SJ WorldNews - шаблон joomla Авто

ကိုယ့်အားကိုယ်ကိုး စီးပွားတိုး ကောင်းကျိုးဖြာဝေ တို့တိုင်းပြည်

Saturday, 21 March 2020 09:52 font size decrease font size decrease font size increase font size increase font size

မြန်မာမှုနယ်ပယ်တွင်  ကိုယ့်အားကိုယ်ကိုးဟူသောစကားကို တွင်တွင်ကျယ်ကျယ်အသုံးပြုလျက် ရှိသည်။  ကိုယ့်အားကိုယ်ကိုးဟူသောစကားနှင့်အဓိပ္ပာယ်တူသည်မှာ ကိုယ်ထူကိုယ်ထဟူသောစကားဖြစ် သည်။ ကိုယ်ထူကိုယ်ထဟူသည် ထူမှထသည့် အဓိပ္ပာယ်မျိုးသက်ရောက်သည့်အတွက် အချို့က မနှစ်သက် ကြပေ။  ကိုယ့်အား ကိုယ်ကိုးဟူသော ဝေါဟာရသည် အများနားလည်ပြီးဖြစ်သည့် စကားဖြစ်၍ အဓိပ္ပာယ် ဖွင့်ဆိုရန် မလိုသလောက် ရှင်းနေပြီဖြစ်သည်။ ကိုယ့်အား ကိုယ်ကိုး စကားနှင့် အဓိပ္ပာယ်ခြားနားခြင်းမရှိသော    အခြားစကားလုံး တစ်ခုမှာ''ဥစ္စာရင်လို ဥစ္စာရင်ခဲ''ဟူသောစကားပင်ဖြစ်သည်။

''ကိုယ့်အားကိုယ်ကိုး၊ ကိုယ်ထူကိုယ်ထ၊ ဥစ္စာရင်လို ဥစ္စာရင်ခဲ''ဟူသောစကားရပ်များသည် မည်သည့် အလုပ်ကိုလုပ်လုပ်၊ တစ်နည်းအားဖြင့် မိမိအားတာဝန်ပေးအပ်လျှင် ၄င်းတာဝန်ကိုမရှောင်လွှဲဘဲ ကိုယ်တိုင် လုပ်ရန် ဖော်ပြပါစကားရပ်များကိုညွှန်ပြထားခြင်းဖြစ်ပေသည်။ မိမိကိုယ်မိမိယုံကြည်မှုရှိမှသာ ကိုယ့်အား ကိုယ်ကိုးသောစိတ်ရှိလာမည်ဖြစ်သည်။ ဥပမာအားဖြင့် မြစ်ချောင်းကမ်းဘေးနေထိုင်သူသည် ရေကိုကြောက်နေ ၍မဖြစ်ပေ။ ရေကူးတတ်မှဖြစ်မည်။ ရေကူးတတ်အောင် သင်ရမည်။ ထို့အတူ စက်ဘီးစီးခြင်း၊ ကားမောင်းခြင်း တို့   မဖြစ်မနေလိုအပ်လျှင်  မတတ်တတ်အောင် သင်ရပေမည်။  ဤသို့   သင်ကြားတတ်မြောက်သည်မှာ ကိုယ့်အား ကိုယ်ကိုး စိတ်ဓာတ်ဖြစ်ပေသည်။

သူတစ်ပါးအပေါ်အားကိုးအားထားပြုတတ်သူသည် ကြာသော် မိမိစွမ်းဆောင်ရည်ကျဆင်းလာတတ် သည်။ ကိုယ့်အားကိုယ်ကိုးစိတ်လျော့နည်းလာနိုင်သည်။ သူတစ်ပါးအကူအညီမပါလျှင် ဘာမှမလုပ်တတ်ဖြစ် လာမည်။ ထိုသို့ သူတစ်ပါးအားမှီခိုနေသူသည် နောက်ဆုံး၌ သူတစ်ပါးကလာရောက်ပံ့ပိုးလုပ်ကိုင်ဆောင်ရွက် ပေးခြင်းမရှိလျှင် မိမိကိုယ်တိုင်ပင် တစ်စုံတစ်ရာအားထုတ်လုပ်ကိုင်ဆောင်ရွက်ခြင်း မပြုတတ်တော့ချေ။

