SJ WorldNews - шаблон joomla Авто

ခိုင်ခိုင်မြဲမြဲလက်တွဲကြရန်သာပဓာန

Saturday, 09 November 2019 11:05 font size decrease font size decrease font size increase font size increase font size

ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးဝင်းမြင့်သည် (၆၄)နှစ် မြောက် ကရင်ပြည်နယ်နေ့ အခမ်းအနားသို့ ၂ဝ၁၉ ခုနှစ် နိုဝင်ဘာ ၇ ရက်တွင် သဝဏ် လွှာပေးပို့သည်။

နိုင်ငံတော်သမ္မတက သဝဏ်လွှာပေးပို့ရာ၌ နိုင်ငံတော်ဖွံ့ဖြိုး တိုးတက်ရေးအတွက် မရှိ မဖြစ်လိုအပ်သော ပြည်တွင်းငြိမ်းချမ်းရေးနှင့် အမျိုးသား ပြန်လည်သင့်မြတ်ရေးတို့ကို မိမိတို့ အစိုးရနှင့် တိုင်းရင်းသား လက်နက်ကိုင် အဖွဲ့အစည်းများ ဆန္ဒတူညီ လက်တွဲ ဆောင်ရွက်လျက် ရှိကြပါသည်။ တိုင်းရင်းသား အားလုံး၏ ရည်မှန်းချက် ပန်းတိုင်ဖြစ် သည့် ဒီမိုကရေစီနှင့် ဖက်ဒရယ်စနစ်ကို အခြေခံသော  ပြည်ထောင်စုကြီး ပေါ်ထွန်း လာစေရေးအတွက် ပြည်ထောင်စု ငြိမ်းချမ်းရေး ညီလာခံ-(၂၁)ရာစု ပင်လုံအစည်း အဝေးများ ကျင်းပနိုင်ခဲ့ပြီး ပြည်ထောင်စု သဘောတူ အခြေခံမူ (၅၁)ချက်ကို သဘော တူညီမှု ရရှိထားပြီးဖြစ်ပါသည်။ အပြန်အလှန် နားလည်မှု၊ ယုံကြည်မှု၊ စိတ်ရှည် သည်းခံ မှုနှင့် ပွင့်လင်းမြင်သာမှု၊ ပူးပေါင်းဆောင်ရွက်မှု၊ လေးစားလိုက်နာမှု၊ ချစ်ကြည်ရင်းနှီးမှု များဖြင့် အတူတကွ ကြိုးပမ်းဖော်ဆောင်မှုများကြောင့် ကရင်ပြည်နယ်အတွင်း တိုက်ပွဲ သံများချုပ်ငြိမ်းလာကာ မိမိတို့ဒေသ ဖွံ့ဖြိုးရေး ကိစ္စအဝဝကို အာရုံစိုက် ဆောင်ရွက် နိုင်ပြီဖြစ်ပါသည်။ ဒေသဖွံ့ဖြိုးရေး လုပ်ငန်းများကို တစ်နှစ်ထက်တစ်နှစ် ပိုမိုတိုးတက် ဖော်ဆောင်နိုင်ကာ ကရင်ပြည်နယ်အတွင်း ဒေသခံပြည်သူများ၏ လူမှုစီးပွားများ တစ်စ ထက်တစ်စ တိုးတက်မြင့်မားလာမည်ဟုလည်း မျှော်လင့်ထားပါသည်။ တစ်နိုင်ငံလုံး အတိုင်းအတာအားဖြင့် တိုင်းရင်းသား စည်းလုံးညီညွတ်မှုနှင့် အမျိုးသား ပြန်လည် သင့်မြတ်မှုတို့ကို ခိုင်မာသည်ထက် ခိုင်မာအောင် တည်ဆောက်နိုင်သည်နှင့်အမျှ ငြိမ်း ချမ်းသာယာဝပြောပြီး ရေရှည်တည်တံ့ ခိုင်မြဲသည့် ဒီမိုကရေစီနှင့် ဖက်ဒရယ်ကို အခြေခံ သော ပြည်ထောင်စုကြီးကို ပြည်သူတို့၏ဆန္ဒ၊ ဝီရိယ၊ စိတ်ဓာတ်၊ ဉာဏ်ပညာတို့ဖြင့် တည်ဆောက် နိုင်မည်ဟုလည်း ယုံကြည်ပါသည်ဟူ၍ အလေးအနက် ဖော်ပြထား သည်။

