SJ WorldNews - шаблон joomla Авто

ပြည်သူ့ဘဝ မြင့်မားရေး ဖြစ်နိုင်သမျှ စွမ်းဆောင်ပေး

Monday, 26 February 2018 08:46 font size decrease font size decrease font size increase font size increase font size

မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုတွင်  အသေးစားနှင့် အလတ်စား စီးပွားရေးလုပ်ငန်းများက  ၉၉ ရာခိုင်နှုန်း ပါဝင်လျက် ရှိခြင်းကြောင့်  အသေးစားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးကို နိုင်ငံတော် အစိုးရအနေဖြင့် ထိထိရောက်ရောက် အားပေးကူညီနိုင်ရန် အသေးစားနှင့် အလတ်စား စီးပွားရေး လုပ်ငန်းများ ဖွံ့ဖြိုးတိုးတက်ရေး လုပ်ငန်းကော်မတီ ဖွဲ့စည်းဆောင်ရွက်လျက် ရှိရာ ဥက္ကဋ္ဌအဖြစ် ဒုတိယသမ္မတ ဦးမြင့်ဆွေက ဆောင်ရွက်ပြီး အတွင်းရေးမှူးအဖြစ် စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချိုက ဆောင်ရွက်သည်။ လုပ်ငန်းကော်မတီ အဖွဲ့ဝင်များအဖြစ် လုပ်ငန်းဆက်စပ်သော ပြည်ထောင်စု ဝန်ကြီးများ၊ တိုင်းဒေသကြီးနှင့်ပြည်နယ်များမှ ဝန်ကြီးချုပ်များ ပါဝင်ကြသည်။

အသေးစားနှင့်အလတ်စား စီးပွားရေး လုပ်ငန်းများ ဖွံ့ဖြိုးတိုးတက်ရေး လုပ်ငန်းကော်မတီ ပထမအကြိမ် အစည်းအဝေးကို  ၂ဝ၁၇ ခုနှစ်   ဒီဇင်ဘာ ၁၃ ရက်တွင် နေပြည်တော်၌ ကျင်းပ၍ လုပ်ငန်းစဉ်များ ချမှတ်ခဲ့သည်။

ပထမအကြိမ်အစည်းအဝေး၌ ချမှတ်ခဲ့သော လုပ်ငန်းစဉ်များမှာ SME အေဂျင်စီ၊ ရန်ပုံငွေစီမံခန့်ခွဲမှု အဖွဲ့နှင့် လုပ်ငန်းသုံးသပ်မှု အစီရင်ခံရေး အဖွဲ့တို့အား ဗဟိုကော်မတီ၏ အတည်ပြုချက်ဖြင့် ဖွဲ့စည်းနိုင်ရေး  ဆောင်ရွက်သွားရန်၊ နေပြည်တော်ကောင်စီ၊  တိုင်းဒေသကြီး/ပြည်နယ် SMEအေဂျင်စီများ ဖွဲ့စည်းနိုင်ရေးအတွက် ဗဟိုကော်မတီထံသို့ တင်ပြဆောင်ရွက်သွားရန်၊ ကိုယ်ပိုင်အုပ်ချုပ်ခွင့်ရ တိုင်းနှင့်ဒေသများတွင် SME ရုံးခွဲများဖွင့်လှစ်ရန်၊ လုပ်ငန်းကော်မတီသည်   ဗဟိုကော်မတီ၏ သဘောတူ ခွင့်ပြုချက်ဖြင့်  SMEအေဂျင်စီ၊ ရန်ပုံငွေစီမံခန့်ခွဲမှု အဖွဲ့နှင့် လုပ်ငန်း သုံးသပ်မှု အစီရင်ခံရေးအဖွဲ့များကို အမြန်ဆုံးဖွဲ့စည်းနိုင်ရေး ဆောင်ရွက်သွားရန်၊ ပြည်ထောင်စုနယ်မြေ   နေပြည်တော်နှင့် တိုင်းဒေသကြီး/ပြည်နယ်များတွင် SME အေဂျင်စီရုံးခွဲများ ဖွင့်လှစ်ပြီးနောက် လက်တွေ့ကျသော ချဉ်းကပ်မှုများနှင့်အတူ Result Based Plan များချမှတ် ဆောင်ရွက်သွားရန်၊ ပြည်ထောင်စုအဆင့်နှင့် တိုင်းဒေသကြီး အစိုးရတို့က  စွန့်ဦးတီထွင်လုပ်ငန်းများကို အားပေးကူညီရန်နှင့် စီးပွားရေးလုပ်ငန်းသစ်များ ပျိုးထောင်မည့်  Business  Incubation  Center အသစ်များ အကောင်အထည်ဖော် ဆောင်ရွက်သွားရန်၊ SME  Support  Center များကို ရန်ကုန်တိုင်းဒေသကြီး၊ မန္တလေးတိုင်း ဒေသကြီးနှင့် မွန်ပြည်နယ်တို့တွင် စတင်ဖွဲ့စည်းဆောင်ရွက်ရန်တို့ဖြစ်သည်။

