SJ WorldNews - шаблон joomla Авто

ရွှေနှင့် ပေါင်းဖက်မိသော ဖန်သည် မြရောင်ထွက်၏

Sunday, 08 December 2019 14:25 font size decrease font size decrease font size increase font size increase font size

အယ်ဒီတာ့အာဘော်

(၂၀၁၉ ခုနှစ်၊ ဒီဇင်ဘာ ၈ ရက်)

ပုထုဇဉ် လောက လူသားတို့အတွက် စိုးရိမ်ကြောက်ရွံ့မှုကို ဖြစ်စေသော အခြေခံ အကြောင်းတရားများ၌ အနေအစား ဆင်းရဲရမည်ကို ကြောက်ရွံ့ခြင်း၊ သူတစ်ပါးက ပြစ်တင်ဝေဖန်ခံရမည်ကို ကြောက်ရွံ့ခြင်း၊ ချစ်ခင် ရင်းနှီးမှု ဆုံးရှုံးရမည်ကို ကြောက်ရွံ့ခြင်း၊ လွတ်လပ်မှု ဆုံးရှုံးရမည်ကို ကြောက်ရွံ့ခြင်းတို့ ပါဝင်ကြသည်ကို လူတိုင်း ကြုံဖူးကြသည်။ စိုးရိမ်ကြောက်ရွံ့မှုကို ဖြစ်စေသော အခြေခံ အကြောင်းတရားများ ကင်းဝေးစေရန်မှာ ကိုယ်တိုင် စည်းကမ်းသေ၀ပ်မှုနှင့် ပတ်ဝန်းကျင်ကောင်းတို့ ရှိရမည် ဖြစ်သည်။ မြန်မာမှုနယ်ပယ်၌ စပါးထဲက ပိုး သည် စပါးကို ဖျက်၏၊ ၀ါထဲကပိုးသည် ၀ါကိုဖျက်၏ဟု ဆိုထားသည့်အတိုင်း လူ့အဖွဲ့အစည်း သာယာဝပြောမှု ကို ဖျက်ဆီးတတ်သော လူတစ်ဦးချင်း၏ အတွင်းစိတ်ဓာတ်နှင့် အပြင်ပယောဂတို့ ရှိကြသည်မှာ သဘာဝတရား ဖြစ်သည်။

လိုလျှင်ကြံဆ နည်းလမ်းရဆိုသည့်အတိုင်း ကိုယ်တိုင်စည်းကမ်း သေ၀ပ်မှုရှိခြင်း နှင့်အတူ တိုးတက်လိုသော စိတ်ဓာတ် အရင်းခံထားလျက် အပြုသဘော ပြုပြင်သင့်သည်များကို ပြုပြင်ပြီး ဖြစ်နိုင်သည်ကစ၍ မဆုတ်မနစ် သော ဇွဲသတ်္တိဖြင့် ကြိုးစားကြရမည် ဖြစ်သည်။ အနေအစား အသွားအလာ အပြောအဆိုတို့ကို ဆင်ခြင်၍ စည်း ကမ်းတကျ ပြုမူ ပြောဆိုခြင်းသည် ကိုယ်ရောစိတ်ပါ ကျန်းမာချမ်းသာမှုကို ရရှိနိုင်သည် သာမက သူတစ်ပါးက ပြစ်တင် ဝေဖန်ခံရခြင်း၊ ချစ်ခင်ရင်းနှီးမှု ဆုံးရှုံးရခြင်းနှင့် လွတ်လပ်မှု ဆုံးရှုံးရခြင်း တို့ကိုပါ ကင်းဝေး စေနိုင်သည်။  မိမိကိုယ်တိုင် စည်းကမ်းသေ၀ပ်မှု ရှိပြီဆိုလျှင် ဆွေမျိုး၊ အပေါင်းအသင်း မိတ်သင်္ဂဟ တို့ကိုလည်း အပြုသဘော စိတ်ဓာတ်ဖြင့် လိုအပ်သလို ပြုပြင် ပြောင်းလဲစေရန် အကြံပြု တိုက်တွန်းရပေမည်။ အခြားသူများအား အကြံပြု တိုက် တွန်းရာတွင် အကြောင်းအကျိုး ဆီလျော်၍ တစ်ယောက်စကား တစ်ယောက်နားမှာ ပျားသကာသို့ ချို စေရမည်။

