SJ WorldNews - шаблон joomla Авто

မီဒီယာပုံရိပ်ပီပြင်မှ နိုင်ငံပုံရိပ် မြှင့်နိုင်မည်

Thursday, 26 April 2018 09:19 font size decrease font size decrease font size increase font size increase font size

ပြည်ထောင်စု ဝန်ကြီးဌာနများနှင့် အဖွဲ့အစည်းအသီးသီးတွင် မီဒီယာတာဝန် ထမ်းဆောင်နေသူ ဝန်ထမ်းများအား သတင်းရေးသား ထုတ်ပြန်ခြင်းနှင့် သတင်းရိုက်ကူး တည်းဖြတ် ထုတ်လုပ်ခြင်းများ စနစ်တကျ ဆောင်ရွက်နိုင်ရန် ရည်ရွယ်၍ ပြန်ကြားရေးဝန်ကြီးဌာနက ဖွင့်လှစ်သော သတင်းရေးသား ထုတ်ပြန်ခြင်း သင်တန်းဖွင့်ပွဲ အခမ်းအနားကို ဧပြီ ၂၃ ရက် နံနက် ၉ နာရီခွဲတွင် နေပြည်တော်ရှိ ပြန်ကြားရေး ဝန်ကြီးဌာန စုဝေးခန်းမ၌ ကျင်းပသည်။

သတင်းရေးသားထုတ်ပြန်ခြင်း သင်တန်းသို့ ဝန်ကြီးဌာန ၁၅ ဌာနမှ မီဒီယာတာဝန် ထမ်းဆောင်နေသည့် ဝန်ထမ်းပေါင်း ၃ဝ ကျော်တို့ တက်ရောက်၍   သင်တန်းကပို့ချမည့် သတင်း ဓာတ်ပုံရိုက်ကူးခြင်း၊ သတင်းမီဒီယာဥပဒေ၊  သတင်းသမားတို့၏ ကျင့်ဝတ်၊  အွန်လိုင်းအသုံးပြု၍ သတင်းများ ထုတ်ပြန်ခြင်း၊ SocialMedia များ အသုံးပြုရာတွင် ဆောင်ရန်၊ ရှောင်ရန် စသည့် ဘာသာရပ်များကို ငါးရက်ကြာ သင်ယူကြမည်ဖြစ်သည်။ နိုင်ငံတော်အစိုးရက ဆောင်ရွက်နေသော ပြုပြင်ပြောင်းလဲရေး လုပ်ငန်းစဉ်များတွင် ပွင့်လင်းမြင်သာမှုနှင့် သတင်းများ အချိန်မီထုတ်ပြန်နိုင်ရန် သက်ဆိုင်ရာ ပြည်ထောင်စု ဝန်ကြီးဌာနများ၌ သတင်းထုတ်ပြန်ရေး အဖွဲ့များ ဖွဲ့စည်း ဆောင်ရွက်ခြင်းအားဖြင့် ဌာနအဖွဲ့အစည်းများတွင် မသမာမှုများ၊ လာဘ်ပေးလာဘ်ယူမှုများ ကျဆင်းစေပြီး  သန့်ရှင်းကောင်းမွန်သော အစိုးရပေါ်ထွန်းရေးကို အထောက်အကူပြုပြီး အစိုးရဌာန အဖွဲ့အစည်းများနှင့် ပြည်သူများကြားတွင်  သံသယစိတ်နည်းပါးကာ  ယုံကြည်မှု မြင့်မားလာစေရေးသည် ယခုဖွင့်လှစ်သော သင်တန်း၏ မျှော်မှန်းချက်ဖြစ်သည်။  သင်တန်း၏ မျှော်မှန်းချက်သည် သင်တန်းသားများ လက်တွေ့ဆောင်ရွက်ရမည့် မျှော်မှန်းချက်နှင့် တာဝန်ဖြစ်သည်။

နိုင်ငံတော်အစိုးရ ဌာနဆိုင်ရာများက ပြည်သူများ သိသင့်သည့် ကိစ္စရပ်များအား သတင်းထုတ်ပြန်ပေးခြင်း၊ သတင်းစာ ရှင်းလင်းပွဲပြုလုပ်၍ အသိပေးခြင်းတို့ကို အချိန်နှင့်တစ်ပြေးညီသော် လည်းကောင်း၊ လိုအပ်ချက် ရှိလာသည့် အခါအားလျော်စွာသော် လည်းကောင်း အလျဉ်းသင့်သလို ထုတ်ပြန် အသိပေးလျက်ရှိသည်။

