SJ WorldNews - шаблон joomla Авто

မိုင်းခတ်မြို့နယ်၊ အင်ဝမ်မတ်ကျေးရွာ၌ မီးလောင်မှုဖြစ်ပွား

Friday, 14 February 2020 09:21 font size decrease font size decrease font size increase font size increase font size

နေပြည်တော်  ဖေဖော်ဝါရီ  ၁၃

ရှမ်းပြည်နယ်(အရှေ့ပိုင်း)၊ မိုင်းခတ်မြို့နယ်၊ ၀မ်အွန်ကျေးရွာအုပ်စု၊ အင်ဝမ်မတ်ကျေးရွာရှိ ဦးအိုက်ရန်၏ နေအိမ်၌ ဖေဖော် ၀ါရီ ၁၂ ရက် မွန်းလွဲ ၁ နာရီ ၁၅ မိနစ်ခန့်တွင် နေအိမ်ရှိ မီးကြွင်း၊ မီးကျန်မှတစ်ဆင့် မီးစတင် လောင်ကျွမ်းမှု ဖြစ်ပွားခဲ့သည်။

မီးလောင်မှုဖြစ်ပွားရာသို့ နယ်မြေခံတပ်မ တော်သားများ၊ မြန်မာနိုင်ငံ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် ဒေသခံပြည်သူများ၏ ၀ိုင်းဝန်းငြှိမ်းသတ်မှုကြောင့် မွန်းလွဲ၂ နာရီ ၁၅ မိနစ်ခန့်တွင် မီးငြိမ်းသွားခဲ့ပြီး မီးလောင်မှုကြောင့် ကျေးရွာရှိ နေအိမ် ၆၀ လုံး မီးလောင်ပျက်စီး ဆုံးရှုံးခဲ့ကာ လူဦးရေ ၃၆၃ ဦး အိုးမဲ့အိမ်မဲ့ ဖြစ်ပွားခဲ့သည်။

အဆိုပါ မီးလောင်ရာနေရာသို့ တြိဂံဒေသတိုင်း စစ်ဌာနချုပ်၊ နယ်မြေခံတပ်မှ တာဝန်ရှိသူများက သွားရောက်၍ လိုအပ်သည့် ကူညီကယ်ဆယ်ရေး လုပ်ငန်းများနှင့် ယာယီနေရာချထားပေးခြင်းများ ဆောင်ရွက်ပေးပြီး မီးဘေးသင့် ပြည်သူများအတွက် ဆန်ငါးအိတ်၊ ကုလားပဲနှစ်အိတ်၊ ကြက်ဥ ၁၅၀၀ လုံးနှင့် ခေါက်ဆွဲခြောက် ၁၀ ဖာ၊ ဆား ၇၀ ပိဿာနှင့် အသားတု ၂၀ ပိဿာတို့အား ထောက်ပံ့ ပေးအပ်ခဲ့ကြောင်း  သတင်း ရရှိသည်။

Read 15 times Last modified on Friday, 14 February 2020 09:22