SJ WorldNews - шаблон joomla Авто

ကမ္ဘာ့ရာသီဥတု ပြောင်းလဲလာမှုကို မီးမောင်းထိုးပြခဲ့သည့် သြစတြေးလျ

Saturday, 15 February 2020 13:50 font size decrease font size decrease font size increase font size increase font size

၂ဝ ရာစု  စက်မှုလုပ်ငန်းများ စတင်ခဲ့သည့်အချိန်  ကမ္ဘာ့အပူချိန်သည် ၁ ဒသမ ၅ ဒီဂရီဆဲလ်စီးရပ်စ် ရှိခဲ့သည်။ ထိုအချိန်က ကမ္ဘာကြီးကို အာကာသမှကြည့်လျှင် အစိမ်းရောင်သဏ္ဌာန်မြင်ရကာ    ယခု ၂၁ ရာစုတွင် ကမ္ဘာကြီးသည် တဖြည်းဖြည်း အနီရောင်သို့ ပြောင်းလဲလာနေသည်။

ကမ္ဘာ့အပူချိန် မြင့်တက်လာမှုကြောင့် ပူပြင်းခြောက်သွေ့သော ရာသီဥတုနှင့် မိုးခေါင်ရေရှားမှု၊ တောမီးလောင်မှုတို့ ဖြစ်ပွားရာ  ထိုအထဲတွင်  သြစတြေးလျနိုင်ငံက အဆိုးရွားဆုံး ခံစားခဲ့ရသည်။ ၂ဝ၁၉ ခုနှစ် ဇူလိုင်လကတည်းက လောင်ကျွမ်းခဲ့သည့် သြစတြေးလျတောမီးသည် ဒီဇင်ဘာလအထိ မငြိမ်းသေးဘဲ သစ်တောဧကပေါင်း ၄၄ သန်းကို ဖျက်ဆီးခဲ့သည်။

အဆိုပါ တောမီးလောင်မှုကြောင့်  လူပေါင်း၂၈ ဦးသေဆုံးခဲ့ကာ အိမ်ခြေပေါင်း ၃ဝဝဝဝ ကျော် ပျက်စီးခဲ့ရသည်။ တောရိုင်းတိရစ္ဆာန် တစ်ဘီလီယံကျော်လည်း မီးဘေးသင့်ခံခဲ့ရကာ  သန်းချီသည့်တိရစ္ဆာန်များလည်း သေဆုံးခဲ့ရသည်။  အဆိုပါ တောမီးလောင်မှုသည် သြစတြေးလျ နိုင်ငံသမိုင်းတွင် အဆိုးရွားဆုံးတော မီးလောင်မှု စာရင်းဝင်ခဲ့ပြီး   ဆယ်စုနှစ်များအတွင်း   အပူပြင်းဆုံးနှစ် အဖြစ်လည်း မှတ်တမ်းဝင်ခဲ့သည်။

တစ်ချိန်က  သြစတြေးလျဆိုသည်မှာ အပူချိန် အနုတ် ၃ ဒီဂရီဆဲလ်စီးရပ်စ်၊ ၄ ဒီဂရီဆဲလ်စီးရပ်စ်ရှိခဲ့သော နိုင်ငံဖြစ်ကာ ယခုတော့ အပူချိန် ၄ဝ ဒီဂရီဆဲလ်စီးရပ်စ် အထိပင်  ရောက်ရှိနေပြီဖြစ်သည်။  ထိုပြောင်းလဲမှုများက  ၁၉၆ဝ ပြည့်နှစ်မှ စတင်၍   သိသိသာသာဖြစ်လာခြင်း ဖြစ်သည်။

၁၉၆ဝ ပြည့်နှစ်တွင် အနုတ် ၃ ဒီဂရီဆဲလ်စီးရပ်စ်မှ ၁၉၆၁ ခုနှစ်တွင် အနုတ် ၂ ဒီဂရီဆဲလ်စီးရပ်စ် ဖြစ်လာသည်။ ၁၉၆၂ ခုနှစ်တွင် အနုတ် ၁ ဒီဂရီဆဲလ်စီးရပ်စ် ဖြစ်လာပြီး ၁၉၆၃ ခုနှစ်တွင် အပေါင်းဘက်သို့ စတင်ကူးပြောင်းလာခဲ့သည်။

