SJ WorldNews - шаблон joomla Авто

သက်ရှည်ကျန်းမာပြည်မြန်မာ ရောဂါကာကွယ်ပါ

Sunday, 29 March 2020 10:32 font size decrease font size decrease font size increase font size increase font size

ကမ္ဘာ့ကပ်ရောဂါဖြစ်သည့် COVID-19 ကူးစက်မြန်အဆုတ်ရောင်ရောဂါသည် နိုင်ငံပေါင်း ၁၉၉ နိုင်ငံကို ကူးစက်ပြန့်ပွားခဲ့ပြီဖြစ်သည်။ ၂ဝ၁၉ ခုနှစ် ဒီဇင်ဘာလကုန်ခါနီး တရုတ်ပြည်သူ့သမ္မတနိုင်ငံ ဟူပေပြည်နယ် ဝူဟန်မြို့တွင် စတင်ဖြစ်ပွားခဲ့သော်လည်း  ယခုအခါ ရောဂါကူးစက်မှုကိုထိန်းချုပ်နိုင်ပြီဖြစ်ကြောင်း သိရ သည်။ ဝူဟန်မြို့တွင် ကိုရိုနာဗိုင်းရပ် COVID-19 ကူးစက်ခံရသူထပ်မံတွေ့ရှိခြင်းမရှိကြောင်း မတ် ၂၅ ရက်နေ့ ဆေးမှတ်တမ်းများအရသိရှိရပြီး ဟူပေပြည်နယ်တွင်လည်း ဗိုင်းရပ်ကူးစက်ခံရသူထပ်မံမတွေ့ရှိ ကြောင်း ဟူပေပြည်နယ်ကျန်းမာရေးကော်မရှင်က မတ် ၂၆ ရက်တွင် ပြောကြားခဲ့သည်။

တရုတ်ပြည်သူ့သမ္မတနိုင်ငံမှတစ်ဆင့် ပျံ့နှံ့ကူးစက်ခံရသော အီတလီနိုင်ငံတွင် အသေအပျောက်နှုန်း သည် ဝူဟန်ထက်ကျော်လွန်ခဲ့သည်။ ကိုရိုနာဗိုင်းရပ် (COVID-19) ကြောင့် ကမ္ဘာတစ်ဝန်းတွင် လူပေါင်း ၂၁ဝဝဝ ကျော် သေဆုံးခဲ့ပြီး လူပေါင်း ၃ ဘီလီယံခန့်အား ခရီးသွားလာမှုတားမြစ်ထားရသည်။ ကမ္ဘာ့နိုင်ငံ များမှခေါင်းဆောင်များသည် အွန်လိုင်းမှတစ်ဆင့် မတ် ၂၇ ရက်တွင် ဆွေးနွေးပွဲကျင်းပမည်ဖြစ်ပြီး ကိုရိုနာ ဗိုင်းရပ် (COVID-19) အန္တရာယ်ကို ပူးပေါင်းတိုက်ဖျက်ရန် ကုလသမဂ္ဂအတွင်းရေးမှူးချုပ် အန်တိုနီယို ဂူတာရက်စ်က ပြောကြားခဲ့သည်။

မြန်မာနိုင်ငံတွင်လည်း တစ်ကမ္ဘာလုံးဆိုင်ရာကပ်ရောဂါ(Pandemic) အဖြစ် ထုတ်ပြန်ထားသော ကိုရိုနာဗိုင်းရပ် (COVID-19) နှင့်ပတ်သက်၍ မြန်မာနိုင်ငံအတွင်း ဝင်ရောက်ကူးစက်ပြန့်ပွားမှုမရှိစေရေး အတွက် ကာကွယ်ထိန်းချုပ်ကုသရေးဆိုင်ရာလုပ်ငန်းများအား နိုင်ငံတော်က အမျိုးသားအဆင့်သတ်မှတ်၍ အရှိန်အဟုန်မြှင့်ဆောင်ရွက်လျက်ရှိသည်။ မတ် ၂၈ ရက်အထိ ကျန်းမာရေးနှင့်အားကစားဝန်ကြီးဌာန၏ တရားဝင် ထုတ်ပြန်ချက်အရ COVID-19 ရောဂါပိုးရှိသူရှစ်ဦးရှိနေသည်။ မည်သို့ပင်ဖြစ်စေကာမူ ရောဂါထပ်မံ မဖြစ်စေရေးမှာ ပြည်သူတစ်ရပ်လုံးတွင်တာဝန်ရှိပေသည်။  ကိုယ်စီကိုယ်စီကျန်းမာရေးအသိ၊ သတိဖြင့် လိုက်နာဆောင်ရွက်ရမည်ဖြစ်သည်။

