SJ WorldNews - шаблон joomla Авто

သူ့ဘက်ကိုယ့်ဘက်စာနာလျက်သာ စီးပွားရှာ

Wednesday, 11 September 2019 10:29 font size decrease font size decrease font size increase font size increase font size

မြန်မာနိုင်ငံ၏စီးပွားရေးမြို့တော် ရန်ကုန်မြို့တည်ရှိရာ ရန်ကုန်တိုင်းဒေသကြီးအတွင်း တရားမဝင်ဆေးဝါးအတု များ ရောင်းချခြင်းရှိ၊ မရှိ အစားအသောက်နှင့် ဆေးဝါးကွပ်ကဲရေးဦးစီးဌာန(FDA)က စစ်ဆေးလျက်ရှိရာ လစဉ်ခရိုင်လေးခရိုင်မှ မြို့နယ်လေးမြို့နယ်နှင့် ပုံမှန်နှစ်မြို့နယ် စုစုပေါင်းခြောက်မြို့နယ်ရှိ ဆေးဆိုင်များကို စစ်ဆေးကြောင်း သိရသည်။ ဆေးဆိုင်များအား စစ်ဆေးရာတွင် ဆေးဝါးအတုများ၊ စံချိန်စံညွှန်းမကိုက်ညီသော ဆေးဝါးများ၊ မြန်မာနိုင်ငံတွင်မှတ်ပုံတင်မရှိသောဆေးဝါးများ၊ စပ်ဆေးများ စသည်တို့ကို သိုလှောင်ရောင်းချခြင်းရှိ၊ မရှိ စစ်ဆေးခြင်းဖြစ်သည်။

အထက်ပါ ဆေးဝါးများကို ပထမအကြိမ်အဖြစ်စစ်ဆေးတွေ့ရှိပါက ဆိုင်ပိတ်သိမ်းခြင်းသုံးလ၊ ဒုတိယအကြိမ် စစ်ဆေးတွေ့ရှိပါက ဆိုင်ပိတ်သိမ်းခြင်း ခြောက်လနှင့် တတိယအကြိမ်စစ်ဆေးတွေ့ရှိပါက အမျိုးသားဆေးဝါး ဥပဒေဖြင့် တရားစွဲဆိုပြီး ဆေးဝါးရောင်းချခွင့် လိုင်စင်ပိတ်သိမ်းသည်အထိ အရေးယူဆောင်ရွက်ခြင်း ဖြစ်သည်။

၂ဝ၁၉ ခုနှစ် သြဂုတ်လအထိ ရန်ကုန်တိုင်းဒေသကြီးအတွင်းရှိ ဆေးဆိုင်ပေါင်း ၂ဝဝ ကျော်ကို စစ်ဆေးခဲ့ရာ စပ်ဆေးရောင်းချသည့်ဆိုင်ပေါင်း ၆ဝ ကျော်တွေ့ရှိရသဖြင့် ဆိုင်ပိတ်သိမ်းထားကြောင်း သိရသည်။ အစားအသောက်နှင့် ဆေးဝါးကွပ်ကဲရေးဦးစီးဌာန အနေဖြင့် ဆေးဝါးနှင့်ပတ်သက်သော သတိပြုသင့်သည့်အချက်များ၊

မြန်မာနိုင်ငံ ဆေးဝါးမှတ်ပုံတင်အမှတ်ကြည့်ရှုနည်းများ၊ အလှကုန်များနှင့် ပတ်သက်၍ သတိထားရမည့်အချက်များကို အသိပညာပေးဟောပြောခြင်းများပြုလုပ်လျက်ရှိသည်။ ကျန်းမာရေးနှင့်အား ကစားဝန်ကြီးဌာနနှင့် ဆေးဝါးကျွမ်းကျင်သူများ၊ ကျန်းမာရေးပညာရှင်များကလည်း သတင်းမီဒီယာများမှ တစ်ဆင့် ပြည်သူများ သိရှိကြစေရန် ပညာပေးဟောပြောခြင်း၊ သတင်းဆောင်းပါး ဖြင့်ဖော်ပြခြင်းများဆောင်ရွက်နေကြသော်ငြား ဆေးဝါးအတု၊ စံမမီဆေး၊ ရက်လွန်ဆေး၊ စပ်ဆေး တို့က ဈေးကွက်အတွင်းရှိနေကြသည်မှာ စိုးရိမ်ဖွယ်ဖြစ်သည်။