သတင်းထူးသတင်းဦးကို ရယူလိုသော သတင်းမီဒီယာတို့က သိလိုသော ကိစ္စရပ်များကို ဌာနဆိုင်ရာများသို့ သွားရောက်မေးမြန်း သတင်းယူကြရာတွင် ၁၉၂၃ ခုနှစ် နိုင်ငံတော်အစိုးရ လျှို့ဝှက်ချက်ဥပဒေနှင့်အညီသာလျှင် သတင်းထုတ်ဖော် ပြောကြားခွင့်ရှိသည်ကို အလေးအနက် ထားကြရပေမည်။ ထို့အတူ ဌာနဆိုင်ရာများကလည်း သတင်းသမားကို သတင်းသမားအဖြစ် အသိအမှတ်ပြုရမည်ဖြစ်သည်။  နိုင်ငံတော်အစိုးရ သတင်းဌာနများမှ မီဒီယာတာဝန် ထမ်းဆောင်နေကြသော ဝန်ထမ်းများသည် ဌာနဆိုင်ရာ အသီးသီး၏ ဖွဲ့စည်းပုံ အင်အားနှင့် ခွင့်ပြုအင်အားအတွင်းမှ အလျဉ်းသင့်သလို ခန့်အပ်ထားကြသူများဖြစ်သဖြင့်  ၎င်းတို့၏ အဆင့်နှင့်

ရာထူးသည် အရာရှိအဆင့်ထက် နိမ့်၍ အလယ်အလတ် အဆင့်ရှိသူများ၊ အလယ်အလတ် အဆင့်ထက်နိမ့်သူများ စသည်ဖြင့် အမျိုးမျိုးရှိကြမည် ဖြစ်သော်လည်း သတင်းမီဒီယာ တာဝန်ထမ်းဆောင်နေကြသူများ ဖြစ်သည်ကို အသိအမှတ် ပြုကြရမည်ဖြစ်သည်။ ဤသို့နှစ်ဦးနှစ်ဖက် နားလည်မှုနှင့် အသိအမှတ်ပြုမှုတို့ အပြန်အလှန်ရှိကြမှသာ ပွင့်လင်းမြင်သာမှုကို လက်တွေ့ဖော်ဆောင် နိုင်ကြမည်ဖြစ်သဖြင့် ပြည်ထောင်စု အဆင့်သာမကတိုင်းဒေသကြီး သို့မဟုတ် ပြည်နယ်အဆင့်၊ ခရိုင်အဆင့်၊ မြို့နယ်အဆင့် အသီးသီးမှာလည်း အလားတူ သဘောထားများ ရှိကြရပေမည်။

သတင်းမီဒီယာများ၏ အခန်းကဏ္ဍနှင့် စပ်လျဉ်း၍ နိုင်ငံတော်သမ္မတ ဦးဝင်းမြင့်က ပြည်ထောင်စု လွှတ်တော်၌ မတ် ၃ဝ ရက်တွင် ကျင်းပသော ကတိသစ္စာပြုပွဲသို့ တက်ရောက် မိန့်ခွန်းပြောကြားစဉ် ''ကျွန်တော်တို့ အနေနဲ့ ဖွဲ့စည်းပုံ အခြေခံဥပဒေအရ အပ်နှင်းထားတဲ့ အခွင့်အာဏာကို တတ်နိုင်သမျှ ပိုင်းခြားကျင့်သုံးနေကြတဲ့ မဏ္ဍိုင်ကြီး သုံးရပ်အကြားမှာ အပြန်အလှန်လေးစားမှု၊ အပြန်အလှန်နားလည်မှု၊ အပြန်အလှန် ယုံကြည်မှုတွေနဲ့ ပြည်သူတွေအကျိုးအတွက် ပူးပေါင်းဆောင်ရွက် သွားကြဖို့ တိုက်တွန်းပြောကြားလိုပါတယ်။ ဒါ့အပြင် ပြည်သူတွေရဲ့ နားတွေ၊ မျက်စိတွေဖြစ်တဲ့ သတင်းမီဒီယာတွေရဲ့အခန်းကဏ္ဍကို အလေးအနက်ထားကြဖို့၊ ကျွန်တော်တို့ အလုပ်အကျွေးပြုရမယ့် နိုင်ငံသူ၊ နိုင်ငံသားတွေရဲ့ ပြည်သူ့မဏ္ဍိုင်ကို အလေးအမြတ်ပြုကြဖို့ တစ်ဆက်တည်းမှာပဲ တိုက်တွန်း ပြောကြားလိုပါတယ်''ဟူ၍ ထည့်သွင်းပြောကြားသည်။

