SJ WorldNews - шаблон joomla Авто

တပ်မတော်သည် ပြည်သူကြားမှ ပေါက်ဖွားလာပြီး ပြည်သူများ၏ အစိတ်အပိုင်း တစ်ရပ်ဖြစ်သဖြင့် မိမိတပ်ကို ကောင်းအောင်ဆောင်ရွက်ရန် လိုသည့်အပြင် မိမိနိုင်ငံတော် တိုးတက် ကောင်းမွန်ရေး အတွက် တစ်ဦးချင်း အသိစိတ်ဖြင့် နေထိုင်ကျင့်ကြံ ဆောင်ရွက်ရမည်ဖြစ်

Tuesday, 10 September 2019 21:35 font size decrease font size decrease font size increase font size increase font size

နေပြည်တော်၊ စက်တင်ဘာ - ၁၀

တပ်မတော်သည် ပြည်သူကြားမှပေါက်ဖွားလာပြီး ပြည်သူများ၏ အစိတ်အပိုင်း တစ်ရပ်ဖြစ်သဖြင့် မိမိတပ်ကို ကောင်းအောင် ဆောင်ရွက်ရန် လိုသည့်အပြင် မိမိနိုင်ငံတော် တိုးတက်ကောင်းမွန်ရေး အတွက် တစ်ဦးချင်း အသိစိတ်ဖြင့် နေထိုင်ကျင့်ကြံဆောင်ရွက်ရမည့် ကိုယ်စီတာဝန်ရှိကြောင်း၊ တိုင်းပြည်တိုးတက်ပြီး တည်ငြိမ်အေးချမ်းရန်အတွက် နိုင်ငံရေးအရ တည်ငြိမ်အေးချမ်းရန်နှင့် လုံခြုံရေးအရ တည်ငြိမ်အေးချမ်းရန်လိုကြောင်း၊ လုံခြုံရေးနှင့် တရားဥပဒေစိုးမိုးမှု မရှိပါက လူမှုစီးပွား ဘဝဖွံ့ဖြိုးတိုးတက်မှုကို နှောင့်နှေးကြန့်ကြာ စေမည်ဖြစ်ကြောင်းဖြင့် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က အလယ်ပိုင်းတိုင်း စစ်ဌာနချုပ်၊ မန္တလေးတပ်နယ်ရှိ အရာရှိ၊ စစ်သည်၊ မိသားစုများအား ယနေနံနက်ပိုင်းတွင် တိုင်းစစ်ဌာနချုပ်၊ ရန်အောင်မြင်ခန်းမ၌ တွေ့ဆုံ အမှာစကား ပြောကြားစဉ် ထည့်သွင်းပြောကြားသည်။

အဆိုပါတွေ့ဆုံပွဲသို့ တပ်မတော်ကာကွယ်ရေး ဦးစီးချုပ်၏ဇနီး ဒေါ်ကြူကြူလှ၊ ကာကွယ်ရေး ဦးစီးချုပ် (ရေ)ဗိုလ်ချုပ်ကြီး တင်အောင်စန်း၊ ကာကွယ်ရေး ဦးစီးချုပ်(လေ) ဗိုလ်ချုပ်ကြီး မောင်မောင်ကျော်နှင့် ဇနီး၊ ကာကွယ်ရေး ဦးစီးချုပ်ရုံး(ကြည်း)မှ တပ်မတော် အရာရှိကြီးများ၊ အလယ်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် ကျော်စွာလင်းနှင့်ဇနီး၊ မန္တလေးတပ်နယ်မှ အရာရှိ၊ စစ်သည်၊ မိသားစုများ တက်ရောက်ကြသည်။

 

