SJ WorldNews - шаблон joomla Авто

နေပြည်တော်၊ လယ်ဝေးမြို့နယ်ရှိ ပရိယတ္တိစာသင်တိုက်များ၊ သာသနာ့နွယ်ဝင် သီလရှင် စာသင်တိုက်များနှင့် ဘိုးဘွားရိပ်သာများသို့ တပ်မတော်(ကြည်း၊ရေ၊လေ) မိသားစုများနှင့် စေတနာရှင် ပြည်သူများက ဆွမ်းဆန်တော်၊ ဆီ၊ ဆား၊ ပဲ၊ ဆေးနှင့် ဆွမ်းပဒေသာပင် အလှူငွေများ လှူဒါန်း

Monday, 09 September 2019 07:35 font size decrease font size decrease font size increase font size increase font size

နေပြည်တော်၊ စက်တင်ဘာ 

နေပြည်တော်၊ လယ်ဝေးမြို့နယ်ရှိ ပရိယတ္တိစာသင်တိုက်များ၊ သာသနာ့နွယ်ဝင် သီလရှင် စာသင်တိုက်များနှင့် ဘိုးဘွားရိပ်သာများသို့ တပ်မတော်(ကြည်း၊ ရေ၊ လေ) မိသားစုများနှင့် စေတနာရှင် ပြည်သူများက ဆွမ်းဆန်တော်၊ ဆီ၊ ဆား၊ ပဲ၊ ဆေးနှင့် ဆွမ်းပဒေသာပင် အလှူငွေများ လှူဒါန်းပွဲကို ယနေ့မွန်းလွဲပိုင်းတွင် လယ်ဝေးမြို့ရှိ ပေါက်မြိုင် ကျောင်းတိုက်၌ကျင်းပ ပြုလုပ်ရာ ပေါက်မြိုင် ကျောင်းတိုက် ဦးစီးပဓာန နာယက အဘိဓဇမဟာရဋ္ဌဂုရု ဘဒ္ဒန္တဇနိန္ဒနှင့် သံဃာတော်များ တက်ရောက် ချီးမြှင့် တော်မူကြသည်။

အဆိုပါလှူဒါန်းပွဲသို့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့်ဇနီး ဒေါ်ကြူကြူလှ၊ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်းနှင့် ဇနီး ဒေါ်သန်းသန်းနွယ်၊ ပြည်ထောင်စု ၀န်ကြီးများဖြစ်ကြသည့် ဒုတိယဗိုလ်ချုပ်ကြီး စိန်ဝင်းနှင့်ဇနီး၊ ဒုတိယ ဗိုလ်ချုပ်ကြီး ရဲအောင်နှင့်ဇနီး၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မြထွန်းဦးနှင့်ဇနီး၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး တင်အောင်စန်း၊ ကာကွယ်ရေးဦးစီးချုပ်(လေ) ဗိုလ်ချုပ်ကြီး မောင်မောင်ကျော်နှင့်ဇနီး၊ ကာကွယ်ရေး ဦးစီးချုပ်ရုံး (ကြည်း၊ ရေ၊ လေ)မှ တပ်မတော်အရာရှိကြီးများနှင့် ဇနီးများ၊ နေပြည်တော် တိုင်း စစ်ဌာနချုပ် တိုင်းမှူးနှင့်ဇနီး၊   နေပြည်တော် ကောင်စီဝင်များ၊ ခရိုင်နှင့်မြို့နယ် အဆင့်ဌာနဆိုင်ရာ တာဝန်ရှိသူများ၊  မြန်မာနိုင်ငံ စစ်မှုထမ်းဟောင်းအဖွဲ့မှ တာဝန်ရှိသူ များ၊ စေတနာရှင် အလှူရှင်များ၊ လူမှုရေးအသင်းအဖွဲ့များနှင့် ၀တ်အသင်းအဖွဲ့များ တက်ရောက်ကြသည်။

ဦးစွာ တပ်မတော်ကာကွယ်ရေးဦးစီးချုပ်နှင့် အခမ်းအနား တက်ရောက်လာကြသူများ သည် ပေါက်မြိုင်တောရ ကျောင်းတိုက်ဦးစီးပဓာနနာယက ဆရာတော်ကြီးထံမှ ငါးပါး သီလခံယူ ဆောက်တည်ကြပြီး သံဃာတော်များ ရွတ်ပွားချီးမြှင့်တော်မူကြသည့် မေတ္တသုတ် ပရိတ်တရားတော်များကို နာယူကြသည်။ ထို့နောက် တပ်မတော် ကာကွယ်ရေးဦးစီးချုပ်နှင့် ဇနီး ဒေါ်ကြူကြူလှတို့က ပေါက်မြိုင် ဆရာတော်ကြီးထံ လှူဖွယ်ပစ္စည်းများနှင့် တပ်မတော်(ကြည်း၊ ရေ၊ လေ) မိသားစုများမှ လှူဒါန်းသော ဆွမ်းဆန်တော်  ၄၈၂ အိတ်နှင့် ပဲ ၁၄၄၅ ပိဿာအား ဆက်ကပ်လှူဒါန်းသည်။

