SJ WorldNews - шаблон joomla Авто

နိုင်ငံတော်ကိုအလှဆင်နိုင်သူများဖြစ်ကြပါစေ

Friday, 13 March 2020 08:54 font size decrease font size decrease font size increase font size increase font size

လူသားတို့သည် နေ့စဉ်စားဝတ်နေရေးအတွက် လှုပ်ရှားရုန်းကန် နေကြသည်။ လူနှင့်လူချင်းအဆင့်အတန်းမီမီ စားဝတ်နေရေး ဖူလုံအောင် ဆောင်ရွက်နေသည်မှာ လူသားတို့၏ ဘဝပေးတာဝန် ဖြစ်သည်။ လူသားပီပီ လောဘဒေါသလုံးဝ ကင်းစင်ကြသူများမဟုတ်။ သို့ရာတွင် လောဘကို လိုသည်ထက်လည်း မပိုစေသင့်ပါ။

ကိုယ်ကျိုးလည်း ပါဝင်၊ အများအကျိုးကိုလည်း မထိခိုက်အောင် လုပ်ဆောင်နိုင်လျှင် ကောင်းမွန်သည်။ ကိုယ်ကျိုးလည်းပါ၊ အများအကျိုးကိုလည်း ဖြစ်ထွန်းစေလျှင်ကား ပို၍ကောင်းမွန်သည်။ ထိုသို့လုပ်ဆောင်ရန် လှုံ့ဆော်ခြင်းသည် လောဘမဟုတ် မွန်မြတ်သောဆန္ဒဖြစ်သည်။

လူသားတို့အတွက် ဒေါသဟူသည် မီးနှင့်တူသည်။ မီးသည် ပူလောင်သည်။ ဒေါသမီးကို ရင်ဝယ်ပိုက်သူသည် မိမိကိုယ်မိမိ အပူတိုက်ခြင်းဖြစ်၏။ မီး၏အပူကို သူခံရသည်ထက် ကိုယ်ကပို၍ခံရ၏။ ထို့ကြောင့် ဒေါသမီးကိုလည်း နိုင်သရွေ့နှိမ်နင်းငြှိမ်းသတ်ကြရမည် ဖြစ်သည်။ ဒေါသဟူသည် ခက်ထန်ကြမ်းတမ်းခြင်း သဘောဖြစ်၏။ စိတ်ညစ်နွမ်းမှု၊ စိတ်ပျက်မှု၊ စိတ်မချမ်းသာမှု၊ ကြောက်ရွံ့မှု၊ စိတ်ဆိုးမှု၊ စိတ်ကောက်မှု စသည်တို့သည်လည်း ဒေါသ၏ သဘောဖြစ်သည်။ ဒေါသကြောင့် ခိုက်ရန်ဖြစ်ပွားခြင်း၊ ဒေါသကြောင့် သူ့အသက်သတ်မိခြင်း တို့သည် လောက၏ အလှကို ဖျက်ဆီးခြင်းဖြစ်ပေသည်။

ဒေါသထက်ပို၍ ဆိုးသည်က လောဘဖြစ်သည်။ လောဘဟူသည် မိမိအတွက် ကာမဂုဏ်အာရုံတို့ကို လိုချင်တပ်မက်မှု သဘောဖြစ်၏။ လောဘသည် ရလေလိုလေအိုတစ္ဆေသဘောဖြစ်ပြီး မည်သည့်အခါမျှ ရောင့်ရဲတင်းတိမ်မှုမရှိ။ နိဗ္ဗာန်ကိုလိုချင်မှု၊ တရားကိုလိုချင်မှု၊ စာပေတတ်ချင်မှု၊ ဆင်းရဲသူများကို ပေးကမ်းလိုမှု စသည်တို့ကား လောဘမဟုတ် ဆန္ဒသာဖြစ်သည်။ လောဘ၏ အနက်ရှိုင်းဆုံးသော အဓိပ္ပာယ်ကို ဖော်ပြရလျှင် အလွန်အကျွံချမ်းသာလိုခြင်း ဖြစ်သည်။

