SJ WorldNews - шаблон joomla Авто

အပြောမှန် အလုပ်မှန် အရိုးခံ နှလုံးသား

Sunday, 15 March 2020 11:04 font size decrease font size decrease font size increase font size increase font size

အယ်ဒီတာ့အာဘော်

(၂၀၂၀ ပြည့်နှစ်၊ မတ် ၁၅ ရက်)

တပ်မတော်သည်   နယ်ချဲ့ဆန့်ကျင်ရေး၊  ဖက်ဆစ်တိုက်ဖျက်ရေး၊   လွတ်လပ်ရေးရရှိရေး   စသော တိုက်ပွဲပေါင်း၊ အခက်အခဲပေါင်းများစွာဖြတ်ကျော်ခဲ့ရသော သမိုင်းကောင်းအစဉ်အလာရှိသည်။ တပ်မတော်၏ မူလသနေအစသည် ဘီအိုင်အေ ခေါ် ဗမာ့လွတ်လပ်ရေးတပ်မတော်ပင်ဖြစ်သည်။ ဘီအိုင်အေဟုဆိုလိုက် သည်နှင့် ဗိုလ်ချုပ် အောင်ဆန်းနှင့် ရဲဘော် သုံးကျိပ်သည် မြန်မာနိုင်ငံလွတ်လပ်ရေးအတွက် စွန့်ဦးတီထွင် တိုက်ပွဲဝင်သူများဟု သိမြင်ကြသည်။ ၁၉၄၇ ခုနှစ်တွင် ဗိုလ်ချုပ်အောင်ဆန်းကျဆုံးသည်။ ၁၉၄၈ ခုနှစ်တွင် လွတ်လပ်ရေးရရှိသည်။ လွတ်လပ်ရေး နှင့်အတူ ပြည်တွင်းသောင်းကျန်းမှု ပေါ်ပေါက်ခဲ့သည်။ ဗိုလ်ချုပ်အောင်ဆန်း ကျဆုံးမှုတွင် နယ်ချဲ့အင်္ဂလိပ် တို့၏ ပယောဂ(အားထုတ်မှု၊ လှုံ့ဆော်မှု၊ နှောင့်ယှက်မှု)ပါဝင်ကြောင်း သမိုင်းတွင် အထင်အရှားရှိခဲ့သည်။ ပြည်တွင်းသောင်းကျန်းမှုသည်လည်း နယ်ချဲ့တို့၏သွေးထိုးလှုံ့ဆော်မှုအဓိကပါဝင်သည်။

ထိုစဉ်က တပ်မတော်၏အင်အားနှင့် ရောင်စုံသောင်းကျန်းသူအင်အား နှိုင်းယှဉ်လျှင် သောင်းကျန်းသူက အင်အားသာ လွန်သည်။ မြို့နယ်ပေါင်း ၁၇၃ မြို့နယ်၊ ကျေးရွာပေါင်း ၁၀၇၀၀ ရွာမှာ သောင်းကျန်းသူတို့ ကြီးစိုးထားသည်။ ထို့ကြောင့် ကမ်္ဘာက မြန်မာအစိုးရကို ရန်ကုန်အစိုးရဟုလှောင်ပြောင်ခဲ့သည်။ ထိုစဉ်က လွတ်လပ်ရေးရသည်မှ ၁၉၅၆ ခုနှစ်အထိ သောင်းကျန်းမှုနှိမ်နင်းရေးတွင် တပ်မတော်၊ ပြည်သူ့ရဲ၊ မီးသတ်၊ သစ်တော၊ လက်နက်ကိုင်တပ်ဖွဲ့ဝင် ၅၇၆၈ ဦး တိုင်းပြည်အတွက်အသက်ပေးလှူခဲ့ရပြီး ၃၈၅၀၀ ဦး ထိခိုက် ဒဏ်ရာရခဲ့သည်။ ရန်သူအကျအဆုံးမှာ ၆၆၀၇၅ ဦးဖြစ်သည်။ နိုင်ငံတော်ပိုင် ပစည်း သုံးကုဋေရှစ်သန်းကိုးသိန်း ကျော်ခန့်  ပျက်စီးဆုံးရှုံးခဲ့ရကြောင်း   ထိုစဉ်က ပြည်ထဲရေးအတွင်းဝန်   သခင်ချစ်မောင်(မြန်အောင်)၏ လွှတ်တော်တွင်ဖြေကြားချက်အရ သိရှိရသည်။ အလွန်တရာ အခက်အခဲနှင့်ရင်ဆိုင်နေရချိန်တွင် တပ်မတော်သည် နိုင်ငံတော်အတွက် အပြောမှန် အလုပ်မှန် အရိုးခံနှလုံးသားဖြင့် စွန့်လွှတ်စွန့်စားတိုက်ပွဲဝင်ခဲ့သည်။

ထို့ကြောင့် နိုင်ငံတော်အစိုးရ၏အာဏာစက် တစ်ပြည်လုံးသို့ဖြန့်ကြက်နိုင်ခဲ့သည်။ လွတ်လပ်ရေးရပြီးသည်မှ ၁၉၆၂ ခုနှစ်အထိ ကာလများသည် ပါတီစုံဒီမိုကရေစီစနစ်ကျင့်သုံးသည့် အချိန်အခါများဖြစ်သည်။ ပါတီစုံဟုဆိုသော်လည်း တစ်ပါတီတည်းကသာ မဲအသာစီးဖြင့်အနိုင်ရလေ့ရှိသည်။

