SJ WorldNews - шаблон joomla Авто

ဆော်ဒီရေနံစက်ရုံများ တိုက်ခိုက်ခံရမှု နောက်တွင် အီရန်ရှိ၊ မရှိကို ကုလသမဂ္ဂ အတည်မပြုနိုင်

Thursday, 12 December 2019 10:05 font size decrease font size decrease font size increase font size increase font size

ဘရပ်ဆဲ၊ နိုင်ငံရေး

ယခုနှစ်အတွင်း ဆော်ဒီအာရေဗျ၏ရေနံ စက်ရုံများ   တိုက်ခိုက်ခံရမှုနောက်ကွယ်၌  အီရန်ပါဝင်ပတ်သက်မှု ရှိ၊ မရှိကို ကုလ သမဂ္ဂကအတည်မပြုနိုင်ကြောင်း အတွင်းရေးမှူးချုပ် အန်တိုနီ အိုဂူတားရတ်က ဒီဇင်ဘာ ၁ဝ ရက်တွင်ပြော သည်။

ဆော်ဒီနိုင်ငံပိုင်ရေနံစက်ရုံများသည် စက်တင်ဘာလတွင် မောင်းသူမဲ့လေယာဉ်များခရု(စ်)ဒုံးကျည်များဖြင့် တိုက်ခိုက် ခံရကြောင်းနှင့် ယင်းသို့တိုက်ခိုက်ခံရမှုကြောင့် ဆော်ဒီ၏ရေနံထုတ်လုပ်မှု  ထက်ဝက်ခန့် ကျဆင်းသွားပြီး   ရေနံဈေးများ စံချိန်တင် မြင့်တက်သွားကြောင်းသိရသည်။

အီရန်ကလက်တုံ့ပြန်သည့်အနေဖြင့် ထိုသို့တိုက်ခိုက်ခြင်းဖြစ်သည်ဟု ဆော်ဒီတာဝန်ရှိသူများ၊ အမေရိကန်နှင့်ဥရောပ နိုင်ငံများစွာက စွပ်စွဲခဲ့သော်လည်း အီရန် အစိုးရက ငြင်းဆိုထားသည်။

ကုလသမဂ္ဂစုံစမ်းစစ်ဆေးရေးအဖွဲ့အနေဖြင့် တိုက်ခိုက်မှုအတွင်းအသုံးပြုခဲ့သော လက်နက်အပိုင်းအစများကို လက်ခံရရှိ ထားကြောင်း   အီရန်နျူကလီးယားအရေး ခြောက်လပတ်အစီရင်ခံစာ၌ ဂူတားရတ်က ပြောသည်။

သို့သော်စုံစမ်းစစ်ဆေးရေးအဖွဲ့အနေဖြင့်  တိုက်ခိုက်မှုအတွင်းအသုံးပြုသောဒုံးကျည် များနှင့် မောင်းသူမဲ့လေယာဉ်များ သည်  အီရန်နိုင်ငံပိုင် လက်နက် ပစ္စည်းများဖြစ်သည်ကို အတည်မပြုနိုင်ကြောင်း သိရသည်။

Ref: The Straits Times

                                                                                     

                                               

Read 74 times Last modified on Thursday, 12 December 2019 10:05