တပ်မတော်ကာကွယ်ရေးဦးစီးချုပ်က အမှာစကားပြောကြားရာတွင် မည်သည့် အဖွဲ့အစည်းတွင်မဆို ခေါင်းဆောင်မှု အခန်းကဏ္ဍသည် အရေးကြီးသည့်အတွက် မိမိဦးဆောင်ရသည့် အဖွဲ့အစည်းမှ ယုံကြည်အားကိုးရပြီး အဖွဲ့အစည်း၏ တိုးတက်ရာတိုးတက်ကြောင်းကို ဆောင်ရွက်နိုင်ရန် အမြဲကြိုးစား နေကြရမည်ဖြစ်ကြောင်း၊  ခေါင်းဆောင်ဟုဆိုရာတွင် တပ်မတော်၌ ဒုတိယတပ်ကြပ်မှစ၍ တပ်မတော် အကြီးအကဲများအထိ ခေါင်းဆောင်များ ပင်ဖြစ်သည့်အတွက် ခေါင်းဆောင်မှုအရည် အချင်းများ ခေါင်းဆောင်မှု အင်္ဂါရပ်များနှင့် ပြည့်စုံနေရန် မိမိကိုယ်ကို အမြဲလေ့ကျင့်နေရမည်ဖြစ် ကြောင်း၊ မိသားစုတစ်စုတွင် ဦးစီးဦးဆောင်ရသည့် အိမ်ထောင်ဦးစီးသည် အရေးကြီးပြီး  မိသားစု အတွက် ဂုဏ်ယူရသည့် အိမ်ထောင်ဦးစီးဖြစ်သကဲ့သို့ မိမိဦးဆောင်ရသည့် အဖွဲ့အစည်းကိုလည်း ကောင်းမွန်စွာ ခေါင်းဆောင်နိုင်သည့် ခေါင်းဆောင်များဖြစ်ရန် လိုကြောင်း၊ မိမိတစ်ဦးတစ်ယောက်၏ ဆုံးဖြတ်ချက်၊ လုပ်ဆောင်ချက် အမှားများကြောင့် မိမိ အဖွဲ့အစည်းပုံရိပ် ထိခိုက်စေမည့်အပြင် မိမိ၏ မိသားစုဘဝကို ထိခိုက်စေပြီး မိသားစု ယိမ်းယိုင်ပျက်ပြားမှုများ ဖြစ်စေနိုင်သောကြောင့် မိမိ၏ လုပ်ဆောင်ပြုမှု ချက်များအား စဉ်းစားဆုံးဖြတ်ပြီးမှသာ ဆောင်ရွက်ရန် လိုကြောင်း မှာကြားသည်။

 

ဆက်လက်ပြီး စစ်သည်တစ်ဦးတစ်ယောက်တိုင်း မိမိကိုယ်ကို ထိန်းသိမ်း၍ အမှုအခင်းများ မဖြစ်အောင်၊ လူမှုစီးပွားဘဝတိုးတက်အောင် ကြိုးစားလုပ်ဆောင်နေရမည်ဖြစ်ကြောင်း၊ စစ်သည်များ အား တာဝန်ထမ်းဆောင်သည့် နှစ်အလိုက် အဆင့်တိုးမြင့်ပေးလျက်ရှိကြောင်း၊ တစ်ဆင့်မြင့်သော ရာထူးတာဝန်များ ထမ်းဆောင်နိုင်ရန်အတွက် ကြိုးစားအားထုတ်မှု၊ စည်းကမ်းလိုက်နာမှုနှင့် ကျန်းမာရေး ကောင်းမွန်အောင် နေထိုင်မှုတို့ အပေါ်မူတည်၍ ရာထူးတိုးမြင့်ရေး ကိစ္စရပ်များတွင်ကွာခြား သွားနိုင်မည်ဖြစ်ကြောင်း၊  မိမိကိုယ်ကို ကောင်းမွန်အောင်နှင့် မိမိဦးဆောင်ရသည့် အဖွဲ့အစည်း ကောင်းမွန်အောင် အမြဲကြိုးစား ဆောင်ရွက်နေရမည်ဖြစ်ပြီး တပ်မတော်တစ်ရပ်လုံး ကောင်းမွန်ရန် အတွက် စစ်သည်တစ်ဦး တစ်ယောက်တိုင်းတွင် တာဝန် ကိုယ်စီရှိကြောင်း မှာကြားသည်။

