SJ WorldNews - шаблон joomla Авто

ရင်သွေးငယ်တို့ ထက်မြက်ရေး ကိုယ်တိုင်စောင့်စည်း

Wednesday, 09 October 2019 08:26 font size decrease font size decrease font size increase font size increase font size

လူတို့၏နှုတ်မှ ထွက်သောစကားသည် စကားတစ်ခွန်းချင်းတူညီပါသော်ငြား အရာဌာနအားလျော်စွာ အသုံးဝင်ခြင်း၊ မဝင်ခြင်း၊ အဖိုးတန်ခြင်း၊ မတန်ခြင်းစသည်ဖြင့်ရှိသည်။ တစ်ခွန်းတစ်ပါဒမျှ ဖြစ်စေကာမူ အဖိုးတန်သည်များရှိ၍ စကားအခွန်းပေါင်းသိန်းသန်းကုဋေ မရေတွက်နိုင်အောင် ပြောပါငြားလည်း အသုံးမကျအနှစ် အရသာမရှိ နားငြီးရုံမျှသာဖြစ်သော အခါများလည်း ရှိတတ်သဖြင့် လူတို့စကားပြောရာ၌ အဖိုးတန်စေလိုလျှင် ကာလဒေသခွဲခြား သတိပြုအပ်ကြောင်း ရှေးသူဟောင်းတို့ ဆုံးမထားကြသည်။

စင်ကာပူနိုင်ငံ နန်ယန်နည်းပညာတက္ကသိုလ်မှ သိပ္ပံပညာရှင်များသည် အသက် ၂၁ နှစ်ပြည့်ပြီးသော ကျောင်းသား ၃၇၉ ဦးတို့အား ၄င်းတို့ကလေးဘဝအရွယ်တွင် မိဘများက မည်သို့သောနည်းဖြင့် ပြောဆိုသွန်သင်ကြသည်။ ယခုအချိန်တွင် ကျောင်းသားများက မိဘများကို မည်သို့လိမ်ညာပြောဆိုကြပြီး ဘဝကိုမည်သို့ ဖြတ်သန်း နေကြသည်တို့ကို လေ့လာဆန်းစစ်ကြသည်။ သိပ္ပံပညာရှင်များ၏ တွေ့ရှိချက်များအား ကလေးအရွယ်စိတ်ပညာ လေ့လာစမ်းသပ်ချက် ဂျာနယ်၌ ရေးသားထားသည်မှာ မိဘတို့သည် ကလေးအငိုတိတ်အောင် အရိပ်အယောင်ပြသည့် အပြုအမူများနှင့် လိမ်လည်လှည့်ဖြား ပြောစကားတို့ကြောင့် ကလေးများအတွက် လူမှုအသိုင်းအဝိုင်းအတွင်း ဝင်ဆံ့ရန် မလွယ်ကူကြောင်း ဖော်ပြထားသည်။ မိဘတို့သည် ကလေးများကို အကြောင်းအကျိုး၊ အကောင်းအဆိုးတို့ကို ပြောဆိုရန် စိတ်မရှည်ကြသောအခါ ကလေးများအား ခြောက်လှန့် ပြောဆိုတတ်ကြရာတွင် ရဲသားကြီးကို ခေါ်လိုက်မည်၊ ဆေးထိုးသောဆရာကို ခေါ်လိုက်မည် စသည့် အကြောက်တရားဖြင့် တားမြစ်ကြသည်မှာ ထိုကလေးများ၏ ပင်ကိုအရည်အသွေးကို ချိုးနှိမ်လိုက်သလို ဖြစ်သွားသည်။

ရိုးသားခြင်းသည် ဘဝအတွက်အကောင်းဆုံးဟု ပြောနေသော မိဘများကိုယ်တိုင်က မရိုးမသားလှည့်ဖြားပြောဆို တတ်ကြခြင်းသည် ကလေးများအား လမ်းမှားကို ညွှန်ပြခြင်းသာဖြစ်သဖြင့် ငှက်ပျောပင်စိုက် မိလိုက်ဘပါဖြစ်ချေမည်။ ဤသို့သောသဘာဝကို မဃဒေဝလင်္ကာ၌ ''ငှက်ပျောပင်စိုက်၊ မိလိုက်ဘပါ၊ ဝေါဟာခေါ်ရိုး၊ မော်ကွန်းထိုးခဲ့၊ အမျိုးလိုက်တတ်၊ များ၏မှတ်လော့''ဟု သွန်သင်ထားသည်။ နန်ယန်နည်းပညာတက္ကသိုလ်မှ သိပ္ပံပညာရှင်များ စာတမ်းပြုစုရာတွင် ဦးဆောင်သူလက်ထောက်ကထိက တစ်ဦးက မိဘများအား တိုက်တွန်းပြောကြားရာ၌ ကလေးများအား သွန်သင်ရာတွင် စိတ်ရှည်ရှည်ထား၍ မုသားမပါလင်္ကာမချော ဆိုသည့်အတိုင်း ရံဖန်ရံခါသာ ခြောက်လှန့်ခြင်း၊  လှည့်ဖြားခြင်းစကား ပြောသင့်ကြောင်းနှင့် ထိုသို့ပြောခြင်းဖြင့် ကလေးများအတွက် ထိခိုက်မှု မရှိနိုင်ပါဟု ဆိုသည်။ သို့ရာတွင် ကလေးများ၏ စိတ်ခံစားချက်ကို အသိအမှတ်ပြု၍ အကြောင်းအကျိုး၊ အကောင်းအဆိုး တို့ကို ပြောပြခြင်းအားဖြင့်လည်းကောင်း၊ ကလေးများ၏ ဆန္ဒကိုမေးမြန်းပြီး ပူးပေါင်းအဖြေရှာခြင်းဖြင့် လည်းကောင်း ကလေးများ၏ ပြောဆိုပြုမူမှုကို အကောင်းဘက်သို့ ရောက်အောင် ဆွဲဆောင်သိမ်းသွင်းရန်မှာ မိဘတို့ တာဝန်ဖြစ်သည်ဟု တိုရန်တိုတက္ကသိုလ်၊ ကယ်လီဖိုးနီးယားတက္ကသိုလ်၊  ဇင်ကျန်းတက္ကသိုလ်တို့မှ ပညာရှင်များက ထောက်ပြထားကြသည်။