စိမ်းစိုနေသည့်  သြစတြေးလျမြေပုံမှာလည်း အနီရောင်များ စတင်ပေါ်ထွန်းလာတော့သည်။ ထို့နောက်   အယ်လ်နီညို ရာသီဥတု ရိုက်ခတ်မှု   အပြင်းထန်ဆုံး ခံရသည့် နိုင်ငံအဖြစ် ထပ်မံစာရင်းဝင်လာပြန်ကာ မိုးခေါင်ရေရှားမှုနှင့် တောမီးလောင်မှုတို့က   လက်ရှိ  သြစတြေးလျ၏ ပုံရိပ်ဖြစ်လာသည်။  ထို့ကြောင့်   သမိုင်းကို ပြန်ကြည့်လျှင်  ခေတ်သစ်သြစတြေးလျ ဆိုသည်မှာ လုံခြုံသည့်အိမ်တစ်လုံး မဟုတ်တော့ဟု ပညာရှင်တို့က ဆိုသည်။

သြစတြေးလျ၏ ပူပြင်းခြောက်သွေ့မှုက ခြောက်လအထိ ကြာရှည်လာကာ မိုးရွာ သွန်းမှုမှာလည်း ဆောင်းဝင်မှ  ရွာတတ်သည်အထိ  မိုးခေါင်လာတတ်သည်။  ရွာသည့်မိုးကလည်း မိုးရေချိန်လက်မ တဖြည်းဖြည်းနည်းလာကာ နယူးဆောက်ဝေးလ်ပြည်နယ်ဆိုလျှင် တစ်နှစ်ပတ်လုံးမိုးရေချိန် ၅ လက်မသာရှိသော နေရာတစ်ခုဖြစ်လာတော့သည်။

ထို့ကြောင့် ၂ဝ၁၉  ခုနှစ် တောမီးလောင်မှုက သြစတြေးလျနိုင်ငံရှိ  နယူးဆောက်ဝေးလ်ပြည်နယ်ကို အဆိုးရွားဆုံးဝါး မျိုပစ်ခဲ့ကာ  Blue Mountain  ကဲ့သို့ နေရာများနှင့် ပန်းခြံများလည်း  မီးလောင်ခဲ့သည်။

တစ်နိုင်ငံလုံး အတိုင်းအတာဖြင့်  လောင်ကျွမ်းသည့် တောမီးကြောင့် သြစတြေးလျ နိုင်ငံရှိ ပြည်နယ်များ   အရေးပေါ်အခြေအနေ ကြေညာခဲ့ရကာ     မဲလ်ဘုန်းနှင့်မြို့တော်ဆစ်ဒနီအထိ  မီးခိုးများ ရောက်ခဲ့သည်။

ဆစ်ဒနီ၏ လေထုညစ်ညမ်းမှုမှာ ထိုအချိန်က  အန္တရာယ်ရှိသည့် အဆင့်ထက် သုံးဆအထိ မြင့်တက်ခဲ့ကာ ကမ်းခြေများမှာလည်း မြူများဖြင့် အုံ့ဆိုင်းနေခဲ့သည်။ သြစတြေးလျအစိုးရက သမိုင်းတွင် အဆိုးရွားဆုံး အရာများအဖြစ် မှတ်တမ်းတင်ထားခဲ့ကာ ၂ဝ၁၉ ခုနှစ် ရာသီဥတုဖြစ်စဉ်ကြောင့် ၂ဝ၂ဝ  ပြည့်နှစ်တွင် အပူချိန် ၁ ဒီဂရီ ဆဲလ်စီးရပ်စ်အထိ ထပ်တိုးလာနိုင်ကြောင်းလည်း သတိပေးခဲ့သည်။

၂ဝ၁၉ ခုနှစ်တစ်နှစ်တည်းမှာပင် အဆိုးရွားဆုံး တောမီးလောင်မှု  သုံးခုဖြစ်ခဲ့သောကြောင့်ဖြစ်သည်။ ကမ္ဘာ့အကြီးဆုံး သစ်တောဖြစ်သည့် အမေဇုန်ကလည်း သစ်တောဧကပေါင်း ၁၈ သန်းကျော် မီးလောင်ပျက်စီးခဲ့ကာ   ကယ်လီဖိုးနီးယား တောမီးကလည်း သစ်တောဧကတစ်သိန်းကျော် လောင်ကျွမ်းခဲ့သည်။