တစ်ဦးကိုတစ်ဦး အပြန်အလှန် နားလည်မှုရှိခြင်းသည် အခြေအနေကို သဘောပေါက်မှု ရှိပြီး စိတ်သဘောချင်း တိုက်ဆိုင်ညီညွတ်မှု ရှိခြင်းပင်ဖြစ်သည်။ အခြေအနေဟူသည်  အချိန်အခါတည်းဟူသော ကာလနှင့် တစ်ဆက်တစ်စပ်တည်း ဖြစ်ခြင်းကြောင့် ကမ္ဘာ့ နိုင်ငံရေး ရာသီဥတု အခြေအနေ အရပ်ရပ်ကိုလည်း မျက်ခြည်မပြတ် အကဲဖြတ် နေကြ ရမည်ဖြစ်သည်။ နိုင်ငံရေးသည် စီးပွားရေး၏ အဆက်ဖြစ်သကဲ့သို့ လူမှုရေးအခြေအနေ ကလည်း နိုင်ငံရေးဂယက်ကို ဖန်တီးသော အကြောင်းတရားအဖြစ် ပါဝင်လျက်ရှိရာ ဆင်းရဲချမ်းသာကွာဟမှု ကျဉ်းမြောင်းရေး၊ ပညာရေး၊ ကျန်းမာရေး မြှင့်တင်ရေးတို့ကို စဉ်ဆက်မပြတ် ကြိုးပမ်းအားထုတ် ကြရမည်ဖြစ်သည်။ နိုင်ငံရေး ကျွမ်းကျင်သူ တစ်ဦး သည် စီးပွားရေး ကျွမ်းကျင်သူ ဖြစ်ချင်မှဖြစ်မည်။ ထို့အတူ စီးပွားရေး ကျွမ်းကျင်သူ တစ်ဦးသည် နိုင်ငံရေးကျွမ်းကျင်သူ ဖြစ်ချင်မှဖြစ်မည်။ လူမှုရေး ကျွမ်းကျင်သူသည် နိုင်ငံရေး ကျွမ်းကျင်သူ ဖြစ်ချင်မှဖြစ်မည်။ မာယာများသော လူတို့လောကတွင် စွယ်စုံ တတ်သိ နားလည်ကျွမ်းကျင်သူ အရေအတွက် အလွန်နည်းပါးသဖြင့် ခေတ်စနစ်တို့ ပြောင်းလဲခြင်းနှင့် စီးပွားရေးပြိုလဲခြင်း၊ လူမှုရေး နိမ့်ကျခြင်းဖြစ်စဉ်များ ကြုံတွေ့ရခြင်း ဖြစ်သည်။

ကြုံတွေ့ခဲ့ရသောဖြစ်စဉ် သို့မဟုတ် သိမြင်ဖူးသော ဖြစ်စဉ်တို့ကို အမှန်အတိုင်းရှုမြင်ပြီး အခြေအနေကို သဘောပေါက် နားလည်ကြခြင်းကြောင့် ကရင်ပြည်နယ်အတွင်း ငြိမ်း ချမ်းရေး တည်ဆောက်မည်ဟူသော စိတ်သဘော တိုက်ဆိုင်ညီညွတ်မှုဖြင့် နိုင်ငံတော် အစိုးရနှင့် တိုင်းရင်းသား လက်နက်ကိုင်အဖွဲ့များ အပြန်အလှန် နားလည်မှု ရရှိကြခြင်း ကြောင့် တိုက်ပွဲသံများ ချုပ်ငြိမ်းကာ ဖားစည်သံမြည်ဟိန်း ဒုံးယိမ်းအက ထူးထူးခြားခြား မြိုင်မြိုင်ဆိုင်ဆိုင် ကနေကြသည်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA)လက်မှတ်ရေးထိုး ထားပြီးဖြစ်သည့် ကရင်ပြည်နယ် ဖွံ့ဖြိုးတိုးတက်ရေးအတွက် လိုအပ်သော အခြေခံ အဆောက်အဦများကို နိုင်ငံတော်အစိုးရက တည်ဆောက်ပေးလျက်ရှိရာ ဒေသဖွံ့ဖြိုး ရေးအခြေအနေသည် တစ်နှစ်ထက်တစ်နှစ် ပို၍ပို၍တိုးတက် လာမည်ဖြစ်သည်။ ဒေသခံတိုင်းရင်းသား ပြည်သူများအနေဖြင့် ချစ်ကြည်ရင်းနှီးမှု အခြေခံဖြင့် ပူးပေါင်း ဆောင်ရွက်မှုကို အရှိန်အဟုန်မပြတ် ခိုင်ခိုင်မြဲမြဲ လက်တွဲကြရန်သာ ပဓာနဖြစ်သည်ကို မမေ့မလျော့ မပေါ့မဆဘဲ တိုင်းရင်းသား ပြည်သူများ မျှော်မှန်းထားကြသည့် ပန်းတိုင် သို့ အရောက်လှမ်းကြရန် ဖြစ်ကြောင်း မြဝတီက ထပ်လောင်းပန်ကြားရင်း (၆၄) နှစ် မြောက် ကရင်ပြည်နယ်နေ့ကို ဂုဏ်ပြုအပ်ပါသည်။ 

Read 120 times Last modified on Saturday, 09 November 2019 11:06