SJ WorldNews - шаблон joomla Авто

ငါးရိက္ခာဖူလုံရေး အားလုံးပါဝင်

Thursday, 26 September 2019 11:48 font size decrease font size decrease font size increase font size increase font size

အယ်ဒီတာ့အာဘော်

(၂ဝ၁၉ ခုနှစ်၊ စက်တင်ဘာ ၂၆ ရက်)

မြန်မာနိုင်ငံ၌ ငါးမျိုးမတုံးစေရန် ဇွန်၊ဇူလိုင်၊သြဂုတ်လ တို့အတွင်း ငါးမဖမ်းရရာသီ သတ်မှတ်ထားရာမှ ယခု စက်တင်ဘာလတွင် ရေလုပ်သားများ လုပ်ငန်းခွင်ဝင်နေကြပြီဖြစ်သည်။ ရေချိုငါးလုပ်ငန်းများ အတွက် သက်ဆိုင်ရာမြို့နယ် ငါးလုပ်ငန်း ဦးစီးဌာနက ဂရန်အင်းလေလံများအား ရောင်းချပေးနေကြသည်ကို တွေ့ရသကဲ့သို့ ကမ်းရိုးတန်းဒေသများမှ  ရေလုပ်သားများလည်း  မြန်မာ့ပင်လယ်ပြင် ထွက်၍  လုပ်ငန်းစနေကြသည့် အတွက် လုပ်ငန်းသုံး ငါးဖမ်းပိုက်များ အရောင်းသွက်နေကြသည်။

ရေလုပ်သားများ အတွက် လုပ်ငန်းသုံး ငါးဖမ်းပိုက်များကို အိမ်နီးချင်းနိုင်ငံမှ တင်သွင်းအသုံးပြုလျက် ရှိကြရာ တနင်္သာရီတိုင်းဒေသကြီး ကျွန်းစုမြို့နယ်အတွင်း ပင်လယ်ပြင်လုံခြုံရေးနှင့် နယ်မြေစိုးမိုးရေး တာဝန် ထမ်းဆောင်နေကြသော တပ်ဖွဲ့ဝင်များသည် စက်တင်ဘာ ၂၂ ရက် မွန်းလွဲ ၁ နာရီ ၄၅ မိနစ်ခန့်တွင် မသင်္ကာဖွယ်လှေတစ်စင်း တွေ့ရှိသဖြင့် မီးအချက်ပြ ခေါ်ယူစစ်ဆေးရာ အလျား ၆၄ ပေ၊ အနံ ၁၄ ပေ၊ ရေစူး ၇ ပေခန့်ရှိ လှေပေါ်မှ အမျိုးသားငါးဦးကို တရားမဝင် တင်ဆောင်လာသော ငွေကျပ်သိန်းပေါင်း ၅၉ဝ ကျော် တန်ဖိုးရှိ ငါးဖမ်းပိုက်မျိုးစုံနှင့်အတူ ဖမ်းဆီးရမိသည်။ အဆိုပါ ဖမ်းဆီးရမိသူများနှင့် ငါးဖမ်းပိုက်မျိုးစုံ တို့ကို မြိတ်မြို့ အကောက်ခွန်ဦးစီးဌာနသို့ စနစ်တကျလွှဲပြောင်း အပ်နှံသွားမည်ဖြစ်သည်။

စစ်ကိုင်းတိုင်းဒေသကြီး ကလေးခရိုင် ကလေးမြို့ အမှတ်(၇)အခြေခံပညာ အထက်တန်းကျောင်း၌ ခရိုင်ငါးလုပ်ငန်းဦးစီးဌာနနှင့် မြန်မာ့ရေသတ္တဝါ မွေးမြူရေးကဏ္ဍ ရေရှည်ဖွံ့ဖြိုး တိုးတက်ရေး စီမံကိန်း(MYSAP) တို့ ပူးပေါင်းကျင်းပသော အာဟာရနှင့် စားနပ်ရိက္ခာဖူလုံရေး လှုပ်ရှားမှု အစီအစဉ် ပညာပေး လှုပ်ရှားမှုကို စက်တင်ဘာ ၂ဝ ရက် နံနက်ပိုင်းက ကျင်းပစဉ် ငါးစားသုံးခြင်းဖြင့် ရရှိနိုင်သော အကျိုးကျေးဇူးများနှင့် အဖိုးတန် အာဟာရဓာတ်များအကြောင်း အသိပညာပေး ဟောပြောကြသည်။

