SJ WorldNews - шаблон joomla Авто

မေတ္တာဟူသည် မွှေးကြူရေကြည် နှင်းမြရည်တည့်

Monday, 04 November 2019 08:17 font size decrease font size decrease font size increase font size increase font size

''မေတ္တာဟူသည်၊ မွှေးကြူရေကြည်၊ နှင်းမြရည်တည့်၊ တုမရှိအောင်၊ စိုညှိရွှဲရွှဲ၊ သွန်မရဲလျှင်၊ မစဲနေ့ရေ၊ မိုးသို့စွေလျက်၊ ရစေချမ်းသာ၊ ရှင်မေတ္တာကို''ဟူ၍ ရှင်မဟာသီလဝံသ စပ်ဆိုသော ပါရမီတော်ခန်းပျို့မှ မေတ္တာပါရမီတော်ခန်း၌ ဖော်ပြထားသည်။

လူ့အဖွဲ့အစည်းအတွင်း နိုင်ငံရေး၊ စီးပွားရေး၊ လူမှုရေးနယ်ပယ်စုံ၌ တစ်ဦးအပေါ်တစ်ဦး မေတ္တာထားကာ ပူးပေါင်း ဆောင်ရွက်ခြင်းဖြင့် သာလျှင် မျှော်မှန်းချက်အောင်မြင်မှုကို ရရှိနိုင်ကြသည်။ မြန်မာနိုင်ငံစီးပွားရေး ပြုပြင်ပြောင်းလဲမှုတွင် စီးပွားရေးလုပ်ငန်းများ လုပ်ကိုင်ရန် ပိုမိုလွယ်ကူရေးအတွက် နိုင်ငံတော်အစိုးရနှင့် ပုဂ္ဂလိကတို့ ပူးပေါင်းဆောင်ရွက်ကြရာ ကမ္ဘာ့ဘဏ်၏ Ease of Doing Business အစီအစဉ်စစ်တမ်း၌ နှစ်စဉ်အဆင့် တိုးတက်လျက်ရှိသည်။ မြန်မာနိုင်ငံသည် ကမ္ဘာ့ဘဏ်၏ Ease of Doing Business ကို လေ့လာစစ်တမ်း ကောက်ယူသည့် အစီအစဉ်တွင် ၂ဝ၁၄ ခုနှစ်က စတင်ပူးပေါင်း ပါဝင်ဆောင်ရွက်ခဲ့စဉ်က နိုင်ငံပေါင်း ၁၈၉ နိုင်ငံအနက် အဆင့် ၁၈၂၊ ၂ဝ၁၉ ခုနှစ်တွင် နိုင်ငံပေါင်း ၁၉ဝ အနက် အဆင့် ၁၇၁၊ ၂ဝ၂ဝ ပြည့်နှစ်တွင် နိုင်ငံပေါင်း ၁၉ဝ အနက် အဆင့် ၁၆၅ ၌ရပ်တည်နေကြောင်း သိရသဖြင့် တဖြည်းဖြည်း တိုးတက်မှုရှိသည်ဟု ဆိုနိုင်သည်။

မြန်မာနိုင်ငံ၏ စီးပွားရေးဝန်းကျင်   တိုးတက်ကောင်းမွန်စေရန်အတွက် လုပ်ငန်းနယ်ပယ်များတွင် သိသာသည့် တိုးတက်မှုများ ဖော်ဆောင်နိုင်ခဲ့သည်မှာ ဆောက်လုပ်ခွင့်ရယူခြင်း၊ စီးပွားရေးလုပ်ငန်းတစ်ခု စတင်ခြင်း၊ ပိုင်ဆိုင်မှုမှတ်ပုံတင်ခြင်း၊ ပဋိညာဉ်အတည်ပြု ဆောင်ရွက်ခြင်း၊ အနည်းစု ရင်းနှီးမြှုပ်နှံသူများအား အကာအကွယ်ပေးခြင်းတို့ ဖြစ်သည်။ စီးပွားရေးလုပ်ငန်းများ လုပ်ကိုင်ရန် လွယ်ကူမှုအတွက် အညွှန်းကိန်း ၁ဝခုရှိသည့်အနက် တိုးတက်မှု ငါးခုရှိသော်လည်း သုံးခုမှာ အဆင့်ကျပြီး နှစ်ခုက ပြောင်းလဲမှုမရှိကြောင်း သိရသည်။ နိုင်ငံတော်၏ ပြည်ပကုန်သွယ်မှုသည် ၂ဝ၁၇-၂ဝ၁၈ ဘဏ္ဍာနှစ်က အမေရိကန်ဒေါ်လာ ၃၃ ဒသမ ၅၃ ဘီလီယံရှိပြီး ၂ဝ၁၈-၂ဝ၁၉ ဘဏ္ဍာနှစ်တွင် အမေရိကန်ဒေါ်လာ ၃၄ ဒသမ ၉၈ ဘီလီယံရှိသဖြင့် တိုးတက်လာကြောင်း တွေ့ရသည်။ မြန်မာနိုင်ငံ၏ စီးပွားရေးဝန်းကျင် တိုးတက်ကောင်းမွန်ရေးအတွက် သြစတြေးလျနိုင်ငံ နိုင်ငံခြားရေးနှင့် ကုန်သွယ်ရေးဌာန (DFAT) ယူနိုက်တက်ကင်းဒမ်းမှ နိုင်ငံတကာဖွံ့ဖြိုးရေးဌာန(DFID)၊ ကမ္ဘာ့ဘဏ်အုပ်စုမှ နိုင်ငံတကာငွေကြေးကော်မတီ(IFC) တို့၏ အကူအညီဖြင့် နိုင်ငံတော်အစိုးရ ဝန်ကြီးဌာနများနှင့် ပြည်ထောင်စုသမ္မတမြန်မာနိုင်ငံတော် ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) တို့ပူးပေါင်း ဆောင်ရွက်ခဲ့ကြခြင်း ဖြစ်သည်။

မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုသည် စိုက်ပျိုးရေးကို အခြေခံပြီး  စက်မှုနိုင်ငံတည်ထောင်ရေးအတွက် ရည်မှန်းဆောင်ရွက်နေခြင်းဖြစ်သည်။ စက်မှုလုပ်ငန်း တည်ထောင်ရေးအတွက် ရင်းနှီးမြှုပ်နှံသူများက ဦးစားပေးစဉ်းစားကြသည့် အချက်များမှာ ကုန်ကြမ်းရရှိနိုင်မှု၊ စွမ်းအင်အရင်းအမြစ်ရရှိနိုင်မှု၊ ကျွမ်းကျင်လုပ်သားရရှိနိုင်မှု၊ သယ်ယူပို့ဆောင်ရေးနှင့် ဆက်သွယ်ရေးနည်းလမ်းများ ကောင်းမွန်မှု၊ ဖွံ့ဖြိုးသော ဘဏ်လုပ်ငန်းစနစ်၊ နာမည်ကောင်းတည်ထောင်နိုင်မည့် အားသာချက်ရှိမှုတို့ ပြည့်စုံသောနေရာကို ဦးစားပေး ရွေးချယ်ကြသည်။ စက်မှုလုပ်ငန်းများ ဖွံ့ဖြိုးလာခြင်းကြောင့် ရရှိနိုင်သည့် အကျိုးကျေးဇူးများမှာ လယ်ယာသုံး စက်ကိရိယာများနှင့် ဆည်မြောင်းတာတမံများ တည်ဆောက်နိုင်ခြင်းကြောင့် သီးနှံအထွက်နှုန်းတိုးတက်လာသည်။ အလုပ်လက်မဲ့ပြဿနာကို ဖြေရှင်းနိုင်သဖြင့် ပြည်သူများ၏ လူမှုစီးပွားဘဝ ဖွံ့ဖြိုးတိုးတက်လာသည်။

တစ်ဦးချင်းဝင်ငွေနှင့် အမျိုးသားဝင်ငွေမြှင့်တင်နိုင်ခြင်းနှင့် အမျိုးသားကာကွယ်ရေးအင်အား တောင့်တင်းလာစေခြင်း စသည်တို့ဖြစ်သည်။

ကမ္ဘာ့ဘဏ်က ယခုနှစ်တွင်ထုတ်ပြန်သော အစီရင်ခံစာ၌ စီးပွားရေးလုပ်ငန်းများ လုပ်ကိုင်ရန် လွယ်ကူအောင် ပြုပြင်ပြောင်းလဲမှုများ ဆောင်ရွက်ရာတွင် တိုးတက်မှု အကောင်းဆုံးနိုင်ငံ ၂ဝ စာရင်းတွင် မြန်မာနိုင်ငံပါဝင်သည်မှာ အောင်မြင်မှုရလဒ်ကောင်း တစ်ခုဖြစ်သဖြင့် ဝမ်းမြောက်ဖွယ်ဖြစ်သကဲ့သို့ ယခုထက်ပိုမိုဆောင်ရွက်ကြရန် လိုနေသေးကြောင်း တွေ့ရသည်။ အာဆီယံ အဖွဲ့ဝင် ၁ဝ နိုင်ငံ၏ တစ်ဦးချင်းကုန်ထုတ်လုပ်မှု တန်ဖိုးနှိုင်းယှဉ်ကြည့်လျှင် မြန်မာနိုင်ငံက အနိမ့်ဆုံးဖြစ်ပြီး ပြည်ပပို့ကုန်တန်ဖိုး နှိုင်းယှဉ်ကြည့်လျှင် မြန်မာနိုင်ငံနောက်၌ ကမ္ဘောဒီးယား၊ ဘရူနိုင်းနှင့် လာအိုနိုင်ငံတို့သာ ရှိကြရာ ကမ္ဘောဒီးယားနိုင်ငံက မြန်မာနိုင်ငံထက် ဒသမ ၅ သာ လျော့နည်းကြောင်းတွေ့ရပြီး ပို့ကုန်အများဆုံးက စင်ကာပူနိုင်ငံဖြစ်ကြောင်း တွေ့ရသည်။

ထို့ကြောင့် တိုင်းရင်းသားပြည်သူတို့၏ လူမှုစီးပွားဘဝ ဖွံ့ဖြိုးတိုးတက်လာစေရန် ဆောင်ရွက်ကြရာတွင် ရင်းနှီးမြှုပ်နှံမှု လုပ်ငန်းများ ပိုမိုဝင်ရောက်လာရေးသည် အဓိက လိုအပ်ချက် ဖြစ်ကြောင်းကို အားလုံးသိကြပြီး ဖြစ်သည့်အားလျော်စွာ မေတ္တာဟူသည်၊ မွှေးကြူရေကြည်၊ နှင်းမြရည်တည့်၊ အတုမရှိအောင်ဆိုသည်ကို အလေးအနက် ထားကြပါရန် မြဝတီက ပန်ကြားအပ်ပါသည်။    ။

 

 

Read 42 times Last modified on Monday, 04 November 2019 08:19