SJ WorldNews - шаблон joomla Авто

အနီးမှာရှိနေသူတွေရဲ့ အပူချိန်ကိုပါမြင်နိုင်မယ့်မျက်မှန်

Monday, 04 May 2020 10:00 font size decrease font size decrease font size increase font size increase font size

ကမ္ဘာတစ်ဝန်းမှာ ကိုဗစ်-၁၉ ရောဂါကူးစက်ပျံ့နှံ့မှုကို ထိန်းချုပ်နေစဉ် တရုတ်နည်းပညာ ကုမ္ပဏီတစ်ခုက ရောဂါကူးစက်မှုတိုက်ဖျက်ရေးအတွက် အထောက်အကူဖြစ်စေမယ့် ကိရိယာ တစ်ခုကို တီထွင်လိုက်ပါတယ်။

အဲဒီကိရိယာကတော့  လူတိုင်းတပ်ဆင်နိုင်တဲ့ မျက်မှန်ဖြစ်ပြီး ကိုယ့်အနီးအနားမှာရှိတဲ့သူတွေ ရဲ့ ခန္ဓာကိုယ်အပူချိန်တွေကို တိုင်းတာပေးနိုင်ပါတယ်။ ဂိမ်းကစားသူတွေအတွက် ကိရိယာ တွေကို အဓိကထုတ်လုပ်ပေးနေတဲ့ ဟန်ကျိုးမြို့အခြေစိုက် ရိုကစ်ကုမ္ပဏီက သူတို့ရဲ့ နည်းပညာကို ရောဂါကူးစက်မှု တိုက်ဖျက်ရေးမှာ ပါဝင်အသုံးပြုတာဖြစ်ပြီး သီတင်းပတ်နှစ်ပတ် အတွင်း ဖန်တီးထုတ်လုပ်ခဲ့တာပါ။

တီ-၁ လို့အမည်ပေးထားတဲ့ အဲဒီမျက်မှန်အလက်ရေ စုစုပေါင်း ၁ဝဝဝ ခန့်ကို အစိုးရ အဖွဲ့ အစည်းတွေ၊ စက်မှုလုပ်ငန်းတွေနဲ့ ကျောင်းတွေကို ရောင်းချပေးထားနိုင်ပြီး အမှာစာတွေကို လည်း ဆက်လက်ရရှိနေဆဲဖြစ်ပါတယ်။

တီ-၁ ဟာ သုံးမီတာအကွာမှာရှိတဲ့သူရဲ့ အပူချိန်ကို တိုင်းတာပေးနိုင်တဲ့အပြင် ဓာတ်ပုံရိုက် ခြင်းနဲ့ ဗီဒီယိုရိုက်ခြင်းကိုလည်း လုပ်ဆောင်နိုင်တယ်လို့ ရိုကစ်ကုမ္ပဏီဒုတိယဥက္ကဋ္ဌ ရှန်ဝမ်ကြီး ကပြောပါတယ်။

အဲဒီမျက်မှန်ရဲ့ အလုပ်လုပ်ပုံကတော့ အနီအောက်ရောင်ခြည်သုံး အာရုံခံကိရိယာတစ်ခုကို အသုံးပြုပြီး ကင်မရာရဲ့အကူအညီနဲ့ ကိုယ့်အနီးမှာရှိတဲ့သူရဲ့ အပူချိန်ကိုတိုင်းပါတယ်။ ရလာတဲ့ အချက်အလက်တွေကိုတော့ မျက်မှန်ရဲ့ဖန်သားပြင်မှာ ပြန်လည်ပြသတာဖြစ်ပါတယ်။

အခုအချိန်မှာတော့ ဒီမျက်မှန်ဟာ လူတစ်ယောက်ရဲ့ အပူချိန်ကိုပဲတိုင်းတာနိုင်သေးတာ ကြောင့် တစ်ချိန်တည်းမှာ လူအများအပြားရဲ့အပူချိန်ကို တိုင်းတာနိုင်မယ့်အထိ အဆင့်တိုးမြှင့် နေပါတယ်။             

နွေဦး

Read 38 times Last modified on Monday, 04 May 2020 10:04