အသေးစားနှင့် အလတ်စားစီးပွားရေး လုပ်ငန်းဖွံ့ဖြိုးတိုးတက်ရေး လုပ်ငန်းကော်မတီ ဒုတိယအကြိမ် အစည်းအဝေးကို ၂ဝ၁၈ ခုနှစ် ဖေဖော်ဝါရီ ၁၉ ရက်တွင် နေပြည်တော်၌ ကျင်းပစဉ် မန္တလေးတိုင်း ဒေသကြီးနှင့် ကချင်ပြည်နယ်အတွင်းရှိ အငယ်စား၊ အသေးစားနှင့် အလတ်စားစီးပွားရေး လုပ်ငန်းများ (MSMEs) ၏ ပထမအကြိမ်  ဒေသတွင်းကုန်စည်ပြပွဲနှင့် ပြိုင်ပွဲ(၂ဝ၁၈)ကို ဖေဖော်ဝါရီ ၂၃ ရက်မှ ၂၅ ရက်အထိ ကျင်းပရန် စီစဉ်ခဲ့သည်။ အစီအစဉ်အတိုင်း ကုန်စည်ပြပွဲနှင့်ပြိုင်ပွဲကို မန္တလေးမြို့ မန္တလာသီရိ အားကစားကွင်း၌ ဖေဖော်ဝါရီ၂၃ ရက် နံနက် ၉ နာရီက ကျင်းပရာ အသေးစားနှင့် အလတ်စားစီးပွားရေး လုပ်ငန်းများ ဖွံ့ဖြိုးတိုးတက်ရေး လုပ်ငန်း ကော်မတီဥက္ကဋ္ဌ၊ အတွင်းရေးမှူးနှင့် အဖွဲ့ဝင်များ၊  ပြည်ထောင်စု သမ္မတ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ် ဥက္ကဋ္ဌ၊ ဌာနဆိုင်ရာ  တာဝန်ရှိသူများ၊ အသိပညာရှင်၊ အတတ်ပညာရှင်များ၊ အငယ်စား၊ အသေးစားနှင့် အလတ်စား စီးပွားရေးလုပ်ငန်းရှင်များနှင့် တာဝန်ရှိသူများ တက်ရောက်ကြသည်။

ကုန်စည်ပြပွဲနှင့် ပြိုင်ပွဲများ ကျင်းပပေးခြင်းသည် ပြည်တွင်း စားသုံးသူများအနေဖြင့် SME များ၏ ထုတ်ကုန် အရည်အသွေးများကို အကဲဖြတ် လေ့လာနိုင်ခြင်း၊ SME များ၏ စဉ်ဆက်မပြတ် ကြိုးပမ်းအားထုတ်မှုများကို SME အချင်းချင်း သိရှိစေနိုင်ခြင်း၊ ကောင်းမွန်သည့် အချက်အလက်နှင့် ဆန်းသစ်တီထွင် စိတ်ကူးကောင်းများ ဖော်ထုတ်လေ့လာနိုင်ခြင်း၊ မိမိထုတ်လုပ်မှု လုပ်ငန်းစဉ် (Supply Chain) တစ်လျှောက် ဆက်စပ်ပတ်သက်နေသည့် အခြား SME များနှင့် ပေါင်းစပ်လုပ်ကိုင်လာနိုင်ခြင်း၊ ဒေသအချင်းချင်း ပေါင်းစည်း လုပ်ကိုင်လာနိုင်ခြင်း၊ ပေါင်းစည်း ဆောင်ရွက်မှုများမှ တစ်ဆင့် နိုင်ငံတကာအဆင့်သို့ တက်လှမ်းနိုင်ခြင်း စသည့် အကျိုးကျေးဇူးများ ရရှိစေရန်ဟူသော ရည်ရွယ်ချက်များဖြင့် ကျင်းပပေးခြင်းဖြစ်သည်။

