SJ WorldNews - шаблон joomla Авто

ရုရှားက အသံထက် အလွန်မြန် ဒုံးကျည်ဖျက်ဒုံးလက်နက် ထုတ်လုပ်လျက်ရှိ

Thursday, 13 February 2020 09:45 font size decrease font size decrease font size increase font size increase font size

ရုရှားစစ်ဘက်အနေဖြင့် အသံထက် အလွန်မြန်ဒုံးကျည်များကို ပစ်ချနိုင်မည့် နောက်ဆုံးပေါ် ဒုံးလက်နက်ကိုစတင်ထုတ် လုပ်နေပြီး ယင်းလက်နက်သည် ပစ်မှတ်များကို အလွန်လျင်မြန်စွာ ကြားဖြတ်ဟန့်တားနိုင်ကြောင်း ရုရှားနိုင်ငံပိုင် သတင်းဌာနက ဖေဖော်ဝါရီ  ၁၂  ရက်  အစောပိုင်းတွင် ဖော်ပြသည်။

ပင်တဂွန်စစ်ဌာနချုပ် အနေဖြင့် ကနဦး စီစဉ်ထားသည့် နှစ်များထက် ပိုမိုဆောလျင်စွာ  အသံထက်အလွန်မြန် လက်နက်များကို ထုတ်လုပ်ရန် အရှိန်မြှင့် လုပ်ဆောင်နေပြီး ရန်ပုံငွေကို တိုးမြှင့်ထားကြောင်း အမေရိကန် ကာကွယ်ရေးဝန်ကြီး မာ့အက်စပါကပြောပြီးနောက် ယခုထုတ်ပြန်ချက် ထွက်ပေါ်လာခြင်း ဖြစ်သည်။

ထို့ပြင် အမေရိကန်စစ်ဘက်တွင် သမားရိုးကျ လက်နက်ပစ္စည်းများထက် ငါးဆ သို့မဟုတ် ခုနစ်ဆပိုမြန်သော ထိပ်တန်းလက်နက်များ ရှိသည်ဟု အမေရိကန်သမ္မတ ဒေါ်နယ်ထရမ့်က  မကြာသေးမီက ထုတ်ဖော်ပြောဆိုပြီးနောက်  ယင်းထုတ်ပြန်ချက် ထွက်ပေါ်လာခြင်းလည်း ဖြစ်သည်။ 

ရုရှားကာကွယ်ရေးဝန်ကြီး ဌာနအနေဖြင့် MiG-31 တိုက်လေယာဉ်နှင့် နောက်လာမည့်  MiG-31 တိုက်လေယာဉ်တို့ အတွက် ဘက်စုံသုံးတာဝေးဒုံးကျည်စနစ် ထုတ်လုပ်ရန်   အမိန့်ချထားကြောင်း သိရသည်။

   Ref: Sputnik

Read 21 times Last modified on Thursday, 13 February 2020 09:46