SJ WorldNews - шаблон joomla Авто

စွမ်းသလောက်ပါဝင် ရခိုင်ပြည်နယ် တစ်ခွင်

Tuesday, 24 October 2017 08:21 font size decrease font size decrease font size increase font size increase font size

ပြည်ထောင်စုသမ္မတ မြန်မာနိုင်ငံတော်အတွင်း မှီတင်းနေထိုင်ကြသော တိုင်းရင်းသား လူမျိုး ၁၃၅ မျိုးအနက် ရခိုင်၊ ကမန်၊ ခမီ၊ ဒိုင်းနက်၊ မရမာကြီး၊ မြိုနှင့် သက်ဟူသော

ရခိုင်မျိုးနွယ်တိုင်းရင်းသားတို့ ရှေးနှစ်ပေါင်းများစွာကပင်  ရခိုင်ပြည်နယ်အတွင်း အခြေချ နေထိုင်ကြသူများဖြစ်သည်။ မြန်မာနိုင်ငံလွတ်လပ်ရေး ကြိုးပမ်းမှုကာလမှစ၍ ရောတိရောရာငါလည်းပါသည်ဟူသော အတွေး တဖြည်းဖြည်း ပွားလာကြပြီး ဒေသခံ တိုင်းရင်းသားများအား ဒုက္ခပေး၍ သွေးအေးအေးနှင့် သတ်ဖြတ်ရက်စက်ကြသည်။ ထိုမှတစ်ဆင့် အတင့်ရဲလာကြပြီး နိုင်ငံတော်အစိုးရကို ပုန်ကန်ခြားနားသည်အထိ ဖြစ်လာကြသည်။

မြန်မာမှုနယ်ပယ်၌  ငရဲကလာသူ ပြာပူမကြောက် စကားပုံကဲ့သို့  စိုက်ပျိုးလုပ်ကိုင် စားသောက်ရန် မြေကရှား လူဦးရေက များသောဒေသကို စွန့်ခွာ၍ ရေမြေတောတောင် သဘာဝကောင်းသဖြင့် စိုက်ပျိုးလုပ်ကိုင် စားသောက်ရန်သင့်သော ရခိုင်ပြည်နယ်အတွင်းသို့ တဖြည်းဖြည်း စိမ့်ဝင်လာကြပြီး ကလိမ်စေ့ငြမ်းဆင် အိမ်ရှင်ကိုဧည့်နှင်သည့် ကိန်းဆိုက်တော့သည်။ မြန်မာနိုင်ငံ အစိုးရအဆက်ဆက်တို့က ပြဿနာကို အကောင်း ဆုံးသော နည်းလမ်းဖြင့် ညှိနှိုင်းဖြေရှင်းပေးခဲ့ကြသည့် တိုင်အောင် စေတနာကို အခွင့်ကောင်းယူသူတို့က မီးမွှေးကြသည်။ အမြီးစားဖက် ခေါင်းစားဖက်များက မီးလောင်ရာလေပင့်သူကပင့်၊ မီးစတစ်ဖက် ရေမှုတ်တစ်ဖက် ခြေရှုပ်သူကရှုပ်ကြသည်ကြောင့် အခြေအနေ ပိုမိုရှုပ်ထွေးကာ ရခိုင်မျိုးနွယ် တိုင်းရင်းသားတို့ အသက်အိုးအိမ် ဆုံးရှုံးကြရသည်။ မိဘဆွေမျိုးများနှင့် သေကွဲရှင်ကွဲ  ကွဲကွာနေကြရသူများမှာလည်း ရခိုင်မျိုးနွယ် တိုင်းရင်းသားများသာ မဟုတ်ဘဲ ဟိန္ဒူများနှင့် မွတ်စလင်လူမျိုးများလည်း ပါဝင်ကြသည်။  နိုင်ငံတော်အစိုးရ၊ လွှတ်တော်၊ ဒေသခံပြည်သူများနှင့် တပ်မတော်တို့ ပူးပေါင်းအားထုတ်မှုကြောင့် အခြေအနေ တည်ငြိမ်လာပြီ ဖြစ်သဖြင့် နေရပ်စွန့်ခွာ တိမ်းရှောင်နေကြရသော ကျေးရွာပြည်သူများ မိမိတို့နေရပ် အသီးသီးသို့ ပြန်လာနိုင်ကြပြီဖြစ်သည်။

