SJ WorldNews - шаблон joomla Авто

စကားအရာ အင်္ဂါလေးတန် ဆင်ခြင်ရန်

Thursday, 18 April 2019 10:49 font size decrease font size decrease font size increase font size increase font size

အယ်ဒီတာ့အာဘော်

(၂ဝ၁၉ ခုနှစ်၊ ဧပြီလ ၁၈ ရက်)

လူတိုင်းလူတိုင်း ဘဝရည်မှန်းချက် ပန်းတိုင်ကိုယ်စီ ရှိကြသည့် အားလျော်စွာ ရည်မှန်းချက်ပန်းတိုင်သို့ လျှောက်လှမ်းကြရာတွင် ဆောင်ရန်၊ရှောင်ရန်တို့ကို ပထမဦးစွာသိအောင် ကြိုးပမ်းကြရမည်ဖြစ်သည်။ ဆောင်ရန်၊ရှောင်ရန် တို့ကို သိရှိလိုက်နာရမည် ဖြစ်သကဲ့သို့ ရည်မှန်းချက် ပန်းတိုင်သို့ လျှောက်လှမ်းရာတွင် တွေ့ကြုံရမည့် အခြေအနေ အရပ်ရပ်တို့ကိုလည်း သိမြင်လိုစိတ်ရှိအောင် မိမိကိုယ်မိမိ လေ့ကျင့်ပျိုးထောင် ပေးရမည်ဖြစ်သည်။ မိမိကိုယ်မိမိ လေ့ကျင့်ပျိုးထောင်လိုစိတ် မရှိသူသည် အခြားသူများက လေ့ကျင့်ပျိုးထောင်ပေးသည်ကို ကြည်ဖြူစွာ ခံယူတတ်ရပေမည်။

မိမိနှင့်အတူ ရည်မှန်းချက်ပန်းတိုင်သို့ လျှောက်လှမ်းသူများထံမှ သင်ယူဖွယ်ရှိသည်ကို သင်ယူ၍ မိမိက သင်ကြားပေးရမည့်သူ ရှိပါကလည်း ဆရာစားမချန် သင်ကြားပေးရမည်ဖြစ်သည်။ ဤသို့ပူးပေါင်း ဆောင်ရွက်မှုနှင့် အပြန်အလှန် အသိအမှတ်ပြုမှုရှိကြမှသာ ခရီးတွင်ပေမည်။ ခရီးအတူ သွားကြသူ အချင်းချင်း ပူးပေါင်းဆောင်ရွက်ကြရာတွင် နားလည်ရခက်ခဲသော ပြောဆိုပြုမူမှုများကိုရှောင်ကြဉ်ပြီး ဟန်ဆောင်ကင်း၍ ရိုးရှင်းသော ပြောဆို ပြုမူမှုဖြင့် ယုံကြည်မှုကို တည်ဆောက်ကြရမည်ဖြစ်သည်။ ဟန်ဆောင်မှုဟူသည် ကြာရှည်မတည်နိုင်၊ ခဏအတွင်း မှာပင် လက်မှိုင်ချရသည်သာဖြစ်သည်။

ဟန်ဆောင်မှုကြာရှည်မတည်သော သာဓကအဖြစ် မဟော်သဓာ ရထားတရား စီရင်ခန်းကို တင်ပြလိုသည်။ သတို့သား မဟော်သဓာရထား၏ ဉာဏ်ရည်ကို စမ်းလိုသော သိကြားမင်းသည် လူယောင်ဖန်ဆင်း၍ လူ့ပြည်သို့ ရောက်လာပြီး ရေကန်အနီးရပ်ထားသော မြင်းဆွဲသည့် ရထားတစ်စင်းကို မောင်းယူသွားသည်။ ရေကန်တွင် မျက်နှာ သန့်စင်နေသော ရထားရှင်လူသားက ရထားကိုပြန်ပေးရန် အော်ဟစ်တောင်းဆိုရင်း နောက်က ပြေးလိုက် လာသော် လူယောင်ဆောင်ထားသော သိကြားက မိမိပိုင်ရထားကိုသာ မောင်းနှင်လာခြင်း ဖြစ်သည်ဆိုသဖြင့် နှစ်ဦးသားငြင်းကြ ခုံကြရင်း မဟော်သဓာ နေထိုင်သော ဇရပ်သို့ရောက်လာကြပြီး တရားရင်ဆိုင်ကြသည်။

