SJ WorldNews - шаблон joomla Авто

ထရန်ဒမ်းသို့လွမ်းငွေ့ဝေ သွေးချင်းတွေ ကျန်းမာစေကြောင်း

Friday, 27 September 2019 10:27 font size decrease font size decrease font size increase font size increase font size

ပည်ထောင်စုသမ္မတ မြန်မာနိုင်ငံတော် ကချင်ပြည်နယ် ပူတာအိုခရိုင်တွင် ပူတာအိုမြို့နယ်၊ ခေါင်လန်ဖူးမြို့နယ်၊ မချမ်းဘော့မြို့နယ်၊ နောင်မွန်းမြို့နယ်၊ ဆွမ်ပရာဘွမ်မြို့နယ်တို့ ပါဝင်သည်။ မြစ်ကြီးနားမှ ပူတာအိုသို့ သွားပြီး ထိုမှတစ်ဆင့် ကားဖြင့်သွားလျှင် ၁၅ မိုင်ခန့်ဝေးသော မချမ်းဘော့မြို့သည် တောင်ပေါ်အပန်းဖြေ စခန်းမြို့အဖြစ် ထင်ရှားသော်ငြား ခရီးသွားတို့အတွက် ပထဝီ အနေအထားများကြောင့် ရောက်ဖူးသူနည်းပါးသည်။

၂ဝ၁၄ ခုနှစ်ကကောက်ယူခဲ့သော မြန်မာနိုင်ငံ အိမ်အကြောင်းအရာနှင့် သန်းခေါင်စာရင်းအရ မချမ်းဘော့မြို့နယ်တွင် နေထိုင်သော လူဦးရေ စုစုပေါင်း ကိုးထောင်နီးပါးခန့် ရှိကြောင်း သိရသည်။ မချမ်းဘော့မြို့နယ် အပါအဝင် ကချင်ပြည်နယ်အတွင်းရှိ မြို့နယ်အသီးသီး၌ နေထိုင်ကြသော ပြည်သူတို့၏ လူမှုစီးပွားဘဝဆိုင်ရာ အချက်အလက်များကို ကောက်ယူခဲ့ရာတွင် အစားအစာ ချက်ပြုတ်စားသောက်ရန် အဓိက အသုံးပြုသည့် လောင်စာအဖြစ် သစ်သားထင်း အသုံးပြုမှု ၇၂ ဒသမ ၈ ရာခိုင်နှုန်း၊ အလင်းရောင်အတွက် အဓိကအသုံးပြုသည့် မီးအမျိုးအစား၌ ဖယောင်းတိုင်မီး ၃ဝ ဒသမ ၆ ရာခိုင်နှုန်း၊ သောက်ရေအတွက်အဓိက အသုံးပြုသည့် ရေအမျိုးအစား မြစ်၊ ချောင်း၊ တူးမြောင်း ၃ ဒသမ ၇ ရာခိုင်နှုန်း၊ တောင်ကျရေ၊ မိုးရေ ၅ ရာခိုင်နှုန်းရှိကြောင်း ဖော်ပြထားသည်။ ကချင်ပြည်နယ်အတွင်း လူဦးရေ သိပ်သည်းမှုသည် ၁ စတုရန်းမိုင်အတွင်း ပျမ်းမျှ ၁၉ ဦးဝန်းကျင်ခန့်သာ ရှိသော်ငြား မြောက်ဘက်ပိုင်းဒေသများမှာ မတ်စောက်သော တောင်ကုန်းများ ထူထပ်ခြင်းကြောင့် လူဦးရေ ကျဲပါးကြောင်း တွေ့ရသည်။ ကျန်းမာရေးနှင့် ညီညွတ်သော ပတ်ဝန်းကျင်ဆိုသည်မှာ ရေ၊ မြေ၊ လေတို့အပြင် အသံ၊ အလင်းရောင်၊ အပူဓာတ်နှင့်မြင်ကွင်း စသည်တို့ပါဝင်သည်။ တောင်ယာစိုက်ပျိုးရေး လုပ်ငန်းဖြင့် အသက်မွေးဝမ်းကျောင်း ပြုကြသူများ နေ့စဉ်အသုံးပြုနေကြသည့် ထင်းလောင်စာ၊ အလင်းရောင်မီးနှင့် စိမ့်စမ်းရေတို့သည် ကျန်းမာရေးအတွက် အာမခံချက် အပြည့်အဝ မရှိနိုင်ပေ။

ကံ၊ စိတ်၊ ဥတု၊ အာဟာရဟူသော အကြောင်းတရားတစ်ခုခုကြောင့် ကျန်းမာရေး ချို့ယွင်းလာသော ဒေသခံပြည်သူတို့အတွက်  အခက်အခဲများနှင့် ကြုံတွေ့ကြရသဖြင့်   တပ်မတော်နယ်လှည့် ဆေးကုသရေးအဖွဲ့များက ဝေးလံခေါင်ဖျားသော ကျေးရွာပြည်သူများအား ကျန်းမာရေး စောင့်ရှောက် ကုသပေးလျက်ရှိသည်။

