SJ WorldNews - шаблон joomla Авто

လူမှုစီးပွားဘဝ ဖွံ့ဖြိုးရေး အားလုံး ပါဝင်

Monday, 22 January 2018 08:25 font size decrease font size decrease font size increase font size increase font size

တိုင်းရင်းသားလူမျိုးများ ဖွံ့ဖြိုးတိုးတက်မှု ဖိုရမ်ကို နေပြည်တော်ရှိ မင်္ဂလာသီရိဟိုတယ်၌ ဇန်နဝါရီ ၁၈ ရက်နှင့် ၁၉ ရက်တို့တွင်ကျင်းပရာ ပြည်ထောင်စု သမ္မတ မြန်မာနိုင်ငံတော် ဒုတိယသမ္မတ ဦးဟင်နရီဗန်ထီးယူ တက်ရောက် အမှာစကားပြောကြားသည်။

တိုင်းရင်းသားလူမျိုးများ စဉ်ဆက်မပြတ် ဖွံ့ဖြိုးတိုးတက်ရေး ဖိုရမ်သို့ ပြည်ထဲရေး ဝန်ကြီးဌာန၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ တိုင်းရင်းသားလူမျိုးများရေးရာ ဝန်ကြီးဌာနတို့မှ ပြည်ထောင်စုဝန်ကြီးများနှင့် ဒုတိယဝန်ကြီးများ၊ ငြိမ်းချမ်းရေး ကော်မရှင်အဖွဲ့ဝင် တစ်ဦး၊ တိုင်းဒေသကြီးများနှင့် ပြည်နယ်များမှ တိုင်းရင်းသားလူမျိုးရေးရာ ဝန်ကြီးများ၊ ကိုယ်ပိုင်အုပ်ချုပ်ခွင့်ရ တိုင်းနှင့် ဒေသများမှ ဦးစီးအဖွဲ့ ဥက္ကဋ္ဌနှင့် အဖွဲ့ဝင်များ၊ လွှတ်တော်ကိုယ်စားလှယ်များ၊ အမြဲတမ်း အတွင်းဝန်များ၊ ညွှန်ကြားရေးမှူးချုပ်များ၊ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်တွင် လက်မှတ်ရေးထိုးထားသော တိုင်းရင်းသား လက်နက်ကိုင် အဖွဲ့အစည်းများမှ ကိုယ်စားလှယ်များ၊ မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်မှ  ကိုယ်စားလှယ်များ၊ တိုင်းဒေသကြီးနှင့် ပြည်နယ် စာပေယဉ်ကျေးမှု အဖွဲ့ဝင်များ၊NGO ၊ INGOအဖွဲ့များမှ ကိုယ်စားလှယ်များ၊  နိုင်ငံတကာ မိတ်ဖက်အဖွဲ့အစည်းများမှ ကိုယ်စားလှယ်များ၊ ဖိတ်ကြားထားသည့် အဖွဲ့အစည်းများမှ ဧည့်သည်တော်များ၊ ပြည်တွင်းပြည်ပ သတင်းမီဒီယာများနှင့် တာဝန်ရှိသူများ တက်ရောက်ကြသည်။

ဒုတိယသမ္မတ ဦးဟင်နရီဗန်ထီးယူက အမှာစကား ပြောကြားရာ၌ ''ယနေ့ကျင်းပသည့် တိုင်းရင်းသား လူမျိုးများ စဉ်ဆက်မပြတ် ဖွံ့ဖြိုးတိုးတက်မှု ဖိုရမ်သည် တိုင်းရင်းသားများ၏ အသိအမြင်နှင့် ဗဟုသုတများ ရရှိဖော်ထုတ်နိုင်စေရန် ကျင်းပခြင်းဖြစ်၍ အလွန်တန်ဖိုးရှိသည့် ဖိုရမ်ဖြစ်ကြောင်း''ဖြင့် ပြောကြားပြီး တိုင်းရင်းသားများ၏ လူမှုစီးပွားဘဝဖွံ့ဖြိုးရေးအတွက် ဝိုင်းဝန်းအဖြေရှာကြရန် ပြောကြားရာ၌ ''မည်သည့်အခက်အခဲ၊ မည်သည့်စိန်ခေါ်မှုမျိုးကိုမဆို  တိုင်းရင်းသားအားလုံး စည်းလုံးညီညွတ်စွာ ဝိုင်းဝန်းကြိုးပမ်း ဖြေရှင်းကြရမည်ဖြစ်ကြောင်း'' အလေးအနက် တိုက်တွန်းပြော ကြားသည်။

