SJ WorldNews - шаблон joomla Авто

အမေရိကန် စစ်စခန်းအပေါ် ဒုတိယအကြိမ် ဒုံးကျည်ဖြင့် တိုက်ခိုက်မှု အမေရိကန် အမျက်ထွက်

Tuesday, 14 January 2020 09:50 font size decrease font size decrease font size increase font size increase font size

အီရတ်နိုင်ငံအတွင်း တပ်စွဲထားသည့် အမေရိကန်စစ်စခန်းအပေါ် ဒုတိယအကြိမ် ဒုံးကျည်ဖြင့် တိုက်ခိုက်မှုနှင့် ပတ်သက်၍ စိတ်ဆိုးဒေါသ ထွက်ရကြောင်း အမေရိကန်နိုင်ငံခြားရေးဝန်ကြီး မိုက်ပွန်ပီယိုက ပြောသည်။

အီရတ်အစိုးရကို သစ္စာမခံသော အဖွဲ့များအနေဖြင့် အီရတ်နိုင်ငံ၏ အချုပ်အခြာအာဏာကို ချိုးဖောက်နေမှု ရပ်တန့်ရမည်ဖြစ်ကြောင်း မိုက်ပွန်ပီယိုက ဆက်ပြောသည်။

အီရတ်နိုင်ငံမြောက်ပိုင်း  ဘာလတ်လေတပ် အခြေစိုက်စခန်းကို ပစ်မှတ်ထားသည့် အဆိုပါ တိုက်ခိုက်မှုအတွင်း အရာရှိနှစ်ဦး အပါအဝင် လေးဦးဒဏ်ရာရရှိသည်။ ဒဏ်ရာရရှိသူများသည် အီရတ်တပ်ဖွဲ့ဝင်များ ဖြစ်ကြောင်း စစ်ဘက်သတင်း အရင်းအမြစ်များက ပြောသည်။

ထိုစခန်းသည်  ကတ်ယူရှာအမျိုးစား ဒုံးကျည်ရှစ်စင်းဖြင့်  တိုက်ခိုက်ခံရခြင်း ဖြစ်ကြောင်းနှင့် ဒုံးကျည်ခုနစ်စင်းသည် လေတပ်စခန်းရှိ ပြေးလမ်းပေါ်ကျကြောင်း အီရတ်စစ်ဘက်က ပြောသည်။

အီရန်နှင့်အမေရိကန်တို့ကြား တင်းမာမှုများ မြင့်တက်နေစဉ် ဖြစ်ပွားသည့် အဆိုပါ တိုက်ခိုက်မှုကို မည်သူက လုပ်ဆောင်ကြောင်း အီရတ်စစ်ဘက်က ထုတ်ပြန်ထားခြင်း မရှိဟုသိရသည်။          

Ref: Reuters

Read 27 times Last modified on Tuesday, 14 January 2020 09:50