နိုင်ငံတော်အစိုးရသည် ရခိုင်ပြည်နယ်အတွင်း  လူသားချင်း စာနာမှု အကူအညီ အထောက်အပံ့ပေးရေး၊   ပြန်လည်နေရာချထားရေး၊  ဖွံ့ဖြိုးရေး စီမံကိန်းကော်မတီ (UEHRD)ကို အောက်တိုဘာ ၁၇ ရက်တွင် ဖွဲ့စည်းပြီးဖြစ်သည်။ ကော်မတီက ဆောင်ရွက်မည့်လုပ်ငန်းများမှာ လူသားချင်း စာနာထောက်ထားမှုဆိုင်ရာ အကူအညီများ ထိထိရောက်ရောက် ပေးအပ်ရေးဆောင်ရွက်ရန်၊ ပြန်လည်နေရာ ချထားရေးနှင့် ပြန်လည် ထူထောင်ရေး ကိစ္စများအတွက် ပူးပေါင်းညှိနှိုင်း ဆောင်ရွက်ရန်၊ ဒေသဖွံ့ဖြိုးရေး လုပ်ငန်းများ ဆောင်ရွက်ရာတွင် နိုင်ငံတော်၏ ပံ့ပိုးမှုအပြင် ပြည်တွင်း၊ ပြည်ပ အလှူရှင်များ၏ ကူညီထောက်ပံ့ငွေများဖြင့် ဆောင်ရွက်မည်ဖြစ်သဖြင့် ကော်မတီ၏ ဘဏ္ဍာရေးကိစ္စကို ပြည်ထောင်စု စာရင်းစစ်ချုပ်ရုံး၏ စစ်ဆေးမှုအပြင် နိုင်ငံတကာ စာရင်းစစ်ကုမ္ပဏီတစ်ခုကိုလည်း ငှားရမ်း၍ အစစ်ဆေးခံနိုင်ရေး ဆောင်ရွက်ရန်တို့ ဖြစ်သည်။

ရခိုင်ပြည်နယ်အတွင်း လူသားချင်း စာနာမှုအကူအညီ အထောက်အပံ့ပေးရေး၊ ပြန်လည် နေရာချထားရေး၊ ဖွံ့ဖြိုးရေးစီမံကိန်းတွင် ပုဂ္ဂလိကကဏ္ဍ လုပ်ငန်းအဖွဲ့ကိုးဖွဲ့တို့ ပါဝင်ကြမည်ဖြစ်ရာ ဆောက်လုပ်ရေးနှင့် အခြေခံအဆောက်အဦ တည်ဆောက်ရေး လုပ်ငန်းအဖွဲ့၊ စိုက်ပျိုးရေးနှင့် မွေးမြူရေးလုပ်ငန်းအဖွဲ့၊ စီးပွားရေးဇုန်များ ဖွံ့ဖြိုးရေး လုပ်ငန်းအဖွဲ့၊ ပြန်ကြားရေးနှင့် ပြည်သူ့ဆက်ဆံရေး လုပ်ငန်းအဖွဲ့၊ အလုပ်အကိုင် ဖန်တီးရေးနှင့် အသက်မွေး ဝမ်းကျောင်းသင်တန်းများ စီစဉ်ဖွင့်လှစ်ရေး လုပ်ငန်းအဖွဲ့၊ ကျန်းမာရေး စောင့်ရှောက်မှု လုပ်ငန်းအဖွဲ့၊အသေးစားငွေကြေး ထောက်ပံ့မှုလုပ်ငန်းအဖွဲ့၊ ဘဏ္ဍာငွေ စုဆောင်းရေး (Crowd Funding) လုပ်ငန်းအဖွဲ့နှင့် ခရီးသွားလုပ်ငန်း ကဏ္ဍမြှင့်တင်ရေး လုပ်ငန်းအဖွဲ့တို့ ဖြစ်သည်။

