သေးတယ်။ နောက်တော့ လူတွေထပ်ရောက်လာတာနဲ့ ပြန်လွှတ်လိုက်ရတာပေါ့။ သူတို့က အစ်မကိုပဲ တဖွဖွမေးနေတာ။ ဒါနဲ့အစ်မသမီးရော နေကောင်းသွားပြီလား''

''ကောင်းသွားပါပြီ၊ ဒေါက်တာ့ကို ကျေးဇူးတင်ပါတယ်။ သမီးက လွမ်းဖျားပါဒေါက်တာရယ်''

သူမထိတထိ ပြုံးလိုက်၏။ ထို့နောက် သစ်ခွပန်းအိတ်ကလေးကို နော်ရင်မွှေးရှေ့သို့ တိုးပေးလိုက်ရင်းက ''ရွာကပေးလိုက်တာ။ ပြီးတော့ အပင်တွေလည်း ပါလာတယ်။ အစ်မသယ်နေရမှာစိုးလို့ အိမ်ကိုပဲ လာပို့တော့မယ်။ အစ်မအိမ်က မြို့ကြီးမှာမဟုတ်လား။

ကျွန်တော်လာခဲ့မယ်''

အဆက်မပြတ်ပြောနေသော ဒေါက်တာဟန်ကြည်ကို မေထရွန်ဒေါ်ခင်ဝင်းက အံ့အားသင့်သလို ကြည့်လိုက်သည်။ နော်ရင်မွှေးမှာ ဘာပြောရမှန်းမသိအောင် အံ့အားသင့်သွား၏။ ရူပါဦးရှိနေသောကြောင့် ပို၍အားနာသွားသည်။ ဘာကိုအားနာရမှန်းမသိ။

''အို...ကျွန်မမှာ ပန်းပင်တွေအများကြီးရှိပါ တယ်ဒေါက်တာ။ ဟို...တခြား ဒေါက်တာပေးချင်တဲ့ လူတွေကိုပဲ ပေးလိုက်ပါ''

''ကျွန်တော်က ခင်ဗျားတစ်ယောက်တည်းပေးချင်တာဗျ''

ရုတ်တရက်ဘာစကားမျှ မပြောနိုင်အောင် ကြောင်သွားပြီး တစ်ခန်းလုံးတိတ်သွား၏။ ဒေါက်တာဟန်ကြည်က ဘာမျှမသိ နားမလည်သော  ကလေးတစ်ယောက်ကဲ့သို့ သူပြောချင်သည့်စကားကို ဇွတ်ပြောနေပုံရသည်။

''သြော်...ကျွန်မကတော့ ပန်းပင်တွေကို မကြည့်အားပါဘူး။ သမီးကပဲကြည့်တာ။ သမီးက သူ့အဖေလိုပဲ   ပန်းပင်စိုက်သိပ် ဝါသနာပါတာ။  ကျေးဇူးတင်ပါတယ်။   ဒေါက်တာလာမပို့ပါနဲ့။  အားနာပါတယ်။

သမီးကိုပဲလာယူခိုင်းပါ့မယ်။ ညနေကျမှ သမီးလာရင် ဒေါက်တာ့ဆီကို လွှတ်လိုက်မယ်နော့''

''မလွှတ်ပါနဲ့ဗျာ။ ဒီအမေနဲ့ ဒီသမီးကို ခွဲထားရတာတောင် ကျွန်တော်ဝဋ်လိုက်မှာ ကြောက်နေမိတယ်။

ဒါပေမဲ့   အစ်မက သမီးကို ကြင်နာတတ်ရုံမကဘူး။

လူနာတွေကိုလည်း ကြင်နာတတ်ပါတယ်။ ညမအိပ်ဘဲ စောင့်ကြည့်တဲ့ သူနာပြုဆရာမကို စံပြဆုပေးရမယ်''

နားမလည်သော မျက်လုံးဖြင့် သူ့အားမော့ကြည့်မိသည်။ သူက မိမိမျက်လုံးကို စူးစူးစိုက်စိုက် ကြည့်နေသည်။ သူ့မျက်လုံးကို ကြာကြာရင်မဆိုင်ရဲ၍ ချက်ချင်းမျက်နှာလွှဲပြီး ဆေးပုလင်းများကို ကယောင်ကတမ်းလိုက်စီနေမိသည်။ တိတ်ဆိတ်မှုကိုမခံနိုင်၍ တစ်စုံတစ်ခုအတွက် ထွက်ပေါက်ရှာမိသည်။

''ပန်းကလေးတွေက လှလိုက်တာ။   တို့လည်းယူမယ်...ယူကြဦးမလား''

မေထရွန်ဒေါ်ခင်ခင်ဝင်းက ထွက်ပေါက်ရှာကာ အခြေအနေကို ထိန်းသိမ်းလိုက်သည်။

''ဟင့်အင်း မလှချင်ပါဘူး။   ရူပါတို့က ပန်းပန်ဖို့မလိုဘူး။ မမတို့လို  ကလေးတစ်ယောက်၊ နှစ်ယောက် လောက်ရရင်တော့ ပန်းပန်ဖို့လိုလာမှာပေါ့။ အဲဒီကျမှပဲ ပန်တော့မယ်''

မြသန္တာ

Read 20 times
Rate this item
(0 votes)
Last modified on Wednesday, 15 January 2020 10:33
ရွှေတည်

Latest from ရွှေတည်