နေ့စဉ်လူမှုဘဝ စားဝတ်နေရေးအတွက် လှုပ်ရှားရုန်းကန်ကြရာတွင် သမ္မာအာဇီဝကျသော လုပ်ငန်းဖြင့် အသက်မွေးဝမ်းကျောင်းပြုခြင်းသည် မိမိသူတစ်ပါးချမ်းသာမှုကိုရစေသည်။ ကောင်းကျိုးတိုးပွားစေသည့် အတွက် နိုင်ငံတော်ကို အလှဆင်နိုင်သူများဟု ဆိုနိုင်သည်။ သို့မဟုတ်ဘဲ ဘယ်သူသေသေ ငတေမာပြီးရော ဆိုသည့်စိတ်ထားဖြင့် လောဘကြီးလွန်းခြင်းသည် ဒေါသထက်ပိုမို ဆိုးရွားပေသည်။ ဒေါသထက် လောဘကား ပိုမို၍ လူများစွာကို သေစေနိုင်သည်။ လူသားများကို လူညွန့်တုံးစေသည်။ ဤသည်ကား မူးယစ်ဆေးဝါး ထုတ်လုပ်ဖြန့်ဖြူး ရောင်းဝယ်မှုပင် ဖြစ်သည်။

တပ်မတော်သည် နိုင်ငံအတွင်း မူးယစ်ဆေးဝါးကင်းစင်ရေးကို စဉ်ဆက်မပြတ် လုပ်ဆောင်လျက်ရှိသည်။

စစ်ဆင်ရေးပေါင်းများစွာ ဆင်နွှဲ၍ မူးယစ်ဆေးဝါး ပပျောက်ရေးကို လုပ်ဆောင်လျက် ရှိသည်မှာ ယနေ့တိုင်ဖြစ်သည်။ ရှမ်းပြည်နယ်(မြောက်ပိုင်း) ကွတ်ခိုင်မြို့နယ် ကောင်းခါးကျေးရွာနှင့် လွယ်ခမ်ကျေးရွာအနီး ပတ်ဝန်းကျင်နေရာများ၌ ဖေဖော်ဝါရီ ၂၈ ရက်မှ မတ် ၁၁ ရက်အထိ တပ်မတော်၏ မူးယစ်ဆေးဝါး ပပျောက်ရေး ဆောင်ရွက်မှုအရ စိတ်ကြွဆေးပြားမျိုးစုံ ၁၂၄၉၇၇ဝဝဝ ပြား၊ ဘိန်းဖြူ ၁၉၂ ဒသမ ၉၂ ကီလို၊ ဘိန်းညို ၂၇၁ ကီလို၊ ဘိန်းဖြူခဲ ၁ ဒသမ ၆ ကီလိုဂရမ်၊ ဘိန်းဆီခဲ ၁၆ ကီလို၊ ဆေးပြားအကြေမှုန့် ၂ ဒသမ ၆၅ ကီလို၊ ဘိန်းစိမ်း ၁ဝ ကီလိုနှင့်ှုဃန ၄၃၃ ဒသမ ၅ ကီလိုဂရမ် စုစုပေါင်းမူးယစ် ဆေးဝါးများ၏ ခန့်မှန်းတန်ဖိုးမှာ ငွေကျပ်  ၂၇၂  ဘီလီယံကျော်နှင့် မူးယစ်ဆေးဝါး ချက်လုပ်ရာတွင် အသုံးပြုသည့် ဆက်စပ်ပစ္စည်း ၁၈၅ မျိုး၏ ကာလတန်ဖိုးမှာ ငွေကျပ် ၁ ဘီလီယံကျော်ဖြစ်ရာ စုစုပေါင်းငွေကျပ် ၂၇၄ ဘီလီယံကျော် ဖမ်းဆီးရမိခဲ့သည်။ တပ်မတော်၏ ဆောင်ရွက်ချက်မှာ နိုင်ငံတော်ကို အလှဆင်လိုက်ခြင်း ဖြစ်သည်။

