SJ WorldNews - шаблон joomla Авто

စေတနာသင်္ခါရနှင့် ကမ္မဖလ

Monday, 04 September 2017 08:28 font size decrease font size decrease font size increase font size increase font size

စေတနာဟူသည် တစ်စုံတစ်ခုကိုသိခြင်း၊ စေ့ဆော်ခြင်းဟူ၍ လည်းကောင်း၊ သင်္ခါရဟူသည် ပြုပြင်စီရင်တတ်သော အကြောင်းတရားဟူ၍ လည်းကောင်း၊ ကမ္မဖလဟူသည် ပြုခဲ့ခြင်း၏အကျိုး၊

ကံ၏အကျိုးဟူ၍ လည်းကောင်း ပါဠိ-မြန်မာ အဘိဓာန်၌ အဓိပ္ပာယ်အသီးသီး ဖွင့်ဆိုထားသည်။ ထို့ကြောင့်  စေတနာသင်္ခါရနှင့် ကမ္မဖလဟူသည် ယခင်ကကောင်းသော ကံကိုပြုခဲ့လျှင်၊ ကောင်းသောအကျိုးကို ပြုခဲ့လျှင် ယခုမျက်မှောက် ကောင်းသောအကျိုးကို ရရှိမည်။ ယခင်က မကောင်းသောကံကိုပြုခဲ့လျှင် ယခုမျက်မှောက် မကောင်းကျိုးကိုခံစားရမည်။ ယခုပြုသည့်ကောင်းမှု၊ မကောင်းမှုတို့သည်လည်း အလားတူရရှိ ခံစားရမည်ဖြစ်သည်။

မိမိကိုယ်ကျိုးသက်သက်ကို မကြည့်ဘဲ မိမိသူတစ်ပါးနှစ်ဦးနှစ်ဖက် အကျိုးရှိစေရန် မျှတသော စေတနာထားခြင်းသည် လူ့ဘဝ၏မြင့်မြတ်သော စိတ်ထားဖြစ်သည်။ ပါးစပ်နှင့်စားရသော အာဟာရမှီဝဲခြင်း၊ မျက်စိ၊ နား၊ နှာခေါင်း၊ လျှာ၊ ကိုယ်တို့ဖြင့် အာရုံခံစားခြင်း၊ စိတ်ဖြင့်ကြံစည်ခြင်းတို့တွင် သက်ရှိသတ္တဝါတို့ အားလုံးတူညီကြသည်။ စေတနာအာဟာရကိုမူ လူတို့သာပြုနိုင်ကြသည်။

အိမ်ရှင်မတစ်ဦးသည် မိသားစုအတွက် နေ့စဉ်ထမင်းနှစ်နပ်စာ စီစဉ်ရမည်ဟူသော အသိစိတ်၏စေ့ဆော်မှုအရ နေ့စဉ်ဈေးသို့သွားကြသည်။ ဈေးသို့ထွက်လာစဉ်က  ဝယ်ယူရန် စိတ်ကူးထားသော အသားငါးက တစ်မျိုး၊ ဈေးရောက်သောအခါ ဝယ်ဖြစ်သည့် အသားငါးကတစ်မျိုး ဖြစ်တတ်ခြင်းသည် ခဏချင်းဖြစ်၍ ခဏချင်း ပျက်တတ်သည့် စိတ်၏မမြဲသော ပြောင်းလဲမှုကြောင့်ဖြစ်သည်။ ဈေးသို့ထွက်လာစဉ်က ဝယ်ရန် စိတ်ကူးထားသော ပစ္စည်းကတစ်မျိုး၊ ဈေးရောက်သည့်အခါ ဝယ်ဖြစ်သည့်ပစ္စည်းက တစ်မျိုးဖြစ်ခြင်းကို စေတနာသင်္ခါရကံဟု ဆိုကြသည့်နည်းတူ အခြားလူမှုရေးရာ အဖြာဖြာတို့တွင်လည်း ရှိတတ်ကြသည်မှာ လူတို့သဘော သဘာဝဖြစ်သည်။

ဗုဒ္ဓစာပေများ၌ တွေ့ရသည်မှာ သုမေဓာရှင်ရသေ့အား နောင်သောအခါ ဘုရားစင်စစ်ဧကန် ဖြစ်လိမ့်မည်ဟူ၍ ဒီပင်္ကရာမြတ်စွာဘုရားက ဗျာဒိတ်ပေးတော်မူခဲ့သည့် တိုင်အောင် ဘုရားလောင်း သုမေဓာရှင်ရသေ့သည် ဘဝများစွာ ကျင်လည်ပြီး နောက်ဆုံးဘုရားအဖြစ်သို့ ရောက်တော်မူခဲ့ခြင်းဖြစ်သည်။

