SJ WorldNews - шаблон joomla Авто

တောင်ခြေအနှံ့ ခြေဆန့်သောနမ့်တိန်းဆီသို့

Thursday, 30 May 2019 08:50 font size decrease font size decrease font size increase font size increase font size

အိမ်နီးချင်းနိုင်ငံတွင် မြစ်ဖျားခံ၍ ပြည်ထောင်စု သမ္မတ မြန်မာနိုင်ငံတော် ရှမ်းပြည်နယ်အတွင်း မြောက်ဘက်မှ တောင်ဘက်သို့ စီးဆင်းသော သံလွင်မြစ်သည် ကယားပြည်နယ်နှင့် မွန်ပြည်နယ်တို့ကို အစဉ်အတိုင်းဖြတ်ပြီး မုတ္တမပင်လယ်သို့ စီးဝင်သွားသည်။ သံလွင်မြစ်ရေစီးကြောင်း အတွင်းသို့ သံလွင်မြစ်၏ အရှေ့ဘက်နှင့် အနောက်ဘက်အရပ်ဆီမှ စီးဆင်းလာသော ချောင်းများရှိကြရာ ကွန်ဟိန်းမြို့အနီးမှ နမ့်တိန်းချောင်း ပါဝင်သည်။ နမ့်တိန်းချောင်းမကြီးသည် မိုင်းရှူးမြို့၏ အနောက်မြောက်ဘက်ရှိ ကျိုင်းလုံဝန်းကျင်မှ စတင်စီးဆင်းလာပြီး မိုင်းရှူး-မိုင်းနောင်-ကွန်ဟိန်းတို့ကို အစဉ်အတိုင်း ဖြတ်ကျော်၍ ကျိုင်းရပ်ကိုရောက်သော် သံလွင်မြစ်အတွင်းသို့ စီးဝင်သွားသည်။

တောင်ကြီး-နမ့်စန်-ကွန်ဟိန်း-မိုင်းပျဉ်း-ကျိုင်းတုံလမ်းကို မော်တော်ကားဖြင့် သွားသော် ကွန်ဟိန်းရောက်လျှင် နမ့်တိန်းချောင်းကို တံတားဖြင့် ဖြတ်ကျော်သွားရသည်။ ရှမ်းတိုင်းရင်းသား ဘာသာစကားဖြင့် ကွန်သည်မြန်မာလို ကျွန်းဟု အဓိပ္ပာယ်ရပြီး ဟိန်သည် မြန်မာလို ဂဏန်းအရေအတွက်အားဖြင့် တစ်ထောင်ဟု အဓိပ္ပာယ်ရသဖြင့် ကွန်ဟိန်းမြို့ကို ကျွန်းပေါင်းတစ်ထောင်ရှိသော မြို့ဟုဆိုနိုင်သည်။ ကွန်ဟိန်းမှ ဆက်သွားလျှင် သံလွင်မြစ်ကိုကူးရန် တာကော်တံတားပေါ် ဖြတ်သွားရသည်။ တောင်ကြီး-နမ့်စန်-မိုးနဲ-လင်းခေး-မိုင်းပန်-တာဆန်း- မိုင်းတုံ-မိုင်းဆတ်သို့ မော်တော်ကားဖြင့် သွားသော လမ်းခရီးတွင် ကွန်ဟိန်းချောင်းမကြီးမှ ဖြာထွက်စီးဆင်းသော နမ့်တိန်းချောင်းကို လင်းခေးမြို့တွင် တံတားဖြင့် ဖြတ်ကျော်ရပြီး တာဆန်းရောက်လျှင် သံလွင်မြစ်ကိုကူးရန် တာဆန်းတံတားပေါ် ဖြတ်ကျော်ရပြန်သည်။ ရှမ်းပြည်နယ် တောင်ပိုင်း တောင်ကြီးမြို့မှ ရှမ်းပြည်နယ် အရှေ့ပိုင်းနှင့် တောင်ပိုင်းတို့ကို သွားလိုသော် နမ့်တိန်းချောင်းနှင့် သံလွင်မြစ်တို့ကို ကူးပြီးမှ လိုရာခရီးသို့ ရောက်သည်။  လွန်ခဲ့သော နှစ်ပေါင်း ၅ဝ ကျော်က ပြည်ပကျူးကျော်သူ ကူမင်တန်တို့ကို မြန်မာ့မြေပေါ်မှ တိုက်ထုတ်ရန် မြန်မာ့တပ်မတော်က ဆင်နွှဲသော နဂါးနိုင် စစ်ဆင်ရေး၊ ဆင်ဖြူရှင်စစ်ဆင်ရေး၊ ဘုရင့်နောင် စစ်ဆင်ရေးကြီးများတွင် ပါဝင်ခဲ့ကြသော တပ်မတော်သားတို့သည် ဤလမ်းဤခရီးကို တစ်တောင်ကျော်တစ်တောင်ဆင်း၊ တစ်ချောင်းဖြတ်၊ တစ်မြစ်ကူး၍ အထူးထူးသော အစီအစဉ်တို့ဖြင့် သွားခဲ့ကြစဉ်က ရေစီးအဟုန်ကြမ်းသော သံလွင်မြစ်တစ်ဖက်ကမ်းသို့ ရောက်အောင် ဖောင်ဖြင့်ဖြတ်ကူးကြရသည်။ ယခုတွေ့နေရသော တာကော်တံတားသည် ၁၉၆၆ ခုနှစ်တွင် တည်ဆောက်ပြီးစီးသော်လည်း တာဆန်းတံတားသည် ၁၉၉ဝ ပြည့်နှစ်နောက်ပိုင်းမှ တည်ဆောက် ပြီးစီးခြင်း ဖြစ်သည်။

