SJ WorldNews - шаблон joomla Авто

မြေအသုံးချရေးနှင့် ပို့ကုန်တိုးမြှင့်ရေး

Wednesday, 08 January 2020 09:13 font size decrease font size decrease font size increase font size increase font size

၂ဝ၂ဝ ပြည့်နှစ်၊ ဇန်နဝါရီ ၈ ရက်

သတ္တဝါဟူသမျှ အစာအာဟာရကို မှီခိုရှင်သန်ကြရသည်ဖြစ်ရာ စိုက်ပျိုးရေးလုပ်ငန်းများ လုပ်ကိုင်ကြရာတွင် မြေမှန်၊ မျိုးမှန်၊ စိုက်နည်းမှန်၊ ရာသီမှန်အောင်စိုက်ဟူသော မှန်(၄)မှန်ဆောင်ပုဒ်နှင့်အညီ စိုက်ပျိုးနေကြသည်။ ယခင်က မြန်မာနိုင်ငံ၏ စိုက်ပျိုးမြေသည် လူဦးရေအချိုးအစားနှင့် မျှတသော်လည်း လူဦးရေတိုးပွားလာသော ယနေ့အချိန်တွင် လူတစ်ဦးလျှင် စိုက်ပျိုးမြေတစ်ဧကထက် လျော့နည်းလာခြင်းကြောင့် စိုက်ပျိုးမြေများ ဖော်ထုတ်ခြင်းနှင့်   အထွက်တိုးသီးနှံများ စိုက်ပျိုးခြင်း၊  သီးထပ်သီးညှပ် စိုက်ပျိုးခြင်းတို့ကို ဆောင်ရွက်နေကြရသည်။  အထွက်တိုးသီးနှံနှင့် သီးထပ်သီးညှပ် စိုက်ပျိုးခြင်းသည် မြေဆီမြေသြဇာကို ယုတ်လျော့စေသော အကြောင်းရင်း ဖြစ်သဖြင့်   သွင်းအားစုမြေသြဇာကို   အဆမတန် အသုံးပြုနေကြရသည်။

တောင်သူလယ်သမားများနှင့် စိုက်ပျိုးရေးကုန်ထုတ်လုပ်ငန်း လုပ်ကိုင်ကြသူများက သီးထပ်သီးညှပ် စိုက်ပျိုးသဖြင့် သဘာဝမြေဆီမြေသြဇာ ယုတ်လျော့စေသည်။ သဘာဝမြေဆီမြေသြဇာ ယုတ်လျော့သည်ကို ကုစားရန် သွင်းအားစုမြေသြဇာကို အဆမတန် အသုံးပြုကြသည်။  ဤသို့အထွက်တိုးနှင့် မြေဆီမြေသြဇာ သံသရာ လည်နေသည့် အဖြစ်မှ ကင်းဝေးစေရန် ကောင်းမွန်သော စိုက်ပျိုးနည်းစနစ် (Good Agriculture Practice-GAP) အသုံးပြုရန် သက်ဆိုင်ရာတို့က ပညာပေး အစီအစဉ်များ ဆောင်ရွက်နေကြသည်။

ကောင်းမွန်သော စိုက်ပျိုးနည်းစနစ်ပညာပေး အစီအစဉ်များ ဆောင်ရွက်နေစဉ်မှာပင် ပြည်ပပို့ကုန်သီးနှံများ အရည်အသွေး မမီခြင်းနှင့် စားသုံးရန် မသင့်သော အဆိပ်ဖြစ်စေသည့် ခဲ၊ ခရိုမီယမ်၊ နီကယ်နှင့် အာဆင်းနစ် စသည်တို့ ပါဝင်ခြင်းများ ရှိကြောင်း သိရသည်။ အဆိပ်ဖြစ်စေသည့် သတ္တုဓာတ်များသည် စိုက်ပျိုးမြေများတွင် ပါဝင်ရာမှ စားသုံးသီးနှံများသို့ ရောက်ရှိလာပြီး စားသုံးသူများအား ကင်ဆာရောဂါ အပါအဝင် ဘေးအန္တရာယ် ဖြစ်စေနိုင်သည်။ ထို့ကြောင့် ၂ဝ၁၉-၂ဝ၂ဝ ဘဏ္ဍာနှစ်မှစ၍ GAP စနစ်ဖြင့် စိုက်ပျိုးမည့် မြေများကို စိုက်ပျိုးရေးဦးစီးဌာန (အထက်မြန်မာပြည်) မြေအသုံးချရေး ဓာတ်ခွဲခန်းက စစ်ဆေးပေးလျက်ရှိသည်။ ယခုအချိန်အထိ လာရောက် စစ်ဆေးကြရာတွင် မန္တလေးတိုင်းဒေသကြီးမှ  မြို့နယ် ၂၃ မြို့နယ်၊ နေပြည်တော်၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ကယားပြည်နယ်၊ ရှမ်းပြည်နယ်တို့မှ တောင်သူများ ပါဝင်ကြပြီး စစ်ဆေးခမှာငွေကျပ် ၁၅ဝဝဝ ဖြစ်ကြောင်းသိရသည်။

