SJ WorldNews - шаблон joomla Авто

ပြည်သူများအတွက် ကောင်းကျိုးရှိမည့်သတင်းကောင်းများ

Wednesday, 13 May 2020 07:36 font size decrease font size decrease font size increase font size increase font size

ပြည်သူများအတွက် ကောင်းကျိုးရှိမည့်သတင်းကောင်းများ

 

မြန်မာနိုင်ငံအတွင်းကျရောက်နေသော ကမ္ဘာ့ကပ်ရောဂါ COVID-19  ထိန်းချုပ်ရေး၊ ကာကွယ် ရေး၊ကုသရေးလုပ်ငန်းများတွင် တပ်မတော်သည် ထိထိရောက်ရောက် အင်တိုက်အားတိုက်    လုပ်ဆောင်လျက်ရှိသည်။ လက်ရှိအခြေအနေတွင် ရန်ကုန်တိုင်းစစ်ဌာနချုပ် နယ်မြေအတွင်းရှိ အထူးကုဆေးရုံဝေဘာဂီနှင့်ကုသရေးဆေးရုံများ၌ COVID-19 ရောဂါ Quarantine  ဆောင် ရွက်ထားရှိသည့် သံသယလူနာများမှ ရောဂါပိုးတွေ့ရှိသူများတိုးပွားလာ၍ ကျန်းမာရေး ၀န်ထမ်းများဖြင့်လုံလောက်မှုမရှိဖြစ်နေသည်။

အသစ်ထပ်မံဖွင့်လှစ်ထားရှိသည့် လှည်းကူးမြို့နယ် COVID-19 ရောဂါကုသရေးဌာန (ဖောင်ကြီး)တွင် တပ်မတော်မှပါဝင်ကူညီဆောင်ရွက်ရန်အတွက် ဧပြီ ၁၉ ရက်တွင် ဆေးဝန် ထမ်းတပ်ဖွဲ့ဝင် ပါရဂူများ၊ ဆေးမှူးဆရာဝန်များပါဝင်သော ၄၀ ဦးက COVID-19 ရောဂါ ကုသရေးဌာန(ဖောင်ကြီး)သို့ သွားရောက်တာဝန်ထမ်းဆောင်လျက်ရှိသည်။ အဆိုပါ ၄၀ ဦးနှင့်တာဝန်လွှဲပြောင်းထမ်းဆောင်ရန် ဒုတိယအကြိမ် သွားရောက်တာဝန်ထမ်းဆောင်မည့် အဖွဲ့ကိုလည်း အသင့်ပြင်ဆင်ထားရှိသည်။ ဒုတိယအဖွဲ့တွင် မေ့ဆေးပါရဂူခြောက်ဦး၊ ဓာတ်မှန်ပါရဂူနှစ်ဦး၊ ရောဂါဗေဒပါရဂူနှစ်ဦး၊ ဆေးကုသမှုပါရဂူလေးဦး၊ ဆေးမှူးဆရာဝန်ရှစ်ဦး၊ သူနာပြုအရာရှိခုနစ်ဦး၊ အထက်တန်းသူနာပြုခုနစ်ဦး၊ ဓာတ်ခွဲကျွမ်းကျင်နှစ်ဦး၊ ဓာတ်မှန် ကျွမ်းကျင်နှစ်ဦး စုစုပေါင်း ၄၀ ဦးဖြစ်သည်။

အဆိုပါဆေးဝန်ထမ်းတပ်ဖွဲ့ဝင်များသည် အများပြည်သူများအခက်အခဲကြုံ စိုးရိမ်စိတ်များ မြင့်တက်နေချိန်တွင် ရောဂါဝေဒနာခံစားနေရသောပြည်သူများကို ကာကွယ်ကုသနိုင်ရန် ကိုယ်တိုင်ဆန္ဒပြုခဲ့ကြခြင်းဖြစ်ပြီးမေ ၉ ရက်နံနက်ပိုင်းတွင် တပ်မတော်ဆေးတက္ကသိုလ်မှ COVID-19 ရောဂါကုသရေးဌာန(ဖောင်ကြီး)သို့စတင်သွားရောက်ခဲ့ကြသည်။

တပ်မတော်သည် COVID-19 ရောဂါကာကွယ်ထိန်းချုပ်ရာတွင် အထောက်အကူဖြစ်စေ ရန်အတွက်ကာကွယ်ရေးပစ္စည်းများကို တိုင်းစစ်ဌာနချုပ်များအလိုက် ပေးပို့လှူဒါန်းလျက် ရှိသည့်အပြင် ရောဂါကာကွယ်ထိန်းချုပ်ကုသရေးလုပ်ငန်းများအတွက် ဆေးရုံသုံးပစ္စည်းများ                                           ကိုလည်း ဆက်လက်လှူဒါန်းလျက်ရှိသည်။ COVID-19 ရောဂါကြိုတင်ကာကွယ်ရေး  လုပ်ငန်းများကိုလည်း တိုင်းစစ်ဌာနချုပ်နယ်မြေအသီးသီးရှိ ဆေးအဖွဲ့များဖြင့် ကျန်းမာရေး စစ်ဆေးပေးခြင်း၊ ဆေးဖျန်းပေးခြင်းများအပါအ၀င် ကြိုတင်ကာကွယ်ရေး   လုပ်ငန်းများကို လည်း နေ့စဉ်ဆောင်ရွက်ပေးလျက်ရှိသည်။