ပြည်ထောင်စု သမ္မတ မြန်မာနိုင်ငံတော်တွင် တိုင်းရင်းသားလူမျိုးများ၏ အခွင့်အရေး ကာကွယ်စောင့်ရှောက်ရေး ဥပဒေကို ၂ဝ၁၅ ခုနှစ် ဖေဖော်ဝါရီ ၂၄ ရက်တွင် ပြည်ထောင်စုလွှတ်တော် ဥပဒေအမှတ်(၈)ဖြင့် ပြဋ္ဌာန်းထားသည်။ ပြဋ္ဌာန်းထားသော တိုင်းရင်းသားလူမျိုးများ၏ အခွင့်အရေး ကာကွယ်စောင့်ရှောက်သည့် ဥပဒေ၏ ရည်ရွယ်ချက်များမှာ တိုင်းရင်းသား လူမျိုးအားလုံး တန်းတူညီမျှသော နိုင်ငံသား အခွင့်အရေးများ ရရှိစေရန်၊ တိုင်းရင်းသား အချင်းချင်း ချစ်ကြည်ရင်းနှီးမှုဖြင့် စစ်မှန်သော ပြည်ထောင်စုစိတ်ဓာတ် အခြေခံ၍ ထာဝစဉ် အတူတကွ လက်တွဲနေ ထိုင်ကြစေရန်၊ တိုင်းရင်းသား လူမျိုးများ၏စကား၊ စာပေ၊ အနုပညာ၊ ယဉ်ကျေးမှု၊ ရိုးရာဓလေ့ထုံးတမ်း၊ အမျိုးသားရေး လက္ခဏာနှင့် သမိုင်းအမွေအနှစ်တို့ကို ထိန်းသိမ်းစောင့်ရှောက်ရန်နှင့် ဖွံ့ဖြိုးတိုးတက်စေရန်၊   တိုင်းရင်းသားလူမျိုး အချင်းချင်း စည်းလုံးညီညွတ်ရေး၊ ချစ်ကြည်လေးစားရေးနှင့် ရိုင်းပင်းကူညီရေးတို့ တိုးတက်ဖြစ်ထွန်းစေရန်၊ တိုးတက်မှု နည်းပါးနေသည့် တိုင်းရင်းသား လူမျိုးများ၏ ပညာရေး၊ကျန်းမာရေး၊ စီးပွားရေး၊ လမ်းပန်းဆက်သွယ်ရေး စသည်တို့ပါဝင်သော လူမှုစီးပွားဖွံ့ဖြိုး တိုးတက်စေရန်၊ ဖွဲ့စည်းပုံ အခြေခံဥပဒေပါ အခွင့်အရေးများကို တိုင်းရင်းသားလူမျိုးများ အပြည့်အဝ ရရှိစေရန်တို့ဖြစ်သည်။

