SJ WorldNews - шаблон joomla Авто

အမျိုးသမီးများ ဘဝမြင့် မားရေး ဖေးကူ ဆောင်ရွက်ပေး

Thursday, 08 March 2018 08:30 font size decrease font size decrease font size increase font size increase font size

ပြည်ထောင်စု သမ္မတ မြန်မာနိုင်ငံတော်၏   လူဦးရေ စုစုပေါင်း ၅၁ ဒသမ ၄ သန်းရှိသည့် အနက် အမျိုးသား  ၄၉ ဒသမ ၂ ရာခိုင်နှုန်းနှင့်  အမျိုးသမီး ၅၁ ဒသမ ၈ ရာခိုင်နှုန်းရှိကြောင်း  ၂ဝ၁၄ ခုနှစ်က ကောက်ယူ ခဲ့သော လူဦးရေနှင့် အိမ်အကြောင်းအရာ သန်းခေါင်စာရင်းအရ သိရသည်။

နိုင်ငံတော်တွင်ရှိသော စုစုပေါင်းလူဦးရေ၏ ၅ဝ ရာခိုင်နှုန်းကျော်သည် အမျိုးသမီးများ ဖြစ်သဖြင့် နိုင်ငံ တော် တည်ဆောက်ရေး လုပ်ငန်းစဉ်များ၌ အမျိုးသမီးများ အခန်းကဏ္ဍ အရေးပါသည့် အားလျော်စွာ ကျား/မ တန်းတူညီမျှရေးနှင့် အမျိုးသမီးများအပေါ် ခွဲခြားဆက်ဆံမှု ပပျောက်ရေးကို နိုင်ငံတော် အစိုးရက ဦးစားပေး ဆောင်ရွက်လျက် ရှိသည်။ နိုင်ငံတော်အစိုးရက ဆောင်ရွက်နေသော အမျိုးသမီးများ အခန်းကဏ္ဍ မြှင့်တင်ရေးတွင် ကုလသမဂ္ဂလက်အောက်ခံ အဖွဲ့အစည်းများ၊ ပြည်တွင်း၊ ပြည်ပမှ အစိုးရ မဟုတ်သော အဖွဲ့အစည်းများ၊ အရပ်ဘက်လူမှုရေး အဖွဲ့အစည်းများနှင့် ပူးပေါင်း ဆောင်ရွက် နေခြင်း ဖြစ်သည်။ နိုင်ငံတော်တွင် ရှိသည့် လူဦးရေ၏ ၇ဝ ရာခိုင်နှုန်း နေထိုင်ကြသော ကျေးလက်ဒေသရှိ  အမျိုးသမီးများ ဘဝမြင့်မားရေး လုပ်ငန်းစဉ်များတွင် အိမ်တွင်းမှု သင်တန်းများနှင့် ခေတ်မီမော်တာ စက်ချုပ် သင်တန်းများ  ဖွင့်လှစ်သင်ကြား ပေးလျက်ရှိသည်။ နိုင်ငံတော်၏ စီးပွားရေး ပြုပြင်ပြောင်း လဲရေး တွင် စွန့်ဦးတီထွင် လုပ်ငန်းရှင် အမျိုးသမီးများ၏အခန်းကဏ္ဍ ၅ဝ ရာခိုင်နှုန်းပါဝင်သကဲ့သို့ နိုင်ငံရေးနှင့် လူမှုရေး ကဏ္ဍများမှာလည်း အမျိုးသမီးများကဏ္ဍ အတိုင်းအတာ တစ်ခုအထိ ပါဝင်နေကြသည်။