ယနေ့အချိန်တွင် ထင်းရှူးနှင့်ချယ်ရီတို့က ဆေးပန်းချီခြယ်ထားသော ရှမ်းပြည်နယ် အလယ်ပိုင်းမှ အရှေ့ပိုင်းနှင့်တောင်ပိုင်းတို့သို့ သွားလိုသော် ယခင်ကာလများဆီကလို မခက်ခဲတော့ဘဲ မြေနီရောင်တောင်ခါးပန်း တို့ကိုပတ်၍ ဖောက်ထားသော လမ်းများ ဖြောင့်ဖြူးနေကြလေပြီ။  ယခင်ကာလများဆီက ဒေသခံ တိုင်းရင်းသားပြည်သူတို့သည် မိမိတို့ခြံထွက်သီးနှံများကို ရောင်းချရန်နှင့် မိမိတို့ လိုအပ်သည်များ ဝယ်ယူရန် ဈေးနေ့ကျင်းပရာ မြို့ သို့မဟုတ် ရွာသို့သွားလျှင် လူဖြင့်ထမ်းပိုး၍သော် လည်းကောင်း၊ လှည်းဖြင့်သော် လည်းကောင်း သယ်ယူကြရသော်လည်း ယနေ့အချိန်တွင် မော်တော်ဆိုင်ကယ်၊ ထော်လာဂျီ၊ တုန်ဖုန်းစသည့် စက်တပ်ယာဉ်များနှင့် ခေတ်ပေါ် မော်တော် ယာဉ်များဖြင့်   သယ်ယူနိုင်ကြောင်း တွေ့ရသည်။

ယခင်က ဈေးနေ့လာသူများမှာ ရနံ့သင်းသင်း လက်ဖက်ခြောက်ခတ်ထားသော ရေနွေးကြမ်းနှင့် မွှေးချိုချိုကောက်ညှင်းပေါင်း၊ တိုဟူးကြော်တို့ကို စားသုံးကြရာမှ ယခုသော်  မြို့စတိုင်နို့မလိုင် တို့ကို နှစ်နှစ်ခြိုက်ခြိုက် အားပေးနေကြ သည်။

ကွန်ဟိန်းမြို့အနီးတွင် နမ့်တိန်းချောင်းမကြီးမှ ဖြာထွက်လာသော  နမ့်တိန်းချောင်းရေသည် ကွေ့ကောက်စီးဆင်းလျက် ကျိုင်းတောင်းနှင့် လင်းခေးတို့မှတစ်ဆင့် သံလွင်မြစ်အတွင်းသို့ စီးဝင်သွားသည်။ လင်းခေးမြို့အလွန် ဝမ်ဟတ်တိုက်နယ် ခွန်အွတ်ကျေးရွာတွင် နမ့်တိန်းချောင်းရေ တိုက်စားပြီး ကမ်းပါးပြိုကျ ပျက်စီးမှုများရှိသဖြင့် အရှေ့အလယ်ပိုင်းတိုင်း စစ်ဌာနချုပ် ကွပ်ကဲမှုအောက် လင်းခေးတပ်နယ်မှ တပ်မတော်သားများ၊ ပြည်သူ့စစ်(ဌာနေ)တပ်ဖွဲ့ဝင်များ၊ ဌာနဆိုင်ရာ ဝန်ထမ်းများနှင့် ဒေသခံပြည်သူများ စုပေါင်း၍ မေ ၂၅ ရက်တွင် ကမ်းပါးပေါ်၌ တုတ်ရိုက်ခြင်း၊ကျောက်နှင့်မြေဖို့ပြုပြင်ခြင်းများ ဆောင်ရွက်ပေးကြသည်ကို တာဝန်ရှိသူများက သွားရောက်ကြည့်ရှု အားပေးပြီး လိုအပ်သည်များ ညှိနှိုင်းဆောင်ရွက်ပေးကြသည်။

ဤသတင်းကိုဖတ်ပြီး  ရှမ်းပြည်နယ်မြောက်ဘက်ပိုင်းမှ တောင်ဘက်ပိုင်းဆီသို့ တောင်အသွယ်သွယ် တောအထပ်ထပ်တို့ကို ကျော်ဖြတ်စီးဆင်းလာသော  ကြည်လင်သည့် နမ့်တိန်းချောင်းရေ အလျဉ်တသွင်သွင် စီးဆင်းသည်ကို မြင်ယောင်မိသည်။ ထို့အတူ တိုင်းရင်းသား ပြည်သူတို့အတွက် မေတ္တာရေစင် မပြတ်သွန်းလောင်းလျက်ရှိသော   တပ်မတော်သားများသည် ပြည်သူတို့အား သဘာဝဘေး အန္တရာယ် ကာကွယ်ရေးအတွက်  ပြည်သူတို့နှင့်အတူ ပါဝင်ဆောင်ရွက်ကြသည်ကိုလည်း ဂုဏ်ယူ ဝမ်းမြောက်ရပါသည်။         

Read 81 times Last modified on Thursday, 30 May 2019 08:52