တိုင်းရင်းသားလူမျိုးများ၏ အခွင့်အရေး ကာကွယ်စောင့်ရှောက်သည့် ဥပဒေ၏ ရည်ရွယ်ချက်များကို အခန်း(၂)၌ ပြဋ္ဌာန်းထားသကဲ့သို့ အခန်း(၃)တွင် တိုင်းရင်းသားလူမျိုးများ၏ အခွင့်အရေးနှင့် ရပိုင်ခွင့်များကို ပြဋ္ဌာန်းထားပြီး အခန်း(၄)၌ ဝန်ကြီးဌာနဖွဲ့စည်းခြင်းနှင့် ပြည်ထောင်စုဝန်ကြီး ခန့်အပ်ခြင်း၊ အခန်း(၅)၌ ဝန်ကြီးဌာန၏ တာဝန်နှင့်လုပ်ပိုင်ခွင့်များ၊ အခန်း(၆)၌  တိုင်းရင်းသားလူမျိုးများ၏ အခွင့်အရေး ကာကွယ်စောင့်ရှောက်ခြင်း၊ အခန်း(၇)တားမြစ်ချက်၊ အခန်း(၈)ပြစ်ဒဏ်များနှင့် အခန်း(၉) အထွေထွေတို့ကို အသီးသီ ပြဋ္ဌာန်းထားသည်။

ဤဥပဒေတွင် အခန်းကိုးခန်းပါဝင်ပြီး အခန်းအလိုက် ပြဋ္ဌာန်းချက်အပိုဒ်စုစုပေါင်း ၃၄ ပိုဒ်ပါရှိကြောင်း တွေ့ရသည်။ ယနေ့အချိန်တွင် တိုင်းရင်းသားလူမျိုးများ၏ အခွင့်အရေး ကာကွယ်စောင့်ရှောက် သည့် ဥပဒေအရ တိုင်းရင်းသား လူမျိုးများရေးရာ ဝန်ကြီးဌာန ဖွဲ့စည်း၍ တိုင်းဒေသကြီးများနှင့် ပြည်နယ်များရှိ တိုင်းရင်းသားလူမျိုးရေးရာ ဝန်ကြီးများနှင့် ချိတ်ဆက်၍  တိုင်းရင်းသားတို့၏ လူမှုစီးပွားဘဝများ  စဉ်ဆက်မပြတ် ဖွံ့ဖြိုးတိုးတက်ရေးကို ဆောင်ရွက်နေကြပြီဖြစ်သည်။  နေပြည်တော်၌ ကျင်းပခဲ့သော  တိုင်းရင်းသားလူမျိုးများ စဉ်ဆက်မပြတ် ဖွံ့ဖြိုးတိုးတက်မှုဖိုရမ်သို့ တက်ရောက်လာကြသော ပုဂ္ဂိုလ်အားလုံးတို့၏ တူညီသော သဘောထားမှာ လူမှုစီးပွားဘဝ ဖွံ့ဖြိုးတိုးတက်ရေးနှင့် ငြိမ်းချမ်းရေးတို့သည် ခေါင်းနှင့်ပန်းပမာ ဒွန်တွဲလျက်ရှိကြောင်း ထုတ်ဖော်ပြော ကြားကြသည်။

သို့ဖြစ်၍ ၂ဝ၁၅ ခုနှစ်က ပြဋ္ဌာန်းထားသော တိုင်းရင်းသား လူမျိုးများ၏ အခွင့်အရေး ကာကွယ်စောင့်ရှောက်သည့် ဥပဒေအသက်ဝင်ရေးနှင့် တိုင်းရင်းသား လူမျိုးများ စဉ်ဆက်မပြတ် ဖွံ့ဖြိုးတိုးတက်ရေး ဖိုရမ်မှရရှိသော အကျိုးရလဒ်များကို လက်တွေ့ဖော်ဆောင်နိုင်ရန် တိုင်းရင်းသားပြည်သူ အားလုံးတို့က နိုင်ငံတော် အစိုးရနှင့် လက်တွဲဆောင်ရွက်ကြပါရန် မြဝတီက တိုက်တွန်း နှိုးဆော် လိုက်ရပါသည်။   

Read 440 times Last modified on Monday, 22 January 2018 08:27