ကချင်ပြည်နယ် ပူတာအိုခရိုင် မချမ်းဘော့မြို့နယ် ထရန်ဒမ်းကျေးရွာ အခြေခံပညာ အထက်တန်းကျောင်းရှိ ကျောင်းသား၊ ကျောင်းသူများနှင့် ဒေသခံပြည်သူများအား မြောက်ပိုင်းတိုင်း စစ်ဌာနချုပ် နယ်လှည့်ဆေးကုသရေး အဖွဲ့က စက်တင်ဘာ ၂ဝ ရက် နံနက်ပိုင်းတွင် အဆိုပါကျောင်း၌ ကျန်းမာရေး စောင့်ရှောက် ကုသမှုလုပ်ငန်းများ ဆောင်ရွက်ပေးကြသည်။ တိုင်းစစ်ဌာနချုပ် နယ်လှည့်ဆေးကုသရေး အဖွဲ့က ထိုသို့ဆောင်ရွက်ပေးရာတွင် ကျောင်းသား၊ ကျောင်းသူ ၄၂၆ ဦးနှင့် ဒေသခံပြည်သူ ၉၇ ဦးတို့ကို အရိုး/ အကြောရောဂါ၊ သွားနှင့်ခံတွင်းရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့်ကျန်းမာရေး စစ်ဆေးပေးခြင်းများ ဆောင်ရွက်ပေးကြသည်။ ထို့ပြင် မိုးရာသီတွင်အဖြစ်များသော ဝမ်းပျက်ဝမ်းလျှောရောဂါနှင့် တစ်ကိုယ်ရေ သန့်ရှင်းရေးဆိုင်ရာ ကျန်းမာရေး အသိပညာပေး ဆွေးနွေးခြင်းများ ဆောင်ရွက်ပေးကြသည်။

တိုင်းစစ်ဌာနချုပ် နယ်လှည့်ဆေးကုသရေး အဖွဲ့သည် မြစ်ကြီးနားမြို့နယ်ရှိ စစ်မှုထမ်းဟောင်း အဖွဲ့ဝင်များနှင့် ပြည်သူ့စစ်(ဌာနေ) တပ်ဖွဲ့ဝင်များအား သြဂုတ် ၃ဝ ရက်တွင် နှလုံးရောဂါ၊ သွေးတိုးရောဂါ၊ ဆီးချိုရောဂါ၊ အရိုး/အကြောရောဂါ၊ နား/ နှာခေါင်း/ လည်ချောင်းရောဂါ၊ မျက်စိရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့် ကျန်းမာရေးစစ်ဆေးကုသမှုများ ဆောင်ရွက် ပေးကြသည်။ စစ်မှုထမ်းဟောင်း အဖွဲ့ဝင်များနှင့် ပြည်သူ့စစ်(ဌာနေ) တပ်ဖွဲ့ဝင်များအား မြောက်ပိုင်းတိုင်း စစ်ဌာနချုပ် တိုင်းမှူးနှင့် အဖွဲ့ဝင်များက တိုင်းစစ်ဌာနချုပ် ဗလမင်းထင်ခန်းမ၌ သွားရောက်တွေ့ဆုံ အမှာစကား ပြောကြားပြီး ချီးမြှင့်ငွေ၊  စားသောက်ဖွယ်ရာများနှင့် သုတ၊ ရသစာအုပ် စာစောင်များ ပေးအပ်သည်။ မြစ်ကြီးနားမြို့ရှိ တပ်မတော်ဆေးရုံ၌ တက်ရောက်ကုသမှု ခံယူလျက်ရှိသော အရာရှိ၊ စစ်သည်မိသားစုဝင်များနှင့် ဒေသခံပြည်သူများအား မြောက်ပိုင်းတိုင်း စစ်ဌာနချုပ် တိုင်းမှူးနှင့် အဖွဲ့ဝင်များက စက်တင်ဘာ ၆ ရက်တွင် သွားရောက်ကြည့်ရှု၍ တစ်ဦးချင်း၏ ရောဂါဖြစ်ပွားမှု၊ ဆေးကုသပေးမှုနှင့် ကျန်းမာရေးတိုးတက်မှုအခြေအနေများကို မေးမြန်းအားပေးစကားပြောကြားပြီး စားသောက်ဖွယ်ရာများ ပေးအပ်သည်။ ထို့နောက် တိုင်းမှူးနှင့် အဖွဲ့ဝင်များသည် ဆေးရုံအတွင်း လှည့်လည်ကြည့်ရှု၍ လိုအပ်သည်များ ညှိနှိုင်း ဆောင်ရွက်ပေးခဲ့ကြသည်။

ပူတာအိုခရိုင်မှ နောင်မွန်း၊ မချမ်းဘော့နှင့်ခေါ်ဘူဒဲတို့သည် ယခင်ကျေးရွာအဆင့်သာ ရှိခဲ့ရာမှ ၁၉၅၈ ခုနှစ်တွင် တပ်မတော်က အိမ်စောင့်အစိုးရ တာဝန်ယူစဉ် ၁၉၆ဝ ပြည့်နှစ်၌ ပူတာအိုနယ်ခြား ခရိုင်ဖွဲ့ပြီးမြို့အဆင့် သတ်မှတ်ပေးလိုက်ခြင်းဖြစ်သည်။ ရှေးယခင်က လုံးမုန်းဒမ်းဟုခေါ်သော ယခုနောင်မွန်း နယ်မြေသည် လုံးမုံးတို့ဌာနေ ပြန့်မြေဟု အဓိပ္ပာယ်ရကြောင်း သိရသဖြင့် ယခုတပ်မတော်နယ်လှည့် ဆေးကုသရေးအဖွဲ့ ရောက်ခဲ့သော ထရန်ဒမ်းသည် မည်သည့်အဓိပ္ပာယ်ရှိသနည်း စဉ်းစားရင်း သွေးချင်းတို့ဌာနေသို့ လွမ်းငွေ့ဝေမိရပါသည်။   

Read 93 times Last modified on Friday, 27 September 2019 10:30