SJ WorldNews - шаблон joomla Авто

တောတောင်တင့်တယ် စားကျက်ကြွယ်၏

Wednesday, 25 September 2019 08:22 font size decrease font size decrease font size increase font size increase font size

ရှမ်းပြည်နယ်(တောင်ပိုင်း) တောင်ကြီးခရိုင် ဖယ်ခုံမြို့နယ် ရီနွဲ့ကျေးရွာအုပ်စုရှိ ကျေးရွာ ၁၉ ရွာ၌ သောက်သုံးရေ ဖူလုံစွာ ရရှိရေး လုပ်ငန်းများ ဆောင်ရွက်ရန် ကျေးလက်ဒေသဖွံ့ဖြိုးတိုးတက်ရေး ဦးစီးဌာနမှ တာဝန်ရှိသူများနှင့် ကျေးရွာများရေပေးရေးကော်မတီတို့ စက်တင်ဘာ ၂၁ ရက်တွင် ကုန်းငူကျေးရွာဘုန်းတော်ကြီးကျောင်း၌ တွေ့ဆုံ ဆွေးနွေးကြသည်။

အင်းလေးကန်မှ စတင်စီးဆင်းလာသော ဘီလူးချောင်းသည် ဖယ်ခုံမြို့နယ်အတွင်း ဖြတ်သန်း၍ လွိုင်ကော်၊ လောပိတဘက်သို့ စီးဆင်းသွားသည်။ ဖယ်ခုံသို့ မရောက်မီ ဘီလူးချောင်း၌ မိုးဗြဲရေလှောင်ကန်ဆောက်ရန် ၁၉၆၈ ခုနှစ်တွင် စတင်တည်ဆောက်ခဲ့ရာ ၁၉၇၁ ခုနှစ်တွင် လုပ်ငန်းများဆောင်ရွက်ပြီးစီးသည်။ ၁၉၇၃ ခုနှစ်တွင် သတ်မှတ်ရေအမြင့်အထိ သိုလှောင်နိုင်သဖြင့် မိုးဗြဲရေလှောင်ကန် တည်ဆောက်ပြီးသည့်နောက် တာဘိုင် စက်သုံးလုံးဖြင့် လျှပ်စစ်ဓာတ်အားကီလိုဝပ် နာရီသန်းပေါင်း ၄၈ဝ ဒသမ ၇၂ ထုတ်လုပ်နိုင်ခဲ့သည်။ မိုးဗြဲရေလှောင်ကန် တည်ဆောက်ရေး စီမံကိန်းအတွက် နိုင်ငံတော်က စုစုပေါင်းငွေကျပ် သန်းပေါင်း ၃၇ ဒသမ ၇ သန်းကုန်ကျကြောင်း သိရသည်။ မိုးဗြဲရေလှောင်တမံ စီမံကိန်းသည် လျှပ်စစ်ဓာတ်အားထုတ်လုပ်မှုတစ်ခုတည်းသာ မဟုတ်ဘဲ လယ်ယာစိုက်ပျိုးရေးနှင့် ကုန်စည်ကူးသန်းသွားလာနိုင်ရေး အတွက်ပါ အထောက်အပံ့ပေးထားသည်။ ဖယ်ခုံမြို့နယ်သည် ရှမ်းပြည်နယ် (တောင်ပိုင်း)နှင့် ကယားပြည်နယ်တို့ နယ်မြေချင်းထိစပ်သော နေရာတွင် တည်ရှိပြီး မြေပြင်အနေအထားမှာ မြေပြန့်နှင့်တောင်ကုန်းများရှိသည်။ ရာသီဥတုမှာ မြန်မာတစ်နိုင်ငံလုံး၌ မုတ်သုံအဝင် နောက်ကျပြီး အထွက်စောခြင်းကြောင့် မိုးရွာသွန်းမှု လျော့နည်းလာခဲ့ရာ မိုးရေလှောင်ကန်ကိုသာ အားထားရသော ဒေသများအတွက် သောက်သုံးရေဖူလုံရန် အခက်အခဲ ဖြစ်နေကြသည်။ ဖယ်ခုံမြို့နယ်အတွင်းရှိ ကျေးရွာ အချို့မှာလည်း အလားတူ အခက်အခဲများ ရှိကြရာ ယခုဆောင်ရွက်မည့် ကျေးရွာ ၁၉ ရွာ စိမ့်စမ်းရေသွယ် လုပ်ငန်းများ ပြီးစီးပါက အိမ်ခြေ ၁၅၄၃ အိမ်မှ လူဦးရေ ၇၉ဝ၄ ဦးတို့အတွက် သောက်သုံးရေဖူလုံစွာရရှိမည် ဖြစ်သဖြင့် လူမှုရေး၊ စီးပွားရေးနှင့် ကျန်းမာရေးတို့အတွက် အကျိုးပြုမည်ဖြစ်ကြောင်း သိရသည်။

သန့်ရှင်းသော သောက်သုံးရေရရှိရန် စိမ့်စမ်းရေကို အားထားရသော အခြေအနေရှိသကဲ့သို့ စိုက်ပျိုးရေအတွက် ဆည်မြောင်းတာတမံများမှ ပို့လွှတ်သော ရေကိုသာ အားထားရသောဒေသက အများဆုံးဖြစ်သည်။

