SJ WorldNews - шаблон joomla Авто

နည်းပညာခေတ်နှင့် နိုင်ငံဖွံ့ဖြိုးတိုးတက်ရေး

Thursday, 14 November 2019 09:25 font size decrease font size decrease font size increase font size increase font size

ပညာရေးဝန်ကြီးဌာန နည်းပညာ၊ သက်မွေးပညာနှင့်လေ့ကျင့်ရေးဦးစီးဌာနမှ အစိုးရစက်မှုလက်မှုသိပ္ပံ(မန္တလေး)၌ ၂ဝ၁၉-၂ဝ၂ဝ ပညာသင်နှစ်အတွက် A.G.T.I ဒီပလိုမာညနေပိုင်း (ပထမနှစ်) သင်တန်းသားများ ခေါ်ယူလျက်ရှိရာ တက္ကသိုလ်ဝင်စာမေးပွဲတွင် သင်္ချာ၊ ရူပဗေဒ၊ ဓာတုဗေဒဘာသာရပ်များ ပါဝင်သော မည်သည့်ဘာသာတွဲဖြင့် အောင်မြင်သည်ဖြစ်စေ လျှောက်ထားနိုင်ပြီး တက္ကသိုလ်ဝင်စာမေးပွဲတွင် ရရှိခဲ့သည့် အင်္ဂလိပ်စာနှင့် သင်္ချာစုစုပေါင်း ရမှတ်ပေါ် မူတည်ရွေးချယ်မည် ဖြစ်သည်။ အဆိုပါ သင်တန်းသို့ အစိုးရနည်းပညာ အထက်တန်း အောင်မြင်ပြီး သူများလည်း လျှောက်ထားနိုင်ကြောင်း သိရသည်။ သင်တန်းတက်ရန် ရွေးချယ်ခံရသူများသည် မြို့ပြအင်ဂျင်နီယာ၊ အီလက်ထရွန်နစ်အင်ဂျင်နီယာပညာ၊ လျှပ်စစ်စွမ်းအားအင်ဂျင်နီယာပညာ၊ စက်မှုအင်ဂျင်နီယာပညာနှင့် သုတနည်းပညာတို့မှ သင့်လျော်သည့် ဘာသာရပ်တစ်ခုကို သုံးနှစ်သင်ယူရမည်ဖြစ်သည်။

သင်တန်းပြီးဆုံးချိန်တွင် A.G.T.I ဒီပလိုမာ အောင်လက်မှတ် ရရှိမည် ဖြစ်သည်။

၂၁ ရာစုကမ္ဘာကြီးမှ နိုင်ငံများ၏ စီးပွားရေးနှင့်လူမှုရေး သာယာဝပြောမှုများ ရရှိနိုင်ရန် ပြောင်းလဲမှုအရှိန် အဟုန်မြန်ဆန်လျက်ရှိရာ နိုင်ငံသားများ၏ အရည်အသွေးနှင့် စွမ်းရည်ကို မြှင့်တင်နိုင်ရန် ပညာသင်ယူနိုင်မည့် အခွင့်အလမ်းများကို ဖန်တီးပေးရေးက အရေးပါလျက်ရှိသည်။ ညနေပိုင်းသင်တန်းများ ဖွင့်လှစ်သင်ကြားပေးခြင်းဖြင့် အကြောင်းအမျိုးမျိုးကြောင့် ပညာဆက်မသင်နိုင်ဘဲ လုပ်ငန်းခွင်တစ်ခုသို့ ဝင်ရောက်လုပ်ကိုင်နေသူများအတွက် အလုပ်လုပ်ရင်း ပညာသင်ယူနိုင်ကြမည်ဖြစ်သဖြင့် နိုင်ငံသားတို့၏အသိဉာဏ်ပညာ၊ ကျွမ်းကျင်မှုနှင့်နည်းပညာတို့ကို နိုင်ငံတော်အစိုးရက ထောက်ပံ့ပေးခြင်းပင်ဖြစ်သည်။ မည်သည့်ပညာရပ်မဆို ဆုံးခန်းတိုင်သည်ဟူ၍ မရှိဘဲ အစဉ်အမြဲ ပြောင်းလဲလျက်ရှိရာ နည်းပညာသည်လည်း တစ်နေ့ထက်တစ်နေ့ ဆန်းသစ်တီထွင်မှုများမှာ အရှိန်အဟုန် ကောင်းကောင်းဖြင့် လိုက်ပါပြောင်းလဲနေဆဲ တွေ့ရသည်။  ၂၁ ရာစုသင်ယူမှု လူ့အဖွဲ့အစည်း၏ ခေတ်ရေစီးကြောင်းတွင် လိုက်ပါ ဆင်နွှဲနေကြသည် မှာလည်း ဤလမ်းဤခရီးသည် ခရီးလမ်းဆုံးမဟုတ်သေးဘဲ ရှေ့ဆက်ရန်များစွာ ကျန်ရှိသေးသည်။