မီဒီယာများက ဖော်ပြကြသည့် သတင်းများမှာ လိုက်သတင်းနှင့် ပေးသတင်းဟူ၍ နှစ်မျိုးရှိကြသည်ကို ဝါရင့်သတင်းစာဆရာကြီးများက ခံဆွမ်းနှင့်ပို့ဆွမ်းဟု ပြောလေ့ရှိသည်။ ယနေ့ကာလ အွန်လိုင်းခေတ်တွင် ပို့ဆွမ်းအနေအထားကို ကျော်လွန်၍ ခူးပြီးခပ်ပြီး အဆင့်ရောက်နေပြီဟု ဆိုနိုင်သည့် အခြေအနေတွင် သတင်းတစ်ပုဒ်ကို အပိုင်းပိုင်းဖြတ်၍ နေ့လွဲညစာ ချန်ထားသည့် သတင်းသမားတို့က နောက်ဆက်တွဲ သတင်းမဟုတ်ဘဲ အခန်းဆက်သတင်း ဖန်တီးပေးပို့ကြသော အလေ့အထများ  ပေါ်ပေါက်နေကြောင်း တွေ့ရသည်။  ထို့ပြင် သတင်းမပုပ်မသိုးသယောင်ဖြင့် သတင်းဖြစ်နေရာနှင့် ရက်စွဲတို့ကို ဖျောက်၍ ဖော်ပြကြသည်များ၊ ဌာနဆိုင်ရာ ဝက်ဘ်ဆိုက်များတွင် ဖော်ပြထားသည့်  အစီရင်ခံစာပုံစံ၊  ရုံးစာရေးနည်း ပုံစံတို့ဖြင့် ဖော်ပြထားသည်ကို သတင်းစာသုံး စကားပြေပုံစံသို့ ပြောင်းလဲဖော်ပြရန်  အားနည်းချက်များ၊  လွှတ်တော်အစည်းအဝေး၊ သတင်းစာရှင်းလင်းပွဲတို့ ပြုလုပ်စဉ်က ဖော်ပြပြီးသော သတင်းများကို ကောက်နုတ်၍   နောက်တစ်နေ့တွင် သတင်းအဖြစ် ထပ်မံဖော်ပြခြင်းများသည် သက်ဆိုင်ရာ မီဒီယာ၏ပုံရိပ်ကို ထိခိုက်စေနိုင်သော အကြောင်းတရား ဖြစ်သည်။

သို့ဖြစ်၍ နိုင်ငံတော်အစိုးရ ဌာနဆိုင်ရာများမှ မီဒီယာတာဝန် ထမ်းဆောင်နေကြသည့် ဝန်ထမ်းများနှင့် သတင်းမီဒီယာသမားတို့ အချင်းချင်း နားလည် အသိအမှတ်ပြုမှု၊ သတင်းမီဒီယာသမား တစ်ဦးအနေဖြင့် ဥပဒေကို လေးစားလိုက်နာ၍ ကျင့်ဝတ်စောင့်ထိန်းမှု ကိုယ်စီရှိကြမှသာ နိုင်ငံပုံရိပ်ကို မြှင့်တင်ပေးမည့် မီဒီယာပုံရိပ် ပီပြင်ပြီး ပြည်သူတို့က ယုံကြည်မှုရှိကြမည်ဖြစ်ကြောင်း မြဝတီက သုံးသပ်ရပါသည်။ 

Read 593 times Last modified on Thursday, 26 April 2018 09:20