ယခုနှစ်အတွက် နွေစပါးစိုက်ပျိုးရေးနှင့် အခြားသီးနှံများ စိုက်ပျိုးရေးအတွက် ဆည်ရေပေးဝေသည့်စနစ်များကို ပြန်လည် ဆန်းစစ်ရန် ပြင်ဆင်နေကြောင်းနှင့် တစ်ချိန်တည်းမှာပင် သက်ဆိုင်ရာဌာန အချင်းချင်း ပူးပေါင်းညှိနှိုင်းပြီး စိုက်ပျိုးရေချွေတာနိုင်မည့် သီးနှံစိုက်ပျိုးရေး ပုံစံပြောင်းနိုင်ရန် အစီအစဉ်များ ချမှတ်၍ တောင်သူအသိပညာပေး စည်းရုံးရေးလုပ်ငန်းများ ဆောင်ရွက်ရမည်ဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ သိရသည်။ ဤသို့ဆောင်ရွက်ပေးခြင်းဖြင့် တောင်သူများအနေဖြင့် ဒေသနှင့်ကိုက်ညီသောသီးနှံများကို ရာသီအလိုက် ရွေးချယ်စိုက်ပျိုးခြင်း၊ သီးနှံပြောင်းလဲခြင်းပြုလုပ်နိုင်ကြမည်ဖြစ်ပြီး သက်ဆိုင်ရာဝန်ကြီးဌာနအနေဖြင့်လည်း မျိုးစေ့၊ သွင်းစုနှင့် အခြားလိုအပ်ချက်များကိုဖြည့်ဆည်းပေးရန် စီစဉ်ထားသည်။

စိုက်ပျိုးရေအလုံအလောက်ရရှိမှသာ သီးနှံဖြစ်ထွန်းမည်ဖြစ်သဖြင့် စိုက်ပျိုးရေအလေအလွင့်မရှိစေရေးနှင့် ရေပေးမြောင်းများကို ကြီးကြပ်စီမံဆောင်ရွက်ရန်၊ ကုန်းတွင်းရေဝင်ရောက်မှုမရှိခြင်းနှင့် ရေဝင်ရောက်မှု နည်းပါးခြင်း၊ စိုက်ပျိုးရေ မပေးဝေနိုင်သည့် အကြောင်းရင်းကို   အသိပေးဖော်ပြသည့် ဆိုင်းဘုတ်များ စိုက်ထူရန်၊ ရေစတင် လွှတ်ပေးမည့်ရက်၊ ဆည်မြောင်းတာဝန်ခံတို့ထံ ဆက်သွယ်ရမည့် ဖုန်းနံပါတ်များပါ ဆိုင်းဘုတ်ထောင်ရန်၊ သက်ဆိုင်ရာ တာဝန်ခံများက ကွင်းဆင်းရှင်းလင်း ဆွေးနွေးအသိပေးခြင်းတို့ကို တိတိကျကျ လုပ်ဆောင်ပေးရန် တောင်သူများက လိုလားကြောင်း သိရသည်။ စိုက်ပျိုးရေး ကုန်ထုတ်လုပ်ငန်းများမှ တောင်သူများအတွက် လုပ်သားရှားပါးမှုနှင့် လုပ်အားခမြင့်မားမှု၊ အကြွေးဝယ်ထားသော သွင်းအားစုများ၏ ကျသင့်ငွေကို သီးနှံပေါ်ချိန်တွင် ပေးဆပ်ရန်ရှိနေမှု တို့ကြောင့် ကာလပေါက်ဈေးအတိုင်း ရောင်းကြရသောအခါ အရှုံးပေါ်နေကြခြင်းဖြစ်ရာ ဖော်ပြခဲ့သော တောင်သူလယ်သမားတို့၏ လိုလားချက်ကို ဖြစ်နိုင်သည့် အနေအထားအတိုင်း ဖြည့်ဆည်းပေးလျှင် နှစ်ဦးနှစ်ဖက် အဆင်ပြေကြမည်ဖြစ်သည်။

ထို့ကြောင့် နိုင်ငံတော်၏ အဓိကစီးပွားရေးသည် စိုက်ပျိုးရေး လုပ်ငန်းဖြစ်သည့် အားလျော်စွာ ဥတုရာသီတောကိုမှီ၏။  တောတောင်တင့်တယ် စားကျက်ကြွယ်၏။   တောတောင်ခြောက်ခန်း  လယ်ယာနွမ်း၏ ဟူသော ဆောင်ပုဒ်များကို  တိုင်းရင်းသားပြည်သူအပေါင်းတို့က  အလေးအနက်ထား၍  လူတိုင်းကိုယ်စီက ဆောင်သင့်သည်ကိုဆောင်၊  ရှောင်သင့်သည်ကို ရှောင်ကြရန်ဖြစ်ကြောင်း မြဝတီက တိုက်တွန်းနှိုးဆော်လိုက်ရပါသည်။      

Read 58 times Last modified on Wednesday, 25 September 2019 08:24