တပ်မတော်သည် ပြည်သူလူထုကျန်းမာရေးစောင့်ရှောက်မှုလုပ်ငန်းများကို အားသွန်ခွန်စိုက် စဉ်ဆက် မပြတ်ဆောင်ရွက်လျက်ရှိသည်။ တပ်မတော်က ဆရာဝန်များ၊ သူနာပြုများနှင့် ဆေးဝါး ၅၈ မျိုးအသင့်ပြင်ထား သည်။ တပ်မတော်(ကြည်း၊ ရေ၊ လေ)မိသားစုများက COVID-19 ကုသရေးအတွက် စုစုပေါင်းတန်ဖိုး ငွေကျပ် သိန်းကိုးထောင်ကျော်ဖိုးလှူဒါန်းသည်။ ရောဂါကာကွယ်ရေးနှင့်ကုသရေးအတွက် တပ်မတော်အနေဖြင့် တိုင်းဒေသကြီးနှင့်ပြည်နယ်အသီးသီးတွင်  အင်အားအပြည့်အစုံနှင့် ဆေးရုံကြီး  ၁၇ ရုံ  အသင့်ပြင်ဆင်ထားပြီး  နယ်စပ် ဂိတ်ဝင်ပေါက်များအတွက် အစိုးရမှ အကူအညီ တောင်းခံလာပါက အကူအညီပေးရန် အသင့်ဖြစ်နေ သည်။

တပ်မတော်အနေဖြင့် မြဝတီ ရုပ်မြင်သံကြားနှင့် နေ့စဉ် ထုတ်သတင်းစာများတွင် အများပြည်သူများ သိရှိလိုက်နာကျင့်သုံးနိုင်ရန် ကိုရိုနာဗိုင်းရပ်ရောဂါကာကွယ်ရေးအတွက် ဆောင်ရန်၊ ရှောင်ရန်များကို ဖော်ပြ ပေးလျက်ရှိသည်။ ထိရောက်စွာကာကွယ်နိုင်သောနည်းလမ်းမှာ စနစ်တကျလက်ဆေးခြင်းဖြစ်သည်။ စနစ်တကျ လက်ဆေးရန်အတွက် သရုပ်ပြပုံများနှင့်ဖော်ပြပေးထားသည်။ တပ်တိုင်း၊ ရုံးဌာနတိုင်းတွင်လည်း ရေသန့်၊ ဆပ်ပြာ၊ တစ်ရှူးလိပ်များထားရှိပေးထားသည်။ လက်ကိုဆပ်ပြာနှင့်အနည်းဆုံးစက္ကန့် ၂ဝ ကြာအောင် မကြာခဏ ဆေးပေးရန်၊ မျက်လုံး၊ နှာခေါင်း၊ ပါးစပ်တို့ကို မသန့်ရှင်းသောလက်နှင့်မထိမိစေရန်၊ နေမကောင်းသူများနှင့် နီးနီးကပ်ကပ် မနေကြရန်၊ တစ်ဦးနှင့်တစ်ဦး တစ်မီတာ(၃ ပေ)ခန့်အကွာမှာနေရန်၊ နေမကောင်းလျှင် အိမ်မှာနေရန်၊ ဖျားနာ၊ ချောင်းဆိုး၊ အသက်ရှူကျပ်ဖြစ်လျှင် နီးစပ်ရာဆေးခန်းပြပြီး ရောဂါမပြန့်အောင် နှာခေါင်းစည်း အသုံးပြုရန်၊ နှာစေး၊ ချောင်းဆိုးဖြစ်လျှင် ပါးစပ်နှင့်နှာခေါင်းကို တစ်ရှူးနှင့်ကာရန် သို့မဟုတ် တံတောင်ဆစ်ကွေးနှင့် ကာပြီးချောင်းဆိုးရန် စသည်များကိုဖော်ပြထားသည်။ ကျန်းမာရေးနှင့်ပတ်သက်လာလျှင် လူတိုင်းသည်ကျန်းမာစွာအသက်ရှင်လိုကြသည်။ ကျန်းမာခြင်း သည်လာဘ်တစ်ပါးဖြစ်သည်။ မြန်မာဆိုရိုးစကားတွင် အသက်ဉာဏ်စောင့်ဆိုစကားရှိသည်။ အစားအသောက် အနေအထိုင်ကို ဉာဏ်ပညာဖြင့် ဆင်ခြင်သုံးသပ်စားသောက်နေထိုင်တတ်မှသာ အသက်ရှည်မည်ဖြစ်သည်။ ''အိုနာဘေးကြီး၊ ဖိစီးနှောင့်ယှက်၊ မနှိပ်စက်အောင်၊ အသက်ဉာဏ်စောင့်၊ ရှေးယခေါင့်က၊ သူဟောင်းစကား၊ မြဲမှတ်သားတည့်''ဟူသောစာဆိုနှင့်အညီ ပြည်သူတစ်ရပ်လုံးက မိမိအသက်ကို မိမိ၏အသိဉာဏ်ဖြင့် မွေးမြူ ကြရမည်ဖြစ်သည်။

သို့ဖြစ်ပါ၍ မြန်မာပြည်သူ လူထုအပေါင်းသည် ကူးစက်မြန် အဆုတ်ရောင် ကမ္ဘာ့ကပ် ရောဂါဖြစ်သော COVID-19 ရောဂါဘေးမှ ကင်းဝေးစေရေးအတွက် မမေ့မလျော့သော ကျန်းမာရေးအသိဖြင့် ကြိုတင်ကာကွယ် ကြပါရန်နှင့်ဖြစ်လာပါကလည်း ရောဂါထပ်မံကူးစက်ပြန့်ပွားမှုမရှိအောင် ဆောင်ရွက်နိုင်ကြပါရန် အသိပေး

ရေးသားလိုက်ပါသည်။   

Read 201 times