SJ WorldNews - шаблон joomla Авто

ကျန်းမာစောင့်ရှောက် တိမ်စင်ကင်းပ လပြည့်ညအသွင် မြန်ပြည်တစ်ခွင်

Saturday, 05 October 2019 13:22 font size decrease font size decrease font size increase font size increase font size

အယ်ဒီတာ့အာဘော်

(၂ဝ၁၉ ခုနှစ်၊ အောက်တိုဘာ ၅ ရက်)

တပ်မတော်သည် ပြည်သူအတွက် ဖြစ်ပေရာ ပြည်သူလူထု၏ စားဝတ်နေရေး ကိစ္စများကို တတ်စွမ်းသမျှ ဖြည့် ဆည်း ပေးလျက်ရှိသည်။ တစ်မျိုးသားလုံး ကျန်းမာကြံ့ခိုင်ရေးနှင့် ပညာရည်မြင့်မားရေး ဟူသော ရည်မှန်းချက် သည်လည်း ပြည်သူလူထု အပေါ်ထားရှိသော တပ်မတော်၏ စိတ်ရင်းမှန်ဖြစ်သည်။ လူ့ဘဝတွင် အရေးကြီးဆုံး အရာမှာ ကျန်းမာရေး ဖြစ်သည်။ ကျန်းမာမှုရှိမှ အရာရာကိုေ ဆာင်ရွက်အောင်မြင် နိုင်မည်။ ကျန်းမာရေး ကောင်းမွန်မှသာ ပညာရေး၊ စီးပွားရေး၊ လူမှုရေး​၊ နောက်ဆုံးအဆင့် နိုင်ငံတော်ကာကွယ်ရေး တာဝန်များကို ကျန်းမာရေး ကောင်းသူများသာ စွမ်းဆောင် နိုင်ပေမည်။ ကျန်းမာအောင်နေပါ၊ သန်စွမ်းအောင် လေ့ကျင့်ပါ ဟူသော အချက်သည် လူသားတိုင်းလိုက်နာ လုပ်ဆောင်သင့်သော အချက်ဖြစ်သည်။ ကျန်းမာကြံ့ခိုင်မှု မရှိသော သူသည် အရာရာတွင် အောင်မြင်မှုနှင့် လွဲချော်နေပေလိမ့်မည်။

တပ်မတော် သားတိုင်း လိုက်နာပြုကျင့်ရမည့် ကျင့်ဝတ် ၆ဝ  တွင် ပြည်သူလူထုအပေါ် ပြုကျင့်ရမည့် ကျင့်ဝတ် ၁ဝ ပါးလည်း ပါဝင်သည်။ ပြည်သူလူထုအပေါ် သစ္စာစောင့်သိရိုသေပါ၊ ပြည်သူလူထု၏ အသက် အိုးအိမ် စည်းစိမ် ဥစ္စာကို ကာကွယ် စောင့်ရှောက်ပါ၊ ပြည်သူလူထုနှင့် ယဉ်ကျေးစွာဆက်ဆံပါ၊ နေလိုလလို ကျင့်ပါ၊ ပြည်သူ လူထု၏ အကျိုးစီးပွားကို အစဉ်ဦးထိပ်ထားပါ စသော ကျင့်ဝတ်များအတိုင်း တပ်မတော်သည် ပြည်သူ လူထု၏ ကောင်းကျိုး ချမ်းသာကိုသာ အစဉ်လိုလားလျက် ရှိပါသည်။ မေတ္တာ၊ ကရုဏာ၊ မုဒိတာ၊ ဥပေက္ခာ ဟူ သော ဗြဟ္မစိုရ် တရားများသည် တပ်မတော်သား တို့၏ နှလုံးသားတွင် အစဉ်ထားရှိသော စိတ်ဓာတ်ဖြစ်သည်။