ချစ်ခင်ရင်းနှီးမှု ဆုံးရှုံးရမည်ကို ကြောက်ရွံ့ခြင်းသည်  ကလျာဏမိတ်ဆွေ အပေါ်မှာ မိမိဘက်က စောင့် ထိန်း ရမည့် တာဝန်ရှိသော  သစ်္စာစောင့်သိမှု၊  ရိုးသားဖြောင့်မတ်မှု၊  စိတ်စေတနာ ကောင်းထားရှိမှု၊ ယုံကြည်အား ထားရမှု၊ ဟန်ဆောင်ကင်းသော ဖော်ရွေမှု၊ အမြင်ကျယ်မှု၊ ရင်းနှီးဖော်ရွေမှု (သဒ္ဓါ လွန်းဆွမ်း တော်တော်ရပ် မဖြစ် စေရ)၊ အတုံ့အလှည့်ရှိမှု၊ နွေးထွေးပျူငှာမှု၊ မေတ်္တာကရုဏာတရား ထားရှိမှုတို့နှင့် ပြည့်စုံရပေမည်။ အခြေအနေ အချိန်အခါ အားလျော်စွာ နားလည်မှုရှိခြင်းနှင့် စာနာစိတ်ဖြင့် လိုအပ်ချိန်တွင် တတ်စွမ်းသမျှ ရိုင်းပင်း ကူညီမှုတို့လည်း ရှိရမည်ဖြစ်သည်။ ကလျာဏမိတ်ဆွေကောင်း ပီသစေရန် တစ်ဦးတစ်ယောက်၏ အားနည်းချက်ကို အခွင့်ကောင်းယူ အမြတ်ထုတ်ခြင်းနှင့် မိမိကိုယ်မိမိ လှည့်ဖြားခြင်း တို့ကို ရှောင်ကြဉ်ရမည် ဖြစ်သည်။

အကြောင်း အားလျော်စွာ နားလည်မှု ရှိစေရန်မှာ အခြားသူများသည် မိတ်သင်္ဂဟသာ ဖြစ်ပြီး ပုံတူမျိုးပွား များ(clones) မဟုတ်သဖြင့် မိမိနှင့်နှစ် ကိုယ့်တစ်စိတ်မဟုတ်ဘဲ မတူကွဲပြားမှုများ ရှိကြမည်ဖြစ်သည်။ ထို့ကြောင့် မိမိ၏ကိုယ်နှုတ်နှလုံးသုံးပါးတို့ကို စောင့်ထိန်းခြင်းသည်ပင် အကြောင်းအားလျော်စွာ နားလည်မှု ရှိခြင်း ဖြစ်သည်။ လဲနေသူကိုဖေးကူတတ်သည့် ကရုဏာတရားဖြင့် နှုတ်၏စောင်မခြင်း၊ လက်၏စောင်မခြင်းဟု ဆိုအပ်သော အကြံဉဏ်ပေးခြင်းနှင့် ထောက်ပံ့ပေးကမ်းခြင်း စသည့်မိတ်ဆွေကောင်း တာဝန်ဝတ္တရား တို့ကို လည်း ကျေပွန်ရပေမည်။ ဖော်ပြခဲ့သော မိတ်ဆွေကောင်းတို့ တာဝန်ဝတ္တရားများသည် မိမိကအခြားသူများ အပေါ် ကျေပွန်ရန်အားထုတ်ရမည် ဖြစ်သကဲ့သို့ အခြားသူများကလည်း တူညီသော တုံ့ပြန်မေတ္တာစေတနာ ထားကြရမည် ဖြစ်သည်။ အခြားသူများက မိမိအပေါ် အတုံ့အလှည့်မရှိသည့် တိုင်အောင် ဘယ်သူတရား ပျက်ပျက် မိမိကိုယ်တိုင် တရားမပျက်အောင် စောင့်ထိန်းခြင်းကို ပညာရှိ သူတော်ကောင်း တို့ချီးမွမ်းကြသည်။

ရေရှည်တည်တံ့ ကောင်းမွန်သော ဆက်ဆံရေးဟူသည် တစ်ဦးအပေါ်တစ်ဦး ရိုးသားဖြောင့်မတ်မှု၊ စိတ်ရင်း စေတနာ ကောင်းဖြင့် စာနာထောက်ထား နားလည်မှုတို့ဖြင့် အပေးအယူ တူမျှဖို့လိုသည်။ အယူသာရှိ၍ အပေး မရှိသော ဆက်ဆံရေးသည် အပူသာရှိ၍ အအေးမရှိနိုင်သော ဆက်ဆံရေးသာ ဖြစ်ပေမည်။

သို့ဖြစ်၍ လူ့အသိုင်းအ၀ိုင်းအတွင်း ကိုယ်စိတ်နှစ်ပါး ကျန်းမာချမ်းသာစွာဖြင့် ၀င်ဆံ့လိုသော် ကိုယ်တိုင်စည်းကမ်း သေ၀ပ်မှု နှင့်  အမှန်တကယ် တိုးတက်လိုသော စိတ်ဓာတ်အရင်းခံ တို့ရှိအောင် ပြုပြင်ပြောင်းလဲကြလျှင် ပတ် ၀န်းကျင်မှ ကလျာဏ မိတ်ဆွေတို့၏ ဖေးမကူညီ မြှင့်တင်ပေးမှုကြောင့် ရွှေနှင့် ပေါင်းဖက်သော ဖန်သည် မြရောင် ထွက်သကဲ့သို့ ဘ၀တင့်တယ် နိုင်ကြောင်း မြ၀တီက တိုက်တွန်း နှိုးဆော် လိုက်ရပါသည်။  

Read 359 times Last modified on Sunday, 08 December 2019 15:38