SJ WorldNews - шаблон joomla Авто

ပန်းခြံတွေမှာ လူစုလူဝေးမဖြစ်စေရေး အသုံးပြုနိုင်တဲ့ စက်ရုပ်

Monday, 11 May 2020 10:33 font size decrease font size decrease font size increase font size increase font size

နိုဗယ်ကိုရိုနာဗိုင်းရပ် ကူးစက်မခံရစေရေးအတွက် အရေးပါတဲ့အချက်တစ်ချက်က လူစုလူဝေးမဖြစ်စေ ရေးဖြစ်ပြီး တစ်ယောက်နဲ့တစ်ယောက် ခပ်ခွာခွာနေခြင်းဖြစ်ပါတယ်။

စင်ကာပူနိုင်ငံမှာတော့ ဒီလို လူစုလူဝေးမဖြစ်စေရေးအတွက် ပန်းခြံမှာ စက်ရုပ်တွေကို အသုံးပြုနေပါပြီ။ အသုံးပြုနေတဲ့ စက်ရုပ်ကတော့ ခြေလေးချောင်းပါ စပေါ့စက်ရုပ်တွေဖြစ်ပြီး ပန်းခြံကိုလာသူတွေအနေနဲ့ လူစုလူဝေးမလုပ်ဖို့နဲ့ တစ်ယောက်နဲ့တစ်ယောက် ခပ်ခွာခွာနေဖို့သတိပေးတာပါ။

စပေါ့စက်ရုပ်တွေက ကြိုတင်အသံသွင်းထားတဲ့ သတင်းစကားတွေကို ပန်းခြံလာသူတွေကြားထဲမှာ မကြာခဏ ထုတ်လွှင့်ပေးတာဖြစ်ပြီး အဲဒီစက်ရုပ်တွေကို သီတင်းပတ်နှစ်ပတ်ကြာ စမ်းသပ်အသုံးပြုသွား မှာဖြစ်ပါတယ်။

စက်ရုပ်တွေမှာ ကင်မရာတွေ တပ်ဆင်ထားပေမယ့် ပန်းခြံလာသူတွေရဲ့ လွတ်လပ်ခွင့်ကို ချိုးဖောက်မှာ မဟုတ်ဘဲ ပန်းခြံထဲလူဝင်မှုနှုန်းကိုသာ စစ်ဆေးသွားမှာဖြစ်တယ်လို့ ပန်းခြံအုပ်ချုပ်ရေးအဖွဲ့ကပြောပါတယ်။

ဒါ့အပြင် စက်ရုပ်တွေကို အဝေးကနေထိန်းချုပ်နိုင်ပြီး တိုက်မိမှုတွေမဖြစ်အောင် အတွက်ကတော့ သူ့မှာပါတဲ့ အာရုံခံကိရိယာကို အသုံးပြုထားတာပါ။ စက်ရုပ်တွေကိုအသုံးပြုရခြင်းရဲ့ အဓိက ရည်ရွယ်ချက်ကတော့ ပန်းခြံထဲမှာ ကင်းလှည့်ရတဲ့ ဝန်ထမ်းအင်အားကို လျှော့ချဖို့အတွက်ဖြစ်ပါတယ်။

ဒါကြောင့် လက်ရှိအချိန်မှာ စက်ရုပ်တွေကိုအသုံးပြုခြင်းဟာ နိုဗယ်ကိုရိုနာဗိုင်းရပ် ကူးစက်ပျံ့နှံ့မှုကို ထိန်းချုပ်ရာမှာ မရှိမဖြစ်အသုံးဝင်လာတာကိုတွေ့ရပါတယ်။

နွေဦး

 

Read 53 times Last modified on Monday, 11 May 2020 10:34