SJ WorldNews - шаблон joomla Авто

စည်းကမ်းစနစ် ချမှတ်လိုက်နာခြင်းဖြင့် နိုင်ငံတော် တိုးတက်ဖွံ့ဖြိုးရေး လုပ်ဆောင်

Wednesday, 23 October 2019 10:05 font size decrease font size decrease font size increase font size increase font size

စည်းကမ်းမဲ့စွာ ပြုမူနေထိုင်ခြင်းများကို မြင်တွေ့ရသောအခါ စည်းကမ်းရှိမှတိုးတက်မည်ဟူသော ဆောင်ပုဒ်ကလေးကို အမြဲတမ်းပြန်လည် မြင်ယောင်မိသည်။  လေးလေးနက်နက် စဉ်းစားလိုက်သောအခါ စည်းကမ်းရှိသော သူနှင့် စည်းကမ်းကို မလိုက်နာသောသူတို့၏ အနာဂတ်ခရီးလမ်းသည် မတူညီကြောင်း ဘဝအတွေ့အကြုံများအရ လူတိုင်းသိပြီးဖြစ်သည်။ စည်းကမ်းလိုက်နာမှုအတွက် အဓိကကျသော အရာသည် အစဉ်သတိရှိနေခြင်း ဖြစ်သည်။

အစဉ်သတိရှိခြင်းမှာ လူတိုင်းအတွက်လိုအပ်လေသည်။  မိမိတို့ ပြုပြီး၊ ပြုဆဲ၊ ပြုအံ့သောအမှုတို့ကို အကျိုးအပြစ် စိစစ်ရပေမည်။   အမှုမဲ့အမှတ်မဲ့ နေထိုင်သွားလာ စားအိပ်ခြင်းမှာ  လူညံ့တို့အလေ့သာဖြစ်လေသည်။

မည်သည့်အရာသည် မည်သို့အကျိုးအပြစ်ဖြစ်စေခဲ့သနည်း၊ ဖြစ်စေလျက်ရှိသနည်း၊ ဖြစ်စေလိမ့်မည်နည်း။ ထိုသို့ဆင်ခြင်တိုင်းထွာခြင်း အလေ့ရှိမှသာ မသင့်မလျော် မကောင်းသော အရာများကို ကိုယ်တိုင်သိမြင်လာနိုင်မည် ဖြစ်သည်။ ထိုသို့သိမြင်လာသည်နှင့်အမျှ မိမိနှင့်သက်ဆိုင်သော စည်းကမ်းများကို လိုက်နာရန် အလေ့အကျင့်ကောင်း ရရှိသွားမည် ဖြစ်သည်။

ထိုအလေ့အကျင့်ကောင်းသည် စာရိတ္တကိုပုံသွင်းရာတွင် အနေမှန်အသွင်မှန်ကို ရရှိစေလိမ့်မည်ဖြစ်သည်။ မိမိကိုယ်မိမိ ရိုးဖြောင့်စွာ စစ်တမ်းထုတ်ရပေမည်။ ငါသည် အမှိုက်မပစ်ရနေရာတွင် အမှိုက်ပစ်ခဲ့လေသလား၊ ကွမ်းသွေးမထွေးရ နေရာတွင် ကွမ်းသွေးထွေးခဲ့မိလေသလား ဟူသော အခြေခံစည်းကမ်းလိုက်နာမှုကို ဆန်းစစ်၍ မိမိအမှားကို ဖော်ထုတ်ရပေမည်။ အခြားသူ၏ ရှေ့မှောက်တွင် အပြစ်ကိုဝန်ခံရန် အလေ့မထုံသေးစေကာမူ မိမိအတွင်းစိတ်ကိုကား ဖြောင့်မတ်စွာ ဝန်ခံရပေမည်။ သို့ဖြင့် ပြုပြင်နိုင်ခွင့်လမ်းမှန်ကို ရပေလိမ့်မည်။ အမှားကိုပြုမိလျက် မိမိအမှားကို ဘယ်သောအခါမှ အမှားဟုမသိမြင်လျှင် စည်းကမ်းရှိသူတစ်ယောက် ဖြစ်လာနိုင်မည့် အခွင့်အရေးကား ဝေးသည်ထက်ဝေးနေပေမည်။

ပြုလုပ်သမျှသော အပြုအမူတို့သည် မိမိစာရိတ္တကို ထိခိုက်နိုင်လေသလောဟူ၍လည်း အစဉ်သတိပြုရမည်။ ထိုသို့သတိရှိမှသာ ပျက်ပြားအံ့သော စာရိတ္တကို အချိန်မီကာကွယ်ဖြည့်ဆည်းနိုင်ပေမည်။ လူတို့သည် လွတ်လပ်ရာကို လုပ်တတ်ပြောတတ်သောအလေ့ရှိ၏။ ထို့ကြောင့် စားမှု၊ နေမှု၊ ဝတ်မှု၊ ပြောဆိုကျင့်ကြံမှုမှစ၍ အလွယ်ကိုသာ လိုက်တတ်၏။ ဖြစ်သလိုစား၊ ဖြစ်သလိုနေ၊ ဖြစ်သလိုဝတ်၊ ဖြစ်သလိုပြော ကျင့်ကြံလိုကြ၏။ ဤစရိုက်သည် စည်းကမ်းမရှိခြင်းကို ဖြစ်ပေါ်စေသည့် စာရိတ္တပျက်စီးရာပျက်စီးကြောင်း ဖြစ်သည်။

