SJ WorldNews - шаблон joomla Авто

ဒုတိယသမ္မတ ဦးမြင့်ဆွေ မြန်မာအမျိုးသား ပြခန်းဆောင်ဖွင့်ပွဲအခမ်းအနား တက်ရောက်ဖွင့်လှစ်

Saturday, 21 September 2019 13:55 font size decrease font size decrease font size increase font size increase font size

နန်နင်း စက်တင်ဘာ ၂ဝ

တရုတ်ပြည်သူ့ သမ္မတနိုင်ငံ  နန်နင်းမြို့၌ ရောက်ရှိနေသော  ဒုတိယသမ္မတ ဦးမြင့်ဆွေသည်  အဖွဲ့ဝင်များနှင့် အတူ  ယနေ့တွင် တရုတ်ပြည်သူ့ သမ္မတနိုင်ငံ နန်နင်းအပြည်ပြည်ဆိုင်ရာ ကွန်ဗင်းရှင်း ဗဟိုဌာန၌ ကျင်းပသည့် မြန်မာအမျိုးသား ပြခန်းဆောင်ဖွင့်ပွဲ အခမ်းအနားသို့ တက်ရောက်၍ ဖဲကြိုးဖြတ် ဖွင့်လှစ်ပေးပြီး ကုန်စည်ပြခန်း ဆောင် အတွင်း လှည့်လည် ကြည့်ရှုသည်။

ဒုတိယ သမ္မတ ဦးမြင့်ဆွေသည် ဒေသစံတော်ချိန် နံနက် ၉ နာရီ မိနစ် ၂ဝ တွင်  မော်တော်ယာဉ် များဖြင့် ချင်းကျိုး (Qinzhou)  မြို့ရှိ Free Trade Port Area Management Committee  ရုံးသို့ရောက်ရှိရာ ချင်းကျိုး မြို့ ဒုတိယမြို့တော်ဝန် နှင့် Mr. Liu Renshan တာဝန်ရှိသူများက ကြိုဆိုနှုတ်ဆက် ကြသည်။

ထို့နောက် ဒုတိယသမ္မတနှင့် အဖွဲ့သည် ချင်းကျိုးမြို့   လွတ်လပ်သော ကုန်သွယ်မှု ဆိပ်ကမ်းဧရိယာ (Free Trade Port Area) ပုံစံငယ်ကို ကြည့်ရှုလေ့လာရာ လွတ်လပ်သော ကုန်သွယ်မှု ဆိပ်ကမ်းဧရိယာ စီမံခန့်ခွဲမှု ကော်မတီ ဒုတိယအကြီးအကဲ  Mr. Huang Shanrongနှင့် လွတ်လပ်သော ကုန်သွယ်မှု ဆိပ်ကမ်းဧရိယာ စီမံခန့်ခွဲမှု ကော်မတီ ရင်းနှီးမြှုပ်နှံမှု မြှင့်တင်ရေးဌာနခွဲမှ ဒုတိယညွှန်ကြားရေးမှူး  Mr. Xu Chaoran တို့က ''ချင်းကျိုးမြို့  လွတ်လပ်သောကုန်သွယ်မှုဆိပ်ကမ်းဧရိယာ'' နှင့် ''လွတ်လပ်သော ကုန်သွယ်မှုစမ်းသပ်ဇုန် (ချင်းကျိုး)'' ဆိုင်ရာ အချက်အလက်များ၊ လက်ရှိလုပ်ငန်း ဆောင်ရွက်နေမှုများ နှင့် ဆက်လက် ဆောင်ရွက် မည့် လုပ်ငန်း အစီအမံများကို ရှင်းလင်း ပြသကြသည်။

ဆက်လက်၍  ဒုတိယသမ္မတနှင့် အဖွဲ့သည်  ချင်းကျိုးကွန်တိန်နာ ဆိပ်ကမ်း ဆိပ်ခံတံတားအမှတ်(၄) သို့ ရောက်ရှိရာ  Beibu Gulf Port Qinzhou Dock Co., Ltd.မှ အထွေထွေမန်နေဂျာ Mr. Zhou Yan နှင့် တာဝန်ရှိသူများက  ချင်းကျိုးကွန်တိန်နာ ဆိပ်ကမ်းဆိုင်ရာ   အချက်အလက်များ၊ ကွန်တိန်နာ ဆိပ်ကမ်း တည် ဆောက် ထားရှိမှု အခြေအနေနှင့် လုပ်ငန်းဆောင်ရွက်နေမှု အခြေအနေများကို ရှင်းလင်း ပြသကြသည်။