မည်သူမဆို မိမိတွင် အခက်အခဲနှင့် ရင်ဆိုင်နေရစဉ် ကူညီစောင့်ရှောက်သူမှာ မိတ်ကောင်းဆွေကောင်း ဖြစ်သည်။ ''ဘူးလေးရာဖရုံဆင့်'' ဆိုသကဲ့သို့ အချို့သောပြည်သူများမှာ ကျန်းမာရေးက ချို့တဲ့နေရသည့်အထဲ ငွေကြေးက မပြည့်စုံ၊ ကျန်းမာရေး စောင့်ရှောက်မည့်သူက မရှိ၊  လမ်းပန်းဆက်သွယ်ရေး က ခက်ခဲခြင်းများ ကြုံတွေ့ နေသောအခါ ကူညီစောင့်ရှောက် မည့်သူကို  မျှော်မှန်းတမ်းတ မိကြပေလိမ့်မည်။ အရေးကြုံတိုင်း ပြည်သူ့ထံ မှောက်ရောက်လာနေသည်မှာ တပ်မတော် သားများဖြစ်သည်။

တပ်မတော်နယ်လှည့် အထူးကုဆေးအဖွဲ့များသည် တိုင်းစစ်ဌာနချုပ် နယ်မြေရှိ ဒေသခံပြည်သူများကို ကျန်းမာရေး စောင့်ရှောက်မှုများ ဆောင်ရွက်ပေးလျက်ရှိသည်။ ထိုသို့ဆောင်ရွက်ပေးရာတွင် ဆေးကုသမှု ဆိုင်ရာ ရောဂါ၊ ခွဲစိတ်ရောဂါ၊ ကလေးရောဂါ၊ သားဖွား၊ မီးယပ်ရောဂါ၊ အရိုးရောဂါ၊ နား၊ နှာခေါင်း၊ လည် ချောင်းရောဂါ၊ မျက်စိရောဂါ၊ သွားရောဂါနှင့်အခြား ရောဂါများကို အခမဲ့ကုသ ပေးလျက်ရှိသည်။ အထူး ဆေးကုသရေး အဖွဲ့ များနှင့်အတူ ရွေ့လျားခွဲစိတ် ကုသယာဉ်၊ ရွေ့လျားဓာတ်မှန် ရိုက်ယာဉ်၊ ရွေ့လျား ဓာတ်ခွဲခန်းယာဉ်နှင့် သွားရောဂါ ခွဲစိတ်ကုသရေးယာဉ် တို့ ပါရှိသည်။ ဒေသခံပြည်သူများအား ရောဂါရှာဖွေ စမ်းသပ် ပေးခြင်းများ ဆောင်ရွက်ပေးပြီး ဆေးရုံတက်ရောက် ကုသရန် လိုအပ်သူများကို နီးစပ်ရာ တပ်မတော် ဆေးရုံသို့ တက်ရောက် ကုသနိုင်ရေး စီစဉ် ဆောင်ရွက်ပေးလျက် ရှိသည်။ ထိုသို့လုပ်ဆောင်ချက် များမှာ အမျိုး ဘာသာ၊ သာသနာ ခွဲခြားမှုမရှိဘဲ လူသားအချင်းချင်း အပေါ် သနားကြင်နာမေတ္တာ စိတ်ဖြင့် ဆောင်ရွက်ခြင်း ဖြစ်သည်။ ဆေးကုသမှုပြုရာဒေသရှိ သာသနာရေးဆိုင်ရာ ကျောင်းများသို့လည်း တတ်စွမ်းသမျှ ပေးလှူလျက် ရှိသည်။

တပ်မတော်နယ်လှည့် အထူးကုဆေးအဖွဲ့များ၏ ကျန်းမာရေး စောင့်ရှောက်မှုလုပ်ငန်းများမှာ ပြည်သူလူထု အတွက် များစွာကောင်းကျိုး ပြုကြောင်း ဒေသခံပြည်သူများ၏ ဝမ်းသာစကားများကို ကြားသိရသည်။ အထူး သဖြင့် လမ်းပန်းဆက်သွယ်ရေး ခက်ခဲသောရေလမ်းခရီးတွင် ရွှေပုဇွန်၊ သံလွင်စသော မြစ်တွင်းသွား၊ ပင်လယ် သွား ဆေးရုံရေယာဉ် များဖြင့် ရောက်ရှိ ကုသပေးလျက် ရှိသည်မှာလည်း ပြည်သူများအတွက် သူတော်ကောင်း နတ်ကောင်း မသည့် အလား ဖြစ်ပေသည်။