စက်မှုလက်မှုသိပ္ပံ ညနေပိုင်းသင်တန်းများသို့ တက်ရောက်ရန် လျှောက်ထားသူများသည် ကျန်းမာရေး ကောင်းမွန်ပြီး လက်တွေ့လုပ်ငန်းနှင့် စက်ရုံ၊ ကုမ္ပဏီများသို့ ကွင်းဆင်း ဆောင်ရွက်နိုင်သူဖြစ်ရန် လိုသည်ဟု သတ်မှတ်ထားရာ နည်းပညာသစ်နှင့် လူသားအရင်းအမြစ်တို့ တစ်ဆက်တစ်စပ်တည်းရှိကြောင်း တွေ့ရသည်။

နည်းပညာသစ်ကို သင်ယူနိုင်ရန်မှာ စက်ကိရိယာနှင့် ယန္တရားကြီးများ လိုအပ်သကဲ့သို့  ထိုစက်ကိရိယာနှင့် ယန္တရားကြီးများကို  ကျွမ်းကျင်စွာ ကိုင်တွယ်ထိန်းသိမ်းနိုင်သော  လူသားအရင်းအမြစ်များ လိုအပ်သည်။

ကျွမ်းကျင်သော  လူသားအရင်းအမြစ်များလေ့ကျင့်မွေးထုတ်ပေးရန်  အသက်မွေးဝမ်းကျောင်းတက္ကသိုလ်များ၊ စက်မှုတက္ကသိုလ်များ၊  စက်မှုသိပ္ပံများ၊  စက်မှုအထက်တန်းကျောင်းများ၏ သင်ရိုးညွှန်းတမ်းနှင့် သင်ကြားရေးနည်းစနစ်များနှင့် အလုပ်ခွင်သင်တန်းများက  လွန်စွာအရေးပါသော ကဏ္ဍမှ ပါဝင်လျက်ရှိသည်။

မျက်မှောက်ကာလ ကမ္ဘာ့နိုင်ငံများ၏ စီးပွားရေးအဆောက်အအုံများတွင် သဘာဝသယံဇာတကို အခြေခံသည့် စီးပွားရေး အဆောက်အအုံ၊ လူသားအရင်းအမြစ်ကို အခြေခံသည့် စီးပွားရေး အဆောက်အအုံ သို့မဟုတ် ဗဟုသုတကို အခြေခံသည့် စီးပွားရေး အဆောက်အအုံဟူ၍ ရှိကြသည်။ သဘာဝသယံဇာတကို အခြေခံသည့် စီးပွားရေး အဆောက်အအုံသည် ပျက်စီးပြုန်းတီး သွားနိုင်သော်လည်း လူသားအရင်းအမြစ်ကို အခြေခံသည့် စီးပွားရေး အဆောက်အအုံသည် ပျက်စီးပြုန်းတီးမှု မဖြစ်ဘဲ ပို၍ထွန်းတောက်တိုးတက်ပြန့်ပွားစေနိုင်ပါသည်။ ပို၍ထွန်းတောက်တိုးတက် ပြန့်ပွားစေရန် တီထွင်ကြံဆမှုနှင့် ဖန်တီးနိုင်စွမ်းရှိသော လူ့စွမ်းအားအရင်းအမြစ်ကို အမြဲမပြတ်လေ့ကျင့် မွေးထုတ်နေရမည် ဖြစ်သည်။ အာရှနိုင်ငံများမှ ဂျပန်နိုင်ငံနှင့် စင်ကာပူနိုင်ငံတို့သည် သဘာဝသယံဇာတ ရှားပါးပြီး နိုင်ငံဧရိယာ ကျဉ်းမြောင်းသော်လည်း ခေတ်မီသယံဇာတ အင်အားစုများဖြစ်သော အင်ဂျင်နီယာအတတ်ပညာ၊ စွန့်ဦးတီထွင်မှုနှင့် ကျွမ်းကျင်လုပ်သား ထွက်ပေါ်လာအောင် မွေးထုတ်နိုင်သဖြင့် စီးပွားရေးဖွံ့ဖြိုးမှုကို ဖန်တီးနိုင်ခြင်းဖြစ်သည်။

ထို့ကြောင့် A.G.T.I ဒီပလိုမာညနေပိုင်း သင်တန်းများ တိုးချဲ့ဖွင့်လှစ်ရန် အခြေအနေပေးသည့် ဒေသများတွင် နည်းပညာတိုးတက်ရေးအတွက် စီစဉ်ပေးခြင်းသည် နိုင်ငံဖွံ့ဖြိုးတိုးတက်ရေးကို များစွာ အထောက်အကူပြုမည် ဖြစ်ကြောင်း မြဝတီက သုံးသပ်ရပါသည်။   

Read 50 times Last modified on Thursday, 14 November 2019 09:25