SJ WorldNews - шаблон joomla Авто

တာဝန်သိမှု တာဝန်ယူမှု တာဝန်ခံမှု အပြည့်ဖြင့် ဆောင်ရွက်ခြင်း

Wednesday, 25 March 2020 09:24 font size decrease font size decrease font size increase font size increase font size

တပ်မတော်သည် နိုင်ငံတော်ကာကွယ်ရေးအတွက် အဓိက အကျဆုံးသော လက်နက်ကိုင်တပ်ဖွဲ့ဖြစ်သည်။ နိုင်ငံတော် အတွင်းရှိ လက်နက်ကိုင်အဖွဲ့အစည်း အားလုံးသည် တပ်မတော်၏ ကွပ်ကဲမှုအောက်တွင် ရှိရမည်။ နိုင်ငံတော်အား ပြည်တွင်းပြည်ပ အန္တရာယ်များမှ ကာကွယ်ရေးအတွက် တပ်မတော်က ဦးဆောင်ရမည်။ နိုင်ငံတော်တွင် နိုင်ငံတော်နှင့် နိုင်ငံသားများအတွက် ဘေးအန္တရာယ်များ ကျရောက်လာလျှင် တပ်မတော်က ကူညီဆောင်ရွက်ရမည် ဟူ၍ ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ (၂ဝဝ၈ ခုနှစ်) အခန်း(၇)တွင် ပြဋ္ဌာန်းထားသည်။

တပ်မတော်သည် မြန်မာနိုင်ငံလွတ်လပ်ရေး သမိုင်းကြောင်းနှင့်အတူ ဖြစ်ထွန်းပေါ်ပေါက်လာခဲ့ပြီး နိုင်ငံတော်နှင့် နိုင်ငံသားများ ဘေးအန္တရာယ်နှင့် ကြုံတိုင်းကူညီ ဆောင်ရွက်လျက်ရှိသည်။ စစ်မက်ဘေး၊ သဘာဝဘေး များ ကျရောက်သည့် အခါတိုင်း တပ်မတော်သားတို့ အချိန်မဆိုင်း ရောက်ရှိကူညီသည်။ ကျန်းမာရေးအတွက် ဆိုလျှင်လည်း တိုင်းစစ်ဌာနချုပ် နယ်မြေများအလိုက် ဒေသခံပြည်သူများ၏ ကျန်းမာရေးကို နယ်လှည့်ဆေးကုသရေး အဖွဲ့များ စေလွှတ် ဆောင်ရွက်ပေးသည်။

ယခုနှစ်တွင် ထူးထူးခြားခြား ပေါ်ပေါက်လာသော ကမ္ဘာ့ကပ်ရောဂါမှာ COVID-19 ဖြစ်သည်။ ကမ္ဘာတစ်ဝန်းရှိ နိုင်ငံများတွင် ဖြစ်ပွားလျက်ရှိပြီး ကမ္ဘာ့ကျန်းမာရေး အဖွဲ့က ၂ဝ၂ဝ ပြည့်နှစ် မတ် ၁၁ ရက်တွင် တစ်ကမ္ဘာလုံး ကူးစက်နိုင်သောရောဂါ (Pandemic)အဆင့် ပြည်သူ့ကျန်းမာရေး အရေးပေါ် အခြေအနေအဖြစ် ကြေညာခဲ့ရသည်။ ထိုရောဂါစတင် ဖြစ်ပွားသည့်နေရာမှာ တရုတ်ပြည်သူ့သမ္မတနိုင်ငံ ဝူဟန်မြို့ဖြစ်သည်။ တပ်မတော် အနေဖြင့် ၂ဝ၂ဝ ပြည့်နှစ် မတ် ၂၇ ရက်တွင် စည်စည်ကားကားခမ်းခမ်းနားနား ကျင်းပရန် ပြင်ဆင်ထားသည့် စိန်ရတုတပ်မတော်နေ့ အခမ်းအနားကိုပင် ထိုကပ်ရောဂါကြောင့် ဆိုင်းငံ့ထားခဲ့သည်။ ထို့ပြင် တပ်မတော် အနေဖြင့် COVID-19 ကြိုတင်ကာကွယ်ရေး လုပ်ငန်းများကို ဆောင်ရွက်ခဲ့သည်။