မြန်မာမှုနယ်ပယ်၌ မောင်တစ်ထမ်း၊ မယ်တစ်ရွက်ဟူ၍ လည်းကောင်း၊ အမျိုးသမီးများအတွက် တာဝန် ခွဲဝေမှုအဖြစ် အိမ်တွင်းမှုလုပ်၊ သိမ်းထုပ် သေချာဟူ၍လည်းကောင်း ရှိပြီးဖြစ်သည်။   ယနေ့ခေတ်ကာလ အခြေ အနေအရ အိမ်ထောင်ဦးစီး (Breadwinner) တစ်ယောက်တည်း ရှာဖွေရရှိသော ဝင်ငွေသည် မိသားစု စား၊ ဝတ်၊ နေရေးအတွက် မလုံလောက် နိုင်တော့သဖြင့် မောင်တစ်ထမ်း၊ မယ်တစ်ရွက်ပြိုင် တူ လှုပ်ရှား ရုန်းကန်နေကြရသည်။ ကျား/ မ တန်းတူညီမျှရေး ဆိုထားရာတွင်  နိုင်ငံတော်အစိုးရ ဝန်ထမ်း များနှင့်   ပုဂ္ဂလိက စီးပွားရေး လုပ်ငန်းများမှ ဝန်ထမ်းများအတွက် အပြည့်အဝ ရရှိကြသည်။   

အချို့ပုဂ္ဂလိကစီးပွားရေး လုပ်ငန်းများမှာ ကာယ၊ ဥာဏ၊ ဝီရိယစွမ်းအား အလျောက်သာ အကျိုးခံစားခွင့် ရရှိကြသည်။ အပြိုင်အဆိုင် များသော ၂၁ ရာစု နည်းပညာ ခေတ်တွင် အမျိုးသမီးများ စွမ်းအားမြှင့် တင်ရေးသည် သာမန်ထက် ပို၍ အရေးပါလျက်ရှိသည်။  အမျိုးသမီးများအနေဖြင့် ပါးမှာ နံ့သာ၊ ခါးမှာ ပဝါဖြင့် အချွဲအနော့၊ အချော့အပလီ၊ အတီအတာများ နေကြမည်ဆိုလျှင် စားစရာ ဗလာဖြစ်ကာ ဘဝမ လှနိုင်သည်ကို သတိတရား အမြဲထားရန် လိုသည်။ ကျား/ မ တန်းတူညီမျှသော အခွင့်အရေးရရှိ နေပြီဆို လျှင် မိမိပင်ကို အရည်အသွေးကို ပြန်လည်ဆန်းစစ်၍  အားနည်းချက်ကို အားသာချက် အဖြစ်သို့ ရောက် အောင် ပြောင်းလဲပြီး အားသာချက်ကို ပိုမိုတိုးတက်အောင် ကြိုးစားရမည်ဖြစ်သည်။ ယနေ့ခေတ် လူငယ် များ ပြောနေကြသော စကားမှာ ဘယ်သူက ပရို (pro) အဆင့်ရောက်နေပြီဟု ပြောသံကြားရသည်။ တကယ်တမ်းအားဖြင့် တိတိကျကျ ပြောကြမည်ဆိုလျှင် Professional အဆင့်သည် အခြေခံ အဆင့်ကို လွန်မြောက်၍ အဆင့်မြင့်သော အတိုင်းအတာ တစ်ခုအထိ ရောက်နေသည်ဟု အဓိပ္ပာယ် ကောက် ယူနိုင်သည်။ ဤအဆင့်သည် မိမိ ထမ်းဆောင်ရမည့် တာဝန်ကို ပိုင်နိုင် ကျွမ်းကျင်မှု ရှိသည့် အဆင့် သာဖြစ်သည်။