တပ်မတော်သားများနှင့် မိသားစုဝင်များ၏ သက်သာချောင်ချိရေးနှင့် စားရေးတွင် ပူပန်မှုမရှိစေရေး အတွက် တပ်ပိုင်စိုက်ပျိုးမွေးမြူရေးလုပ်ငန်းများဆောင်ရွက်ပြီး ထွက်ရှိလာသည့် အာဟာရပြည့်ဝသော အသား၊ ငါး၊ ဟင်းသီးဟင်းရွက်၊ ကြက်ဥများအား သက်သာသောဈေးနှုန်းများဖြင့် ရောင်းချ ပေးလျက်ရှိကြောင်း၊ မိမိတို့၏ဝင်ငွေနှင့် ထွက်ငွေအား အသုံးနှင့်အဖြုန်းခွဲခြားပြီး မျှတစွာသုံးစွဲရန် လိုကြောင်း၊ ကျန်းမာရေးသည် လူတိုင်းအတွက် အလွန်အရေးကြီးပြီး ကျန်းမာရေး ကောင်းမွန်မှသာ လူမှုရေး၊ စီးပွားရေး၊ စားဝတ်နေရေး၊ ပညာရေး စသည်တို့ကို အောင်မြင်စွာ ဆောင်ရွက်နိုင်မည်ဖြစ်သဖြင့် ကျန်းမာရေးကောင်းမွန်ရန် အရေးကြီးကြောင်း၊ ကျန်းမာရေး ကောင်းမွန်မှုမရှိပါက မိမိကိုယ်တိုင်နှင့် မိမိအဖွဲ့အစည်း၏ လုပ်ငန်းဆောင်ရွက်မှုများကိုလည်း ထိခိုက် စေနိုင်ကြောင်း၊ ကျန်းမာရေးကို ထိခိုက်စေနိုင်သည့် အသောက်အစား၊ အစားအသောက်၊ အပျော် အပါးလိုက်စားခြင်းများအား တတ်နိုင်သမျှ ရှောင်ကြဉ်ရန်လိုကြောင်းနှင့် မူးယစ်ဆေးဝါးသုံးစွဲမှုများအား လုံးဝရှောင်ကြဉ်ရမည်ဖြစ်ကြောင်း၊ တပ်မတော်အနေဖြင့် မူးယစ်ဆေးဝါး တားဆီးနှိမ်နှင်းရေး ဆိုင်ရာ ကိစ္စရပ်များအား အထူးအလေးထား ဆောင်ရွက်လျက်ရှိပြီး တပ်မတော် တစ်ရပ်လုံး မူးယစ် ဆေးဝါးဖမ်းဆီး ရမိမှုအနေဖြင့်  ၂၀၁၈ ခုနှစ် အတွင်း စုစုပေါင်း ကာလတန်ဖိုးကျပ် ၁၄၇.၅၈ ဘီလီယံခန့်နှင့် ၂၀၁၉ ခုနှစ် ဩဂုတ်လ အထိ ၂၅၁.၇၈ ဘီလီယံခန့် ဖမ်းဆီးရမိခဲ့ကြောင်း၊ တပ်မတော်အတွင်း မူးယစ်ဆေးဝါး သုံးစွဲမှုများ ပျံ့နှံ့မှုမရှိစေရေး အဆင့်အတန်း အားလုံးကိုယ်စီ အသိ စိတ်ဓာတ်ဖြင့် ဝိုင်းဝန်းထိန်းသိမ်း ရမည်ဖြစ်ကြောင်း၊ အသောက်အစား၊ အပျော်အပါးနှင့် မူးယစ်ဆေးဝါး ရှောင်ကြဉ်ထိန်းသိမ်းမှု မရှိခြင်းမှတစ်ဆင့်  အုပ်ချုပ်မှု ကိစ္စရပ်များ ဖြစ်စေနိုင်သဖြင့် မိမိအတွက် အကျိုးမရှိမည့် စားသောက်မှုနှင့် သုံးစွဲမှုများအား ဆင်ခြင်ရန်လိုကြောင်း၊ ရေ၊ မီးသုံးစွဲမှုများကိုလည်း စနစ်တကျနှင့် အလေအလွင့် မရှိအောင် ကိုယ်စီအသိစိတ်ဖြင့် ချွေတာသုံးစွဲရမည် ဖြစ်ကြောင်း မှာကြား သည်။