Coronavirus Disease 2019(COVID-19) ရောဂါကာကွယ်ကုသရေး အထောက်အကူပြုဆေးနှင့် ဆေး ပစ္စည်းများ လှူဒါန်းခြင်း၊ တိုက်ပွဲရှောင်ပြည်သူများနှင့် စစ်ဆင်ရေး တာဝန်ထမ်းဆောင်နေသည့် တပ်မတော်သားများအတွက် အလှူငွေများ ပေးအပ်လှူဒါန်းခြင်းကို ရန်ကုန်တိုင်းဒေသကြီး မင်္ဂလာဒုံမြို့နယ်ရှိ တပ်မတော်  အရိုးရောဂါ အထူးကု ဆေးရုံကြီး၌ မတ် ၂၃ ရက်ကကျင်းပပြုလုပ်ရာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် အမှာစကားပြောကြားပြီး  အလှူငွေများ  လက်ခံရယူခဲ့သည်။ တပ်မတော်ကာကွယ်ရေးဦးစီးချုပ်က ''တပ်မတော်မှလည်း အဆိုပါရောဂါဖြစ်ပွားမှု အခြေအနေများကို မပြတ်လေ့လာ စောင့်ကြည့်ခဲ့ပြီး ရောဂါဖြစ်ပွားမှုနှင့် ကူးစက်မှုနှုန်း မြင့်တက်လာသည့်အတွက် ဆွေးနွေးတိုင်ပင်မှုများ ပြုလုပ်ကာ ယခုလ ၂၇ ရက်နေ့တွင် ကျရောက်မည့် (၇၅)နှစ်မြောက် စိန်ရတုတပ်မတော်နေ့ စစ်ရေးပြအခမ်းအနားကို ဆိုင်းငံ့ထားရှိခဲ့ကြောင်း၊ တပ်မတော်အနေဖြင့် တာဝန်သိမှု၊ တာဝန်ယူမှု၊ တာဝန်ခံမှု အပြည့်ဖြင့် ဆောင်ရွက်ခြင်း ဖြစ်ကြောင်း၊ COVID-19 ရောဂါဖြစ်ပွားနေသော အချို့နိုင်ငံများတွင် ငှက်ဖျားရောဂါကုသသည့် Chloroquine ဆေးအား ကုသမှုများတွင် အသုံးပြုခဲ့ရာ အထောက်အကူ ရရှိသည်ဟု သိရှိရကြောင်း၊ ၄င်းဆေးသည် တပ်မတော်၌ ငှက်ဖျားရောဂါကုသဆေးအဖြစ် အသုံးပြုလျက် ရှိသောကြောင့် တပ်မတော်၏ အရန်ထားရှိသည့် ဆေးများအနက်မှ ထုတ်နုတ်၍ တိုင်းစစ်ဌာနချုပ်များအလိုက် နယ်စပ်ဒေသမြို့များရှိ ဆေးရုံများသို့ သွားရောက်ပေးအပ် လှူဒါန်းပေးခဲ့ကြောင်း'' ပြောကြားခဲ့သည်။

တပ်မတော်၏ ဆောင်ရွက်ချက်များကို နှစ်ခြိုက်အားပေးလိုသည့် အလှူရှင်များကလည်း (COVID-19) ရောဂါကုသရေး အထောက်အကူပြုဆေးနှင့် ဆေးပစ္စည်းများ ပေးအပ်လှူဒါန်းကြသည်မှာ ဝမ်းသာဖွယ်ဖြစ်သည်။ ရောဂါတစ်ခုကို ကုသခြင်းထက် ကြိုတင်ကာကွယ်ခြင်းက ပိုမို၍ ထိရောက်သည်။ ရောဂါကာကွယ်ရေးတွင်လည်း ပြည်သူအားလုံး ပါဝင်ဆောင်ရွက်နိုင်မှသာ အောင်မြင်မှုရပေမည်။ ပြည်သူတစ်ရပ်လုံးနှင့် တပ်မတော်သားမိသားစုများ အားလုံး  သိရှိလိုက်နာ ဆောင်ရွက်နိုင်ရေးအတွက်  ရောဂါကာကွယ်ရာတွင် လိုအပ်သည့် လက်ဆေးနည်း၊ Mask တပ်ဆင် အသုံးပြုနည်းများနှင့် ရောဂါအကြောင်း သိကောင်းစရာများကိုလည်း မြဝတီရုပ်မြင်သံကြားနှင့် သတင်းစာတို့တွင် နေ့စဉ်မပြတ် ဖော်ပြပေးလျက်ရှိသည်။