ရေချိုငါးများ ပြန့်ပွားရေးအတွက် ငါးမျိုးများ စိုက်ထည့်နေကြရာ မကွေးတိုင်းဒေသကြီး ပွင့်ဖြူမြို့နယ် ငါးလုပ်ငန်းဦးစီးဌာနက မြို့နယ်အတွင်း ငါးသယံဇာတဖူလုံစေရန် ဧရာဝတီမြစ်အတွင်း ငါးမြစ်ချင်းကောင်ရေ လေးသိန်းကို စက်တင်ဘာ ၁၉ ရက် နံနက်ပိုင်းက သံကိုင်းကျေးရွာအနီး ဧရာဝတီမြစ်ဆိပ်၌ စိုက်ထည့်ပေးခဲ့သည်။ ငါးမျိုးများ စိုက်ထည့်ပေးသည့် ရည်ရွယ်ချက်မှာ မြို့နယ်အတွင်း ငါးသယံဇာတ ဖူလုံစေရန်၊ ငါးလုပ်ငန်း ရေရှည်ဖွံ့ဖြိုး တိုးတက်စေရန်၊ ဆင်းရဲမှုပပျောက်စေရန်၊ ငါးထုတ်လုပ်မှု တိုးတက်မြင့်မားပြီး ဒေသခံကျေးလက်နေ ပြည်သူများ၏ မိသားစုဝင်ငွေတိုး လုပ်ငန်းများ လုပ်ကိုင်နိုင်ရန်တို့ဖြစ်သည်။ အလားတူ မကွေးခရိုင် ငါးလုပ်ငန်းဦးစီးဌာနသည် နန်းထိုက်သူ ဟိုတယ်ရှေ့၌ စက်တင်ဘာ ၁၂ ရက်က ငါးမြစ်ချင်း သားပေါက်ကောင်ရေ နှစ်သိန်းကျော်နှင့် ငါးခုံးမကြီးသားပေါက်ကောင်ရေ တစ်သိန်းကျော်တို့ကို ဧရာဝတီမြစ်အတွင်း ငါးမျိုးစိုက်ထည့်ပေးခဲ့သည်။

ရှမ်းပြည်နယ်ငါးလုပ်ငန်း ဦးစီးဌာနနှင့် ဖယ်ခုံမြို့နယ် အင်းထိန်းသိမ်းရေး ကော်မတီတို့ ပူးပေါင်း၍ ဖယ်ခုံအင်းအတွင်း ငါးမျိုးစိုက်ထည့်ပွဲကို စက်တင်ဘာ ၁၁ ရက် နံနက်ပိုင်းက လဝှဲကျေးရွာရှိ ဖယ်ခုံအင်း ထိန်းသိမ်းရေး ကော်မတီရုံး အင်းငါးမျိုး ထိန်းသိမ်းနယ်မြေ၌ ကျင်းပရာ ငါးခုံးမ၊ မြက်စားငါးကြင်းနှင့် ငါးမျိုးကောင်းအချို့ကို စိုက်ထည့်ပေးကြသည်။ ထို့ပြင် အင်းအတွင်း ငါးလုပ်ငန်း လုပ်ကိုင်လျက်ရှိသော ကျေးရွာများသို့ ငါးမျိုးများ ခွဲဝေပေးရာ ကျေးရွာအလိုက် သတ်မှတ်ထားသော ငါးမျိုးထိန်းသိမ်းရေး နေရာများ၌ ကျေးရွာပြည်သူများက ငါးမျိုးများ စိုက်ထည့်ပေးကြသည်။ ဖယ်ခုံအင်းအတွင်း ငါးသယံဇာတ မပြုန်းတီးရေးအတွက် နှစ်စဉ်ငါးမျိုးများ စိုက်ထည့်ပေးခဲ့ပြီး တစ်ဖက်ကလည်း ငါးရှော့ခ်တိုက်သူများကို လိုက်လံဖမ်းဆီး ပညာပေးခြင်းကြောင့် ယခုအချိန်တွင် ငါးရှော့ခ်တိုက်သူ မရှိသလောက်ဖြစ်သွားကြောင်း ရှမ်းပြည်နယ် အစိုးရအဖွဲ့ဝင် ကယန်းတိုင်းရင်းသား လူမျိုးရေးရာ ဝန်ကြီး၏ ပြောပြချက်အရ သိရသည်။

ငါးသယံဇာတ မပြုန်းတီးစေရန် သဘာဝရေပြင်များ၊ ရေလှောင်တမံများ၊ ကျေးလက်ဖွံ့ဖြိုးရေး ကန်များနှင့် စပါးခင်းများအတွင်း ငါးလုပ်ငန်းဦးစီးဌာနက ငါးမျိုးများ စိုက်ထည့်ပေးလျက်ရှိသည်။ ငါးဖမ်းသော ရေလုပ်သားများ အနေဖြင့် သတ်မှတ်ထားသည့် ပိုက်ကွန်အရွယ်အစားကိုသာ အသုံးပြုကြရမည်ဖြစ်သည်။   ထို့ပြင် ငါးများကို ရှော့ခ်တိုက်ဖမ်းဆီးခြင်းနှင့် ရေပြင်အတွင်း အဆိပ်ချဖမ်းဆီးခြင်း တို့ကိုလည်း ရှောင်ကြဉ်ကြရမည်ဖြစ်သည်။ သို့မှသာ သမင်မွေးရင်း ကျားစားရင်း အဖြစ်မျိုးမှ လွတ်ကင်း၍ ပြည်သူများ အကျိုးခံစားရမည်ဖြစ်ကြောင်း မြဝတီက တိုက်တွန်း နှိုးဆော်လိုက်ရပါသည်။ 

Read 96 times Last modified on Thursday, 26 September 2019 11:49