SJ WorldNews - шаблон joomla Авто

ဗြဟ္မစိုရ်တရား စွဲကိုင်ထား အများချမ်းသာမည်

Wednesday, 31 January 2018 09:23 font size decrease font size decrease font size increase font size increase font size

ယဉ်ကျေးသော လူ့အဖွဲ့အစည်းဝင် မြင့်မြတ်သော လူသားတိုင်းသည် မေတ္တာ၊ ကရုဏာ၊ မုဒိတာ၊ ဥပေက္ခာတည်းဟူသော ဗြဟ္မစိုရ်တရားလေးပါးတို့ကို အလေးအနက် ထားနိုင်ရန် ကျင့်ကြံအားထုတ်ကြသည်။ အတိုင်းမသိသော သတ္တဝါပညတ်ကို အာရုံပြု၍  ချစ်ခင်ခြင်းသည် မေတ္တာ၊ ဒုက္ခိတသတ္တဝါပညတ်ကို အာရုံပြု၍ သနားခြင်းသည် ကရုဏာ၊  သုခိတသတ္တဝါ ပညတ်ကို အာရုံပြု၍ ဝမ်းမြောက်ခြင်းသည် မုဒိတာ၊ ဒုက္ခိတ၊ သုခိတသတ္တဝါ ပညတ်ကိုအာရုံပြု၍ လျစ်လျူရှုခြင်းသည် ဥပေက္ခာဟူသော အဓိပ္ပာယ် အသီးသီးကို ဗြဟ္မဝိဟာရ တရားလေးပါးဟူ၍ တစ်နည်းခေါ်ကြသည်။

ဗြဟ္မစိုရ်တရားလေးပါးတို့သည်  ပုထုဇဉ်လူသားတို့အဖို့ ကျင့်ကြံအားထုတ်ရန် မလွယ်ကူပါဟု  ဆိုနိုင်သကဲ့သို့ ဘယ်ကလာလို့ ဘယ်ကိုသွားနေသလဲဟူ၍  မိမိကိုယ်မိမိ ဆန်းစစ်ဝေဖန်နိုင်စွမ်း ရှိသူအတွက် မခက်ခဲပါဟူ၍လည်း ဆိုနိုင်သည်။  လူမှုဝန်းကျင်၌ ကျင်လည်ကြရာတွင် မိမိနှင့်သဘောထား တိုက်ဆိုင်မှုများကိုတွေ့ရသည့်အခါ  ဝမ်းမြောက်ဝမ်းသာ ဖြစ်ရသကဲ့သို့ သဘောထား မတိုက်ဆိုင်မှုများနှင့် တွေ့ရသည့်အခါ  အလိုမကျဖြစ်ကြရသည်။ အဘိဓမ္မာ သဘောအရ အချင်းချင်းအရှေ့နှင့်အနောက်၊   တောင်နှင့်မြောက်ပမာ ဖြောင့်ဖြောင့်ကြီး ဆန့်ကျင်ဘက်ဖြစ်နေကြသည့်   နှစ်သက်ဝမ်းမြောက်မှု (သောမနဿ)နှင့် စိတ်နှလုံး မသာမယာဖြစ်မှု(ဒေါမနဿ) တရားများ မိမိစိတ်အစဉ်တွင် ကြုံတွေ့လာပါက   ဥပေက္ခာဟူသော အာဂန္တုဘဝင် စိတ်ခြားပေးလိုက်သော် အဆင်ပြေသွားကြသည်။ ထို့ကြောင့် ဥပေက္ခာတရားဆိုသည်မှာ ရှေ့နှင့်နောက်စေ့စပ်ရေး တရားဟူ၍ဆိုနိုင်ကြောင်း ပညာရှိ သူတော်ကောင်းများ သွန်သင်ထားကြသည်။

ဥပေက္ခာဟူသော စေ့စပ်ရေးတရားကို ဆန့်ကျင်ဘက်ဆိုးကျိုး သက်ရောက်စေသော တရားမှာ အလိုမကျ၊ စိတ်နှလုံးမသာမယာ ဖြစ်နေသည့် ဒေါမနဿ၏ လှုံ့ဆော်မှုကြောင့် ဖြစ်ပေါ်လာသော မနာလိုမရှုဆိတ်သောစိတ် (ဣဿာမစ္ဆရိယ)ဖြစ်သည်။ အခြားသူများအပေါ် မနာလိုမရှုဆိတ် ဝန်တိုစိတ်ထားရှိရာမှ  မုဒိတာတရား ခေါင်းပါးလာချိန်တွင် အချင်းချင်းဖျက်လိုဖျက်ဆီး ပြောဆိုပြုမူ လုပ်ကိုင်လာကြသည်။ ထို့ကြောင့် ဗြဟ္မစိုရ်တရားထဲတွင် သူတစ်ပါးကောင်းသော လုပ်ငန်းစဉ်များနှင့်  အများအကျိုး သယ်ပိုးနေကြသည်ကို လည်းကောင်း၊ သူတစ်ပါးကောင်းကျိုး သုခရနေသည်ကို လည်းကောင်း  ကိုယ်တိုင်ရရှိ ကြုံတွေ့နေရသကဲ့သို့ ကျေနပ်ဝမ်းမြောက်သော  မုဒိတာတရားထားရန် လွယ်ကူသည်။

