SJ WorldNews - шаблон joomla Авто

အညာ တမာ ၀ါတာတာ ရသာခါးငြား ပြည်စီးပွား

Sunday, 03 November 2019 10:49 font size decrease font size decrease font size increase font size increase font size

အယ်ဒီတာ့ အာဘော်(၃-၁၁-၂၀၁၉)

မြန်မာနိုင်ငံ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ပြည်ပပို့ကုန် တိုးမြှင့်ရေးအတွက် အိမ်နီးချင်း နိုင်ငံများနှင့် ညှိနှိုင်း ဆောင်ရွက်လျက်ရှိရာ ၂၀၁၉-၂၀၂၀ ဘဏ္ဍာနှစ်အတွင်း မူဆယ်(၁၀၅)မိုင်နယ်စပ် ကုန်သွယ်ရေးစ ခန်းမှ  ပို့ကုန် အမေရိကန် ဒေါ်လာ သန်း ၃၅၀၀ နှင့် သွင်းကုန် အမေရိကန်ဒေါ်လာ သန်း ၁၅၀၀ စုစုပေါင်းကုန်သွယ်မှု ပမာဏ အမေရိကန်ဒေါ်လာ ၅ ဘီလီယံခန့်ရှိရန်လျာထားကြောင်း သိရသည်။

မြန်မာနိုင်ငံအနေဖြင့် တရုတ်နိုင်ငံသို့ နယ်စပ်ကုန်သွယ်ရေးစခန်းမှတစ်ဆင့် တင်ပို့သောကုန်ပစည်းများမှာ စိုက်ပျိုးရေး ထွက်ကုန်များဖြစ်သည့် ပဲမျိုးစုံ၊ နှမ်းမျိုးစုံ၊ ပြောင်း၊ ဆန်နှင့် ရော်ဘာတို့ကို တင်ပို့သည့်အပြင် ရေထွက် ကုန် ပစည်းများကိုလည်း တင်ပို့ လျက်ရှိသည်။ တရုတ်နိုင်ငံမှ မြန်မာနိုင်ငံသို့တင်သွင်းသော ကုန် ပစည်း များမှာ လူသုံးကုန်

ပစည်းများ၊ စားသောက်ကုန် ပစည်းများ၊ စိုက်ပျိုးရေး အတွက်သွင်းအားစုဖြစ်သော  ပိုးသတ်ဆေးနှင့် ဓာတ်မြေသြဇာ များ၊ လုပ်ငန်းသုံး ပစည်း များတင်သွင်းသည်။ ရေထွက် ပစည်း ထုတ်လုပ်မှုတွင် ရာသီဥတုဖောက်ပြန်မှုကြောင့် သဘာဝမှ ရရှိသည့် ငါးသယံဇာတများ လျော့နည်းလျက်ရှိသဖြင့် ကမ်းလွန် ပင်လယ်ပြင်၌ ရေနံနှင့် သဘာဝ ဓာတ်ငွေ့တူးဖော် သည့်လုပ်ငန်းများအနေဖြင့် ငါးသယံဇာတတည်ရှိမှုနှင့် ပတ်ဝန်းကျင်ထိခိုက်မှုအခြေ အနေကို နိုင်ငံတကာ အသိအမှတ်ပြုပ ညာရှင်အဖွဲ့များဖြင့် စနစ်တကျဆောင်ရွက်သင့်ကြောင်း မြန်မာနိုင်ငံငါးလုပ်ငန်း အဖွဲ့ချုပ်မှ သိရသည်။ လက်ရှိအချိန်တွင် ငါးသယံဇာတများ လျော့နည်းပျက်စီးမှုကြောင့် ကမ်းဝေးပင်လယ်ငါးဖမ်း လုပ်ငန်းများနှင့် ကမ်းနီး ဒေသခံရေလုပ်သားများ၏အသက်မွေးဝမ်းကျောင်းလုပ်ငန်းများအပေါ် ထိခိုက်မှုရှိသည်။  