တပ်မတော်ကာကွယ်ရေးဦးစီးချုပ်က ကမ္ဘာ့ကပ်ရောဂါ COVID-19 ကာကွယ်ထိန်းချုပ် ကုသရေးလုပ်ငန်းများအား ရခိုင်ပြည်နယ်တွင်ထိရောက်စွာဆောင်ရွက်နိုင်ခြင်းမရှိသေးသဖြင့် တပ်မတော်မှကူညီဆောင်ရွက်ပေးရန် လမ်းညွှန်ထားမှုအရ ရခိုင်ပြည်နယ်အတွင်း COVID-19 ကာကွယ်ထိန်းချုပ်ကုသရေးလုပ်ငန်းများဆောင်ရွက်ရန်အတွက် တပ်မတော်ဆေးဝန် ထမ်း တပ်ဖွဲ့မှ ပါရဂူများ၊ ဆေးမှူးများနှင့်သူနာပြုများပါဝင်သောအဖွဲ့သည် မေ ၉ ရက်နံနက်ပိုင်း တွင် ဆေးအထောက်အကူပြုပစ္စည်းများနှင့်အတူ နေပြည်တော်လေဆိပ်မှ စစ်တွေမြို့နှင့် သံတွဲမြို့တို့သို့ တပ်မတော်လေယာဉ်များဖြင့် အသီးသီးထွက်ခွာသွားကြသည်။

ဤသည်တို့မှာ ပြည်သူများအတွက် တပ်မတော်ကပါဝင်လုပ်ဆောင်နေသော သတင်းကောင်း များဖြစ်ပါသည်။ ထို့ထက်ပို၍ ကောင်းမွန်သောသတင်းတစ်ခုမှာ တပ်မတော်ကာကွယ်ရေး ဦးစီးချုပ်ရုံး၏ ပစ်ခတ်တိုက်ခိုက်မှုရပ်စဲရေးနှင့် ထာဝရငြိမ်းချမ်းရေးအတွက် ထုတ်ပြန်ချက် သတင်းဖြစ်သည်။ ကမ္ဘာအနှံ့တွင် COVID-19 ကမ္ဘာ့ကပ်ရောဂါနှင့်ရင်ဆိုင်နေရသောကြောင့် ကမ္ဘာတစ်ဝန်းလက်ရှိဖြစ်ပွားနေသည့် လက်နက်ကိုင်ပဋိပက္ခများရပ်တန့်ပေးကြရန် ကုလ သမဂ္ဂအထွေထွေအတွင်းရေးမှူးချုပ်က တိုက်တွန်းပြောကြားခဲ့သည်။ မြန်မာနိုင်ငံတွင် COVID-19  ရောဂါထိန်းချုပ်၊ ကာကွယ်၊ ကုသရေးလုပ်ငန်းများ ပိုမိုထိရောက်လျင်မြန် ကျယ်ပြန့်စွာဆောင်ရွက်နိုင်ရေးနှင့် ထာဝရငြိမ်းချမ်းရေးအတွက် တပ်မတော်အနေဖြင့် နိုင်ငံတကာစံနှုန်းအတိုင်း နိုင်ငံတော်မှအကြမ်းဖက်ဟုသတ်မှတ်ကြေညာထားသော အကြမ်း ဖက်အဖွဲ့အစည်းများရှိသည့်နေရာများမှအပ ကျန်နယ်မြေများ၌ ၂၀၂၀ ပြည့်နှစ် မေ ၁၀ ရက်မှ သြဂုတ် ၃၁ ရက်အထိ ပစ်ခတ်တိုက်ခိုက်မှုရပ်စဲထားကြောင်း ကြေညာထားသည်။

တပ်မတော်အနေဖြင့် တိုင်းရင်းသားပြည်သူလူထုလိုလားတောင့်တနေသည့် ထာဝရငြိမ်း ချမ်းရေးကို ပြည်သူ့လက်သို့အရောက်အပ်နှင်းမည်ဟူသည့် သန္နိဋ္ဌာန်အတိုင်းဖြစ်မြောက် အောင် ဆက်လက်ကြိုးပမ်းဆောင်ရွက်သွားမည်ဖြစ်ပြီး မြန်မာနိုင်ငံ၌ COVID-19 ရောဂါ ထိန်းချုပ်၊ ကာကွယ်၊ ကုသရေးလုပ်ငန်းစဉ်များအားနိုင်ငံအရေး၊ အမျိုးသားအရေးအဖြစ် အင်တိုက်အားတိုက် ထိထိရောက်ရောက် ပါဝင်ကူညီဆောင်ရွက်သွားမည်ဖြစ်ကြောင်း ထုတ်ပြန်ကြေညာချက်တွင် ဖော်ပြပါရှိသည်။ တပ်မတော်သည် ပြည်သူလူထု၏အကျိုး စီးပွားကို ထာဝစဉ်ဦးထိပ်ထားလျက်ရှိပါကြောင်း သတင်းကောင်းများကို ဖော်ထုတ်ရေးသား လိုက်ရပေသည်။ 

Read 41 times