SJ WorldNews - шаблон joomla Авто

တစ်ခုပညာ ကိုယ်စီပါ ဝမ်းစာ ရှာဖွေရေး

Thursday, 10 May 2018 08:37 font size decrease font size decrease font size increase font size increase font size

လူတစ်ဦးအဖို့ စက်မှု၊ လက်မှုအစရှိသည့် အပြစ်ကင်းသော အတတ်ပညာတို့ကို တတ်မြောက်ခြင်းသည် ဘဝအတွက် ကောင်းကျိုးသုခ ရရှိနိုင်ကြောင်း (၃၈)ဖြာမင်္ဂလာ တရားတော်၌ ညွှန်ပြထားသည်။

မျက်မှောက်ကာလ စက်မှုနည်းပညာများ ထွန်းကားသောခေတ်၌ လက်မှုပညာသည်လည်း ကာလဒေသ အားလျော်စွာ အသုံးဝင်နေခြင်း၊ မိရိုးဖလာရိုးရာ ယဉ်ကျေးမှုကို ထိန်းသိမ်းလိုကြခြင်းနှင့် လက်လှမ်းမီရာ အလုပ်အကိုင် အခွင့်အလမ်းဖြင့် အသက်မွေးဝမ်းကျောင်း ပြုလိုခြင်း စသည့် အကြောင်းတရားတို့ကြောင့် လက်မှုပညာ၏ အခန်းကဏ္ဍသည် အတိုင်းအတာတစ်ခုအထိ အရေးပါလျက်ရှိသည်။

မန္တလေးတိုင်းဒေသကြီး  ညောင်ဦးခရိုင် ကျောက်ပန်းတောင်းမြို့နယ် ရွာတန်းရှည်ကျေးရွာ၌ ထန်းနှင့်ဝါး လုပ်ငန်းဆိုင်ရာ အဆင့်မြင့်လက်မှု ပညာရက်တိုသင်တန်းကို မေ ၆ ရက်မှစ၍ ၁ဝ ရက်ကြာ ဖွင့်လှစ် သင်ကြားပေးလျက်ရှိသည်။ အဆိုပါသင်တန်းကို တော်ဝင်ထန်းအဖွဲ့၊ Sunday Group အဖွဲ့နှင့် မန္တလေးတက္ကသိုလ်မှ ထန်းသုတေသီတစ်ဦးတို့က သင်တန်းသား၊ သင်တန်းသူ ၂၅ ဦးတို့အား အခမဲ့ သင်ကြားပေးကြမည်ဖြစ်ကြောင်း သိရသည်။

မြန်မာနိုင်ငံအလယ်ပိုင်းမှ အပူပိုင်းဒေသ၌ နှစ်ရှည်ထန်းတောများ ရှိသည့်အနက် မန္တလေးတိုင်းဒေသကြီး ကျောက်ပန်းတောင်းမြို့နယ်တွင် ယခင်နှစ်များက ထန်းပင်ခုနစ်သိန်းခန့် ရှိခဲ့ရာမှ  ငါးသောင်းခန့်ကို ခုတ်လှဲပြီးဖြစ်သဖြင့် ထန်းပင်များကို ဆက်လက်ထိန်းသိမ်း ထားလိုသော်လည်း လုပ်သား အခက်အခဲနှင့် ထန်းထွက်ပစ္စည်း ဈေးကွက်အခက်အခဲတို့ကြောင့်  ထန်းတောပိုင်ရှင်များ အနေဖြင့် ယခင်က ပဒေသာပင်ဟု ခေါ်ကြသော ထန်းပင်များကို ယခုအချိန်တွင် အပင်ပြတ်ရောင်းချနေကြရသည်။ လွန်ခဲ့သောနှစ်က ခုတ်လှဲခဲ့သောထန်းပင်မှ သစ်သားများကို ပရိဘောဂပစ္စည်း ထုတ်လုပ်ရောင်းချရာ လူကြိုက်များသဖြင့် စီးပွားရေး လုပ်ငန်းရှင်များက ထန်းပင်များကို ဝယ်ယူနေကြသော်လည်း ထန်းပိုင်ရှင်များ အနေဖြင့် ထိုက်သင့်သော တန်ဖိုးမရရှိကြောင်း ဒေသခံများ၏ ပြောကြားချက်အရ သိရသည်။

