SJ WorldNews - шаблон joomla Авто

S-400 နှင့်ပတ်သက်၍ အမေရိကန်ကပိတ်ဆို့လျှင် တူရကီက အမေရိကန် စစ်စခန်းများကို ပိတ်ဖွယ်ရှိ

Thursday, 12 December 2019 10:07 font size decrease font size decrease font size increase font size increase font size

အန်ကာရာ၊ နိုင်ငံရေး

တူရကီက ရုရှားနိုင်ငံမှ  S-400 လေ ကြောင်းရန် ကာကွယ်ရေးစနစ် ဝယ်ယူခြင်း နှင့်ပတ်သက်၍   အမေရိကန်အစိုးရက ပိတ်ဆို့မှု ချမှတ်မည်ဆိုလျှင် နိုင်ငံအတွင်းရှိ အမေရိကန် လေတပ်စခန်းများ ပိတ်ရဖွယ်ရှိကြောင်း တူရကီ နိုင်ငံခြားရေး ဝန်ကြီး မက်ဗလက်ဆာဗူ ဆိုဂလူကပြောသည်။

အမေရိကန်က အရေးယူပိတ်ဆို့လျှင်  တူရကီကအဆိုးဆုံးသောအခြေအနေကိုသုံးသပ်၍  နိုင်ငံအတွင်းရှိ အမေရိကန် လေတပ် စခန်းများဖြစ်သည့် အင်ဆာလစ်နှင့် ကူရီဆစ်တို့ကိုပိတ်ရန်   ဆုံးဖြတ်ရဖွယ်ရှိကြောင်း မက်ဗလက်ဆာဗူဆို ဂလူက ထုတ် ပြန်ချက်တစ်ခုတွင်ပြောသည်။ တူရကီအနေဖြင့် ရုရှားနိုင်ငံမှ  S-400 လေကြောင်းရန် ကာကွယ်ရေးစနစ် ဝယ်မည့် အစီအစဉ်ကို စွန့်လွှတ်မည် မဟုတ်ကြောင်း သမ္မတရီဆပ် တေယစ် အာဒိုဂန်က အစောပိုင်းတွင်ပြော ထားသည်။

အမေရိကန် သမ္မတ ဒေါ်နယ်ထရမ့်ကမူ တူရကီ အနေဖြင့် အမေရိကန် ထုတ်ပတ်ထရီးယော့  လေကြောင်းရန် ကာကွယ်ရေး စနစ် များကိုဝယ်ရန် တိုက်တွန်းထားပြီး  ရုရှားမှ လေကြောင်းရန် ကာကွယ်ရေးစနစ်များကို ဝယ်လျှင် အရေးယူ ပိတ်ဆို့မှုများ ချမှတ်မည်ဟု ခြိမ်းခြောက်ထားသည်။

S-400 လေကြောင်းရန် ကာကွယ်ရေး စနစ်ကိုဝယ်ရန် တူရကီ၏ဆုံးဖြတ်ချက်သည် အမေရိကန်အစိုးရနှင့် ဆက်ဆံရေး ကို တင်းမာ စေခဲ့ကြောင်းသိရသည်။  

Ref: Sputnik

Read 74 times Last modified on Thursday, 12 December 2019 10:09