ဒုက္ခိတသတ္တဝါနှင့်တွေ့သောအခါ စာနာထောက်ထားသော ကရုဏာတရားသည် ပေးကမ်း ထောက်ပံ့မှုပြုရသဖြင့် မိမိအိတ်ထဲက စိုက်ထုတ်ရသေးသည်။ မုဒိတာတရား ပွားများရခြင်းသည်  မိမိအိတ်ထဲက စိုက်ထုတ်ကုန်ကျစရာမရှိဘဲ အခြားသူတို့က သဘောကျ နှစ်ခြိုက်ပြီး မိမိအားပြန်ပေးသည်ကိုပင်  ရတတ်ခြင်းကြောင့်  မုဒိတာတရားသည် အလွန်အကျိုးကြီးမားသော တရားဖြစ်သည်။ ထို့ကြောင့်  မုဒိတာတရား ထားသူသည် အကောင်းမြင်တတ်သူဖြစ်သဖြင့် ကောင်းကျိုးသုခ ရနိုင်သည်။

ယနေ့ မြန်မာနိုင်ငံ ပြုပြင်ပြောင်းလဲရေး လုပ်ငန်းစဉ်များမှ စီးပွားရေး လုပ်ငန်းများ၌ အရည်အသွေး ပြည့်မီသော ရင်းနှီးမြှုပ်နှံမှုများ တိုးပွားရေး၊ အရည်အသွေး ပြည့်မီသော အလုပ်အကိုင် အခွင့်အလမ်းများ ဖန်တီးရေး၊ အရည်အသွေး ပြည့်မီသော  ဈေးကွက်ယှဉ်ပြိုင်နိုင်စွမ်း ရှိရေးနှင့် သဘာဝပတ်ဝန်းကျင် ထိန်းသိမ်းရေးတို့ကို နိုင်ငံတော်အစိုးရ၊ လွှတ်တော်၊ တိုင်းရင်းသား ပြည်သူများနှင့် တပ်မတော်တို့၏  စည်းလုံးညီညွတ်သော အင်အားဖြင့် ဖန်တီးတည်ဆောက် နေကြချိန်ဖြစ်သည်။ ဆိုခဲ့သော လုပ်ငန်းစဉ်များ ဖြစ်မြောက်အောင်မြင်ရေးသည်တစ်တိုင်းတစ်ပြည်လုံး ညီညွတ်ရေးအပေါ် တည်သည်ကို မသိကျိုးကျွန်ပြု၍ ညီညွတ်ရေး ပျက်ပြားစေမည့် ကြံစည်၊ ပြောဆို၊ ပြုမူမှုတို့ကို ရှောင်ကြဉ်ကြရမည် ဖြစ်သည်။ ညီညွတ်ရေးကို ရှေးရှုသော အကောင်းမြင်စိတ်ဖြင့် ဝမ်းမြောက် ဝမ်းသာစိတ် မမွေးမြူနိုင်သည့်တိုင်အောင် အဆိုးမြင်စိတ်ဖြင့် မနာလို မရှုဆိတ်ဝန်တိုသောစိတ် မဖြစ်စေရန်   မိမိကိုယ်မိမိ ဆန်းစစ်ဝေဖန် ထိန်းသိမ်းကြလျှင် ပြည်သူ့အကျိုးကို ဖျက်လိုဖျက်ဆီးပြုရာ မရောက်ပေ။

ညီညွတ်ရေးကိုရှေးရှုသော အကောင်းမြင်စိတ်သည် လူ့အဖွဲ့အစည်းအတွက် ကောင်းကျိုးပြုနိုင်သည်ကို သတိမူ၍ ရှေ့နှင့်နောက် စေ့စပ်ရေးတရားဟု ဆိုအပ်သော ဥပေက္ခာတရားကို နှလုံးသွင်းနိုင်ရမည်ဖြစ်သည်။ ထို့အတူ ယခင်နှင့်မတူသော ယနေ့တိုးတက် ပြောင်းလဲမှုများကိုလည်း ဝမ်းမြောက်ဝမ်းသာ မုဒိတာတရား ပွားနိုင်ကြရပေမည်။ သာဓုခေါ်လျှင် တစ်ကမ္ဘာအပါယ်နှင့် ဝေးနိုင်သည်ဟူသော  ပညာရှိသူတော်ကောင်းတို့၏ အဆုံးအမနှင့်အညီ မနာလိုဝန်တိုခြင်းကင်း၍ တိုင်းကျိုးပြည်ဆောင် ပုဂ္ဂိုလ်များနှင့် အဖွဲ့အစည်းများ ညီညွတ်ခြင်းကို ပို၍ခိုင်မြဲသည်ထက် ခိုင်မြဲစေရန်သာ  ကြိုးစားအားထုတ်နိုင်ရေးအတွက် ဗြဟ္မစိုရ်တရား စွဲကိုင်ထားကြရမည်ဖြစ်ကြောင်း မြဝတီက စေတနာကောင်းဖြင့် တိုက်တွန်းနှိုးဆော် လိုက်ရပါသည်။        

Read 634 times Last modified on Wednesday, 31 January 2018 09:25