SJ WorldNews - шаблон joomla Авто

ဘ၀အောင်မြင်ရေး အတွက် ရွေးချယ်မှုနှင့်ချမ်းမြေ့မှု

Friday, 29 November 2019 10:06 font size decrease font size decrease font size increase font size increase font size

 

လောကလူသားတို့သည် ဘ၀ရပ်တည်မှုအတွက် နေ့စဉ်ကြိုးပမ်း အားထုတ်နေကြရသည် ဖြစ်ရာ မိမိတို့ဘ၀ အဖြစ်သနစ်ကိုပင် ပြန်လည်ဆန်းစစ်ချိန် မရလောက်အောင် လူမှုကိစ္စတို့ဖြင့်သာ ရက်၊ လ၊ နှစ်တွေ ကုန်ဆုံးသွားကြရသူက အများစုဖြစ်သည်။

ဤသို့ဆိုသော်ငြားလည်း ရခဲသောလူ့ဘ၀သည် ကောင်းမြတ်သော ဘ၀ဖြစ်သည်ကိုကား ၀န်ခံကြရမည် ဖြစ်သည်။ လူတို့ဘ၀သည် အောင်မြင်ခြင်းနှင့် ၀မ်းမြောက်ခြင်းတို့သာလျှင် ကြုံတွေ့ကြရသည်မဟုတ်ဘဲ မအောင်မြင်ခြင်းနှင့် စိတ်နှလုံးမချမ်းမြေ့ဖွယ်တို့ကိုလည်း ကြုံတွေ့ကြရသည်။ လူ့ဘ၀ဟူသည် မထင်ရှားသော အလုပ်ကလေးများ၊ မထင်ရှားသော စေတနာသဒ္ဓါတရား ပွားများမှုကလေးများ၊ မထင်ရှားသော တာဝန်ကလေးများကို အခါမလပ်

ဆောင်ရွက်ခြင်းတို့သည်သာလျှင် လူ့ဘ၀အရင်းခံ အကြောင်းတရားဖြစ်သည်။ ဤသို့ မထင်မရှား မှုန်မွှားသေးငယ်သော အရာကလေးများကို   လူတို့က ဂရုမစိုက်နိုင်ဘဲ အမှတ်တမဲ့သာလျှင် နေတတ်ကြသော်ငြား ထိုမှုန်မွှားသေး ငယ်သော အရာကလေးများ မရှိသောအခါ သို့မဟုတ် ချို့ယွင်းသောအခါမှသာလျှင် ၎င်းတို့၏ တန်ဖိုးကို သိလာကြသည်။ ဤသို့ဖြစ်တတ်သည့်သဘာဝကို ပညာရှင်တို့က နှိုင်းယှဉ်ပြထားသည်မှာ လူ့ဘ၀အောင်မြင်မှု

သည် ကောင်းကင်တွင်ရှိသော နဂါးငွေ့နှင့်တူသည်။ နဂါးငွေ့သည် ကြယ်ကလေးပေါင်း ထောင်သောင်းများစွာ တွေ့ဆုံပေါင်းစည်းကြရာဖြစ်၍ ကြယ်ကလေး တစ်လုံးစီကို မမြင်နိုင်သော်လည်း အတူစုဝေး၍ အလင်းတောက်ပနေကြသည်မှာ သေချာသည်။ ထိုနည်းတူစွာ ကောင်းမြတ်သောအရာ၊ ကောင်းမြတ်သော အလေ့အထများစွာကို စုစည်းလိုက်သောအခါ လူ့ဘ၀၌ ကံကောင်းခြင်း သို့မဟုတ် အောင်မြင်ခြင်းနှင့် ၀မ်းမြောက်ခြင်းတို့ ဖြစ်ကြရသည်ဟု ပညာရှင်များမိန့်ဆိုသည်ကို မှတ်သားရဖူးသည်။