ဒေသအလိုက်ပြိုင်ပွဲများတွင်  အငယ်စား၊ အသေးစားနှင့် အလတ်စား စသည်ဖြင့် လုပ်ငန်းအရွယ်အစား အလိုက် ပထမ၊ ဒုတိယ၊ တတိယအဆင့်တို့ကို သက်ဆိုင်ရာ တိုင်းဒေသကြီး/ပြည်နယ် အဆင့်အကဲဖြတ်ဒိုင် အဖွဲ့က အမှတ်ပေး ဆုံးဖြတ်မည်ဖြစ်သည်။ ပြိုင်ပွဲတွင်   ဆုအတွက် သတ်မှတ်ချက်များကို နိုင်ငံတကာ အတွေ့အကြုံရှိသည့် ဂျပန်နိုင်ငံမှ ပညာရှင်များ၏အတွေ့အကြုံများ၊   အကြံပြုချက်များနှင့် ပေါင်းစပ်သတ်မှတ်ထားခြင်းဖြစ်ပြီး ဆုရရှိသူများကို ပြိုင်ပွဲ၏ နောက်ဆုံးပိတ်ပွဲ အခမ်းအနားတွင်  နိုင်ငံတော်က အသိအမှတ်ပြုသည့်

တိုင်းဒေသကြီး/ပြည်နယ် အဆင့် Regional  Award အဖြစ် သတ်မှတ် ဆုချီးမြှင့်မည်ဖြစ်သည်။ ပြပွဲပြိုင်ပွဲ ကျင်းပနေချိန်အတွင်းတွင် MSMEs များအတွက် နည်းပညာ လွှဲပြောင်းပေးမည့် အစီအစဉ်များ၊ စကားဝိုင်းဆွေးနွေးပွဲများ၊ လုပ်ငန်းများအတွက် လိုအပ်သော ချေးငွေရရှိရေးဆိုင်ရာ ဟောပြော ဆွေးနွေးပွဲများကိုလည်း ထည့်သွင်းကျင်းပမည့် အစီအစဉ်များ ပါဝင်ခြင်းသည် စီးပွားရေး ဖွံ့ဖြိုး တိုးတက်မှုအတွက် အဓိက လိုအပ်ချက်များကို ဖြည့်ဆည်းပေးနိုင်မည့် အစီအစဉ်ဖြစ်သည်။ အထူးသဖြင့် အသေးစားနှင့် အလတ်စားစီးပွားရေး

လုပ်ငန်းများ ဖွံ့ဖြိုးတိုးတက်ရေးအတွက် နိုင်ငံတော်အစိုးရက ချမှတ်ထားသည့် မူဝါဒများနှင့်အညီ ပြည်တွင်းဈေးကွက်မှ တစ်ဆင့် ပြည်ပပို့ကုန် ဦးစားပေးထုတ်ကုန်များ ထုတ်လုပ် လာနိုင်ရေးအတွက် လုပ်ငန်းရှင်များက ရည်မှန်းဆောင်ရွက်ခြင်းဖြင့် နိုင်ငံတော်အတွက် သယံဇာတ အပေါ်မှီခိုရသော စီးပွားရေးမှ ပြည်သူတို့၏ လုပ်အားကို အခြေခံသော စီးပွားရေးသို့  ကူးပြောင်းသွားမည်ဖြစ်သဖြင့် တစ်ဦးချင်းဝင်ငွေ တိုးတက်ရရှိမှုနှင့် နိုင်ငံတော်၏ GDP မြင့်မားရေးကိုပါ အထောက်အပံ့ဖြစ်စေနိုင်သည်။

သို့ဖြစ်၍ အငယ်စား၊ အသေးစားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးကို တိုင်းရင်းသား ပြည်သူအားလုံးက မိမိတို့ကာလ ဒေသအလျောက် စီးပွားရေး ဖွံ့ဖြိုးတိုးတက်မှုကို ခြိမ်းခြောက်ဟန့်တားသူများအား ဖော်ထုတ်၍ မိမိကာယ၊ဉာဏ အားအရ ဖြစ်နိုင်သမျှ စွမ်းဆောင်ကြခြင်းဖြင့် ပြည်သူတို့ဘဝ မြင့်မားလာနိုင်မည်ဟု မြဝတီက သုံးသပ်ရပါသည်။      

Read 371 times Last modified on Monday, 26 February 2018 08:46