သြစတြေးလျ တောမီးမှ    တရားခံကို ရှာကြည့်မည်ဆိုလျှင်  ပူပြင်းခြောက်သွေ့ သောရာသီဥတုကို တွေ့ရမည် ဖြစ်သည်။ ထိုရာသီဥတုကို ဖြစ်အောင် ဖန်တီးနေသည့် သူများက ဖန်လုံအိမ်ဓာတ်ငွေ့များ ပိုတိုးထုတ်လာနေသည့်  လူသားတို့ဖြစ်သည်။ ဖန်လုံအိမ်ဓာတ်ငွေ့ အများဆုံး ထုတ်ပေးသည့်အရာက ရုပ်ကြွင်းလောင်စာစွမ်းအင် စက်ရုံများမှ ဖြစ်သည်။  စွမ်းအင်အတွက် ထိုအရာများကို မစွန့်လွှတ်နိုင်သရွေ့ ဖန်လုံအိမ်ဓာတ်ငွေ့ ထုတ်လွှတ်မှုရှိနေဦးမည် ဖြစ်ကာ ကမ္ဘာကြီးလည်း ဆက်လက်ပူနွေးလာဦးမည်ဖြစ်သည်။

ယခုထက်ပို၍    ပူပြင်းလာဦးမည်ဆိုလျှင် ကမ္ဘာ့အပူချိန်က မကြာမီ ၃ ဒီဂရီ ဆဲလ်စီးရပ်စ်အထိ ရောက်ရှိလာဦးမည် ဖြစ်ကာ  ၂ဝ၁၉ ခုနှစ်ထက် ပိုမိုဆိုးရွားသည့် သဘာဝကပ်ဘေးများ ရောက်ရှိလာဦးမည် ဖြစ်သည်။ ထို့ကြောင့် သိပံ္ပပညာရှင်များက ယခုအချိန်သည် အကောင်းဆုံးကုစားရန် အချိန်ဟု   နှိုးဆော်နေခြင်း ဖြစ်သည်။

အကယ်၍   ယခုအချိန် မကုစားပါက အနာဂတ်မျိုးဆက်များက  အပြစ်တင်ကြမည်ဖြစ်သည်။  သဘာဝ ပတ်ဝန်းကျင် ဆိုသည်မှာ   ရွှေ၊  ငွေတို့နှင့်တိုင်းတာ၍ ရသည့်အရာမဟုတ်။ တန်ဖိုးဖြတ်၍ မရသည့် ရတနာတစ်ပါးဖြစ်သည်။

မကြာသေးမီက သြစတြေးလျ၌ လောင်ကျွမ်းခဲ့သည့် တောမီးအကျယ်အဝန်းမှာ ဘယ်လ်ဂျီယံနှင့်  ဒိန်းမတ်နှစ်နိုင်ငံပေါင်း အကျယ်အဝန်းထက်ပင် ကျော်နေသေးကာ ယခု နောက်ထပ်တောမီး အန္တရာယ်လည်း ရှိနေသေးသည်။ ဗစ်တိုးရီးယားပြည်နယ်၌ မကြာသေးမီကပင် တောမီးများ လောင်နေသေးသည်ဟု  သတင်းများ ထပ်မံထွက်လာခဲ့ပြီး ငါးနာရီအတွင်း တောမီးက  ၁၂  မိုင်အထိ ခရီးရောက်ခဲ့သည်ဟု ဆိုသည်။

ပူပြင်းခြောက်သွေ့သည့်အပြင် လေပြင်းများကပါ တိုက်ခတ်လာသောကြောင့် တောမီးအတွက်   အဓိက အထောက်အကူဖြစ်နေကာ သြစတြေးလျ၌ မတ်လအထိ မီးဘေးအန္တရာယ်     ရှိနေသေးသည်။ 

သြစတြေးလျ၏ ရာသီဥတုအတွက် အဓိက ဖော်ဆောင်ပေးသူက အင်ဒိုနီးရှားနိုင်ငံအစပ် အိန္ဒိယသမုဒ္ဒရာမှ  အာဖရိက ဦးချိုဒေသ     အရှေ့အာဖရိက အထိရှိသည့် ပင်လယ်ပြင်ကြောင့် ဖြစ်သည်။

ယခု  ထိုပင်လယ်ပြင်၏ ပူနွေးလာမှုက သြစတြေးလျကို အဓိက ရိုက်ခတ်မှုပေးပြီး မိုးခေါင်ရေရှားမှုနှင့် ခြောက်သွေ့မှု ဖြစ်ပေါ်စေသည်။ လက်ရှိအချိန်ထိ ထိုပင်လယ်ပြင်၏ အပူချိန်က   မြင့်တက်နေ သေးသောကြောင့် သြစတြေးလျ နိုင်ငံသားတို့ အပူဒဏ်ကို ဆက်လက် ခံစားရဦးမည် ဖြစ်ပါကြောင်း ရေးသား တင်ပြလိုက်ရပါသည်။                      

Ref;CNN

Read 12 times Last modified on Saturday, 15 February 2020 13:51