တပ်မတော်သည် မည်သည့်ကိစ္စရပ်တွင်မဆို  စည်းစနစ်ကျနစွာ ကြိုတင်ပြင်ဆင်မှု ပြုလုပ်သည်။ COVID-19 ရောဂါဖြစ်ပွားလာပါက ကုသပေးနိုင်ရန် တပ်မတော်တစ်ရပ်လုံး အနေဖြင့် အရေးပေါ်လူနာအတွက် စုစုပေါင်း ၂၄ ခုတင်နှင့် ရောဂါပိုးတွေ့ရှိ လူနာများအတွက် စုစုပေါင်း ၇ဝ၈ ခုတင်ကို ကြိုတင် ဆောင်ရွက်ထားပြီး လိုအပ်ပါက လူနာခုတင် ၄၅၂ ခုတင်ကို ထပ်မံတိုးချဲ့နိုင်ရေး ကြိုတင်စီစဉ်ထားရှိပြီး ဖြစ်သည်။ သံသယရှိ လူနာများကို သီးခြားစောင့်ကြပ် ကုသနိုင်ရန်အတွက် တိုင်းစစ်ဌာနချုပ်နယ်မြေများရှိ တပ်မတော်ဆေးရုံများတွင် အထူးကြပ်မတ် ကုသရန် ခုတင် ၁၃ဝ နှင့် သံသယစောင့်ကြည့် လူနာကုသရန် အတွက် ၁ဝဝ၁ ခု တင်ပြင်ဆင်ထားသည်။ ထို့ပြင် ရောဂါဖြစ်ပွားလာပါက ကာကွယ်၊ ထိန်းချုပ်၊ ကုသရေးများ ဆောင်ရွက်နိုင်ရန်အတွက် ဆေးဝန်ထမ်းတပ်ဖွဲ့ရှိ ပါရဂူ/ဆေးမှူး၊ သူနာပြု/ ကျွမ်းကျင်သူ၊ သူနာပြု (အခြားအဆင့်)များကို အသင့်စုဖွဲ့ထားရှိကြောင်း သိရသည်။

ထိုမျှမက တပ်မတော်(ကြည်း၊ ရေ၊ လေ) မိသားစုများမှ မြောက်ဥက္ကလာပမြို့နယ်ရှိ အထွေထွေရောဂါ အထူးကုဆေးရုံကြီး (ဝေဘာဂီ)သို့ ငွေကျပ် ၂၅ သိန်းတန်ဖိုးရှိ ရေသန့်စက်တစ်လုံးနှင့် ပြည်သူ့ဆေးရုံများသို့ ငွေကျပ် သိန်းပေါင်း ၁၄၄၇ သိန်းကျော်တန်ဖိုးရှိ (COVID-19) ရောဂါကုသရေးအထောက်အကူပြုဆေးနှင့် ဆေးပစ္စည်းများ ကိုလည်း ပေးအပ်လှူဒါန်းခဲ့သည်။ တပ်မတော်သည် ပြည်သူလူထုတစ်ရပ်လုံး ကျန်းမာချမ်းသာစေရေးအတွက်  မေတ္တာစေတနာ အပြည့်ထားလျက်  တာဝန်သိမှု၊ တာဝန်ယူမှု၊ တာဝန်ခံမှု အပြည့်ဖြင့် ဆောင်ရွက်နေခြင်း ဖြစ်ကြောင်း မြဝတီက ညွှန်းဆို ဂုဏ်ပြုအပ်ပါသည်။     

Read 77 times Last modified on Wednesday, 25 March 2020 09:26