ထန်းပင်စိုက်ပျိုးရာတွင် အစေ့ကိုစိုက်ပျိုးရပြီး အပင်သက် ၁၈ နှစ်မှ နှစ် ၁ဝဝ အထိရှည်ကြာသည့်နှစ်ရှည်ပင်ဖြစ်ပြီး ထန်းပင်သက်တမ်း နှစ် ၈ဝ မှ ၁ဝဝ အတွင်းရှိ ထန်းသားများ၏ အရည် အသွေးကောင်းသဖြင့် လူနေအိမ်ဆောက်လုပ်ရာတွင် အသုံးပြုကြပြီး ပရိဘောဂနှင့် အခြားအသုံးအဆောင် ပစ္စည်းများ ထုတ်လုပ်ရာတွင်လည်း အသုံးပြုကြသည်။ ထန်းသီးကို စားသောက်ကုန်ထုတ်လုပ်ရာတွင် အသုံးပြုပြီး  တရုတ်နိုင်ငံသို့လည်း တင်ပို့ကြသည်။  ထန်းရည်အချိုကို ချက်လုပ်ရာမှရသော ထန်းလျက်ကို အိန္ဒိယနိုင်ငံနှင့် မလေးရှားနိုင်ငံတို့သို့ အများဆုံး တင်ပို့ကြောင်း သိရသည်။

ထန်းတစ်ပင်လုံး လူတို့အတွက် အသုံးဝင်သကဲ့သို့ အစိမ်းရောင်ရွှေဟု တင်စားကြသော ဝါးပင်တို့သည်လည်း  သစ်မရောက်ခင်ဝါးကူ  ဆိုစကားအရ ကျွန်းရွှေဝါဟု တင်စားကြသော သစ်သားနေရာ တွင် ဝါးဖြင့်အစားထိုး အသုံးပြုလာကြသည်။ ကျေးလက်နေပြည်သူအများစုတို့ အိမ်ဆောက်ကြရာတွင် ဝါးကိုအများဆုံး အသုံးပြုကြသကဲ့သို့ မြို့အစွန်အဖျားနေရာများ၌ နေထိုင်ကြသော ဆင်းရဲသားရပ်ကွက်များမှာလည်း ဝါးအိမ်ကလေးများ ဆောက်နေကြရသည်။ သစ်ပင်ချစ်သူများအသင်း၊ ထန်းပင်ချစ်သူများအသင်း စသည်ဖြင့်လူမှုရေး အဖွဲ့အစည်းများ ရှိသကဲ့သို့ ဝါးချစ်သူများ အသင်းကိုလည်းဖွဲ့စည်း၍ ပညာရှင်များ၏ကူညီမှုဖြင့် ဝါးတော ထိန်းသိမ်းရေးနည်းပညာ၊ ဝါးပင်များ စနစ်တကျ စိုက်ပျိုး ထုတ်လုပ်ခြင်းနှင့် သုတေသနလုပ်ငန်း တို့ကိုပါ ဆက်လက် ဆောင်ရွက်ရန် ရည်ရွယ်ထားကြောင်း သိရသည်။  ယခုအချိန်တွင် ပြည်တွင်းလုပ်ငန်းရှင် အချို့သည် ယွန်းထည်ပစ္စည်း၊ ဝါးပါကေးကြမ်းခင်းနှင့် အသုံးအဆောင် ပစ္စည်းမျိုးစုံ ထုတ်လုပ်ရောင်းချနေကြရာ  ဝါးဖြင့်ပြုလုပ်သော လက်မှုလုပ်ငန်းများ ဖွံ့ဖြိုးရန် လိုအပ်လျက် ရှိသည်။

ထန်းပင်နှင့်ဝါးပင်များကို စနစ်တကျ စိုက်ပျိုးထိန်းသိမ်းခြင်းသည် သဘာဝပတ်ဝန်းကျင် ထိန်းသိမ်းရေးပင်ဖြစ်သဖြင့် ဒေသတွင်း၌ အစွန်းရောက် ရာသီဥတုဖြစ်ပေါ်ခြင်းကို လျော့နည်း သက်သာစေသည့် အပြင် ဒေသခံ ပြည်သူတို့အတွက် အလုပ်အကိုင် အခွင့်အလမ်း ဖန်တီးနိုင်သဖြင့်  တစ်ဦးချင်း ဝင်ငွေမြင့်မား လာမည်ဖြစ်သည်။

ထို့ကြောင့် ထန်းနှင့်ဝါး လုပ်ငန်းဆိုင်ရာ အဆင့်မြင့်လက်မှုပညာ ရက်တိုသင်တန်းများ ဖွင့်လှစ်သင်ကြားပေးရန် လိုအပ်သောနေရာများ၌ ဆက်လက် ဆောင်ရွက်နိုင်ရန် ဌာနဆိုင်ရာ များနှင့် သက်ဆိုင်သူတို့ အနေဖြင့် ကြိုးပမ်း အားထုတ်သင့်ကြောင်း မြဝတီက တိုက်တွန်း နှိုးဆော်လိုက်ရပါသည်။   

Read 382 times Last modified on Thursday, 10 May 2018 08:38