ထို့နောက် မိမိတို့အနေဖြင့် စာတတ်ရုံဖြင့် မလုံလောက်ဘဲ အသိပညာ၊ အတတ်ပညာပိုင်းအနေဖြင့်  မိမိဘဝတိုးတက်ရေးအတွက် အတတ်ပညာများသာမက အသိပညာများနှင့် တွေးခေါ်မြော်မြင်မှုများ တိုးတက်စေရန် အတွက် သုတ၊ ရသ စာအုပ်၊ စာစောင်များအား ဖတ်ရှုလေ့လာနေရန်လိုကြောင်း၊ ခေါင်းဆောင်ပိုင်းများမှလည်း စာကြည့်တိုက်များကို သေချာစွာ ဖြည့်ဆည်းဆောင်ရွက်ပေး ရမည်ဖြစ်ကြောင်း၊ မိမိတို့၏ အသိပညာတိုးတက်ရေးအပြင် သား၊ သမီးများ၏ ပညာရည်မြင့်မားရေး အတွက်လည်း ကြပ်မတ်ဆောင်ရွက်ရမည်ဖြစ်ပြီး တပ်မတော်မှ စစ်သည်မိသားစုဝင်များ၏ သား၊ သမီးများ ပညာရည်မြင့်မားရေးအတွက် ပညာရည်ချွန်ဆုများ ပေးအပ်ခြင်း၊ ပညာသင် စရိတ်များ ထောက်ပံ့ခြင်း၊ လေ့လာရေးခရီးများ စေလွှတ်ပေးလျက်ရှိသည့်အပြင် ဝေးလံခေါင်းပါးသည့် တပ်များမှ ကျောင်းသား၊ ကျောင်းသူများအား အထက်တန်းကျောင်းများနှင့် တက္ကသိုလ်များရှိသည့် မြို့များ၌ ဘော်ဒါဆောင်များ ဖွင့်လှစ်ဆောင်ရွက်ပေးထားကြောင်း မှာကြားသည်။

ထို့ပြင် စစ်သည်၊ မိသားစုဝင်များအနေဖြင့် စည်းလုံးညီညွတ်စွာဖြင့် နေထိုင်ရမည်ဖြစ်ပြီး ခေါင်းဆောင်ပိုင်းများမှလည်း မိမိဦးစီးဦးဆောင်ပြုရသည့် အဖွဲ့အစည်းကို အမြဲ စည်းလုံးညီညွတ်မှု ရှိအောင် ဆောင်ရွက်နေရမည်ဖြစ်ကြောင်း၊ မိမိအဖွဲ့အစည်းနှင့် တိုင်းပြည် အပေါ်သစ္စာစောင့်သိ ရမည်ဖြစ်ပြီး မိမိကိုယ်ကိုကောင်းအောင်၊ မိမိတို့ တပ်ကောင်း အောင်၊ ထိုမှတစ်ဆင့်နိုင်ငံ ကောင်းအောင် အားလုံးဝိုင်းဝန်းဆောင်ရွက်ကြရန်လိုကြောင်း ဖြင့် မှာကြားသည်။

ယင်းနောက် တပ်မတော်ကာကွယ်ရေးဦးစီးချုပ်က တပ်နယ်မှ အရာရှိ၊ စစ်သည်၊ မိသားစုများအတွက် သုတ၊ ရသ စာအုပ်၊ စာစောင်များကို လည်းကောင်း၊ တပ်မတော်ကာကွယ်ရေး ဦးစီးချုပ်၏ ဇနီး ဒေါ်ကြူကြူလှက တပ်နယ်မိခင်နှင့် ကလေးစောင့်ရှောက် ရေးအသင်းအတွက် ချီးမြှင့်ငွေများကို လည်းကောင်း ပေးအပ်ရာ တိုင်းမှူးနှင့် ဇနီးတို့က လက်ခံရယူကြသည်။

ထို့နောက် ကာကွယ်ရေးဦးစီးချုပ်(ရေ) ဗိုလ်ချုပ်ကြီး တင်အောင်စန်း၊ ကာကွယ်ရေး ဦးစီးချုပ်(လေ) ဗိုလ်ချုပ်ကြီး မောင်မောင်ကျော်နှင့် ကာကွယ်ရေး ဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ညိုစော တို့က တပ်နယ်မှ အရာရှိ၊ စစ်သည်၊ မိသားစုများအတွက် အားကစား ပစ္စည်းများနှင့် စားသောက်ဖွယ်ရာများအား အသီးသီး ပေးအပ်ရာ တာဝန်ရှိသူ များက လက်ခံရယူကြသည်။ ယင်းနောက် တပ်မတော်ကာကွယ်ရေးဦးစီးချုပ်နှင့်ဇနီး၊ အဖွဲ့ဝင်များသည် တပ်နယ်မှ အရာရှိ၊ စစ်သည် မိသားစုများအား ရင်းရင်းနှီးနှီး နှုတ်ဆက်ခဲ့ကြကြောင်း သတင်းရရှိသည်။

 

Read 110 times Last modified on Tuesday, 10 September 2019 21:46