၂ဝ၁၉ ခုနှစ် မေလမှ သြဂုတ်လအထိ တိုင်းစစ်ဌာနချုပ် အစီအမံဖြင့် ဒေသခံ ပြည်သူလူထုအား ကျန်းမာရေး စောင့်ရှောက်မှု ဆောင်ရွက်ရာတွင် တပ်မတော်နယ်လှည့် အထူးဆေးကုသရေး အဖွဲ့တွင် ပါရဂူ၂၃၅၆ ဦး၊ ဆေးမှူး ၁၄၁၃ ဦး၊ သူနာပြုအရာရှိ ၂၄၂၅ ဦး၊ စစ်သည် ၃၄ဝ၂ ဦးတို့ဖြင့် လူနာဦးရေ အမျိုးသား ၁ဝ၇၃၈၅ ဦး နှင့် အမျိုးသမီး ၁၂၁၁၉၈ ဦး တို့အား ကုသ ပေးနိုင်ခဲ့သည်။ ထို့ပြင် ကျန်းမာရေးအရ တပ်မတော် ဆေးရုံများ တွင် ကုသပေးခဲ့သူ ပေါင်းမှာ ၆၉၁ ဦးဖြစ်သည်။ ထို့ပြင် ကာကွယ်ရေး ဦးစီးချုပ်ရုံး(ကြည်း) အစီအမံဖြင့် ၂ဝ၁၉ ခုနှစ် ဇန်နဝါရီလမှ သြဂုတ်လအထိ မန္တလေးတိုင်း ဒေသကြီး၊ စစ်ကိုင်းတိုင်း ဒေသကြီး၊ ရန်ကုန်တိုင်း ဒေသကြီး၊ ဧရာဝတီတိုင်း ဒေသကြီးနှင့် မွန်ပြည်နယ်တို့တွင် ကျန်းမာရေး စောင့်ရှောက်ပေးခဲ့သော လူနာအရေအတွက်မှာ ၆၅၉၁၃ ဦးဖြစ်ပြီး တပ်မတော် ဆေးရုံများသို့ လူနာ ၁၈၉ ဦး လွှဲပြောင်း ကုသပေးခဲ့သည်။ တပ်မတော် ပင်လယ်သွား ဆေးရုံ ရေယာဉ်(သံလွင်)ဖြင့် ရန်ကုန်မှ ဂျလန်းကျွန်းနှင့် ရန်ကုန်မှ ကိုကိုးကျွန်းသို့ သွားရောက် ဆေးကုသ ပေးခဲ့သော လူနာပေါင်းမှာ ၁၃၉ဝ၈ ဦးဖြစ်ပြီး တပ်မတော်ဆေးရုံများသို့ လူနာ ၁၃၃ ဦးလွှဲပြောင်း ကုသပေးကာ တပ်မတော်ပင်လယ်သွား ဆေးရုံရေယာဉ် (သံလွင်)ပေါ်တွင် ဆေးရုံတင် ကုသသူ စုစုပေါင်းမှာ ၁၆၃ ဦး ရှိသည်။

ဆေးကုသမှု ပေးခြင်းအပြင် အသိပညာပေး ဟောပြောခြင်းများကိုလည်း ဆောင်ရွက်ခဲ့သည်။ ရာသီအလိုက် ဖြစ်ပွား တတ်သော ရောဂါများနှင့် တစ်ကိုယ်ရေ သန့်ရှင်းရေးအတွက် ဆောင်ရွက်သင့်သည်များ အကြောင်း ဒေသခံ ပြည်သူများနှင့် ကျောင်းသား၊ ကျောင်းသူများ နားလည်သဘောပေါက် သည်အထိ စာတွေ့လက်တွေ့ ဟောပြော ပေးခြင်းဖြင့်  ကျန်းမာရေး အဆင့်အတန်းကို မြှင့်တင်ပေးလျက် ရှိသည်။ ဤသည်မှာ တပ်မတော် နယ်လှည့် အထူးကု ဆေးအဖွဲ့များ၏ ကျန်းမာရေးစောင့်ရှောက်မှု စွမ်းဆောင်ချက်များသည် ပြည်သူများ အတွက် တိမ်စင်ကင်းပ လပြည့်ညအသွင် မြန်ပြည်တစ်ခွင် ထင်လင်းလျက် ရှိနေပါကြောင်း  ဖော်ညွှန်း လိုက်ရ ပေသည်။   

 

Read 75 times Last modified on Saturday, 05 October 2019 13:48