ဖဆပလသည် ဗိုလ်ချုပ်အောင်ဆန်းကိုယ်တိုင်ပါဝင်ခဲ့ပြီး လွတ်လပ်ရေးကြိုးပမ်းမှုသမိုင်းမှာ ထင်ရှားသည့် အတွက် ပြည်သူလူထု၏စိတ်တွင် စွဲမြဲနေသည်။ ထိုဖဆပလသည်ပင် မညီမညွတ်နှင့် လူသိထင်ရှားသဘောထား ကွဲသွားသည်။ သန့်ရှင်းနှင့်တည်မြဲဟူ၍ အမည်တွင်လာပြီး နိုင်ငံ့ကောင်းကျိုးထက် မိမိတို့၏အစိုးရအာဏာ ဆက်လက်တည်မြဲရေး ကြိုးပမ်းကြသည်။ တိုင်းရင်းသားစည်းလုံးညီညွတ်ရေးခိုင်မြဲအောင် မတည်ဆောက်နိုင် သောအခါ နိုင်ငံတော်ပြိုကွဲမည့် အနရာယ်ကြုံတွေ့ရသည်။

တပ်မတော်သည်ကား နိုင်ငံတော်ကာကွယ်ရေးတာဝန်၊ လေ့ကျင့်ရေးတာဝန်နှင့် ပြည်သူ့အကျိုးပြုလုပ်ငန်း တာဝန်များကို ထမ်းဆောင်ရင်း ပြည်တွင်းသောင်းကျန်းသူချုပ်ငြိမ်းရေးကို ဆောင်ရွက်သည်။ ပြည်တွင်း သောင်းကျန်းမှု နှိမ်နင်းရေးတွင် လူသားမျိုးနွယ်တစ်ရပ်လုံးကိုဒုကပေးနေသည့် မူးယစ်ဆေးဝါးပပျောက်ရန် ဆောင်ရွက်မှုများလည်းပါဝင်သည်။  ထိုစစ်ဆင်ရေးများတွင် တပ်မတော်သားများ အသက်ခနာစွန့်လွှတ် ခဲ့ရသည်များ ရှိခဲ့သည်။ ထိုစဉ်က တစ်ပါတီစနစ်၏ စီးပွားရေးလုပ်ငန်းများကျဆင်းလာခြင်းကြောင့် ပြည်သူတို့၏ အပြောင်းအလဲ မျှော်လင့်ချက်များ ကြီးမားလာခဲ့သည်။

၁၉၈၈ ခုနှစ်တွင် ရိုးသားစွာ ဆနဖော်ထုတ်ရာမှ ပြည်တွင်းပြည်ပ၏သွေးထိုးလှုံ့ဆော်မှုများကြောင့် အကြမ်းဖက် အရေးအခင်း ဖြစ်လာခဲ့သည်။ အစိုးရတစ်ရပ်၏အုပ်ချုပ်မှု ယနရားပျက်ယွင်းသွားပြီးနောက်  တပ်မတော်က နိုင်ငံ့တာဝန် အရပ်ရပ်ကိုလွှဲပြောင်းယူခဲ့ရသည်။ နိုင်ငံရေး၊ စီးပွားရေး၊ လူမှုရေးဦးတည်ချက် များချမှတ်ကာ ၈၈ အရေး အခင်းကြောင့် ပျက်စီးသွားသောနိုင်ငံတော်ကို ပြန်လည်တည်ဆောက်ရသည်။

မြစ်ကူးချောင်းကူးတံတားကြီးများ၊ ဆည်မြောင်း တာတမံများ၊ ကားလမ်း၊ ရထားလမ်းများ၊ တကသိုလ်ကျောင်းများ၊ ဘာသာရေးဆိုင်ရာ အဆောက်အအုံများ၊ အနော်ရထာ၊ ဘုရင့်နောင်၊ အလောင်းမင်းတရားနှင့် မင်းတုန်းမင်း တို့၏ နန်းတော်များ အစရှိသဖြင့် ရေတွက်မကုန်နိုင်အောင် များပြားစွာတည်ဆောက်ပေးခဲ့သည်။

ပြည်သူတို့ လိုလားတောင့်တနေသော ပါတီစုံဒီမိုကရေစီစနစ်ကို ခိုင်ခိုင်မာမာ အုတ်မြစ်ချပေးပြီး ၂၀၁၁ခုနှစ် မတ် ၃၁ ရက်နေ့တွင် ရွေးကောက်ပွဲ အနိုင်ရ အစိုးရအဖွဲ့သို့ တိုင်းပြည်ကို ပြန်လည် အပ်နှံခဲ့သည်။

တပ်မတော်သည် နိုင်ငံတော် ကာကွယ်ရေးအတွက် အဓိကအကျဆုံးသော လက်နက်ကိုင်တပ်ဖွဲ့ဖြစ်သည်နှင့် အညီ နိုင်ငံတော်တွင် နိုင်ငံတော်နှင့် နိုင်ငံသားများအတွက် ဘေးအန်္တရာယ်ကျရောက်လာလျှင် တပ်မတော်က ကူညီ ဆောင်ရွက်လျက်ရှိသည်။ ပြည်သူ့အတွက်ဆိုလျှင် တပ်မတော်သည်““အပြောမှန်  အလုပ်မှန်  အရိုးခံ နှလုံးသား””နှင့် ဆောင် ရွက်လျက် ရှိပါကြောင်း မြ၀တီက ဖော်ညွှန်းလိုက်ရပါသည်။  

Read 176 times Last modified on Sunday, 15 March 2020 11:05