SJ WorldNews - шаблон joomla Авто

ကုန်တင်ယာဉ်နှစ်စီး လမ်းအလယ်၌ မျက်နှာချင်းဆိုင် တိုက်မိ

Friday, 13 December 2019 10:01 font size decrease font size decrease font size increase font size increase font size

ပဲခူးတိုင်းဒေသကြီး ကျောက်တံခါးမြို့နယ်  အောင်မြင်ကျေးရွာအုပ်စု   တောကျွဲအင်းနယ်မြေ ရဲစခန်းအပိုင်   ရန်ကုန်-မန္တလေးကားလမ်းဟောင်း၌   ဒီဇင်ဘာ ၁၁  ရက်  နံနက် ၈  နာရီက  ကုန်တင်ယာဉ်နှစ်စီး မျက်နှာချင်း ဆိုင်တိုက်မှု ဖြစ်ပွားကြောင်း    သိရသည်။

ဖြစ်စဉ်မှာ   ကော်ဖီထုပ်များ တင်ဆောင်၍ ကလောမြို့နယ်နေ ယာဉ်မောင်း   စိုးလွင် ၄၅  နှစ် မောင်းနှင်သည့်   ယာဉ်အမှတ် BGO-2M/---- ဖူဆိုအမျိုးအစား   ခြောက်ဘီးယာဉ်မှာ    မန္တလေးမှ ရန်ကုန်သို့ မောင်းနှင်လာစဉ် မျက်နှာချင်းဆိုင်ယာဉ်ကြောမှ ရန်ကုန်မှ မန္တလေးသို့    ကားအပိုပစ္စည်းများ တင်ဆောင်၍ ရန်ကုန်တိုင်းဒေသကြီး လှည်းကူးမြို့နယ် ကြာအင်းအရှေ့ကျေးရွာနေ  ယာဉ်မောင်း ကျော်လင်းစိုး    ၃၆ နှစ် မောင်းနှင်သည့်   ယာဉ်အမှတ်  MDY-9M/----- ဟီးနိုးအမျိုးအစား ၁၂ ဘီးယာဉ်တို့မှာ မိုင်တိုင်အမှတ်(၁ဝ၉/၅)နှင့် (၁ဝ၉/၆) အကြား ရွှေဝါကျေးရွာ အနီး၌ မျက်နှာချင်းဆိုင်  တိုက်မိခြင်းဖြစ်သည်။ 

ဖြစ်စဉ်နှင့်ပတ်သက်၍ တောကျွဲအင်းနယ်မြေရဲစခန်းက စိုးလွင်နှင့်ကျော်လင်းစိုးတို့ နှစ်ဦးအား ယာဉ်(ပ)၁၆/၂ဝ၁၉၊  ရာဇသတ်ကြီး ဥပဒေပုဒ်မ ၂၇၉ အရ အမှုဖွင့်အရေးယူ ဆောင်ရွက်ထားကြောင်း သိရသည်။ 

ခင်ကို(ကျောက်တံခါး)

Read 54 times Last modified on Friday, 13 December 2019 10:02