ထို့ကြောင့် စားစားသွားသွား မည်သည့်အမှုတွင်မဆို စည်းကမ်းရှိရန်လို၏။ စားချင်တိုင်းမစားရ၊ သွားချင်တိုင်း မသွားရပေ။ စားသင့်သွားသင့်၊ မစားသင့်မသွားသင့်သော အရေးအရာအခါ အခွင့်ကို မပြုမီကပင် ကြိုတင်စိစစ်လျက် သင့်ရာစည်းကမ်းထားကာ ထိုစည်းကမ်းအရ  သွားရစားရပေမည်။ စည်းကမ်းသည် လူ၏လုပ်ရပ်များကို ပဲ့ကိုင်ပေးသော အားဖြင့် စာရိတ္တကို ခိုင်မတ်စေလေသည်။

ငါသည် ဘယ်အလုပ်မျိုးကိုမှ လုပ်မည်ဟူသော ရည်မှန်းချက်လမ်းကြောင်း ချမှတ်ခြင်းသည် စည်းကမ်းချက်ချခြင်းပင် ဖြစ်၍ ထိုစည်းကမ်းအတိုင်း ဆောင်ရွက်ရပေမည်။ ဤသို့အားဖြင့် အရာဌာနတိုင်းသည် စည်းစနစ်ထားရှိကာ ပရမ်းပတာမပြုမူဘဲ စနစ်ကျကျကျင့်ဆောင်သွားခြင်းဖြင့် စာရိတ္တဖြည့်တင်းရာတွင် ထိရောက်အောင်မြင်နိုင်လေသည်။ စနစ်မရှိက စိတ်လည်းမတည်။ လုပ်ငန်းစဉ်လည်းမဖြောင့်ဖြူးနိုင်ပေ။ သို့ဖြစ်သော်စာရိတ္တကိုထိခိုက်နိုင်ပေသည်။ လုပ်ငန်းကို စနစ်တကျ လုပ်တတ်သောအလေ့မှ စိတ်ဓာတ်ကိုလည်း စနစ်တကျ ထားတတ်အောင် ပြုပြင်နိုင်ပေသည်။ စိတ်ဓာတ်သည်လည်း စည်းစနစ်ကျကျတည်တံ့ကာ စာရိတ္တမကျိုးပေါက်နိုင်တော့ပေ။

စိတ်အလိုကို စည်းစနစ်အထိန်းမရှိလျှင် မုန်တိုင်းထဲ၌ ကျောက်မချသောလှေငယ်ကဲ့သို့ လွင့်ပါးသွားပေမည်။ စိတ်ဓာတ်မှရည်မှတ်သောစည်းစနစ်ကို စိတ်ဓာတ်ကလိုက်နာနိုင်ပေသည်။ ဘာသာတရားကိုဖြစ်စေ၊ လောကီဝါဒကိုဖြစ်စေ စိတ်ကယုံကြည်ရင်းရှိမှ စူးစိုက်ဆောင်ရွက်နိုင်ပေရာ ရှေးဦးစွာ စိတ်၏ ယုံကြည်မှုရှိအောင် အားထုတ်ရပေသည်။  သူတစ်ပါးအပြော၊ သူတစ်ပါးခိုင်းစေသော အလုပ်တာဝန်အနေထက် မိမိစိတ်ကပြောခြင်း၊ ခိုင်းစေခြင်းကို မပင်မပန်းလုပ်နိုင်ပေရာ မိမိစိတ်ကပြောမှု၊ ခိုင်းစေမှုဖြစ်စေရန် စိတ်သဘောပေါက်ထင်မြင်အောင် လုပ်ရပေသည်။

ထို့ကြောင့် သင့်လျော်သော လူ့လောကစည်းကမ်းကိုလည်း ကိုယ်တိုင်လိုက်နာရန် ကိုယ်တိုင်သတ်မှတ်ခြင်း မျိုးဖြစ်အောင် ရည်မှန်းရပေမည်။ စင်စစ်လည်း ကိုယ့်အကျိုးသာဖြစ်၍ ကိုယ့်စိတ်ကိုသာ ကိုယ်ကျွန်ခံနိုင်ပေသည်။ ကိုယ့်စိတ်ထက် စည်းကမ်းကသာ ပိုကောင်းသဖြင့်လည်း စိတ်ကိုစည်းကမ်းစနစ်ချပေးရန် ကိုယ်စီတာဝန်အဖြစ် မှတ်ယူရပေမည်။

နိုင်ငံသားအားလုံး နိုင်ငံတော်မှ ပြဋ္ဌာန်းထားသော တရားဥပဒေ၊ စည်းမျဉ်းစည်းကမ်းများ၊ ဒေသန္တရအမိန့်များကို ကိုယ်စီအသိတရားနှင့် ယှဉ်ကာ လိုက်နာကြမည်ဆိုလျှင် အေးချမ်းသာယာခေတ် မီဖွံ့ဖြိုးသော ဒီမိုကရေစီနိုင်ငံတော် ဖြစ်လာမည်။ စည်းကမ်းရှိစွာ နေထိုင်သွားလာ လုပ်ကိုင်ပါက တစ်ဦးချင်းမှသည် မိသားစု၊ မိသားစုမှသည် အဆင့်ဆင့် တိုးတက်လာပေလိမ့်မည်။  နိုင်ငံတစ်ခုတိုးတက်ရန် အဓိကလိုအပ်ချက်သည် ပြည်သူအများ စည်းကမ်းလိုက်နာမှုပင် ဖြစ်ပါကြောင်း မြဝတီက မီးမောင်းထိုးပြ လိုက်ရပါသည်။   

Read 62 times Last modified on Wednesday, 23 October 2019 10:09