သက်ရှိသတ္တဝါတို့တွင် လူသည် အသိဉာဏ်အရှိဆုံးဖြစ်သည်။ ဆင်ခြင်စဉ်းစာဉာဏ်လည်းရှိသည်ဥ နေ့စဉ်နှင့် အမျှကြုံတွေ့ရသည့် အမှုကိစ္စကြီးငယ်မှန်သမျှကို အကျိုးအကြောင်းဆင်ခြင်လျက် ဆောင်ရွက်တတ် ရန် အရေးကြီးသည်။  မည်သည့်ကိစ္စမဆို အခက်အခဲမရှိ လွယ်လင့်တကူပြီးမြောက်နိုင်သည်ဟူ၍မရှိပေ။  လောက၌ခက်ခဲလေလေ အဖိုးတန်လေလေဖြစ်သည်။ အဖိုးတန်လေလေ လူတို့၏စိတ်၌ မြတ်နိုးလေလေဖြစ် သည်ကိုထောက်ရှုသော် လူတို့၏သဘောသည် ခက်ခဲခြင်းကိုကြိုက်နှစ်သက်ကြောင်း သိနိုင်သည်။ ထို့ကြောင့်  ခက်ခဲခြင်းကိုမကြောက်ပါနှင့်၊ ခက်ခဲခြင်းကိုမရှောင်လွှဲပါနှင့်၊ ခက်ခဲခြင်းကိုအောင်မြင်စွာကျော်နင်းမှသာ  အောင်မြင်မှုရှိလာပေမည်။ အခက်အခဲမရှိဘဲ အောင်မြင်မှုမရှိနိုင်ပေရာ လူတစ်ဦးချင်းစီသည် ကိုယ့်အား ကိုယ်ကိုး၍ ယုံကြည်စိတ်အပြည့်ဖြင့် အောင်မြင်မှု ပန်းတိုင်သို့ ချီတက်သင့်သည်။

ကိစ္စမြားမြောင်လူတို့ဘောင်တွင် လူမှုကိစ္စဟူသမျှသည် ကိုယ်တိုင်ပြုဖူး၊ တွေ့ကြုံဖူးမှသာလျှင် တတ် မြောက်နိုင်သည်။ ကိုယ်တိုင်မပြုဘဲ သူတစ်ပါးလုပ်ဆောင်ပေးသဖြင့် ကိစ္စပြီးမြောက်သော်လည်း ကိုယ်တိုင်မှာမူ

မတတ်မြောက်နိုင်ပေ။ သူတစ်ပါးသာလျှင် တတ်မြောက်သွားပေမည်။ ဤသို့ဖြင့် မိမိသည် တပည့်ဘဝမှ  မည်သည့်အခါမျှရုန်းထွက်နိုင်မည်မဟုတ်ပေ။ မြန်မာစကားပုံတွင် ''အကျိုးလိုလို့ ညောင်ရေ လောင်း ပတ်ထမ်း တွေ့'' ဟူသောစကားပုံတစ်ခုရှိသည်။  တစ်စုံတစ်ခုသောအကျိုးကိုမျှော်မှန်း၍ ညောင်ရေပွဲကိုနွှဲရာမှ  ပတ်မကြီး ဝင်ထမ်းရသကဲ့သို့ အကျိုးတစ်စုံတစ်ရာရမည်ဟုမျှော်မှန်း၍ ပါဝင်ဆောင်ရွက်ခါမှ ထင်သလို ဖြစ်မလာဘဲ အဆိုးနှင့်ကြုံရသည်။