ယင်းနောက် ဒုတိယသမ္မတနှင့် အဖွဲ့သည် ချင်းကျိုးကွန်တိန်နာဆိပ်ကမ်းတည်ဆောက်ထားရှိမှုနှင့် လုပ်ငန်းဆောင်ရွက်နေမှုအခြေအနေများကို လှည့်လည်ကြည့်ရှုပြီး တာဝန်ရှိသူများနှင့်အတူ    စုပေါင်းမှတ်တမ်းတင်ဓာတ်ပုံရိုက်သည်။

မွန်းလွဲပိုင်းတွင်  ဒုတိယသမ္မတသည် အဖွဲ့ဝင်များ နှင့်အတူ  မြန်မာအမျိုးသား ပြခန်းဆောင်ဖွင့်ပွဲ အခမ်းအနား ကျင်းပမည့် တရုတ်ပြည်သူ့ သမ္မတနိုင်ငံ နန်နင်းအပြည်ပြည်ဆိုင်ရာ ကွန်ဗင်းရှင်း ဗဟိုဌာနသို့ ရောက်ရှိရာ ကွမ်ရှီးကျွမ့် ကိုယ်ပိုင်အုပ်ချုပ်ခွင့်ရဒေသ ကွန်မြူနစ်ပါတီ အမြဲတမ်း ကော်မတီအဖွဲ့ဝင်နှင့် နိုင်ငံရေးနှင့် ဥပဒေ ရေးရာ ကော်မတီအတွင်းရေးမှူး Mr. Huang Shiyong နှင့် တာဝန်ရှိသူများက ကြိုဆို နှုတ်ဆက်ကြသည်။

ထို့နောက်  ဒုတိယ သမ္မတ ဦးမြင့်ဆွေ၊ ပြည်ထောင်စုဝန်ကြီး ဒေါက်တာသန်းမြင့်နှင့် မကွေးတိုင်းဒေသကြီး အစိုးရ အဖွဲ့ဝင် စီမံကိန်း၊ ဘဏ္ဍာရေးနှင့် စည်ပင်သာယာရေး ဝန်ကြီး ဦးဇော်မင်း တို့က  မြန်မာ အမျိုးသား ပြခန်းဆောင်ကို ဖဲကြိုး ဖြတ်ဖွင့်လှစ်ပေးပြီး ယဉ်ကျေးမှု အကအဖွဲ့၏  ကပြဖျော်ဖြေမှုများကို ကြည့်ရှု အားပေး ကာ စုပေါင်းမှတ်တမ်းတင် ဓာတ်ပုံရိုက်သည်။

ယင်းနောက် ဒုတိယ သမ္မတသည် အဖွဲ့ဝင်များ နှင့်အတူ ယခုနှစ်အတွက် မြန်မာနိုင်ငံ၏ နှစ်လိုဖွယ်ရာမြို့ (City of Charm) အဖြစ် မကွေးမြို့ကို ရွေးချယ်သတ်မှတ်၍ ဖွင့်လှစ် ပြသထားရှိသည့် မြန်မာအမျိုးသား ပြခန်း ဆောင် နှင့်  (၁၆)ကြိမ်မြောက်  တရုတ်-အာဆီယံ ကုန်စည်ပြပွဲတွင် ပါဝင်ပြသသည့် မြန်မာနိုင်ငံ ကိုယ်စားပြု ကုန်စည် ပြခန်းများကို လှည့်လည် ကြည့်ရှုအားပေးသည်။

(၁၆)ကြိမ်မြောက် တရုတ်-အာဆီယံ ကုန်စည်ပြပွဲသို့ မြန်မာနိုင်ငံမှ လုပ်ငန်းရှင် ၆ဝဝ ခန့်တို့က အမေရိကန် ဒေါ်လာ ၁ ဒသမ ၉၃၇ သန်းတန်ဖိုးရှိ   မြန်မာ့ကော်ဖီ နှင့် လက်ဖက်ထွက်ကုန် ပစ္စည်းများ၊   မြန်မာ့လက်မှု ပစ္စည်းများ၊ ကျောက်မျက်နှင့် လက်ဝတ်ရတနာပစ္စည်းများ၊ သစ်အချောထည် ပစ္စည်းများ၊ သစ်သီးဝလံများ၊ မြန်မာ့ တိုင်းရင်းဆေးများ၊   ကြိမ်ပရိဘောဂ ပစ္စည်းများ၊ မြန်မာ့စိုက်ပျိုးရေး ထွက်ကုန်နမူနာများ၊ စားသောက် ကုန် နမူနာပြခန်းများ အပါအဝင် ပြခန်းစုစုပေါင်း ၁၆၉ ခန်း ဖွင့်လှစ်ပြသလျက် ရှိကြောင်း သိရသည်။                 

(သတင်းစဉ်)

Read 69 times Last modified on Saturday, 21 September 2019 15:00