SJ WorldNews - шаблон joomla Авто

သဇင်မြိုင်ရဲကင်းစခန်းအား ဝင်ရောက်တိုက်ခိုက်ဆုတ်ခွာထွက်ပြေးသွားသော AA အကြမ်းဖက်သောင်း ကျန်းသူများအား လိုက်လံပိတ်ဆို့နှိမ်နင်း

Sunday, 31 May 2020 21:47 font size decrease font size decrease font size increase font size increase font size

သဇင်မြိုင်ရဲကင်းစခန်းအား ဝင်ရောက်တိုက်ခိုက်ဆုတ်ခွာထွက်ပြေးသွားသော AA အကြမ်းဖက်သောင်း ကျန်းသူများအား လိုက်လံပိတ်ဆို့နှိမ်နင်း

နေပြည်တော် ၊  မေ - ၃၁   

ရခိုင်ပြည်နယ်၊ ရသေ့တောင်မြို့နယ်ရှိ သဇင်မြိုင်ရဲကင်းစခန်းအား မေ ၂၉ ရက် နံနက် ၂ နာရီခန့်တွင် အင်းအားအလုံးအရင်းဖြင့် ဝင်ရောက်တိုက်ခိုက်ခဲ့ပြီး ဆုတ်ခွာ ထွက်ပြေးသွားသော AA အကြမ်းဖက် သောင်းကျန်းသူများအား တပ်မတော်စစ်ကြောင်းများက ကုန်းလမ်း၊ ရေလမ်းတစ်လျှောက် လိုက်လ ံပိတ်ဆို့နှိမ်နင်းလျက်ရှိသည်။   

ထိုသို့ လိုက်လံပိတ်ဆို့နှိမ်နင်းလျက်ရှိရာ မေယုမြစ်အတွင်း စစ်ရေယာဉ်များဖြင့် လိုက်လံပိတ်ဆို့ရှင်းလင်း စဉ် မေ ၃၀ ရက် ည ၉ နာရီခန့်တွင် ရသေ့တောင်မြို့နယ်၊ ရပ်ခုံတိုင်ကျေးရွာအနီး ရောက်ရှိစဉ် မေယုမြစ် ၏ အနောက်ဘက်ကမ်းစပ်မှ AA အကြမ်းဖက်သောင်းကျန်းသူများက လက်နက်ကြီး၊ လက်နက်ငယ်များ ဖြင့် စတင်ပစ်ခတ် တိုက်ခိုက်သဖြင့် စစ်ရေယာဉ်များက ပြန်လည်ပစ်ခတ်တိုက်ခိုက်ခဲ့သည်။        

အဆိုပါ ရပ်ခုံတိုင်ကျေးရွာသည် AA အကြမ်းဖက်သောင်းကျန်းသူများ စိမ့်ဝင်လှုပ်ရှားလျက်ရှိသည့် ကျေးရွာဖြစ်ပြီး ၂၀၁၉ ခုနှစ်၊ သြဂုတ် ၈ ရက်တွင်လည်း ကျေးရွာ အုပ်ချုပ်ရေးမှူးဖြစ်သူ၏ နေအိမ် အတွင်းမှ WY စာတမ်းပါစိတ်ကြွရူးသွပ်ဆေးပြား ၂ သန်း ၅ သိန်းခန့်နှင့် ကြိုးဆွဲလက်ပစ်ဗုံး ၃၆ လုံး၊ လမ်းလျှောက်စကားပြောစက် ၅၂ လုံး၊ မိုင်းပြုလုပ် ရာတွင်အသုံးပြုသည့် ဆက်စပ်ပစ္စည်းများတို့ကို သိမ်းဆည်းရမိခဲ့ကြောင်း သတင်းထုတ်ပြန် ပြီးဖြစ်သည်။   

ထို့ပြင် တပ်မတော်စစ်ကြောင်းများက ကုန်းလမ်းတစ်လျှောက် လိုက်လံပိတ်ဆို့ ရှင်းလင်းစဉ် မေ ၃၀ ရက် နံနက်ပိုင်းတွင် သဇင်မြိုင်ရဲစခန်း၏ အနောက်မြောက်ဘက် မီတာ ၄၀၀၀ ခန့်အကွာသို့ အရောက်၌ AA အကြမ်းဖက်သောင်းကျန်းသူများ ယာယီ နေရာယူထားသည့် ပွိုင့်-၇၇ တောင်ကုန်းကို တွေ့ရှိရ သဖြင့် လက်နက်ကြီးပစ်ကူရယူ၍ တိုက်ခိုက်ချေမှုန်းခဲ့ရာ အကြမ်းဖက်သောင်းကျန်းသူများ ဆုတ်ခွာ ထွက်ပြေးသွားခဲ့ပြီး ပွိုင့်-၇၇ တောင်ကုန်းကို သိမ်းပိုက်ရရှိခဲ့သည်။ အဆိုပါတောင်ကုန်းကို အသေးစိတ် ရှင်းလင်းရာ ၁ ယောက်ပစ်ကျင်း ၇၂ ကျင်း၊ ၂ ယောက်အိပ်တဲ ၂၀ လုံးနှင့် စစ်အသုံးအဆောင်ပစ္စည်း အချို့တို့ကို ရှင်းလင်းတွေ့ရှိခဲ့သည်။  

တပ်မတော်စစ်ကြောင်းများက ဆုတ်ခွာထွက်ပြေးသွားသော AA  အကြမ်းဖက် သောင်းကျန်းသူများကို ထပ်ကြပ်လိုက်လံပိတ်ဆို့ရှင်းလင်းလျက်ရှိကြောင်းနှင့် နယ်မြေ စိုးမိုးရေးလုပ်ငန်းများဆောင်ရွက်လျက်ရှိ ကြောင်း သတင်းရရှိသည်။

Read 149 times