တစ်ဆင့်ခံ ဝယ်ယူဖြန့်ဖြူးရောင်းချသူများ အနေဖြင့် စပ်ဆေးများကို စစ်ဆေးရာတွင်  အရေအတွက်သာ မဟုတ်ဘဲ အရည်အသွေးနှင့် သက်တမ်းတို့ကို သေချာစစ်ဆေး၍ စနစ်တကျမှတ်ပုံတင်ရေးသွင်းထားကြရန် လိုသည်။ အချို့ဆိုင်ရှင်များမှာ မိရိုးဖလာလုပ်ငန်းကိုဆက်ခံကြသူများရှိကြရာ ဆေးဝါးကျွမ်းကျင်သူတို့၏ အကူအညီဖြင့် စနစ်တကျဆောင်ရွက်ကြရန်နှင့် ဈေးရောင်းသူမိသားစုဝင်များကိုဖြစ်စေ၊ မိမိဆိုင်ဝန်ထမ်းများကို ဖြစ်စေ ဆေးဝါးနှင့်သက်ဆိုင်သော သိသင့်သည်များသိစေရန်စီစဉ်ပေးခြင်းကို မလွဲမသွေဆောင်ရွက်ရမည် ဖြစ်သည်။ ဝယ်ယူသူများမှာ ဆေးနှင့်သက်ဆိုင်သောအကြောင်းအချက်များကို မသိသူက အများစုဖြစ်သဖြင့် တစ်ဦးအတွက်ဆေးသည် တစ်ဦးအတွက် ဘေးဖြစ်စေတတ်ကြောင်း ရောင်းသူရောဝယ်သူပါ နှစ်ဦးနှစ်ဖက် သတိပြုကြရမည် ဖြစ်သည်။ ဝေဒနာခံစားနေရသူက ပျောက်လိုဇောဖြင့် ပြောသမျှကို နားမယောင်သင့်သလို ကြားဖူးနားဝဖြင့် လာဝယ်သော ဆေးကို ရောင်းပေးလျှင်လည်း အနာတခြားဆေးတခြားဖြစ်တတ်ခြင်းကြောင့် အကျိုးမရှိနိုင်ကြပေ။ ဟိုယခင်က မြို့နယ်ဆေးရုံတစ်ရုံ၌ ရောဂါကိုပြောပါ၊ ဆေးမတောင်းပါနဲ့ စာကပ်ထားသည်ကို  တွေ့ရဖူးသည်။  အထူးသဖြင့်   စပ်ဆေးများကိုဝေးဝေးရှောင်ကြရန်ဖြစ်သည်။    ဈေးရောင်းသူက အမြတ်ရဖို့ အရောင်းသွက်လိုသည်။ ဈေးဝယ်သူက ခံစားရသည့်ဝေဒနာဆိုး သက်သာပျောက်ကင်းလိုသည်ကို အပြစ်ဆိုရန်မဟုတ်သော်ငြား သာမန်ပေါ့ပေါ့ ဆဆသဘောမထားသင့်သောကိစ္စဖြစ်သည်။ စက်မှုဝန်ကြီးဌာန၏ အင်းစိန်ဆေးဝါးစက်ရုံမှ ထုတ်လုပ်သောဆေးများသည် ပြည်တွင်းဖြစ်ပင်ဖြစ်လင့်ကစား ဆေးအာနိသင်ထက်မြက်သဖြင့် ပြည်တွင်းဖြစ်ကို အားပေးကြရန်လိုသည်။

ပြည်သူတို့ ကျန်းမာရေးအတွက် ဆေးဝါးများကို သတိပြုကြရမည့်အလားတူ အလှကုန်ပစ္စည်း များမှာလည်း ဈေးကြီးကြီးပေးဝယ်ရသည့် တိုင်အောင် အကျိုးမများ သဖြင့် ပေါ့စေလိုလို့ကြောင် ရုပ်ထိုး၊ ဆေးအတွက်ပိုလေးကြရသည့်ပမာ အလှမက်၍အသားအရေပျက်ကြသူတွေကို တွေ့ရဖူးသည်။ မြန်မာအမျိုးသမီးများနှင့် သနပ်ခါးသည် မွေးဖွားစဉ်ကပင် တစ်သားတည်းရှိသော ငယ်ပေါင်းကြီးဖော်ဖြစ်သည့် အားလျော်စွာ ဤနေရာတွင်လည်း ပြည်တွင်းဖြစ်ကိုအားပေးကြဖို့လိုသည်။ ယနေ့အချိန်သည် မိုးရွာသွန်းမှုများပြားသောကြောင့် ကံ၊ စိတ်၊ ဥတု၊ အာဟာရကို သတိရှိကြရန်လိုသကဲ့သို့ ဖျားနာကိုက်ခဲခြင်း စသည့်ဝေဒနာမျှသာဖြစ်သော်လည်း ကျန်းမာရေးကိစ္စကို မပေါ့ဆကြရန်လည်း လိုသည်။ ဆေးဆိုင်များမှဖြန့်ဖြူးရောင်းချသူများကလည်း နည်းမှန်လမ်းမှန်စေတနာမှန်ကြဖို့လိုသည်။

လူတိုင်းရောဂါဘယကင်းရှင်းရေး၊ လူတိုင်းသက်တမ်းစေ့နေနိုင်ရေးဟူသော ကျန်းမာရေးနှင့်အားကစား ဝန်ကြီးဌာန၏ မျှော်မှန်းချက်သည် ဌာနဆိုင်ရာတို့ကသာ ဆောင်ရွက်ရုံမျှဖြင့် ထိရောက်နိုင်မည်မဟုတ်ရကား ပြည်သူတစ်ဦးချင်းအနေဖြင့် လည်းကောင်း၊ ဆေးဝါးနှင့်အလှကုန်၊ စားသောက်ကုန်ရောင်းချသူတို့ အားလုံးက အသိနှင့်ယှဉ်၍ပူးပေါင်း ပါဝင်ကြရန်ဖြစ်ကြောင်း မြဝတီက တိုက်တွန်းနှိုးဆော် လိုက်ရပါသည်။ 

Read 17 times