တစ်ဆက်တည်းမှာပင် စနစ်မကျသော ငါးဖမ်းလုပ်ငန်းများကြောင့် ပြည်တွင်းစားသုံးမှုအတွက် စိတ်မချရသော အခြေအနေနှင့်ကြုံ တွေ့ရ သည်သာမက ပြည်ပသို့တင်ပို့ရာတွင်လည်း အခက်အခဲရှိသည်။ ယခုအချိန်တွင် ပြည်တွင်း၌ ငါးသယံဇာတလျော့နည်း သွားသည့်အတွက် ဈေးကွက်ကျဆင်းသွားချိန်တွင် အိမ်နီးချင်းနိုင်ငံများရှိ ငါးမွေးမြူရေး လုပ်ငန်းများ အောင်မြင်လာသဖြင့် ယှဉ်ပြိုင်ရန် ခက်ခဲကြောင်း သိရသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန စံချိန်စံညွှန်းရေးဆွဲရေးနည်းပညာဆပ်ကော်မတီက သီးနှံများ၏ စံချိန်စံညွှန်း ရေးဆွဲ အတည်ပြုထားသော စိုက်ပျိုးရေး ထွက်ကုန်သီးနှံများမှာ ဆန်၊ ပဲအမျိုးမျိုး၊ ဖရဲသီး၊ ထောပတ်သီး၊ ငှက်ပျောသီး၊ ကျွဲကောသီး၊  ကော်ဖီစေ့တို့ဖြစ်ပြီး မူကြမ်းတင်ပြထားသည့်သီးနှံများမှာ သခွားမွှေး၊ မြေပဲ၊ နှမ်း၊ နနွင်း တက်၊ အစေ့ထုတ်ပြောင်း၊ ကြက်သွန်နီ၊ သီဟိုဠ်စေ့၊ ၀ဥ၊ ဒူးရင်းသီး၊ မင်းကွတ်သီး၊ သရက်သီး၊ အုန်းသီးနှင့် နာနတ်သီး တို့ဖြစ်သည်။ လက်ရှိတွင် ငရုတ်စိုနှင့်ငရုတ်ခြောက်ကို မူဆယ်နယ်စပ်ကုန်သွယ်ရေး စခန်းမှတစ်ဆင့် တရုတ်နိုင်ငံသို့ တင်ပို့လျက်ရှိပြီး ငရုတ်စိုကို မြ၀တီနယ်စပ်ကုန်သွယ်ရေးစခန်းမှ တစ်ဆင့် ထိုင်းနိုင်ငံသို့ တင်ပို့လျက်ရှိသည်။

ငရုတ်ကောင်းကိုလည်း တရုတ်နှင့်ထိုင်းနိုင်ငံတို့သို့ အနည်းငယ်စီတင်ပို့လျက်ရှိကြောင်း သိရသည်။

စိုက်ပျိုးရေးထွက်ကုန်များမှဆန်ကွဲကို ပြည်ပသို့ ပင်လယ်ရေကြောင်းမှတစ်ဆင့် တင်ပို့လျက်ရှိသကဲ့သို့ နယ်စပ်ကုန်သွယ် ရေးမှ တစ်ဆင့် တင်ပို့လျက်ရှိသဖြင့် ရန်ကုန် ဈေးကွက်၌ ဆန်ကွဲအရောင်းသွက်ကြောင်း သိရသည်။ ယခုအချိန်တွင် ရန်ကုန်တိုင်း ဒေသကြီး ဘုရင့်နောင်ဆန်ကုန်စည်ဒိုင်သို့ ဆန်ကွဲများဝင်ရောက်လျက်ရှိရာ ဧရာဝတီတိုင်း ဒေသကြီး၊ ပဲခူးတိုင်း ဒေသကြီးတို့မှ တစ်ရက်လျှင်ဆန်ကွဲအိတ်ရေ ၅၀၀၀၀ ၀န်းကျင် အ၀င်ရှိရာတွင် ၀င်သလောက်ရောင်း နေရသည်။ ပြင်ပသို့တင်ပို့ရန် ဆန်ဝယ်လိုအား နည်းပြီး ဆန်ကွဲဝယ်လိုအားများသဖြင့် ဆန်ဈေးနှုန်းနှင့်ဆန်ကွဲဈေးနှုန်း ကွာဟမှုနည်းပါးနေကြောင်း မြန်မာနိုင်ငံဆန်စပါးကုန်သည်များ အသင်း (ဘုရင့်နောင်)မှ သိရသည်။

ယခုနှစ် မူဆယ်နယ်စပ်ကုန်သွယ်ရေးစခန်းမှ ပို့ကုန်အမည်သစ်အဖြစ် တမာစေ့ကိုအမှုန့်ကြိတ်ပြီး တန်ချိန် ၄၀ ခန့် စမ်းသပ် တင်ပို့ခဲ့ရာ တစ်တန်လျှင် အမေရိကန်ဒေါ်လာ ၆၀၀ ခန့်ရသည်။ ပြည်ပတင်ပို့ရန် တမာစေ့ကို ရန်ကုန်နှင့် မနလေးမြို့တို့ရှိ လုပ်ငန်းရှင်များက မနလေး၊ မကွေးနှင့် စစ်ကိုင်းတိုင်း ဒေသကြီးတို့မှ ၀ယ်ယူကြိတ်ခွဲတင်ပို့ကြခြင်းဖြစ် ကြောင်း သိရသည်။ ယခင်က အညာတမာ ၀ါတာတာ၊ ရသာခါးခါး ငါမစားဟု ကြားရဖူးသည်။ ယခုသော်ကား ပြည်ပပို့ ကုန်တွင် သဲတစ်ပွင့်အဖြစ် ပါဝင်နေသောကြောင့် အညာတမာ ၀ါတာတာ၊ ရသာခါးငြား၊ ပြည်စီးပွားဟု   ပြောင်းလဲ ရတော့မည်ဖြစ်ပါသည်။ 

..................

Read 65 times Last modified on Sunday, 03 November 2019 10:54