မြန်မာနိုင်ငံတွင် လွန်ခဲ့သောနှစ်ပေါင်း ၇၅ နှစ်ကျော်က ဤကဲ့သို့ဖြစ်စဉ်မျိုး အမှန်တကယ်ရှိခဲ့သည်။ ခေတ်ကာလအားဖြင့် ကိုလိုနီခေတ်ဖြစ်သည်။ ထီးကျိုးစည်ပေါက် ကျွန်ဘဝရောက်နေသည့်မြန်မာနိုင်ငံအား ကယ်တင်ရန် မျိုးချစ် လူငယ်ရဲဘော်သုံးကျိပ်တို့သည် ဂျပန်တို့ထံမှ စစ်ပညာသင်ကြားတတ်မြောက်ခဲ့ကြသည်။ မြန်မာ့လွတ်လပ်ရေးတပ်မတော်(BIA) ကို ၁၉၄၁ ခုနှစ် ဒီဇင်ဘာ ၂၇ ရက်တွင် စတင်ဖွဲ့စည်းခဲ့ပြီး ဂျပန် တပ်များနှင့်အတူ နယ်ချဲ့အင်္ဂလိပ်တို့ကိုတိုက်ထုတ်နိုင်ခဲ့သည်။ ၁၉၄၃ ခုနှစ် သြဂုတ် ၁ ရက်တွင် ဂျပန်တို့က ရွှေရည်စိမ်လွတ်လပ်ရေးပေးခဲ့သည်။ မြန်မာတို့လိုချင်သည်က လွတ်လပ်ရေးအစစ် ဂျပန်ပေးသည်ကအတု ဖြစ်နေသည်။ ထို့ပြင် မြန်မာ့တပ်မတော်ကိုလည်း အမြဲစောင့်ကြပ်ကြည့်ရှုပြီး ရန်လိုမုန်းထားဖြစ်နေသည်။

သူတစ်ပါးအားကိုးအကျိုးမရှိ ကိုယ့်အားကိုယ်ကိုးမှ ဖြစ်တော့မည်။ ထို့ကြောင့် ဗိုလ်ချုပ် အောင်ဆန်း ဦးဆောင်သော မြန်မာ့တပ်မတော်သည် ၁၉၄၅ ခုနှစ် မတ် ၂၇ ရက် တွင် ဖက်ဆစ်ဂျပန်တို့အား မြန်မာ့မြေပေါ်မှ မောင်းထုတ်ခဲ့သည်။ ရဟန်းရှင်လူ ပြည်သူ အပေါင်းကလည်း အားတက် သရောဖြင့် ကျရာတာဝန်ကို ထမ်းဆောင်ကြသည်။ မတ်လ ၂၇ ရက် တော်လှန်ရေးစတင်သည့်နေ့ သည် မြန်မာ့တပ်မတော်အဖြစ် ကိုယ့်အားကိုယ်ကိုး စတင်ရပ်တည်ခဲ့သောနေ့ဖြစ်သည်။ ထိုနေ့မှစ၍ မြန်မာ နိုင်ငံသမိုင်းတွင် အမှီအခိုကင်းသော၊ ကိုယ့်အားကိုယ်ကိုးသော တပ်မတော်အဖြစ်ရပ်တည်ခဲ့သည်မှာ ယနေ့တိုင် ဖြစ်သည်။ တပ်မတော်သည် တိုင်းပြည်ကောင်းကျိုးကို ထာဝစဉ်သယ်ပိုးဆောင်ရွက်နေသည်။ ထို့ကြောင့်  ''ကိုယ့်အားကိုယ်ကိုး စီးပွားတိုး ကောင်းကျိုးဖြာဝေ တို့တိုင်းပြည်''အဖြစ် ထာဝစဉ်ရှင်သန်နေမည်ဖြစ်ပါ ကြောင်း။  

Read 128 times