ဗုဒ္ဓသာသနာနှစ် ၂၄၉၈ ခုနှစ်တွင် မြန်မာနိုင်ငံ ရန်ကုန်မြို့၌ အရှင်ရေဝတ ဦးဆောင်သော မထေရ် ၂၅ဝဝ တို့သည် ဆဋ္ဌသင်္ဂါယနာတင်၍ ဂေါတမဘုရားရှင် ၄၅ ဝါအတွင်း ဟောကြားတော်မူခဲ့သော တရားတော်များကို သုတ်သင်တည်းဖြတ်ပြီး ပုံနှိပ်စာအုပ်မူသန့်ဖြစ်အောင် ပြုစုတော်မူကြသည်။ ဆဋ္ဌသင်္ဂါယနာတင်ပွဲ၌ ဆရာတော်ကြီး အရှင်ဝိစိတ္တသာရာဘိဝံသက သောတာပန်ဖြစ်ကြောင်း အင်္ဂါလေးပါးပုစ္ဆာကို ဂေါတမမြတ်စွာ

ဘုရားဟောကြားတော်မူခဲ့သည့် အတိုင်း ဖြေကြားရာ၌ ဒီဃာဝုပုဏ္ဏားငယ် သေအံ့မူးမူး ဖြစ်နေချိန်တွင် ဂေါတမမြတ်စွာဘုရား ကြွတော်မူခိုက် ရောဂါသက်သာပါ၏လောဟု မေးမြန်းသော် ပုဏ္ဏားက မသက် သာကြောင်း လျှောက်ထားသည်။ မြတ်စွာဘုရားက ဘုရား၊ တရား၊ သံဃာတို့အပေါ်၌ ယုံကြည် ကိုးကွယ်မှုရှိပါ၏လောဟု ထပ်မေးသော် ပုဏ္ဏားက ရတနာသုံးပါးတို့အပေါ်၌ မည်သူပင်လာရောက် ဖျက်ဆီး သည်ဖြစ်စေ မပျက်စီးနိုင်သော သဒ္ဓါတရား ယုံကြည်ကိုးကွယ်မှု ရှိကြောင်း လျှောက်ထားသည်။ မြတ်စွာဘုရားက လူတို့၏သီလ၌ မြဲပါ၏လောဟု မေးပြန်သော် ပုဏ္ဏားကလူတို့၏ သီလ၌မြဲပါကြောင်း လျှောက်ထားသည်။ ထိုအခါ မြတ်စွာဘုရားက ဘုရား၊ တရား၊ သံဃာ အပေါ်၌ သံသယမရှိ ယုံကြည်ကိုးကွယ်သောသူ၊ လူတို့၏ ငါးပါးသီလ၌ စွဲမြဲသောလူတို့သည် သေလွန်သောအခါ အပါယ်ငရဲဘုံ၊ တိရစ္ဆာန်ဘုံတို့၌ မကျရောက်နိုင်၊ သောတာပန်အင်္ဂါ လေးပါးနှင့် ပြည့်စုံသောကြောင့်  လူ့ဘုံ၊ နတ်ဘုံတို့၌ ပြန်လည်ရောက်နိုင်ကြောင်း ဟောပြတော်မူခဲ့သည်ဟု မှတ်သားရဖူးသည်။

ဗုဒ္ဓဘာသာဝင် သူတော်စင်တို့သည် ငါးပါးသီလစောင့်ထိန်းရန် သီလတောင်းကြသည့်အခါ၌ ပထမဦးစွာ အပါယ်လေးပါး၊ ကပ်သုံးပါး၊ ရပ်ပြစ်ရှစ်ပါး၊ ရန်သူမျိုးငါးပါး၊ ဝိပတ္တိတရားလေးပါး၊ ဗျသနတရားငါးပါးတို့မှ အခါခပ်သိမ်း ကင်းလွတ်ငြိမ်းလိုကြောင်းနှင့်  မဂ်တရား၊  ဖိုလ်တရား၊ နိဗ္ဗာန်ချမ်းသာမြတ်ကို ရလိုကြောင်း ဆုတောင်းကြပြီးမှ ငါးပါးသီလခံယူကြသည်။ ငါးပါးသီလခံယူကြရုံမျှဖြင့် ရှေ့ကတောင်းခဲ့သော ဆုတွေပြည့်စုံအောင်ရနိုင်ကြမည် မဟုတ်ဘဲ ခံယူထားသောသီလအတိုင်း အသက်ထက်ဆုံး ဆောက်တည်စောင့်ထိန်းကြမှသာ တောင်းသောဆုနှင့်ပြည့်စုံကြပေမည်။

သို့ဖြစ်၍ မြန်မာသက္ကရာဇ် ၁၃၇၉ ခုနှစ် တော်သလင်းလပြည့်နေ့(မနက်ဖြန်)တွင် ကျရောက်မည့် ဂရုဓမ္မ အခါတော်နေ့မှစ၍ အသက်ထက်ဆုံး ငါးပါးသီလစောင့်ထိန်းခြင်းဖြင့် ဗုဒ္ဓဘာသာဝင်သူတော်စင် အပေါင်းတို့အနေဖြင့် ပစ္စုပ္ပန်သံသရာနှစ်ဖြာ၌ ကောင်းကျိုးသုခ ရရှိကြစေခြင်းငှာ တော်သလင်းလဆန်း ၁၄ ရက်(ယနေ့)တွင် မြဝတီက ကြိုတင်တိုက်တွန်း နှိုးဆော်လိုက်ရပါသည်။   

Read 640 times Last modified on Monday, 04 September 2017 08:29