မြန်မာနိုင်ငံတွင် ကိုလိုနီခေတ်မှ စတင် အမြစ်တွယ်နေသော မူးယစ်ဆေးဝါးကြောင့် နိုင်ငံတော်၏ အလှများ ပျက်ယွင်းခဲ့ရသည်။ ပါကစ္စတန်ပြီးလျှင် မြန်မာနိုင်ငံသည် ဒုတိယအများဆုံးဟူသော မူးယစ်ဆေးဝါး ထွက်သည့်အမည်ဆိုးကို တပ်မတော်က အစဉ်တစိုက် တိုက်ဖျက်နေသော်လည်း စီးပွားရေးလောဘသမားများကြောင့် ခရီးပေါက်သင့်သလောက် မပေါက်ခဲ့ပေ။ စီးပွားရေးလောဘသမားများအတွက် ကိုယ်ကျိုးစီးပွားသာ အဓိက ဖြစ်နေသည်။ မူးယစ်ဆေးဝါးကြောင့် လူငယ်လူရွယ်များ လမ်းမှားရောက်နေခြင်း၊ မိသားစုများ မျက်ရည်ဖြိုင်ဖြိုင် ကျနေရခြင်း၊ အရွယ်မတိုင်မီ မူးယစ်ဆေးဝါးကြောင့် လူငယ်များတဖြုတ်ဖြုတ် ကြွေလွင့်နေရခြင်းတို့သည် သူတို့နှင့်လားလားမျှ မဆိုင်သည့်ပမာ ဖြစ်နေသည်။ ထို့ကြောင့် ဒေါသထက်ပိုမို၍ လူသတ်မှု၊ လူသေမှု ကျူးလွန်နေသော လောဘကား ကြောက်စရာကောင်းလှသည်။ အရင်းစစ်ကြည့်လျှင် ကိုလိုနီအမွေဆိုး၏ အန္တရာယ်မီးသည် ယနေ့တိုင် တောက်လောင်နေဆဲ ဖြစ်သည်။

တပ်မတော်သည်ကား အမျိုးသားရေးကို ဘယ်တော့မှ သစ္စာမဖောက် ဆိုသည့်အတိုင်း ပြည်သူလူထု၏ လူနေမှုဘဝ အေးချမ်းတည်ငြိမ်စေရေးကို ထာဝရရှေးရှု လုပ်ဆောင်လျက်ရှိသည်။ ပြည်သူများအပေါ် ကျရောက်လာမည့် ရန်စွယ်အန္တရာယ်ဟူသမျှကို တိုက်ဖျက်လျက်ရှိသည်။ လူသားတစ်ဦး သို့တည်းမဟုတ် နိုင်ငံသားတစ်ဦး အနေဖြင့် မွေးဖွားသည်မှ သေဆုံးသည်အထိ စိတ်ချမ်းသာ ကိုယ်ကျန်းမာ ရှိစေချင်သည်။ လူတိုင်း၏ ဘဝကို သာယာလှပစေသလို နိုင်ငံတော်၏ အလှကိုလည်း ဆောင်ရွက်လျက်ရှိသည်။ ပြည်သူလူထုတစ်ရပ်လုံးအနေဖြင့်လည်း လောဘသမားများ၏ အန္တရာယ်မှ လွတ်ကင်းစေရေးအတွက် အသိတရားရှိရှိ၊ သတိတရားရှိရှိ သွားလာ နေထိုင်သင့်ကြသည်။ သို့မှသာ မိမိတို့အားလုံးသည် နိုင်ငံတော်ကို အလှဆင်နိုင်သူများ ဖြစ်ကြပေမည်။ တပ်မတော်နှင့်အတူ ''နိုင်ငံတော်ကို အလှဆင်နိုင်သူများ ဖြစ်ကြပါစေ''။   

Read 36 times Last modified on Friday, 13 March 2020 08:55