SJ WorldNews - шаблон joomla Авто

သဘာဝပတ်ဝန်းကျင် ထိန်းသိမ်းရေး အားလုံးပါဝင်

Sunday, 01 December 2019 08:45 font size decrease font size decrease font size increase font size increase font size

အသေးစားနှင့် အလတ်စားစီးပွားရေးလုပ်ငန်းများ ဖွံ့ဖြိုးရေးဘဏ်သည်  သဘာဝပတ်ဝန်းကျင် ထိန်းသိမ်းရေး စီမံကိန်းအကောင်အထည်ဖော်မည့် လုပ်ငန်းများအတွက် စိမ်းလန်းစိုပြည်ဖွံ့ဖြိုးရေး ချေးငွေ (Green Financing Loan) ထုတ်ပေးရန် စီစဉ်ထားကြောင်းသိရသည်။

စိမ်းလန်းစိုပြည် ဖွံ့ဖြိုးရေးချေးငွေ ထုတ်ပေးမည့် အစီအစဉ်မှာ စီမံကိန်းလုပ်ငန်းများ၏ ငွေကြေးလည်ပတ်မှုအပေါ် အခြေခံသော ချေးငွေစနစ်ဖြစ်ပြီး သဘာဝပတ်ဝန်းကျင် ထိန်းသိမ်းရေး လုပ်ငန်းများနှင့် ကိုက်ညီသည့် လုပ်ငန်းများ၊ သဘာဝပတ်ဝန်းကျင်ဆိုင်ရာ ဆိုးကျိုးများကို လျှော့ချရန် လိုက်နာဆောင်ရွက်သည့် လုပ်ငန်းများ၊ သဘာဝအစိမ်းရောင် လုပ်ငန်းများအား အကောင်အထည်ဖော်ရာတွင် ငွေကြေးလိုအပ်ချက်ရှိနေသော လုပ်ငန်းများအား ထုတ်ချေးပေးမည် ဖြစ်သည်။ စီမံကိန်းလုပ်ငန်းများအား ထုတ်ချေးပေးမည့် ချေးငွေသက်တမ်းမှာ နှစ်နှစ်ဖြစ်ပြီး အပေါင်ပစ္စည်း အာမခံပေးထားသော လုပ်ငန်းများအနေဖြင့် အများဆုံးငွေကျပ်သိန်း ၁ဝဝဝ အထိ လျှောက်ထား ရယူနိုင်သော်လည်း အာမခံပစ္စည်းပေးမထားနိုင်သော လုပ်ငန်းများအနေဖြင့် ငွေကျပ် သိန်း ၅ဝဝ သာ လျှောက်ထားရယူနိုင်မည်ဖြစ်သည်။ ချေးငွေရရှိပြီးသော စီမံကိန်းလုပ်ငန်းရှင်များသည် ခွင့်ပြုချေးငွေပမာဏ၏ ၅ဝ ရာခိုင်နှုန်းကို ကုန်ကြမ်းဝယ်ယူရာတွင်အသုံးပြုရန်နှင့် ကျန်ရှိသော ၅ဝ ရာခိုင်နှုန်းကို လုပ်ငန်းလည်ပတ်ရာတွင် အသုံးပြုရန်ဖြစ်ပြီး ငွေကြေးသုံးစွဲရာတွင်လည်း ချေးငွေလျှောက်ထားစဉ်က တင်ပြထားသည့် စီမံကိန်းအတွက်သာ သုံးစွဲရမည်ဖြစ်ကြောင်း သိရသည်။

သဘာဝပတ်ဝန်းကျင်ထိန်းသိမ်းရေးဆိုသည်မှာ မြေထု၊ ရေထု၊ လေထုသန့်စင်ရေးနှင့် အသံဆူညံမှု လျှော့ချရေးတို့ ပါဝင်ခြင်းကြောင့် ကျေးလက်နှင့် မြို့ပြများတွင်ပါ ဆောင်ရွက်ရမည့် လုပ်ငန်းဖြစ်သဖြင့် လုပ်ငန်းပမာဏကျယ်ပြန့်သည်။ မျက်မှောက်ကာလ လူသားတို့ကြုံတွေ့နေကြရသောပြဿနာများမှာ လူဦးရေတိုးပွားလာခြင်းကြောင့် ရိက္ခာရှားပါး လာခြင်း၊ သဘာဝသယံဇာတများ ရှားပါးလာခြင်း၊  သစ်တောများပြုန်းတီးလာခြင်း၊ မြစ်ချောင်းများ တိမ်ကောလာခြင်းနှင့် မြေထု၊ ရေထု၊ လေထုတို့ ညစ်ညမ်းလာခြင်း စသည့် ဆိုးကျိုးသက်ရောက်မှုများ ဖြစ်သည်။