ကမ်္ဘာပေါ်ရှိ လူသားတိုင်းသည် ပျော်ရွှင်ချမ်းမြေ့မှုကို လိုလားနှစ်သက်ကြသဖြင့် ပျော်ရွှင်စရာ အဖြာဖြာတို့ကို ရှာဖွေဖန်တီးတတ်ကြသည်။ ပျော်ရွှင်ချမ်းမြေ့မှုကို ရယူရန် အကောင်းဆုံး အချိန်သည် မျက်မှောက်ကာလ ယခုအချိန်ဖြစ်သည်ကို ပညာရှိသူတော်ကောင်းတို့က ဆုံးမသွန်သင်ကြရာ၌   ဘ၀မှာ အခက်အခဲပြဿနာ ဘာမှမရှိလျှင်ကောင်းမည်ဟု မျှော်လင့်နေကြသော် ဘယ်သောအခါမှ စိတ်ချမ်းသာမည်မဟုတ်။ အရေးကြီးသည်မှာ ပြဿနာမရှိဖို့ မဟုတ်ဘဲ ပြဿနာကို အကောင်းဆုံးဖြေရှင်းဖို့ဖြစ်သည်။ အမြဲစိတ်ချမ်းသာလိုသော် ယခုစိတ်ချမ်းသာအောင်နေရမည်။ ယခုဆိုသောအချိန်သည် မည်သည့်အခါမှ ပျောက်မသွားဘဲရှိနေမည် ဖြစ်ခြင်းကြောင့် ယခုစိတ်ချမ်းသာအောင် နေနိုင်သူသာ အမြဲစိတ်ချမ်းသာမည်ဟု သတိပေးထားသည်။ ဤသို့ ဆုံးမသွန်သင်ခြင်းမှာ လူတစ်ဦးအတွက် စိတ်ချမ်းသာမှုသည် ထိုသူ၏ကိုယ်၊ စိတ်၊ နှလုံး သုံးပါးအပေါ်၌ တည်သည်ဟုဆိုလိုကြောင်း နားလည်မိသည်။  လူတို့၏ စိတ်သဘောသည် တည်ငြိမ်ရန် ခက်ခဲသည်။ တစ်ခါတစ်ရံ မျှော်မှန်းထားသည်များဖြစ်မြောက်၍ ပျော်ရွှင်နေရသလို မျှော်မှန်းမထားသော အခက်အခဲများနှင့် တွေ့ကြုံရသောအခါ စိတ်မချမ်းမြေ့မှုဖြစ်ရသည်။

ထိုသို့ စိတ်သောကဖိစီးမှုကြုံလာပါက  ကိုယ်ရောစိတ်ပါ ပင်ပန်းဆင်းရဲရခြင်းကြောင့် လူအနားယူရသလို စိတ်လည်းအနားယူရသည်။ စိတ်ခွန်အားသစ် တိုးပွားရေးအတွက် စိတ်ခွန်အားကိုဖြစ်စေသော ဓမ္မစာပေနှင့် ရသစာပေ များကို ဖတ်မှုဆင်ခြင်ကြရမည်ဖြစ်သည်။ အောင်မြင်ကျော်ကြားသော ပုဂ်္ဂိုလ်တို့၏ အတ္ထပ္ပတ်္တိကို လေ့လာဖတ်ရှုရသောအခါ အတုမြင်အတတ်သင်ခြင်းဖြင့် ဘ၀အောင်မြင်မှုကို ရရှိနိုင်ပေသည်။ အောင်မြင်မှု တစ်ခုရလိုသော် အချိန်ကာလတစ်ခု ရင်းနှီးပေးဆပ်ကြရသည်။ ဇွဲဆိုသောစကား၏ အဓိပ္ပာယ်ကို လူတိုင်းသိရှိ နားလည်ကြသော်လည်း ဇွဲ၏တန်ဖိုးကြီးမားမှုကို သတိထားမိသူ နည်းပါးသဖြင့် ဘ၀အောင်မြင်မှုမှ တစ်ဆင့် ရရှိနိုင်သည့် ပျော်ရွှင်ချမ်းမြေ့မှုကို မရနိုင်ဖြစ်နေကြသည်။ လူတိုင်းလူတိုင်း လက်ရှိဘ၀ထက် ကြီးပွားတိုးတက်လိုသော ဆန္ဒကိုယ်စီရှိကြသော်ငြား လက်တွေ့ဘ၀တွင် ကြီးပွားတိုးတက်မှု မတူညီကြသည်မှာ   ကြိုးပမ်းအားထုတ်မှု တစ်ဦးနှင့်တစ်ဦး ကွဲပြားကြခြင်းကြောင့် ဖြစ်ကြောင်း သတိမမူ ဂူမမြင်ဖြစ်နေကြသည်။ ဘ၀အောင်မြင်ရေးအတွက် မှန်ကန်သော အရာများကို မှန်ကန်သော နည်းလမ်းဖြင့် လုပ်ဆောင်ခြင်း၊  သူတစ်ပါးထက်ပို၍ လောကဓံကို ကြံ့ကြံ့ခံနိုင်သော စိတ်အားထက်သန်မှုရှိခြင်းတို့သည် လက်ရှိဘ၀ထက်ပို၍ ကောင်းမွန်သော အခြေအနေ တစ်ရပ်ကိုရရှိရန် မရှိမဖြစ်လိုအပ်သော အချက်များဖြစ်သည်။

သို့ဖြစ်၍ ရခဲသော လူဖြစ်လာချိန်တွင် ဘ၀အောင်မြင်ရေးနှင့် ပျော်ရွှင်ချမ်းမြေ့မှုကို ရယူပိုင်ဆိုင်ကြလိုသော် မှန်ကန်သောနည်းလမ်းကို ရွေးချယ်၍ လောကဓံကိုကြံ့ကြံ့ခံနိုင်သော စိတ်အားထက်သန်မှုဖြင့် ကြိုးစားအားထုတ်ကြရန် ဖြစ်ကြောင်း မြ၀တီက တိုက်တွန်းနှိုးဆော်လိုက်ရပါသည်။  

Read 210 times Last modified on Friday, 29 November 2019 10:07