SJ WorldNews - шаблон joomla Авто

အင်ဒိုနီးရှားရှိ ရဲစခန်းတစ်ခုပြင်ပ၌ အသေခံဗုံးခွဲတိုက်ခိုက်မှုဖြစ်ပွား

Thursday, 14 November 2019 09:19 font size decrease font size decrease font size increase font size increase font size

အင်ဒိုနီးရှားနိုင်ငံ  မီဒန်မြို့ရှိ ရဲစခန်းတစ်ခုပြင်ပ၌ နိုဝင်ဘာ ၁၃ ရက်တွင် အသေခံ ဗုံးခွဲသမားတစ်ဦး၏ တိုက်ခိုက်မှု ဖြစ်ပွားရာ လူခြောက်ဦး  ဒဏ်ရာရရှိသွားကြောင်း ရဲတပ်ဖွဲ့က ထုတ်ပြန်သည်။

တိုက်ခိုက်မှုသည် ရဲစခန်း၏ ယာဉ်ရပ်နားရာနေရာ၌ ဒေသစံတော်ချိန် နံနက် ၈ နာရီ မိနစ် ၄ဝ ခန့်တွင် ဖြစ်ပွားခြင်းဖြစ်သည်။ ဗုံးခွဲတိုက်ခိုက်မှုအတွင်း အသေခံဗုံးခွဲသမားမှာ ပွဲချင်းပြီး သေဆုံးသွားကြောင်း၊ ဒဏ်ရာ ရရှိသူများတွင် လုံခြုံရေး တပ်ဖွဲ့ဝင်လေးဦးနှင့် အရပ်သားနှစ်ဦး ပါဝင်ကြောင်း ရဲတပ်ဖွဲ့မှ ပြောရေးဆိုခွင့်ရှိသူ ဒေဒီပရာဆက်ယိုက ပြောသည်။

ယခုဖြစ်ပွားသည့် အသေခံဗုံးခွဲ တိုက်ခိုက်မှုသည် တစ်ကိုယ်တော်တိုက်ခိုက်မှု သို့မဟုတ် နိုင်ငံအတွင်း အကြမ်းဖက်တိုက်ခိုက်မှုများ မကြာခဏ လုပ်ဆောင်လေ့ရှိသည့် ဂျမားအန်ရှာရွက်ဒါအူလာကဲ့သို့ အစွန်းရောက် အဖွဲ့အစည်းများနှင့် ဆက် စပ်မှု ရှိ၊ မရှိကို အကြမ်းဖက်မှုတိုက်ဖျက်ရေး အဖွဲ့က စုံစမ်းနေသည်။

တိုက်ခိုက်မှုသည် အစ္စလာမ်မစ်စစ်သွေးကြွတစ်ဦးက လုံခြုံရေးဝန်ကြီးဟောင်း ဝီရန်တိုကို   ဓားထိုးတိုက်ခိုက်ပြီးနောက် တစ်လအကြာတွင် ဖြစ်ပွားခြင်း ဖြစ်သည်။ တိုက်ခိုက်မှုလုပ်ရသည့် အကြောင်းရင်းကို အတိအကျ မသိရသေးကြောင်း    သိရသည်။

Ref: Reuters

Read 25 times Last modified on Thursday, 14 November 2019 09:20