မြန်မာတို့ပြက္ခဒိန် တစ်ဆယ့်နှစ်လရာသီမှ နှင်းမှုန်မှုန်ဖွေးသော နတ်တော်လရာသီတွင် ပန်းသဇင်တွေ လန်းရွှင်ကြသည်ကို တွေ့မြင်ကြည်နူး ကြရသော်ငြား ကမ္ဘာကြီးပူနွေးမှုနှင့် အိုဇုန်းလွှာပျက်စီးခြင်းတို့ကြောင့် နှင်းမှုန်ဖွေးဖွေး ကလေးများကို ကွက်တိကွက်ကျား ရှားရှားပါးပါးသာ တွေ့ရတော့သည်။ ပန်းသဇင်ကလေးများမှာ လူတို့၏ ပြုပြင်စောင့်ရှောက်မှုကြောင့် လန်းရွှင်နိုင်ကြသည့်တိုင်အောင် နှင်းမှုန်ဖွေးဖွေးကိုကား လူတို့ဖန်တီးခြင်းငှာ မစွမ်းသာသည်ကြောင့် မြက်ဖျားနှင်းကလေးများကိုသာ ရှားရှားပါးပါး တွေ့ရသော်ငြား နေရောင်အောက်တွင် ပျောက်ကွယ်သွားကြရသည်။ နေနှင့် ကမ္ဘာမြေအကွာအဝေးသည် မိုင်ပေါင်း ၉၃ သန်းခန့် ကွာဝေးပြီး နေနှင့်ကမ္ဘာမြေကြားတွင် ကြားခံအဖြစ် တည်ရှိသည့် အိုဇုန်းလွှာသည် ကမ္ဘာမြေပြင်အထက်၁၉ မိုင်မြင့်သော နေရာတွင်တည်ရှိကြောင်း သိပ္ပံပညာရှင်များက ဖော်ထုတ်သိရှိထားကြသည်။ နေရောင်ခြည်တွင်ပါဝင်သော ခရမ်းလွန်ရောင်ခြည်ကို ကြားခံအိုဇုန်းလွှာက စုပ်ယူထိန်းသိမ်းပေးထားခြင်းကြောင့် ကမ္ဘာမြေပေါ်မှ သက်ရှိ၊ သက်မဲ့တို့အတွက် သက်သာရာရစေသည်။ ကမ္ဘာကြီးပူနွေးလာရခြင်းနှင့် အိုဇုန်းလွှာ ပျက်စီးခြင်းကြောင့် ခရမ်းလွန်ရောင်ခြည် ကျရောက်မှုတုိ့သည် တစ်ခုနှင့်တစ်ခု ဆက်စပ်ပတ်သက်နေကြသည်။

ကမ္ဘာမြေပြင်တွင် လူတို့၏ပယောဂကြောင့် သစ်တောသစ်ပင်နှင့် ဂေဟစနစ်များပျက်စီးဆုံးရှုံးကြရသည်။

လေထုအတွင်းရှိ ကာဗွန်ဒိုင်အောက်ဆိုက် ဓာတ်ငွေ့ကို သစ်ပင်များက စုပ်ယူထားနိုင်သည့် ပမာဏနည်းပါးသွားသဖြင့် ကမ္ဘာကြီးပူနွေးလာရခြင်း ဖြစ်သည်။ မြေအောက်သယံဇာတ ရှာဖွေတူးဖော်သန့်စင်ကြသည့် လုပ်ငန်းများကြောင့် မြေထု၊ ရေထုနှင့် ဂေဟစနစ်များ ပျက်စီးကြရသဖြင့် ကျေးငှက်သားရဲတို့ တောမှာ မမြဲနိုင်ကြပေ။ ထို့အတူ အင်းအိုင်ချောင်းမြစ် တို့ကိုမှီ၍ အသက်မွေးကြရသော ဒေသခံပြည်သူတို့မှာလည်း ဟိုယခင်က ဖောင်စီးရင်း ရေငတ်စကားပုံပမာ ဖြစ်နေကြရသည်။

ကမ္ဘာကြီးပူနွေးလာမှုနှင့် အစွန်းရောက်ရာသီဥတုတို့ကြောင့် တစ်နှစ်ထက်တစ်နှစ် ဆိုးရွားလာသော သဘာဝဘေးအန္တရာယ်ကို ခံစားနေကြရသည်မှာ တစ်မြို့တစ်ရွာ တစ်နိုင်ငံတည်း မဟုတ်သဖြင့် ကမ္ဘာ့နိုင်ငံများ ပူးပေါင်း၍ သဘာဝဘေးဒဏ် လျော့နည်းရေးအတွက် ပတ်ဝန်းကျင် ထိန်းသိမ်းရေးကို မြန်မာနိုင်ငံအပါအဝင် ဆောင်ရွက်နေကြသည်။ အထူးသဖြင့် အာရှ-ပစိဖိတ်ဒေသသည် ရာသီဥတုပြောင်းလဲမှုကြောင့် ဖြစ်ပေါ်လာသော သဘာဝဘေးအန္တရာယ် အထူပြောဆုံးဒေသဖြစ်သည့် မြန်မာနိုင်ငံအနေဖြင့် ပတ်ဝန်းကျင်ထိန်းသိမ်းရေးကို ပြည်သူအားလုံး ပါဝင်သော အမျိုးသားရေးတာဝန် တစ်ရပ်အဖြစ် အကောင်အထည်ဖော်ကြရန် လိုအပ်လျက်ရှိသည်။

ထို့ကြောင့် အသေးစားနှင့် အလတ်စားစီးပွားရေး လုပ်ငန်းများ ဖွံ့ဖြိုးရေးဘဏ်ချေးငွေရယူ၍ သဘာဝပတ်ဝန်းကျင် ထိန်းသိမ်းရေး စီမံကိန်းလုပ်ငန်းများ အောင်မြင်ရေးအတွက် တိုင်းရင်းသားပြည်သူအားလုံး တို့အနေဖြင့် ဒေသအလိုက် တတ်နိုင်သည့် အနေအထားမှ ဝိုင်းဝန်းကူညီကြပါရန် မြဝတီက တိုက်တွန်း နှိုးဆော်လိုက်ရပါသည်။   

Read 183 times