နေ့စဉ်စားသုံးရန် အစားအသောက် ချက်ပြုတ်ကြော်လှော်ကြရာတွင် ဆေးဖက်ဝင်နနွင်းမှုန့်ကို ယခင်က အသုံးပြုကြသော်လည်း ယခုအချိန်တွင် အသုံးနည်းကြသည်။ နနွင်းမှုန့်သည် ဟင်းခတ်အမွှေးအကြိုင်တစ်မျိုး ဖြစ်သဖြင့် အိန္ဒိယတိုက်ခွဲနှင့် ကမ္ဘာ့အရှေ့ဖျားနိုင်ငံသားတို့ အသုံးများကြသည်။ လူတို့ဟင်းချက်ရာတွင် နနွင်း အသုံးပြုခြင်းသည် အရောင်ကျရန် သက်သက်မဟုတ်ဘဲ အဆိပ်အတောက်ပြေစေခြင်း၊ ရောင်ရမ်းသည်ကို ပျောက်ကင်းစေခြင်း သတ္တိရှိသည့်အပြင် အသက်ရှူလမ်းကြောင်းမှတစ်ဆင့် ကူးစက်သောရောဂါ၊ သတိမေ့ရောဂါ၊ နှလုံးရောဂါ၊ စိတ်ကျရောဂါနှင့် ကင်ဆာဆဲလ်များကြီးထွားမှုကို ကာကွယ်ပေးနိုင်သော သတ္တိရှိခြင်းတို့ကြောင့်ဖြစ်သည်။ ထို့ကြောင့်  အစားအစာများ ချက်ပြုတ်ကြော်လှော်ကြရာတွင် ဆေးဖက်ဝင်နနွင်းကို အသုံးပြုသင့်သည်။

ပြည်ပပို့ကုန်သီးနှံများ၊ အရည်အသွေးမီရန် ကြိုးပမ်းအားထုတ်ကြခြင်းသည် နိုင်ငံတော်အတွက် စီးပွားရေး အင်အား တောင့်တင်းရေးကို ဖြည့်ဆည်းပေးခြင်းနှင့် စိုက်ပျိုးရေး ကုန်ထုတ်လုပ်ငန်းများ ဖွံ့ဖြိုးရေးသက်ဆိုင်သူများ ကိုယ်တိုင်လက်တွေ့ပါဝင်မှုဖြစ်သည်။ နိုင်ငံတော်၏ စီးပွားရေးမူဝါဒသည် ပြည်သူကို ဗဟိုပြု၍ အားလုံးပါဝင်နိုင်သော စဉ်ဆက်မပြတ် တိုးတက်မှုရရှိစေရန် ရည်ရွယ်သည်။  အမျိုးသားပြန်လည်သင့်မြတ်ရေးကို အထောက်အကူ ရရှိစေရန် ဦးတည်၍ သဘာဝသယံဇာတ အရင်းအမြစ်များကို ရေရှည်ထိန်းသိမ်းလျက် တိုင်းဒေသကြီးနှင့် ပြည်နယ်များအကြား မျှတမှန်ကန်စွာခွဲဝေ အသုံးချနိုင်မည့် စီးပွားရေးမူဘောင်ချမှတ် ဆောင်ရွက်ရန် မျှော်မှန်းပါသည်ဟူ၍ ၂ဝ၁၆ ခုနှစ် ဇူလိုင် ၃ဝ ရက်ထုတ် နေ့စဉ်သတင်းစာများ၌ ဖော်ပြထားပြီး ဖြစ်သည်။ လူဦးရေနှင့်စိုက်ပျိုးမြေ အချိုးအစား မမျှတသော ဂျပန်နိုင်ငံ၌ သီးနှံစိုက်ပျိုးရာတွင် စင်မြင့်ပေါ်မှာ အလွှာလိုက်စိုက်ပျိုးသောစနစ် (Vertical Farming Techniques)ကို စမ်းသပ်အောင်မြင်ကြောင်း AFP သတင်း၌ တွေ့ရသည်။ အမေရိကန်ပြည်ထောင်စုနှင့် ဒိန်းမတ်နိုင်ငံ တို့တွင်လည်း အလားတူစိုက်ပျိုးကြောင်း သိရသည်။

ထို့ကြောင့် မြေအသုံးချမှု မှန်ကန်ရေးကို စိုက်ပျိုးရေး ဦးစီးဌာနက ဆောင်ရွက်ပေးသကဲ့သို့ စိုက်ပျိုးရေး ကုန်ထုတ်လုပ်ငန်း လုပ်ကိုင်ကြသူများ အနေဖြင့်လည်း စားသုံးသီးနှံများ အရည်အသွေး ပြည့်မီရေး ကြိုးပမ်းကြပါရန် မြဝတီက တိုက်တွန်း နှိုးဆော်လိုက်ရပါသည်။    

Read 74 times Last modified on Wednesday, 08 January 2020 09:14