မဟော်သဓာကအနီးရှိ လုလင်တစ်ဦးကိုခေါ်၍ ရထားကို မောင်းခိုင်းမည်။ သင်တို့နှစ်ဦးက ရထားကိုဆွဲ၍ နောက်မှ လိုက်နိုင်သူကို ရထားပိုင်ရှင်အဖြစ် သတ်မှတ်မည်ဆိုပြီး လုလင်အား ရထားကိုမောင်းစေသည်။ ရထားစမောင်းပြီး တစ်ခေါ်လောက် အကွာအဝေးမှာပင် လူစင်စစ်က မောဟိုက်ပင်ပန်းလာသဖြင့် ရထားနောက် မလိုက်နိုင်တော့ဘဲ လဲကျသွားသည်။ လူယောင်ဆောင်ထားသော သိကြားမင်းမှာ ရထားနောက်မှ မပင်မပန်း လိုက်သွားနိုင်သည်။ ဤသို့ဆိုလျှင် မဟော်သဓာ၏ ပထမပြောစကားအတိုင်း ရထားနောက်သို့ မလိုက်နိုင်သော၊ ခွေယိုင်ဖြစ်နေသော လူသားရထားပိုင်ရှင်မှာ ဆုံးရှုံးရပေတော့မည်။ သို့သော် ဉာဏ်ရည်မြင့်သော မဟော်သဓာက ရထားနောက်သို့ မမောမပန်း လိုက်သွားသူသည် ချွေးတစ်စက်မျှမထွက်၊ မျက်တောင်မမှိတ်၊ ကြောက်စိတ်မရှိ၊ အသက်ရှူမပျက်ခြင်းတို့ကြောင့် အထက်ဘုံသား သိကြားသာဖြစ်ရာသည် မဟုတ်လောမေးသည်။ ဟုတ်ကြောင်း ဝန်ခံလျှင် သိကြားကိုအရှုံး ပေးပြီး လူသားကို အနိုင်ပေးလိုက်သဖြင့် ဥစ္စာမှန်၍ပြန်ရသွားသည်။

လူတို့ဘဝရပ်တည်မှုအတွက် လက်မှုပညာ၊ စက်မှုပညာ၊ နှုတ်မှုပညာတို့သည် အသုံးဝင်ကြသည်။ နှုတ်မှုပညာ ကျွမ်းကျင်သူဖြစ်စေကာမူ အကျိုးစီးပွားနှင့် ယှဉ်သည့် ကောင်းမြတ်သောစကား၊ ချစ်ခင်နှစ်လိုဖွယ်ဆိုသော စကား၊ တရားတော်နှင့် ညီညွတ်သောစကား၊ ဖြောင့်မှန်သော စကားတို့ကိုသာ ပြောသင့်သော အချိန်အခါအခြေအနေ တို့ကို လိုက်၍ ပြောဆိုရမည်ဖြစ်သည်။ မဟော်သဓာ တရားစီရင်ခန်းမှ လူယောင်ဆောင်ထားသော သိကြားကဲ့သို့ မိမိသာလျှင် အနိုင်ရလိုသောဆန္ဒ၊ မိမိအခွင့်အရေး ရလိုသော ဆန္ဒတို့၏ တိုက်တွန်းမှုကြောင့် ဖြောင့်မှန်သော စကားကိုမဆို မုသားပိုခဲ့ရသည်။ မျက်မှောက်ကာလ လူတို့လောက၌ အမှန်အမှား တရားသဖြင့်ဖြစ်စေရန် အကြောင်းအကျိုး ဆင်ခြင် ကြရာတွင် စကားပြောသော လူသားတို့ ပြောဆိုကြသည်ကို နားစွင့်၍ ဖြစ်နိုင်ခြေကို ဆင်ခြင်မှုရှိရန်လိုသကဲ့သို့ စကားပြောသော သက်မဲ့ရုပ်ဝတ္ထုတို့၏ သက်သေခံ အထောက်အထားများကိုလည်း အလေးထားကြမှသာ အကြောင်းအကျိုး ဆီလျော်၍ တရားဓမ္မနှင့်ညီသော အမှန်တရားကို သိနိုင်မည်ဖြစ်သည်။

ထို့ကြောင့် လျှာအရိုးမရှိတိုင်း ပြောလိုရာပြောတတ်သော လူတို့စကားကို နားထောင်ကြရာတွင် ဆိုခဲ့သော အင်္ဂါလေးတန်ဖြင့် အပြန်ပြန်အလှန်လှန် ဆင်ခြင်စဉ်းစား ဆုံးဖြတ်ကြရန်ဖြစ်ကြောင်း မြဝတီက စေတနာထား၍ ပိတောက်သင်္ကြန် လက်ဆောင် ပါးလိုက်ရပါသည်။  

Read 107 times Last modified on Thursday, 18 April 2019 10:49