မိမိထမ်းဆောင်ရမည့် တာဝန်ကို ပိုင်နိုင် ကျွမ်းကျင်မှုရှိသည့် အဆင့်သည်တစ်ဦးချင်း စွမ်းဆောင် နိုင်မှုသာ ဖြစ်ပြီး မိမိလုပ်ဖော် ကိုင်ဖက်များ၏ တစ်ဦးချင်း စွမ်းဆောင်နိုင်မှု အရည်အသွေးများကို သူ့နေရာနှင့်သူ ထိထိရောက်ရောက် အသုံးချ တတ်ကြစေရန် စီမံခန့် ခွဲတတ်မှု (Management Power) စွမ်းရည် မိမိမှာ ရှိပြီလား ပြန်လည်ဆန်းစစ်၍ အမြဲဖြည့်ဆည်း နေရမည်ဖြစ်သည်။ မိမိမှာ စီမံခန့်ခွဲ တတ်မှု စွမ်းရည်ရှိသည့် တိုင်အောင် စီမံကွပ်ကဲနိုင်သည့် အခွင့်အာဏာ (Executive Power) ရှိ၊ မရှိ ပြန်လည် ဆန်းစစ်ပြီး ရှိပြီ ဆိုလျှင် တရားဓမ္မ နှင့်အညီ အဆုံးအဖြတ်ပေးသည့် အလေ့အထရှိ၊ မရှိ ဆန်းစစ်ကြရန် ဖြစ်သည်။ အားလုံးခြုံ၍ ဆိုရသော် လူတိုင်းသည် မိမိကိုယ်မိမိ ဘာလဲဆိုသည်ကို သိကြရန်ဖြစ်သည်။ ကမ္ဘာကျော် တရုတ်စစ်သူကြီး ဆွန်ဇုက အားသာချက်၏ အခြားတစ်ဖက်၌  အားနည်းချက် ရှိနေတတ် သည်။ ကျနသေ သပ်ခြင်းထဲမှ ပရမ်းပတာ ဖရိုဖရဲ တွေ့ရတတ်သည်။

သတ္တိထဲမှ သူရဲဘော ကြောင်သည်လည်း ရှိသည်။ ခွန်အားထဲမှ ချည့်နဲ့ခြင်း ထွက်လာ တတ်သည်ဟု သတိပေးထားသည်များမှာ မိမိကိုယ် မိမိသော်လည်းကောင်း၊ မိမိစီမံကွပ်ကဲရသော လုပ်ငန်းဌာန သို့မဟုတ် အဖွဲ့အစည်း၏ အရည်အသွေးကိုသော် လည်းကောင်း အမြဲဆန်းစစ် လေ့လာပြုပြင်ဖြည့် ဆည်း ရန် ဖြစ်သည်ဟု နားလည်မိသည်။

မျက်မှောက် ကာလ မြန်မာနိုင်ငံပြုပြင် ပြောင်းလဲရေး လုပ်ငန်း စဉ်များမှ နိုင်ငံရေး၊ စီးပွားရေး၊ လူမှုရေး နယ်ပယ်အသီးသီး၌ စွမ်းဆောင်ရည်မြင့်မားသော အမျိုးသမီးများက စိတ်ကောင်း စေတနာကောင်းဖြင့် ပါဝင်ထမ်းဆောင်နေကြသည်ကို ပြည်သူအပေါင်းတို့ ဝမ်းမြောက် ဂုဏ်ယူဖွယ် တွေ့မြင်နေကြရသည်။ နိုင်ငံတော် အစိုးရက မြန်မာအမျိုးသမီးများ  စွမ်းဆောင်ရည်မြှင့်တင်ရေးကို ဖော်ဆောင်နေသကဲ့သို့ မြန်မာ နိုင်ငံလုံး ဆိုင်ရာ အမျိုးသမီးရေးရာ ကော်မတီအနေဖြင့်လည်း အမျိုးသမီးများ ဖွံ့ဖြိုး တိုးတက်ရေးဆိုင်ရာ  အမျိုးသား အဆင့်မဟာဗျူဟာ စီမံကိန်း ၂ဝ၁၃-၂ဝ၂၂ ကို ချမှတ် အကောင်အထည်ဖော် လျက်ရှိသည်။

သို့ဖြစ်၍ ၂ဝ၁၈ခုနှစ် မတ် ၈ရက်တွင် ကျရောက်သော အပြည်ပြည်ဆိုင်ရာ အမျိုးသမီးများနေ့ကို ဂုဏ်ပြု သော အားဖြင့် အမျိုးသမီးများ ဘဝမြင့်မားရေး ပြည်သူ အားလုံးတို့က ဖေးကူဆောင်ရွက်ပေးကြ ပါရန် မြဝတီက တိုက်တွန်းနှိုးဆော် လိုက်ရပါသည်။      

Read 621 times Last modified on Thursday, 08 March 2018 08:33