ယင်းနောက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) နှင့် ဇနီးတို့က တောင်သုံးလုံးဇေတ၀န် ဆရာတော် ဘဒ္ဒန္တဝေပုလ္လထံသို့  လှူဖွယ် ပစ္စည်းများနှင့် မြန်မာ့စီးပွားရေး ဦးပိုင်အများနှင့် သက်ဆိုင်သော ကုမ္ပဏီလီမိတက်မှ လှူဒါန်းသည့် ဆီ ၁၁၄ ပိဿာ ၅၀ ကျပ်သားနှင့် ဆား ၁၄၄၅ ပိဿာအား လည်းကောင်း၊ ပြည်ထောင်စု ၀န်ကြီးများ၊ တပ်မတော်အရာရှိကြီးများနှင့် အလှူရှင် များက သံဃာတော်များအားလည်းကောင်း၊ တပ်မတော်ကာကွယ်ရေးဦးစီးချုပ်၏ဇနီး၊ ဒုတိယ တပ်မတော်ကာကွယ်ရေးဦးစီးချုပ်၏ ဇနီးနှင့်အဖွဲ့ဝင်များက သီလရှင်ဆရာကြီး များအား လည်းကောင်း လှူဖွယ်ပစ္စည်းများ အသီးသီး ဆက်ကပ် လှူဒါန်းကြသည်။

၎င်းနောက် ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မြထွန်းဦးက တပ်မတော် (ကြည်း၊ ရေ၊ လေ) မိသားစုများမှ လှူဒါန်းသည့် ဆွမ်းပဒေသာပင် အလှူငွေများအားလည်းကောင်း၊ အလှူရှင်များက လှူဒါန်းသည့် ဆွမ်းပဒေသာပင် အလှူငွေများအားလည်းကောင်း အသီးသီးလှူဒါန်းကြရာ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က လက်ခံရယူပြီး ဂုဏ်ပြုမှတ်တမ်းလွှာများ ပြန်လည် ပေးအပ်သည်။ ယင်းနောက် အလှူရှင်များက ဆက်လက်၍ အလှူငွေများ အသီးသီး ပေးအပ်လှူဒါန်းကြရာ ဒုတိယတပ်မတော် ကာကွယ်ရေးဦးစီးချုပ် ကာကွယ် ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းနှင့် ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မြထွန်းဦးတို့က လက်ခံရယူပြီး ဂုဏ်ပြုမှတ်တမ်းလွှာများ ပြန်လည် ပေးအပ်သည်။

ထို့နောက် တပ်မတော်(ကြည်း၊ ရေ၊ လေ)မိသားစုများနှင့် အလှူရှင်များက ဆွမ်းဆန် တော်၊ ဆီ၊ ဆား၊ ပဲ၊ ဆေးနှင့် ဆွမ်းပဒေသာပင် အလှူငွေများ ပေးအပ်လှူဒါန်းရခြင်း၏ ရည်ရွယ်ချက်နှင့် ပတ်သက်ပြီး စစ်ရေးချုပ် ဒုတိယဗိုလ်ချုပ်ကြီး မျိုးဇော်သိန်းက လျှောက်ထားတင်ပြသည်။ ယင်းနောက် တပ်မတော်ကာကွယ်ရေးဦးစီးချုပ်နှင့် တက် ရောက်လာကြသူများက ပေါက်မြိုင်ဆရာတော်ကြီးထံမှ  အနုမောဒနာတရားနာယူ၍ လှူဒါန်းမှု အစုစု အတွက်ရေစက်သွန်းချ အမျှပေးဝေကြသည်။

တပ်မတော်(ကြည်း၊ ရေ၊ လေ) မိသားစုများနှင့် စေတနာရှင်ပြည်သူများ စုပေါင်း၍ ဆွမ်းဆန်တော်၊ ဆီ၊ ဆား၊ ပဲ၊ ဆေးနှင့် ဆွမ်းပဒေသာပင် အလှူငွေများ ပေးအပ်လှူဒါန်း ခြင်းများကို ၁၉၉၆ ခုနှစ်ကပင် စတင်ပြုလုပ်ခဲ့ပြီး ပြည်ထောင်စုနယ်မြေ နေပြည်တော်၊ ပျဉ်းမနားမြို့နယ်၊ တပ်ကုန်းမြို့နယ်နှင့် လယ်ဝေးမြို့နယ်များ အပါအ၀င် မြို့နယ်(၈) မြို့နယ်အတွင်းရှိ ပရိယတ္တိစာသင်တိုက်များ၊ သာသနာ့နွယ်ဝင်သီလရှင် စာသင်တိုက် များနှင့် ဘိုးဘွားရိပ်သာများသို့ ၂၀၀၆ ခုနှစ်မှစတင်၍ လှူဒါန်းလျက်ရှိကာ ယနေ့ ကျင်းပပြုလုပ်သည့် လှူဒါန်းမှုအစုစုမှာ ဆွမ်းပဒေသာပင် အလှူငွေ ၁၁၈၅၂၀၀၀ ကျပ်၊ ဆန် ၅၂၅ အိတ်၊ ဆီ ၁၁၄ ပိဿာ ၅၀ ကျပ်သား၊ ပဲ ၁၄၄၅ ပိဿာ၊ ဆား ၁၄၄၅ ပိဿာ၊ ငရုပ်သီးမှုန့်မျိုးစုံ ၃၀၀၀ ထုပ်၊နနွင်းမှုန့် ၁၀၀၀ ထုပ်၊ မဆလာ ၁၀၀၀ ထုပ်၊ ငါးပိထောင်း ၅၀၀ ဘူး၊ ဆေးမျိုးစုံ ၅၀၀၀ ဘူး၊ ၃၆၀ ထုပ်နှင့် လှူဖွယ်ပစ္စည်းများအား လှူဒါန်းခဲ့ကြောင်းသတင်းရရှိသည်။

 

 

 

 

 

 

                       

       

 

Read 114 times Last modified on Monday, 09 September 2019 07:59