အနောက်မြောက်ပိုင်း တက္ကသိုလ်မှ ပါရဂူများက ယင်းအကြောင်းအရာကိုပင် လူပေါင်း ၁ ဒသမ ၅ သန်းတို့ထံ စူးစမ်းမေးမြန်းကြရာမှ ရရှိသော အဖြေများကို စုစည်းပြီး သာမန်လူများ၏ အမြင်၊ ကံမကောင်းအကြောင်း မလှသူများ၏အမြင်၊ စံပြုထိုက်သူများ၏အမြင်၊ မိမိကိုယ်တွေ့ကိုသာ ပြောပြသူများအမြင်ဟူ၍ လေးမျိုးလေးစား ခွဲခြား အဖြေထုတ်ကြသည်။ အမျိုးသမီးအများစု ပါဝင်သော သာမန်လူများ၏ အမြင်မှာ စိတ်သဘောထား ပုံမှန်မဟုတ်ဘဲ ချဲ့ထွင်ထားသည့် အမြင်ကိုသာ တွေ့ရပြီး ပွင့်လင်းမှု နည်းပါးကြသည်။ ကံမကောင်းအကြောင်း မလှသူများ၏ အမြင်မှာ   တည်တည်ငြိမ်ငြိမ် ရှိဟန်တွေ့ရပြီး   ပွင့်လင်းမှု အားနည်းသော်ငြား တာဝန်သိမှုနှင့် အချို့သဘောထား များက လက်ခံနိုင်ဖွယ်ရှိသည်။ စံပြုထိုက်သူများမှာ အသက်အရွယ်နှင့် အတွေ့အကြုံအရ စိတ်တည်ငြိမ်မှု ရှိကြသူများ ဖြစ်ပြီး ပွင့်လင်းမှုလည်း ရှိကြသဖြင့် လူအများအားကိုး ယုံကြည်ထိုက်သူများဖြစ်သည်။ စံပြုထိုက်သူများတွင် အမျိုးသားဦးရေက ပိုများကြသည်။ မိမိကိုယ်တွေ့ကိုသာ ပြောကြသူများမှာ ဗာရာဏသီချဲ့ထားကြခြင်းကြောင့် ပွင့်လင်းမှု မရှိရုံမျှ မဟုတ်ဘဲ တာဝန်သိမှုလည်း အားနည်းခြင်းကြောင့် လူအများအားထားထိုက်သူများ မဟုတ်ကြောင်း သုတေသီအားလုံးက မှတ်ချက်ပြုထားကြသည်။

ထို့ကြောင့် ရင်သွေးငယ်တို့အား ပြုပြင်ဆုံးမကြရာတွင် အကျပ်ကိုင်သည့် နည်းလမ်းနှင့် ခြောက်လှန့်သည့် နည်းလမ်းများ အသုံးပြုခြင်းသည် မိဘတို့အတွက် အချိန်တိုအတွင်း ပြဿနာဖြေရှင်းပြီး ဖြစ်သွားသော်ငြားသား၊ သမီးတို့၏ ပင်ကိုအရည်အသွေးကို ချိုးနှိမ်လိုက်သလို ဖြစ်သွားခြင်းကြောင့် အကျိုးမရှိဖြစ်နိုင်သည်။

အလားတူပင် ငှက်ပျောပင်စိုက်လျှင် စိုက်သည့်မျိုးအတိုင်း အပင်ပေါက်သကဲ့သို့ သား၊သမီးတို့၏ စရိုက်သည်လည်း မိဘမျိုးရိုး၏ စရိုက်အတိုင်း ဖြစ်လာပေရာ မိဘများကိုယ်တိုင်က မှန်တာလုပ်၊ ဟုတ်တာပြောကြရမည်ကို မမေ့မလျော့ကြရန် ဖြစ်ကြောင်း မြဝတီက တိုက်တွန်းနှိုးဆော် လိုက်ရပါသည်။   

Read 61 times Last modified on Wednesday, 09 October 2019 08:27