လုပ်ငန်းအဖွဲ့များသည် ရခိုင်ပြည်နယ်အတွင်း ချက်ချင်းလက်ငင်း ဖြေရှင်းရမည့် ပြန်လည်နေရာချထားရေး၊ လူသားချင်း စာနာထောက်ထားမှု အကူအညီများ ပေးအပ်ရေးအပြင် ရေတိုရေရှည် လုပ်ငန်းများဖြစ်သည့် စီးပွားရေးလုပ်ငန်းများနှင့် အလုပ်အကိုင် အခွင့်အလမ်းများ ပေါ်ပေါက်လာစေရေး၊ ကုန်သွယ်မှုနှင့် ရင်းနှီးမြှုပ်နှံမှုများ တိုးမြှင့်လာစေရေးတို့ကိုပါ ဆောင်ရွက်ကြမည်ဖြစ်သည်။ လုပ်ငန်းအဖွဲ့အလိုက်  ဆောင်ရွက်မည့် လုပ်ငန်းလိုအပ်ချက်များကို ကနဦးလေ့လာရန် သက်ဆိုင်ရာ လုပ်ငန်းအဖွဲ့များ၏ အဖွဲ့ဝင်များ၊ ကုန်သည်စက်မှု အသင်းချုပ်နှင့် ညီနောင်အသင်းများမှ ကိုယ်စားလှယ်များသည် အောက်တိုဘာ နောက်ဆုံးပတ်တွင် ရခိုင်ပြည်နယ်သို့ သွားရောက်ကြည့်ရှု လေ့လာကြမည်ဖြစ်သည်။ ရခိုင်ပြည်နယ်အတွင်းရှိ ပြည်သူများ၏ စိုက်ပျိုးရေး လုပ်ငန်းများမှာ စပါး၊ ကြံ၊ ပြောင်းဖူး၊ ကွမ်းသီးနှင့် ဟင်းသီးဟင်းရွက်များ စိုက်ပျိုးကြပြီး  ငါး၊  ပုစွန်မွေးမြူရေး လုပ်ငန်းများ လုပ်ကိုင်ကြသည်။

ကျောက်တော်၌ သကြားစက်ရှိပြီး ငပလီကမ်းခြေနှင့် ကမ်းသာယာကမ်းခြေတို့တွင် ရှိသည့် ခရီးသွား လုပ်ငန်းကလည်း ဒေသခံများအတွက် အလုပ်အကိုင် ဖန်တီးပေးထားသည်။နိုင်ငံတော်အစိုးရက ဆောင်ရွက်မည့် ရခိုင်ပြည်နယ်အတွင်း လူသားချင်း စာနာမှုအကူအညီ အထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်းတွင် ပါဝင်ဆောင်ရွက်ကြမည့်  ပုဂ္ဂလိက လုပ်ငန်းအဖွဲ့များသည်   မိမိတို့ကဏ္ဍအလိုက်  စိတ်အားထက်ထက်သန်သန်နှင့်ကြိုးပမ်း၍ အောင်မြင်အောင် ဆောင်ရွက်ကြမည်ဖြစ်ရာ တိုင်းရင်းသားပြည်သူအပေါင်းတို့ အနေဖြင့် စွမ်းနိုင်သလောက် ပါဝင်ကြပါရန် မြဝတီက တိုက်တွန်း နှိုးဆော်လိုက်ရပါသည်။   

Read 659 times Last modified on Tuesday, 24 October 2017 08:23